نجوم مصرية
منتديات نجوم مصرية منتدى المدونين واصحاب المواقع منتدى الربح من موقعك منتدى ادسنس

تابع نجوم مصرية على أخبار جوجل

تابع نجوم مصرية على Facebook



اعلانات جوجل ادسنس لا تظهر فى منتديات نجوم اف ام ..... لماذا ؟

 

الاخ الى اتوقف حسابو المشكلة مش من نجوم اف ام المشكلة فى غلط انت عملتو مخالف لسياسة جوجل ادسنس

اما عن الموقع
فالمفروض توصل الرسالة دى لعبدو باشا
ودة الى محصلش

أهلا بك ،
أثناء مراجعة حسابك، لاحظنا أنك تعرض إعلانات Google حاليًا بطريقة لا تتوافق مع سياستنا. على سبيل المثال، وجدنا انتهاكات لسياسات AdSense في صفحات مثل..................................

وكما هو منصوص عليه في سياسات برنامجنا، ليس مسموحًا لناشري AdSense وضع إعلانات Google على مواقع تكون طرفًا في توزيع مواد ذات حقوق طبع ونشر محفوظة.

يرجى إجراء أية تغييرات ضرورية في صفحات الويب الخاصة بك في الـ 72 ساعة القادمة. ونقترح عليك أيضًا أن تأخذ الوقت لمراجعة سياسات برنامجنا على (.................................................) للتأكد من أن كل صفحاتك الأخرى تتوافق و سياسات برنامجنا..

وبمجرد تحديث موقعك، سنكتشف التغييرات آليًا ولن يتأثر عرض الإعلانات. وإذا اخترت عدم إجراء التغييرات في حسابك خلال الأيام الثلاثة القادمة، سيظل حسابك نشطًا ولكن لن يمكنك عرض الإعلانات على الموقع. ومع ذلك، الرجاء ملاحظة أننا قد نقوم بتعطيل حسابك إذا اكتشفنا المزيد من الانتهاكات في المستقبل.

نشكرك على حسن تعاونك.

مع فائق التقدير،

طاقم Google AdSense



على الاقل يعرف المشكلة فين وتتحل بس دة محصلش ولو انتهت المدة المحددة لازم تغيير الدومين للاسف




تابع نجوم مصرية على أخبار جوجل

تابع نجوم مصرية على Facebook




المقال "اعلانات جوجل ادسنس لا تظهر فى منتديات نجوم اف ام ..... لماذا ؟" نشر بواسطة: بتاريخ:
ala4c
حسابات جوجل ادسنس بتاعة الاعضاء ليس لها علاقة بعدم ظهور اعلانات جوجل فى منتديات اف ام
sally9
يا جماعة ممكن مفيش بركة نتيجة وجود هاكات او اغانى

لا حول ولا قوة الا بالله

انا كنت هدخل بقوة
zmzm92
انا اتوقع ان يكون السبب هو فديوهات الاهداف الى ليها حقوق ملكيه مثل دورى ابطال اوروبا او كاس العالم القادمه او غير ذلك
mahmoudmaiz
اولا حساب الباشا اللى اتقفل ملوش اى علاقة بالمنتدى


نجى بقى للمنتدى
حساب عبدو شغال علشان المدونه ظاهر فيها اعلاناته
يبقى المشكله فى المنتدى بس وكمان موقع تغذيات مصر لانهمروبوط طبعا بدومين المنتدى يعنى اى حاجه ليها علاقة بدومين المنتدى مش بيظهر فيها الاعلانات

ودا ليه تفسيرين اما فى مشكله فى هاك مشاركه الارابح معطله ظهور اللاعلاانات مثلا
او فعلا زى الكلام اللى بيتقال الدومين اتحذر ودى بقى مشكله كبير ه اوى


