نجوم مصرية
منتديات نجوم مصرية المنتدى العام منتدى الحوار العام ركن البرامج الاعلاميه الخاصة بالمنتدى

تابع نجوم مصرية على أخبار جوجل

تابع نجوم مصرية على تطبيق نبض الإخباري



الحقوا منتدى نجوم بيتسرق من الاخر

 

وانا اتصفح فى المنتديات كعادتى اكتشفت مفاجاه كبرى لم اكن اتخيلها تماما طبعا كلنا نعرف انى ساعات المنتديات بتاخد من بعض فكره مقاله او اخبار وبتنقلها مع تغير الالفاظ او ساعات نفس العنوان مع تغير المقاله حتى بكلمه .

ولكن المفاجاه لما تلاقى منتدى عامل نفس افكار نجوم وبيخطف المقالات وتكتب كما هى انا امبارح كتبت موضوع كاس العالم 2010 رحت المنتدى ده لقيته كما هو لدرجه انى حتى بحب اكتب بالون الازرق هو ناقله كما هو حتى بالون وحجم الكتابه بجد كارثه وشى لا يمكن السكوت عليه وانا مش زعلان عشان موضوعى لا انتوا لما تشوفوا المقالات هتلاقى بعض المواضيع لاعضاء اخرين ده غير نفس التصميم بطريقه عجيبه من الاخر مش هطول عليكم هو ده المنتدى شوفوا بنفسكم http://arabusinessbank.com/vb/index.php

واحب اسئل سوال لعبده باشا هل المنتدى له ترخيص بحقوق النشر يعنى احنا نسمع مواقع كبيره لها حقوق النشر معنى ذلك لو جريده او اى موقع نقلت خبر كما هو يعاقب الاخر ؟




تابع نجوم مصرية على أخبار جوجل

تابع نجوم مصرية على تطبيق نبض الإخباري




المقال "الحقوا منتدى نجوم بيتسرق من الاخر" نشر بواسطة: بتاريخ:
طايشه بس عايشه
بجد لازم عبدو باشا يفهمنا الموضوع


والله حرام عليهم كدا المفروض ده اجتهاد من الشخص ازاى حد يقبل ع نفسه يسرق حاجه مش تعب فيها

حسبى الله ونعم الوكيل
طايشه بس عايشه
مش موضوعك لوحده بتاع احمد عبدو (من كل قلبى ) منسوخ حتى الون الاحمر
أميرة الورد
ممكن تلاقى الموضوع بعدما ينزل هنا فى منتديات كتير
بس الفرق فى دة انو عامل حجات زي منتدانا زي الخبر العاجل وكدة مع تغييير فى الالوان
طايشه بس عايشه
لا يا حنون ادخلى هتلاقى نفس الموضوع بنفس اللون وطريقه الكتابه وكمان شوفى التاريخ بعد موضعنا
الفراشة العاشقة
انا كمان لاحظت حاجات زى كدة فى المنتديات التانية طيب ازاى والله حرام مش ينفع كدة
ناس بتتعب عشان المواضيع دى وناس بتاخدها جاهزة
Hinar
ايه الاستفذاذ ده بس ياريت عبدو باشا يرد علينا بسرعة
أميرة الورد
ايوة مانا شوفت انو واخد بعض من الاقسام هنا بمواضيعها الاقسام الى مش عليها رقابة على الماضيع
والاقسام التانية ومواضيعها سارقهم من منتديات تانية بردو
اجتماعى اخر حاجه
يا جماعه انا مش حكايه موضوعى انا متعود على كده انا بتكلم زى ما كبرياء انثى بتتكلم وتقول ده واخد نفس افكار منتدى نجوم وانا عارف يا نسيت انساك انى فى عده مواضيع مسروقه مش موضوعى بس عشان كده لازم حل سريع
abdobasha
1- مفيش حاجة اسمها واحد ليه حقوق نشر : كل الناس ليها حقوق نشر ان شالله واحد ماشي فالشارع كتب كلمة خلاص الكلمة دي او الجملة بتاعته ليه حقوق مش لازم اطلاقا تكون مؤسسة او جريدة ... حقوق النشر مكفولة لاي كاتب في العالم

2- انا هنا عملت عدة طرق لحماية المقالات المسروقة زي :
http://100fm6.com/vb/showthread.php?t=45168
والموضوع فعال جدا واحنا المنتدى الوحيد اللي فيه حكاية اضافة الرابط عنمد النسخ ، لكن لو واحد حرامي ومصر هتلاقيه بيمسح وعشان اوريك قد ايه دا جاب نتيجة بص ع النتيجة دي :
http://www.google.com.eg/search?hl=&...B5%D8%AF%D8%B1
121 الف واحد نسخوا (ودول بس اللي سابو اللينك... تخيل كم اللي مسحو بقى)

3- دي ضريبة النجاح... وهو الى حد ما لاحظت كثير من المنتديات يطبق ما هو موجود هنا تحديدا وبكل التفاصيل، بس انا مش فاضي اروح لل 121 الف اشتكيهم... وةالموضوع دا تكرر اكثر من مرة ومع كل المنتديات الناجحة

فلا داعي للقلق.. سيظل المنتدى هنا صاحب النتائج الاولى بامر الله لو بحثت عن موضوعك المنقول
اشرف نور
احمد انت مندهش كده ليه اوى ده من زمان وفيه منتديات متخصصين بانهم بيسرقوا كل المواضيع من نجوم اف ام كوبى وبيست

ولما بدخل سيرش جوجل بلاقى اول صفحة دايما 5 منتديات ع الاقل راصين نفس الموضوع بتاعى وبنفس العنوان وكل الكلام كوبى وبيست صريح جدا ..

يا راجل ده لما عملت موضوع صورة براءة بركات وقلت حصريا لمنتدى نجوم اف ام

لاقيت 5 منتديات كاتبين نفس العنوان ونفس محتوى الموضوع كوبى وبيست وكاتبين انه حصريا لمنتداهم هما هههههههه شفت بجاحة اكتر من كده


اللى يغيظ انهم مش بيبتكروا ولا كلمة كوبى وبيست بالصور بكل حاجة ...

عبده قالى ممكن تبلغ الدومين بتاعهم او لو انت الموضوع الاول فى سيرش جوجل يبقى خلاص مش مشكلة
اشرف نور
مش عارف المشاركة اتعادت مرتين ليه تقريبا علشان جبنا سيرنا منتديات تانية ارواحهم حضرت معانا هههه
اجتماعى اخر حاجه
لا يا جماعه مش هنسكت وحتى لو فى مليون منتدى لو كل يوم حاولنا نعلم منتدى درس انه لا يسرق محتويات الاخر هننجح والله واهو يبقى علمناهم شى ايجابى ولنا الرزق عند الله وانتوا لو هتسكتوا انا مش هسكت وهعمل مليون حمله على السرقه دى والى عايز يبقى معايا يتفضل
abdobasha
والله الروح دي يا احمد روح ممتازة احييك عليها
بس الفكرة انا مش فاضي خالص هلاحق على البرامجة ولا مراقبة المواضيع ولا ولا ولا ...
hoba_elprinse
عادي جدا دا شغل rss بينقلوا مواضيع المنتدي بالنص و كل حاجة و دا طبيعي في كل المنتديات

بس غريب اوي انه ناقل حتي الاقسام بنفس الطريقة و كل حاجة

دا شخص غريب
hoba_elprinse
انا عندي فكرة اننا نكتب في نص الموضوع زي فاصلة كدة

نكتب

منتدي نجوم اف ام الغير رسمي

نكتب كدة في نص اي موضوع نكتبه عشان لما ينقلوا الموضوع سواء بتغذية او كوبي بيست علي طول يبقي حقوقنا محفوظة دا رأيي لو عجبتكم الفكرة نزلوا منشور اننا ننفزها في اي موضوع.

شكرا
اشرف نور
فى منتديين معيين يا جماعة هما اللى بيعملوا كده بشكل يغيظ وواحد منهم صاحب المنتدى شخصيا هو اللى بينقل المواضيع كلها بكفاءة نادرة الوجود وتلاقى زوار المنتدى بتاعه عمالين يشكروه ومتشكرين اوى يا فلان على مجهودكم وتعبك وحاجات كده ببقى عاوز اقولهم الراجل ده غشااااااش هههههه ويجمع المشاركات الاضافية فى الموضوع كلها فى مشاركة واحدة واللى يغيظك اكتر انه يسبقك كمان فى سيرش جوجل فتبقى عاوزة تضربه بالنار ... المنتديين دول لو بطلوا يعملوا كده هيتحل جزء كبير اوى من المشكلة
hoba_elprinse
فى منتديين معيين يا جماعة هما اللى بيعملوا بشكل يغيظ وواحد منهم صاحب المنتدى شخصيا هو اللى بينقل المواضيع كلها بكفاءة نادرة الوجود ويجمع المشاركات الاضافية فى الموضوع كلها فى مشاركة واحدة واللى يغيظك اكتر انه يسبقك كمان فى سيرش جوجل فتبقى عاوزة تضربه بالنار ... المنتديين دول لو بطلوا يعملوا كده هيتحل جزء كبير اوى من المشكلة
دي حاجة تفرس يا جدع
اجتماعى اخر حاجه
فكره ممتازه يا هوبا والله اننا نكتب فى الموضوع منتدى نجوم اف ام ياريت الكل يعمل بالفكره دى غير ان شاء الله هتكون فى عده حملات عن السرقه دى وعلى فكره فى منتدى سعودى واحد اتسرق مقالته تخيلوا عمل جروب على الفيس بوك مش عايز اقلكم عدد المشتركين الان والشكوات بخصوص تلك الموضوع وبشكرك يا عبده جدا على التواصل وبشكر كل الاعضاء التى تفاعلت مع تلك الجريمه ومن يعتقد ان حكايه السرقه عاديه دى اكبر غلطه
سامح يسرى مطاوع
وفيها ايه ما النت كله كوبى وبست
واكثر المنتديات بتاخد من بعضها ومفيش منتدى حصرى بكلمه حصرى
ياريت الحماس مايخدناش ولازم نعترف ان مجال النت مفتوح
وزى ماهو بياخد كلنا هنا بناخد من مواقع ومنتديات تانيه
زى حكايه البث المباشر للمباريات مش معقوله القنوات ديه بتاعتنا
وزى الاهداف اليوتيوب مش معقوله احنا اللى مسجلنها
ماحنا كمان وكلنا جميعا بناخد رابط اليوتيوب كوبى وبست واتحدى اى عضو انه يغالطنى
ياريت نقول اللى لينا واللى علينا
moon walker
ايه يا جماعة اللى انا شوفته على المنتدى اللى بيقلدنا دة؟؟؟!!! دة فعلا تهريج, الواحد اه ممكن ينسخ بطريقة معقولة لكن اللى انا شوفته دة تهريج و سذاجة انه ينسخ كل حاجة انا مكنش عارف أفرق بين منتدانا و منتداهم, ايه اللى ممكن احنا نعمله؟؟؟؟
hamedahmed
بصوا ياجماعة
الشجرة المثمرة دائما مايستهدفها الناس
وسيبقى منتدى نجوم اف ام بأمر الله تعالى هو الاول فى نتائج البحث بفضل الله تعالى ثم بفضل مشاركاتنا جميعا والتزامنا بسياسات المنتدى وحرصنا على المصلحة العامة واشكر جميع من تحدثوا بكلمات تعبر عن مدى حبهم لهذا المكان العظيم
moon walker
وفيها ايه ما النت كله كوبى وبست
واكثر المنتديات بتاخد من بعضها ومفيش منتدى حصرى بكلمه حصرى
ياريت الحماس مايخدناش ولازم نعترف ان مجال النت مفتوح
وزى ماهو بياخد كلنا هنا بناخد من مواقع ومنتديات تانيه
زى حكايه البث المباشر للمباريات مش معقوله القنوات ديه بتاعتنا
وزى الاهداف اليوتيوب مش معقوله احنا اللى مسجلنها
ياريت نقول اللى لينا واللى علينا
اوك انا معاك فى دى ان فى نسخ بيحصل بس بطريقة معقولة, لكن مش أجيب منتدى زى نجوم ف.م و أعمل منه نسخة متطابقة فى كل حاجة, دة يبقى اسموا عجز و تهريج, انا عاوز أقترح عليهم انهم كمان ياخدوا اليوسر نيم بتوعنا و بالمرة الباسوورد!!!
hoba_elprinse
فكره ممتازه يا هوبا والله اننا نكتب فى الموضوع منتدى نجوم اف ام ياريت الكل يعمل بالفكره دى غير ان شاء الله هتكون فى عده حملات عن السرقه دى وعلى فكره فى منتدى سعودى واحد اتسرق مقالته تخيلوا عمل جروب على الفيس بوك مش عايز اقلكم عدد المشتركين الان والشكوات بخصوص تلك الموضوع وبشكرك يا عبده جدا على التواصل وبشكر كل الاعضاء التى تفاعلت مع تلك الجريمه ومن يعتقد ان حكايه السرقه عاديه دى اكبر غلطه
مبدئيا انا هنفزها و دي احسن طريقة لحفظ الحقوق و بتعملها المواقع الكبيرة

شكرا
hoba_elprinse
فكرتي الكويس فيها حاجة ان لما ينقلوا المواضيع هيبقا برده جوجل هيفهم انه لينا احنا من الباك لينكس و البيج رانك يعني مهما ينقل مواضيعنا هتفضل فوق في جوجل و اصلا ساعتها هنكون نتمني انه ينقل عشان نكسب باك لينكس اكتر ساعتها و جوجل هيهتم بينا اكتر

تحياتي
اجتماعى اخر حاجه
هههههههههههههههههه حلوه منك يا سامح نقل ايه ده الى بتتكلم عنه انت ممكن تنقل خبر ابو تريكه فى الاهلى كل المنتديات هتنقله ولكن مع الفارق عنوان مختلف تعبر عن المقاله برايك لكن تنقله زى ما هو الموضوع اسف ده فشل والحمد لله لم افعلها ولا مره لانها تعتبر سرقه لدرجه والله لى مواضيع قديمه مش بحطها الان فى نجوم لاحسن يشفها حد ويقول منقوله لكن يا سامح حكايه نقل المباريات وانك تنقل نفس الرابط دى شى ممكن نعديه لان مواقع معينه الى بتعمل كده زى فيديوهات اليوتيوب اعتقد وجهه النظر تكون واضحه بالنسبه لك
اجتماعى اخر حاجه
والله يا هوبا لو وصل الامر انا يكون فى دستور الصحافه المصريه عدم النقل وان من ينقل يعرض للعقاب القانونى سنسعى لذلك وليه لا ياما حصل تعديل للدستور ونقطه زى دى هتكون مفيده لكل الكتاب وتضمن لاى انسان يكتب بكل حريه وان حقه مضمون وفكرتك اكثر من رائعه
اشرف نور
وانا اتصفح فى المنتديات كعادتى اكتشفت مفاجاه كبرى لم اكن اتخيلها تماما طبعا كلنا نعرف انى ساعات المنتديات بتاخد من بعض فكره مقاله او اخبار وبتنقلها مع تغير الالفاظ او ساعات نفس العنوان مع تغير المقاله حتى بكلمه .

ولكن المفاجاه لما تلاقى منتدى عامل نفس افكار نجوم وبيخطف المقالات وتكتب كما هى انا امبارح كتبت موضوع كاس العالم 2010 رحت المنتدى ده لقيته كما هو لدرجه انى حتى بحب اكتب بالون الازرق هو ناقله كما هو حتى بالون وحجم الكتابه بجد كارثه وشى لا يمكن السكوت عليه وانا مش زعلان عشان موضوعى لا انتوا لما تشوفوا المقالات هتلاقى بعض المواضيع لاعضاء اخرين ده غير نفس التصميم بطريقه عجيبه من الاخر مش هطول عليكم هو ده المنتدى شوفوا بنفسكم http://arabusinessbank.com/vb/index.php

واحب اسئل سوال لعبده باشا هل المنتدى له ترخيص بحقوق النشر يعنى احنا نسمع مواقع كبيره لها حقوق النشر معنى ذلك لو جريده او اى موقع نقلت خبر كما هو يعاقب الاخر ؟
طب حد يقوله يغير العنواين اللى حاططها عاجل ويحط موضوع ان منتداه بيتسرق من الاخر هههههه تصدق بالله يعملها بس فيه الخير لسه حاطط موضوعى بتاع الحضرى والجنسية السودانية عبده رفعه من العاجل من شوية هههه ، على فكرة اكيد بعد فترة من النسخ المفترض انى ترتيب منتداه هيتأخر فى جوجل واليسكا
سامح يسرى مطاوع
المبدء ياجماعه واحد مفيش حاجه اسمها نسخ بعقل ونسخ مش بعقل
النسخ واحد والكوبى والبست واحد
مواضيع زى روابط يوتيوب زى روابط بث مباشر
عاوز تمنع الحجات ديه يبقى نطبق الكلام بحذافيره من عدم نقل روابط يوتيوب والبث المباشر
ويكون بافكارنا احنا وفيديوهاتنا احنا
يا ابيض يا اسود
تحياتى للجميع
podoomda
كل ده جمبل و الله الموضوع اول ما فكرت فيه قولت لازم وقفة بس لما فكرت تانى لاقبت ان احنا كده بنعملهم لزمة و اهمبة يا شباب احنا كدة كل ما بندخل عندهم ونزور موقعهم بنعملهم قيم لان ده اول اساسيات ال seo , page rank
احنا كدة بنخلى عدد الزوار ليهم بيزيد وده مش صح لان كدة هنرفع ترتيبهم فى نتائج البحث
يبقى كدة مش بنهجمهم احنا كدة بنشجعهم
المهم ان احنا لازم نشيل اللينك بتعهم من الموضوع ده عشان نمنع عنهم الزوار من موقعنا على الاقل تانى حاجة
انا قريت حاجة عن حقوق الملكية و النشر فى احد المواقع الاجنبية ان شاء الله هحاول ارجعلها و اترجمها و ارجعلكوا بيها ان شاء الله و هتنفعنا بأذن الله فى المحافظة على المواضيع الخاصة بكل الاعضاء خاصة المواضيع من الاعضاء المميزين و الاجتهادات الشخصية لجميع الاعضاء
وان شاء الله اعمل توبك عن الموضوع ده بس يارب ما يتسرقش هو كمان هههههههههه



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
ذكرى عضويتى فى منتدى نجوم مصريه ( نجوم اف ام )
شيف منتدى نجوم اف ام
هام لكل اعضاء منتدي نجوم اف ام

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية