نجوم مصرية
منتديات نجوم مصرية منتدى التسلية والترفيه منتدى الحب والرومانسية



تابع نجوم مصرية على أخبار جوجل




راكب أتوبيس من المنشية

 

مره وانا في المنشية
طلعت في دماغي اركب عربيه
وفاجئني الجيب بالتفليس

مالقيت ادامي غير الاتوبيس
و عال جرالي فى الأتوبيس
وأنا طالع عند الباب
شوفت الشيخ ويا القسيس
اطمن قلبي وارتاح بالي

قلت اكيد ابليس مش في الاتوبيس
إستبشرت الخيرودخلت
وياريتني ما كنت دخلت
ولا حتى كنت قعدت
بعد شويه
لقيت الدنيا
غير الدنيا
وجوه مخنوقه حر وزحمه
ويقولوا ده مفيش لحمه
خلطه عجيبه
من خلق غريبه
شباب و بنات
رجاله على ستات

وسمعت حاجات ولا في الروايات
راجل يحكي عني اللي مات

والتاني يرد في اللي فات

***
جنبي راجل شكله موظف
اتاريه للمعاشات رايح يستعطف
وآدي ست وعماله تتنشف
عرقانه..زهقانه
قرفانه..وشكلها طهقانه
وخلق خلاص مش حملانه
يارب بعبيدك تتلطف

آه آه
تابع نجوم مصرية على أخبار جوجل


خالي بالك يا سطي
قال
ماتخدش ف بالك وإتقل
آه آه
قلت لحد يكون تعبان
قال راحت أيام زمان
إنهارده لا في خشى
ولا في أمان
مات اللي إختشى
وجه جيل مجنون
الخشى مشي وراح لحاله
وبقينا في زمن اللي
يجيب جون
وال زييي..يا يساير الكون
يا إما يجلس وري الجون
بص كده علي الأتوبيس
تعرف إننا بقينا
في زمن المهاويس
***
وشاب واقف كده جنبي
وعم الكمساري جاي معدي
ياخده زغده
ألاقيه عليا مرمي
يا آخينا حاسب!
ده أنا بأعاتب
بصلي حته دين بصه
وقال ايه
عمال ينفخ ويفش
و لو طالني هايلطش فيا
على ايه أنا معرفش
ماهو أصل الواحد مغلطش
قلت ياريت الواحد
كان خد تاكسي من المنشية
***
لمحت بعيني راجل واقف

بطريقه مزريه
لازق..لاحم فى ظهر بنيه
والبنت اللي فاكرها مظلومه
من أخينا اللي عايز له شومه
اتاري ايديها في جيبه الخبيثه
ولا حد يقول يا مغيث
آدي حالنا الهباب
جوه الاتوبيس كاننا في الدولاب
لا حد اتدخل ولا قال يا بوليس
وكأن النخوه راحت من الأتوبيس
***
وبعد شويه خناقه شغاله
وكلام قبيح وقواله
زاد الهرك والمرك
والحر زودها رزاله
والكمساري
كل ما يهدي الحاله
راجل من هنا وست من هناك
بكلامهم يدو دبابيس
قوموها حريقه في الأتوبيس
نط الشيخ و وراه القسيس
في عز سرعة الأتوبيس
جه في وداني صوت بيهلل
إنت يا سواق يا منيل
ما تركن يا أخويا
إحنا عدينا العجمي
ولا إنت مش شايف يا احول
هوبا
يبقى أنا لازم أنزل
وعارف عشان أتنيل
أنزل
وكأني إبليس عشمان في الجنة
اتاري كان لازم أمسك الأمان
بمحطتين أو تلاته كمان
وادي اللي حصل لي في الأتوبيس
حمدت ربي اني نزلت بأمان

وقلت لنفسي لازم احكيلكم عالي كان






المقال "راكب أتوبيس من المنشية" نشر بواسطة: بتاريخ:
مهينار
آدي حالنا الهباب
جوه الاتوبيس كاننا في الدولاب
لا حد اتدخل ولا قال يا بوليس
وكأن النخوه راحت من الأتوبيس

هو الموضوع دا بجد ؟
بجد كلامك معبر بطريقة فظيعة
تسلم ايدك وحمد لله على السلامة
khaledalex
آدي حالنا الهباب
جوه الاتوبيس كاننا في الدولاب
لا حد اتدخل ولا قال يا بوليس
وكأن النخوه راحت من الأتوبيس

هو الموضوع دا بجد ؟
بجد كلامك معبر بطريقة فظيعة
تسلم ايدك وحمد لله على السلامة


اكيد طبعا بجد ده حاله بنشوفها كل يوم في المواصلات العامه واشهرها الاتوبيس

ومرسيه علي مشاركتك يا مهينار

نورتيني
بنت مفرفشة
وااااااااااااو جميل جدااااااااااااااااا
موضوعك تحفه بجد بجد جميل جدا
والتعبير اتحف
تسلم الايادى
khaledalex
وااااااااااااو جميل جدااااااااااااااااا
موضوعك تحفه بجد بجد جميل جدا
والتعبير اتحف
تسلم الايادى
مرسيه ليكي يا مفرفشه