وانا من راى الاخ فرعون انه يروح لفرج جول فى القرية الذكية ويشوف ايه الموضوع لانه حرام اوى كا ده يضيع على الارض دا خراب بيوت ده
zapata
هذا ما توقعته من مدة طويلة ، اعتقد ان ادسنس غيرت من سياسة تعاملها مع العرب ، وهذا ما دفعني للتخلي عن ادسنس تماما ، بسبب شروطه القاسية ، لقد راسلني احد الأعضاء بالأمس وقد اخبرني بان ادسنس اقفلت حسابه بالرغم من أن مدونته غير مخالفة لقوانين ادسنس ولم يطلب من اي احد على اعلاناته ، ماذا ستفعلون مع ادسنس في مثل هذه الحالة ، لنتخيل ان شخصا زار مدونتك واراد على جميع اعلانات ادسنس الموجودة بها ، حب اطلاع سميه كما تشاء ، حتما سيتعرض حسابك الى التوقيف ، ولن تتمكن من فتح حساب آخر الا اذا غيرت اسم المستفيد وحسابك بجوجل ، وحتما ستتعب كثيرا وقد يتعرض حسابك للتوقيف مرة ثانية وثالثة .
هذا هو ادسنس ، لقد فضلت العمل مع شركات اخرى ، ربما قد يتساءل البعض لماذا شركات اخرى ، نعم انه التغيير ، يجب ان نبحث عن البديل .

اتمنى ان تتمكن ادارة المنتدى من اعادة المياه الى مجاريها ، على العموم ان احب هذا المنتدى ، ولن اكتب في منتديات اخرى وهذا ليس من اجل اعلانات ادسنس ، انا ودعت الأدسنس من زمان دون عودة .
ziadarwady
شكرا ليكم علي سرعة الرد بس والله العظيم ما عملت حاجة مخالفة للقوانين بتاعة ادسنس دي لا بدوس علي الاعلانات ولا بطلب من حد يدوسلي الحمد لله علي كل شئ
واتمني التوفيق لمنتدي لنجوم اف ام وانشاء الله شدة وتزول
fr3oon.net
الموضوع شكله كبير جوجل فعلاً بتقفل حسابات كتير وبتشن مراجعات على الجميع المواقع عشان تلاقى اى مخالفة توقف بيها حسابات العرب

بجد انا شايف تعنت واضح جداً فى التعامل معانا كعرب مش كفاية قلة سعر النقرة بالنسبه لضغطات الاجانب

ناس كتير حساباتها اتقفلت وبقول يمكن عندهم مخالفات لكن اللى يغيظ انه كله بيأكد انه مفيش مخالفات عندهم ,, وبتقفل بدون سابق انذار دلوقتى ولا اسباب كمان

بالنسبه لـ zmzm92 وانه بيقول اهداف دوري ابطال اوروبا انا معاك على فكره الاهداف وبث المباريات ده مخالف فعلاً وانا كنت مستغرب ازاى الادارة بتبثها انا اعرف حساب كامل اتقفل بسبب مباراة وتم تحديد المخالفة برابط المباراة

لكن فيه نقطة احنا بنعرض الاهداف من مصدر تانى زي يوتيوب يعنى مجرد فيديو منقول يعنى لو هيعاقبوا يمسحوا الفيديو من اليوتيوب وخلاص والمفروض فى سياسة المنتدى اخلاء مسئولية وانه مجرد بينقل الفيديوهات دى من مواقع اخرى وانه لا يستضيف هذه الفيديوهات على السيرفر الخاص بتاعه

وكل ده واحنا لسه منعرفش ايه السبب وحسابتنا فى خطر للأسف بسبب شركة جوجل ,, احنا فعلاً محتاجين بديل بسبب شروط جوجل العنيفة

والله فيه شركة اسمها شريك اين شركة كويسه واصحابها محترمين وانا استلمت منها اكتر من مره ومنهم مبلغ كبير ولكن ينقصها معلنين فكل فين وفين لما تلاقى اعلانات وتلاقى ارباح جايه وفيه مره الارباح كانت كتير بعتوا قالوا ان المعلن كان دافع بفيزا مش بتاعته والبنك سحب الفلوس تانى ومدفعولناش حاجه
A HA$H
قلة سعر النقرة بالنسبه لضغطات الاجانب
هي مو مسؤولية جوجل هي بسبب المعلنين الكرماء يلي كل ما بدون يعملو إعلان بيحطو أرخص سعر للنقرة

+

لا يوجد منافسة فعلية في إعلانات جوجل بالنسبة للمعلنين

احنا فعلاً محتاجين بديل
بصراحة متت 100 موتة لصار حسابي فوق الـ 50 وما رح أتراجع حتى شوف مصاري بين إيديي

تخيلو يوقفولي حسابي والله بنجلط P:

بس سؤال يطرح نفسه ليش مشاركة أرباح أدسنس ليش مو مشاركة أرباح شركات تانية ؟

لو رح نطر نغير النطاق رح نخسر كتير ليش ما نشوف شركة بدية ونعمل فيها مشاركة أرباح ويفضل تكون متل شركة MyLike بيصيرو الأعضاء بيحطة تحميل وألعاب وأفلام وبرامج مكركة وبياخدو راحتون عالآخر والله هالأشيا بتجيب زوار خير الله وبنفس الوأت منحافظ على الترتيب والسيو وكل شي إنبنى (:
A HA$H
لانه حرام اوى كا ده يضيع على الارض دا خراب بيوت ده
صعب الواحد يجتهد على أساس يصير يجيه وارد محترم يوميا ً وآخر شي يجي عمو أدسنس ويعمل هالعملي يلي عملها

طيب السؤال ليش أدسنس عاقب الكل طيب في عالم ماشية من الحيط للحيط ويا ربي سترك ؟

إزا صار في مخالفة بينحجب كل الدومين إي والله ما بيصير هالحكي
زملكاوى لنهاية العمر
يا جماعة انا حسابى شغال زى ما هو عايزين نعرف فى ايه؟
Dr.Fahmy
يا جماعة انا بناشد الناس انها تتجمع و تطلع علي مكتب جوجل في القرية الذكية مع عبدو باشا المنتدي بقي مصدر رزق لناس كتير انا وصلت ل 6 دولار في اليوم حرام لو مبقوش يجوا تاني لو حملة لكل ناشري الادسنس مع بعض و نعمل مظاهرة قدام مكتب جوجل في القرية الذكية
A HA$H
إن شاء الله بيصير خير ):
fr3oon.net
يا جماعة انا بناشد الناس انها تتجمع و تطلع علي مكتب جوجل في القرية الذكية مع عبدو باشا المنتدي بقي مصدر رزق لناس كتير انا وصلت ل 6 دولار في اليوم حرام لو مبقوش يجوا تاني لو حملة لكل ناشري الادسنس مع بعض و نعمل مظاهرة قدام مكتب جوجل في القرية الذكية
والله يا دكتور احمد انا جيه فى دماغى نعمل كده لو مردوش علينا بالرسايل ,, بجد نروح ونشوف حقنا لأننا لو مردوش وسكتنا عن حقنا يبقى عندهم حق بقى

رغم انى مكسبتش من المنتدى حاجه ولا فارقة معايا بس انا صعبان عليا كل الناس اللى هنا المنتدى بقى فعلاً وظيفة لناس كتير موجوده هنا فى ظل البطاله اللى احنا فيها دى

عشان كده لو هيروح عبد الرحمن وغيره من الناس هروح معاكم ونشوف حقنا اللى راح ده
ala4c
ياجماعة التفكير العلمى هو الحل

جوجل اكيد وجدت فى الموقع شىء مخالف للسياسات بتاعتها ولازم الشىء المخالف ده يتحل

ارجو ان يكون فى القريب ان شاء الله تعالى

واثبات موقف احنا نتضامن مع الادارة فى اى شىء

وربنا يكرمنا ويتحل الموضوع من غير مشاكل
spor
فعلا يا جماعة احنا لازم نعرف الاسباب

التى ادت على وقف الاعلانات

مش عايزين نتصرف بتهور

كل الى عايزينو نفهم الاسباب اية
مثلا
1
2
3
ادو على اختفاء الاعلانات

ولكم جزيل الشكر
ويارب كل شىء يرجع زى مكان
abdobasha
ان شاء الله خير يا عبدو وهى غالبا حظر دومين
مفيش تفسير غير كدا
بس اكيد يا عبدو جوجل بعتتلك تحذير قبل كدا لان البان مش بيجى مفاجىء
ودا غالبا من البلاغات المتكررة من ولاد الحلال لمواضيع بعينها كان يبحثوا عنها بكل دقة داخل الموقع
واعمل احتياطاتك واحجز الدومين دوت نت او احجز دومين جديد مع زيادة اى حرف وابقى استعمل التحويل الدائم 301
وبما ان الموقع له سيو عالى هيرجع بقوة بعد شهر او اقل
لعل وعسى ان ترجع الاعلانات وما نحتجش للقصة دى
دا اقرب كلام للواقع

وبالنسبة لاقتراح اني اذهب للقرية الذكية فدا اقتراح جميل جدا ومجاش على بالي
وبشكر فرعون عليه

انا عن نفسي هنتظر رد جوجل عن سبب الحظر
ولو مردوش في خلال 4 ايام هذهب للفرع بتاع القرية الذكية ان شاء الله
ولو ردو هظبط السبب واطلب اعادة النظر
واذا رفضوا تاني هصلح الخطأ تماما واعمل دومين جديد وعلى راي بلاك ايس ان شاء الله نعود في فترة قصيرة

وبالنسبة لرسائل التحذير
انا جالي رسالة من شهر واربع ايام قبل الحظر بشان وضع الاعلانات تحت الهيدر تاج اللي هو عنوان الموضوع بالبنط العريض فوق

وبعدها غيرت مكان الاعلان

مش عارف ايه ممكن يكو ن السبب !!
Dr! Ahmed
انا جالي رسالة من شهر واربع ايام قبل الحظر بشان وضع الاعلانات تحت الهيدر تاج اللي هو عنوان الموضوع بالبنط العريض فوق

ايوا دية انا كنت فاكرها والارباح من ساعتها نسبة مش زى الاول وكمان انتة ماطلعتش الاعلان فوق h1,h2

انتة كمان طلعتة فى العاجل ووصف المنتدى مااظنش يكون منها
zoomcp
طب لو في حاجة نقدر نعملها قلنا عليها يا عبدو واحنا نساعد
Dr! Ahmed
http://www.google.com.eg/webhp?hl=ar...f4e0e7d8c2e7a9



كمان فى حاجة غريبة الباك لينك واقع ونازل خالص مش عارف لية

طبعا دة ملوش دعوة باعلانات بس حاجة غريبة بردو
mido_vip
أنا دخلت موقع اشوف منه الدومين محظور أو لأ ودى كانت النتيجة وياريت أى حد من الخبراء يعرفوا العيب فى الدومين ولا هاكات الاعلانات

أنا جربت الموقع دا على دومينات شغالة فى ادسنس و دومينات محجوزة وكانت كلها صح

وبالتوفيق دايما لمنتدى نجوم اف ام


سامح يسرى مطاوع
طيب هو المنتدى كان واقع ليه ؟
بعد مارجع تانى الاعلانات اختفت؟
lionhmada
ان شاء الله تتحل المشكلة قريب
fr3oon.net

وبالنسبة لاقتراح اني اذهب للقرية الذكية فدا اقتراح جميل جدا ومجاش على بالي
وبشكر فرعون عليه
العفوا يا عبده صدقنى لو كلنا نحب الخير لبعض هنعدى المحنة اللى احنا فيها
وان شاء الله هتعدى وانا اصلاً مخنوق من ادسنس وتعاملتهم معانا
وربنا يسهل ومش نلجأ لكده ويردوا عليك وتطلب اعادة نظر والموقع يرجع زى ما كان
ربنا يكرم ان شاء الله
fr3oon.net
طيب هو المنتدى كان واقع ليه ؟
بعد مارجع تانى الاعلانات اختفت؟

فعلاً يا سامح الاتنين جم مع بعض المنتدى وقع وبعدين لما رجع مبقاش فيه اعلانات بتظهر
من صدمة الواحد فى اللى حصل مجاش على باله يسأل ايه العلاقة او يفكر ايه علاقة الاتنين ببعض
sh300
الناس اللى بتتكلم عن الباك لينك

الباك لينك نقص لكل المواقع مش هنا بس
mahmoudmaiz
يا جماعة لازم نفكر صح ونشوف احنا اصلا غلطانين ولا لا علشان لما نروح القرية الذكية هناك يبقى احنا فاهمين غلطنا فى ايه وعايزين نطالب باية


سبب الحذر واضح جدا مش عارف ازاى عبدو لسه مش فاهمه لحد دلوقتى
يا جماعة الحذر ده بسبب شكاوى كتيره جدا من المواقع الاجنبية للمنتدى بسبب البث المباشر للماتشات
لاننا وبصفتى انا اكتر واحد كنت بعمل ماتشات وشغال فى القسم ده واللى الحمدلله وصل ارباحى ل 100 دولار فى اليوم من ماتش واحد عارف ان فى مواقع كتير احنا بجد قفلنا عليها لما الناس هنا فى المنتدى بدأت تتجه للماتشات الاجنبى لانها فعلا كنز

واعتقد ان المنتدى اتوقف قبل كده لمدة يوم بسبب شكوى من موقع لبث المباريات اعتقد هو موقع soccerage تقريبا


دا راى الشخصى لان مش سهله على جوجل انها تضيع ناشر مهم جدا ليها زى عبدو وباقى الناشرون هنا فى المنتدى الا لو فى حاجه كبيره يعنى


وجوجل فعلا مش بتعامل العرب زى الاجانب خالص لان الاجانب لو فيه مشكله بتقولهم علطول وهناك دعم سريع بيرد على المشاكل ويقول على السبب لو حد مخالف ولا حاجه
ala4c
ياجماعة الصبر ثم الصبر ثم الصبر

كل شىء له حل

والمشكلة دى هتتحل لما عبده باشا يروح مكتب جوجل ويعرف الخطأ فين ويصلح الخطأ ده

جوجل شروطها صارمة جدااا
spor
يا جماعة لازم نفكر صح ونشوف احنا اصلا غلطانين ولا لا علشان لما نروح القرية الذكية هناك يبقى احنا فاهمين غلطنا فى ايه وعايزين نطالب باية


سبب الحذر واضح جدا مش عارف ازاى عبدو لسه مش فاهمه لحد دلوقتى
يا جماعة الحذر ده بسبب شكاوى كتيره جدا من المواقع الاجنبية للمنتدى بسبب البث المباشر للماتشات
لاننا وبصفتى انا اكتر واحد كنت بعمل ماتشات وشغال فى القسم ده واللى الحمدلله وصل ارباحى ل 100 دولار فى اليوم من ماتش واحد عارف ان فى مواقع كتير احنا بجد قفلنا عليها لما الناس هنا فى المنتدى بدأت تتجه للماتشات الاجنبى لانها فعلا كنز

واعتقد ان المنتدى اتوقف قبل كده لمدة يوم بسبب شكوى من موقع لبث المباريات اعتقد هو موقع soccerage تقريبا


دا راى الشخصى لان مش سهله على جوجل انها تضيع ناشر مهم جدا ليها زى عبدو وباقى الناشرون هنا فى المنتدى الا لو فى حاجه كبيره يعنى


وجوجل فعلا مش بتعامل العرب زى الاجانب خالص لان الاجانب لو فيه مشكله بتقولهم علطول وهناك دعم سريع بيرد على المشاكل ويقول على السبب لو حد مخالف ولا حاجه


معقول يا محمود 100 دولار فى اليوم
بسم الله ما شاء الله
ربنا يزيد ويباركلك

وبالنسبة لحظر الموقع
هو السبب باين وواضح جداً
طبعا زى منتو عارفين ان كاس العالم مش هيتذاع فى التليفزيون المصرى
الا 22 ماتش فقط وطبعا اننا نعرض الماتشات دة يعتبر انتهاك للحقوق
واكيد فى ناس قلوبهم ضعيفة عملو كدة
سواء اجانب او عرب
وممكن تكون جهة رسمية كبيرة
كل المطلوب يا جماعة اننا مش نسكت
اهم حاجة نعرف الاسباب
مش يخفو الاعلانات بدون اسباب
الله يصبرنا جميعا
وان شاء الله تنفك هاذى الغمة
والحمدلله رب العالمين
سبحان الله وبحمدة سبحان الله العظيم
spor
وبردو ياجماعة فى سبب تانى لسة فاكرة دلوقت
عبدو من اسبوعين تقريبا واعتقد حتى الان كان عامل حملة اعلانية فى ادد وردس وكان عامل الاعلان ان منتدى نجوم اف ام بيشارك الارباح وهذا طبعا مخالف جدا

غير كمان كان عاملها بالانجلش وكنت بشوف الاعلان فى مواقع اجنبية كبيرة فاكيد اجانب دخلو على الاعلان واديقو من دة فاكيد بلغو
لان لا يسمح بان تقول منتدايا بيشارك ارباح فى منتيديات اخرى
لكن عبدة عملها اصعب فى ادد وردس ودة اكيد السبب

اتمنى وقف الحملة يا عبدو

بالتوفيق



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
[سؤال هام] : لماذا لا تعرض اعلانات ادسنس علي منتديات MyEgy و برامج نت؟
طلب طريقة وضع اعلانات ادسنس مثل منتديات نجوم مصرية
سؤال الى خبراء ادسنس : جميع اعلانات جوجل ادسنس لاى موقع لا تظهر من جهازى
اجابة السؤال المتوقع : لماذا تظهر اعلانات الخدمة العامة على منتديات نجوم مصري

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية