1/عندما تقول لك ( فتاه ) أنها تحبك .. هل تصدقها ؟ ولماذا ؟/وعندما يقول لكى فتى انه يحبك.. هل تصدقية ؟ولماذا؟
أولاً حسب اللى بينا مش واحدة ماشية فى الشارع تقولى بحبك أقولها ايه يعنى لازم يكون فى بينا تبادل شعور وأحاسيس بينا أقوال وأفعال تدل على كده كلمه بحبك بتبان إذا كانت صادقه ولا لاء
2/عندما أقول لك/لكى بأنك كاذبٌ/ه بحبك لي .. كيف تـُـثـبت لي ذلك ؟
للاسف سؤال مش مفهوم تقولى لى انك كاذب أثبت ليك إنى انا كاذب ولا مش كذاب وضح يا عم الحاج ههههههههههههههههههه مش هحل السؤال اللى مش هفهمه يعنى الغلط عندك بقى هههههههههههه
وبعدها بحبك لى مش فاهمها برده
3/ماهو الحب بالنسبة لك أنت/انتى ؟
الحب لا يعرف الخداع والكذب والغش والخيانة أكتفى بهذا القدر على الاجابة على هذا السؤال لانى لو اتكلمت عن الحب مش هيكفى كل صفحات المنتدى كتابة عن اللى انا حاسة
فهل تسألنى عن الحب فأسال الذى يعيش ما هى الحياة
4/ماذا تعني لك كلمة ( أحبك ) من فتاة ؟ وماذا تعني لك من رجل ؟
الحب ليه معانى كتيرة حب بيبقى صداقة او اخوة او حب عاطفى فانت كان لازم توضح اى حب بالظبط
لكن انا حاسس انك تقصد انه حب عاطفى مش هزعل واجاوب
كلمه أحبك اسمع اغنيه جنات كلمه بحبك وانت تعرف هى تعنى ليا ايه
لكن من رجل بتبقى حب أخوى او صداقة او اكثر من اخوات
5/ما الفرق بين الإعجاب والحب بالنسبة لك ؟ وما الفرق بين الحب الكاذب والبغض الملموس ؟
الإعجاب إحساس جميل اوى بس عارف لو اعجاب صادق أول ما تشوفها تلاقيها سحرتك او شدتك ليها من أول نظرة بس للاسف مهظمة بيبقى من طرف واحد لو مقدرتش توصلها اللى فى قلبك
الحب تسالنى عن الحب فاسال الذى يعيش الحياة ما هو الحب بالنسبة له
الحب الكاذب :- للاسف ناس مش بتعرف يعنى ايه حب مفكرة الحب ده مجرد كلمه بيسمعها عشان يرتاح عشان يداوى جرح فى قلبة عشان اتعلم يسمعها من بنت فعايز يوهم نفسه ويفضل عايش قصه حب وخلاص كدب فى كدب
البغض الملموس واللى كتير مش عارف معناه ايه هو اللى بيخلى الطرف التانى بيحمل ليك حقد وكراهية وبغض ونفسه يلحق الاذى بيك
البغض الملموس إحساس صعب اوى
6/هل جعلت في يوم من الأيام كلمة ( أحبك ) وسيلة لك /لكى؟ ( الإجابة بكل صراحة .. ؟.. نعم أو لا )ولماذا؟
لا
لحب وقلوب الناس ليست لعبه سهلة نقدر نلعب بمشاعرهم وأحاسيسهم
7/متى آخر مرة سمعت فيها كلمة أحبك ؟ ومتى آخر مرة لفظت بها ؟ ولمن ؟ ولماذا ؟
سمعتها من حوالى شهرين من انسانه كانت بتحبنى بس انا مش ببادلها نفس الشعور
يعنى حب من طرفها فقط
تقريباً لحد الان لسه ملقتش الانسانه اللى تستاهل
8/ما الفرق في كلمة ( أحبك ) الآن وفي السابق .. بالنسبة لك/ لكى ؟
أحبك هى أجمل كلمه ممكن تعيشك فى احلى دنيا لو خرجت من القلب بس فى السابق
اما دلوقتى مبقتش أحسها
9/ماهي المدة التي تجعلك تحدد متى تقول كلمة ( أحبك ) لمن يستحقها ؟
مش بالمدة بالإحساس الصادق يوم ما أحس إنى فعلاً عايز أقولها بجد هقولها
10/ما هو تأثير العمر على معنى الحب في المراحل ( مراهقة , شباب , بعد الأربعين )
السؤال ده جامد جداً بص يا سيدى
المراهقة سن جميل اوى عارف زى ما لى مميزاته لى عيوبة
عارف لو حسبناها بالعقل
هنلاقى
مميزاته
1 - سن 17 سنه بيبقى عاطفة صادقة
2 - شعور وأحاسيس صادقه
3 - لا يعرف معنى الكذب
4 - لايعرف معنى الغش والخيانه والخداع
5 - بيبقى حب حقيقي بجد
بس للاسف عيوبة صعبة اوى
1 - المشوار طويل اوى قدامة
2 - محتاج شوية جهد وتعب وتفكير وتخطيط
3 - كل ما الفتره بتطول كل ما المشاكل بتزي
د
بالنسبة للشباب فالحب بيبقى خلاص وصل لسنه الطبيعى سن عدى المراهقة سن دخل على الجواز
اتنين بيحبوا بعض لازم يكونو متفاهمين وجاهزين للجواز
بيبقى سن فوق 20 سنه
يعنى فتره الحب مش هتطول عشان مش يحصل مشاكل
بالنسبه للاربعين حب ناضج سؤاء كان بعد تجربة فشلت بالطلاق
او كان مهمل فى نفسه او مسافر بيكون نفسه
وقتها بيجي عشان يحب ويجوز
بس عيوبة انه فى الغالب بياخد واحده اصغر منه 20 سنه وصعب يبقوا متفاهمين اوى
11/ فرق العمر بين الطرفين هل يؤثر على علاقة الحب؟
طبعاً على حسب
مين أصغر ومين أكبر
فالسن بيختلف طبعا
ايام زمان ممكن الفرق يبقى 10 سنين
لكن حاليا بيبقى بيتجاوز 8 بالعافيه
2 او 4 سنين او 6 وهكذا
عشان يبقى فى تفاهم
وفى كلام كتير ده عايز موضوع انشاء الله هعمله كمشكلة عاطفيه زى ما عودتكم
12/أيهما أنجح ,الزواج عن طريق الأهل أو عن معرفة سابقة؟
لو معرفة سابقة وحب صادق ومتفاهمين هيبقى ده انجح
فى نفس الوقت لو مفيش حب
والحب ده جيه عن طريق الأهل ممكن يكمل
بدليل الحب افضل لو جواز تقليدى
وده موضوع كبير برده
اسئلتك كلها جامده ومحتاجه كلام وانا بحاول اختصر
13/هل ممكن ان تحب أكثر من مرة؟
طبعاً فالحياة كلها تجارب
تجارب بنمر بيها بنتجرح وبنجرح
اهم شىء نتعلم
اهم شىء مش نيأس
أهم شىء لو اتجرحنا مره منجيش نقول اول حب ونقف
ممكن نقول ده اول حب كنت لسه بجرب كنت لسه بشوف
ودلوقتى صحيت وفوقت
انا اختارت غلط
لازم المرة الجاية اختار صح
حيتى مش هتقف على اول مرة
لازم يبقى فى تانى وثالث لازم ابص قدامى واعيش
ومش اندم على حب ضاع وميستاهلنيش
14/هل يمكن أن يكره الأنسان الشخص بعد أن أحبه؟
لا طبعا لا يمكن أن يتحول الحب الى كره ممكن تحاولى تنسى الجرح تبعد عنه
لكن كره لا طبعاً
مفيش حد حب بجد يقدر يكره
اللى يقولك انا كرهته يبقى كداب بيقول كده عشان يحس انه مش ضعيف
15/نجاح الحب مستحيل أم ممكن , و كم نسبة نجاحه؟
نجاحه ممكن ومستحيل على حسب الطرفين
الحب صادق ولا لاء فاهمين بعض ولا لاء
متفقين ولا لاء
الفتره هتطول ولا لاء
نسبة نجاحه بعد االلى قولته ده
85 %
16/ أيهما أخلص الشب أم البنت؟
الاخلاص موجود عند البنات والاولاد مفيش فرق بينهم
حسب الشخص نفسه
17/هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
بدون معرفة شكله او صوته صعب عارف ليه
عشان احنا ممكن نحب على النت بجد
لكن احنا بنبنى صورة فى عقلنا للشخص اللى حبيناه
انا متخيل حبيبتى دى ملاك صوتها هتلاقى رائع
شكلها جميل بيضة اوى
عنيها ملونه شعرها اصفر مش عارف ايه
محجبة
لا بتلبس ضيق
فجأة لما تتقابلوا تحس انى اللى كان فى دماغك ده مجرد حلم
بتبتدى تبعد وللاسف البنات قلبها رقيق يبقى حرام من الاول
كان لازم فى اول الحكاية تتكلم وتشوفها وتعرفها عشان تقدر تحكم بعد كده هتكمل ولا لاء
18/ ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟
الخيانة بتبقى من الطرفين بس فى الغالب فى الرجالة طبعاً
الرجل بيتبقى عينه زايغة شوية للاسف
بس مش كلهم والله معظمهم
حتى لو بيحب واحده ملاك احيانا بيحب يبص لبرة ويكلم غيرها وهكذا
ده طبع فى الرجاله اللى بيقدر يغيره بيغيرة بس لما الطرف التانى تساعده وتحسسه انه مش محتاج حاجه وانها الوحيدة اللى فى نظرة
19/ليه الحب فى معظم حالات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟
مش شرط دى ممكن تكون مقوله لكن مش بأومن بيها
بالعكس احيانا الحب بيبدأ بعد الزواج ومش بينتهى
والمشاكل معظمها بعد ما بتتحل بتقربهم من بعض اكتر
لكن فى اغلب الحالات بيبقى الحب بعد الجواز مش مبدأ بيفكروا فى اولادهم ازاى هاكلهم واشربهم واعلمهم والبسهم
فبينسوا نفسهم فى خدمه اولادهم وحياتهم
الجواز مسئولية كبيرة جدا
20/ ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟؟
اللى زى ده محروم من الحب او محتاج للحب بس مش بيقدره
لانه اتعود عليه
والتعود عادة وحشة
لما بتتعود على حاجه عايزها قدامك علطول
اتعودت على كلمه حنينه وكلمه حب عايز تسمعها علطول من اى بنت مش شرط تكون انت بتحب بجد ولا لاء
21/ليه ديما كل لما تجرى ورا الحبيب يجرى منك ولما تجرى منه بيجرى وراك؟؟
مقوله خطأ لا أعتقد بها
لازم يبقى تفاهم بين الاتنين
ده بيبقى تقل من الطرفين
بيتقالوا على بعض
لكن لو فضلوا كده هيفركشوا الحب وهيظلموا بعض
22/لما تحب شخص ممكن تتسائل بينك وبين نفسك .. انا لية بحبه؟
طبعا لازم تسال نفسك السؤال ده واشمعنا ده بالذات
بيبقى فى أسباب كتيره للحب ده
شكرا ليك يا نجم على الاسئلة دى بس بجد تعبتنى