نورتيني
الطير المسافر
الله عليك عبقرى

تسلم ايدك
khaledalex
الله عليك عبقرى

تسلم ايدك

مرسيه ليك مجاملتك الظريفه


نورتني
اسينات
تسلم ع الموضوع الجميل ده

كلمات جميله وتعبير اجمل

دومت مبدعاااااااااااااااا
khaledalex
تسلم ع الموضوع الجميل ده

كلمات جميله وتعبير اجمل

دومت مبدعاااااااااااااااا


مرسيه ليكي يا اسينات مشاركتك

نورتيني واسعدتيني بكلامك الجميل
ALi_HAFEZ
يسلموووو
بس خليك فى التاكس احسن
ههههههه
khaledalex
يسلموووو
بس خليك فى التاكس احسن
ههههههه


ههههههههه

مرسيه ليك يا علي

بس نعمل ايه بقي الظروف والجيب كان علي وش تفليس

ههههههههههههه

نورتني
ertuio
ربنا يخلي لنا الاتوبيس و المنشية

علشان نسمع قصايدك الجميلة دي
khaledalex
ربنا يخلي لنا الاتوبيس و المنشية

علشان نسمع قصايدك الجميلة دي


الله يخليك يا باشا ده بس من زوقك

الحمد لله انها نالت اعجابكم

نورتني واسعدتني بكلماتك العطره
ZAMAN
ههههههه اشطاط ي خالد فكرتنى ب 710 خنيق موت
K ! N G
لا بصراحه
كلام ولا اروع
بجد كلام جامد جدا و معبر
تسلم الايادى يا حوبى
hema4ever
ههههههههههههههههههه
الصراحه روعه بجد
ملاقيش عندك موضوع عن المايكروباص بالمره
ههههههههههههههههههه
عبير الجنة
ههههههههههههه لأبجد حلوة حلوة جدا صحيح هم يبكى وهم يضحك بس دلوقتى هاضحك مع إنى ما بركبش الأتوبيس بس برده بشوف كل دا فى المواصلات العادية وعجبى تسلم الأيادى ويسلملنا الإبداع
ايات بدر
يا عيني عليك يا خالد.
معلش المضطر يركب الاتوبيس.
تسلم ايدك.بجد جميله
بنت مصرية جدا
الله الله بجد ياخالد انت بجد اسلوبك حلو اوي ومعبر جدا هو دة حالنا هنعمل اية مضطرين نستحمل ونسكت
غرام ندى
طبعا غلطان مكنش لازم تركب الاتوبيس هههههههههههه
الطريقة دى راااااااااااااااائعه لانى بعش طريقة الزجل الشعبى اوى وده لانه نتعبر عن الموضوع كانك عايش فيه فكرتنى بمحمد طه واللى زى
مشكووووووووور على الموضوع الجميل والابداع الاجمل
khaledalex
ههههههه اشطاط ي خالد فكرتنى ب 710 خنيق موت
مرسيه ليك نورتني

مع اني والله مش فاهم تقصد ايه

ب 710 خنيق موت
khaledalex
ههههههههههههههههههه
الصراحه روعه بجد
ملاقيش عندك موضوع عن المايكروباص بالمره
ههههههههههههههههههه



ههههههههههه

ماشي يا عم هيما

ان شاء الله الخطه الجايه هاعملك موضوع عنه

نورتني
khaledalex
ههههههههههههه لأبجد حلوة حلوة جدا صحيح هم يبكى وهم يضحك بس دلوقتى هاضحك مع إنى ما بركبش الأتوبيس بس برده بشوف كل دا فى المواصلات العادية وعجبى تسلم الأيادى ويسلملنا الإبداع


هههههههه

مرسيه يا عبير مرورك الكريم

نورتيني
khaledalex
يا عيني عليك يا خالد.
معلش المضطر يركب الاتوبيس.
تسلم ايدك.بجد جميله
الله الله بجد ياخالد انت بجد اسلوبك حلو اوي ومعبر جدا هو دة حالنا هنعمل اية مضطرين نستحمل ونسكت
طبعا غلطان مكنش لازم تركب الاتوبيس هههههههههههه
الطريقة دى راااااااااااااااائعه لانى بعش طريقة الزجل الشعبى اوى وده لانه نتعبر عن الموضوع كانك عايش فيه فكرتنى بمحمد طه واللى زى
مشكووووووووور على الموضوع الجميل والابداع الاجمل


انا مش عارف بصراحه اقولكم ايه

بس بجد ردودكم وكلامك الجميل اسعدني

وبجد نورتوني
سجده
موضوع جميل

احمد ربنا ان لقيت اتوبيس اصلا
دي مصر كل ماده بتتقدم هههههه
khaledalex
موضوع جميل

احمد ربنا ان لقيت اتوبيس اصلا
دي مصر كل ماده بتتقدم هههههه



هههههههههههه

مرسيه ليكي يا سجده

نورتيني
daring eyes
ههههههههههههههههههههه

بجد كلام جااااااامد وفعلا بيعبر عن حاله الشارع المصرى

انت كنت ختها كعابى احسن والله

تقبل مرورى وتحياتى ع ابداعك بالطريقه السهله المعبره دى
the god father
طويب ممكن تقولي 615 بيروح فين
تقبل مروري ياباشا
الجرح من نصيبى
بس انا هقوللك حاجة بلها تاكس اوحتى اتوبيس
مالواااااااااا التقدوق احسن
اكيد دا تهيص ههههههههههههههههههههه
بس عسسسسل
معقولة فى كدة متميز فى كلامكككككككككككككك انت
تقبلنى بالمرورررررر
reallove87
تسلم إيديك يا كبير...

دايما مبدع...



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
ضبط خمسة أقلام تجسس مع راكب راكب مصرى بمطار القاهرة الدولى

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية