نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



تابع نجوم مصرية على أخبار جوجل




اجمل قصة حب رومانسيه .... حلقات متجدده وحصرية ....( الجزء الأول )

 

يا عينى يا كابو
طب ما كنت دبست سفير
فى بنت عمك ديه وخلاص
مستنيه الحلقه الجايه
تسلم الايادى يا محمد






المقال "اجمل قصة حب رومانسيه .... حلقات متجدده وحصرية ....( الجزء الأول )" نشر بواسطة: بتاريخ:
فلسفة رجل
يسلموااااااااااا
سفير الاحترام
الحلقه 12 والاخيره
و
المفااااااااااااااااااااااجأة


كلنا طبعااا عاوزين نعرف اى هى المفأحاة واى هو اللى حصل بعد ما كابو دخل القاعة

نخوش على طول
وبدون مقدمات




دخل كابو القاعة واول ما دخل وقعت عينه على اميره نبض قلبه واللى ما اتمناش حد فى الدنيا غيرها ... لابسة فستان الفرح
كانت ذى البدر ليلة 14
مافيش اتنين يختلفوا على جمالها
كل الناس قاعدة وفرحانة
الا قلبين
كابو ....... اميره

دخل كابو وكانت فى نيته يعمل حاجات كتير اوى
بس ما كنش متصور انه اول ما هيخش عينه ها تقع عليها
خاف انها تشوفه ... استخبى وفى عينه الف دمعة والف سؤال ؟؟
طول عمره بيحلم بيوم ذى ده
يوم ما يقعد جمب اميره فى الكوشة
والناس فرحانة
كان دايما شايف نفسه جمبها فى بدلة الفرح
وهى بفستانها الابيض
اتكلموا مع بعض عن اليوم ده كتير
وقد ايه هما الاتنين استنوه
بس اللى عمرهم ما اتوقعوا ان
كابو ما يبقاش جمب اميره
......
افتكر كابو كل كلمة قالتهاله اميره
افتكر كل لحظة كانت معاه فيها
افتكر اول يوم شافها.......افتكر يوم ما خطفت قلبه
افتكر يوم ما قالتله بحبك
يااااااااااااا
حاجات كتير اوى كانت جواه
وجواه حاجات كتير نفسه يعملها
عاوز يهد الدنيا عاوز يخطف اميره ويطير بيها على فرسه الابيض ذى ما كان بيقرا فى الرويات
بس مش دايما الحقيقة بتنتهى بالنهايات السعيدة
ذى روياته ....
بس ما اقدرش يعمل غير حاجة واحدة وبس
ان عنيه تدمع على فراق حبيبته
وعلى امله فى انها ترجعله
بكى كابو كتير اوى وهو واقف مكانه
من غير ما يقدر يتحرك
وكأن رجله اتسمرت فى الارض
صحابوه شافوه ما صدقوش ان هو ده كابو صاحبهم
اللى الضحكة ما كنتش بتفارق شفايفه
معقول الحب يعمل فيه كدااا!!!
ااااه
لانه بيحب بجد
لان قلبه فى يوم ذى ده كان بيتخلع من جواه
ما اقدرش كابو انه يكمل
اخدوه صحابوه وطلعوا برة
حصلتله حالة ذى الهيستريا
انتهت بانه فتح عينه لقى نفسه على سريره
ودموعه لسة فى عنيه
ومش هو لوحده
ديه دموع كل اللى حوليه
فى اللحظة ديه عرف كابو ان حياته خلاص انتهت وما بقاش ليها لزمة
ها يعيش ازاى وهو كان عايش ليها
بيتنفس ليها
بيحلم بيها
عاشق كل مافيها
قرر كابو انه يبعد
وذى ما بيقوله لو ليه نصيب فيها
هتكون له مهما حصل
قعد كابو طول الليل
حزين ... بيفكر فيها
طب هى ايه شعورها دلوقتى
حاسة ب ايه ؟؟
زعلانة اد ما انا زعلان
ولا خلاص استسلمت للدنيا
وسلمت امرها وقلبها لواحد تانى
خلاص نست كل اللى ما بينهم
نسيت كلمة بحبك اللى قالتهاله وهو حس بيها
نسيت كل الكلام اللى اتقال
نسيت هو عمل قد اى عشان يوصلها
وكل ده
راااااااااااح

................................

ولا هى كمان اتظلمت فى الدنيا ذى ما انا اتظلمت
يمكن تكون هى كمان اتظلمت اكتر منى
يعنى مش كفاية انها تسيب حبيبها
لا وكمان ها تكمل حياتها مع واحد مش بتحبه ...
عاش كابو وما عندهوش غير املين
انها تكون مكتوباله وترجله تانى
او انه يحاول ينساه..........


..................

عرف انها خلاص اتجوزت
ما اقدرش كابو انه يعمل حاجة غير انه يسلم امره لربه
ويدعلها من كل قلبه
يااااااا رب
اسعدها فى حياتها ...
ويارب الانسان ده يحبها ويخاف عليها ويسعدها اكتر منى
وتفوووووووت الايام على كابو
وتعدى سنين من عمره
وهو لسة ذى ما هو
يمكن يكون قدر ينساها
بس لسة الذكريات جواه فى قلبه
كمل حياته بدون حب
مستنى يلاقى حب جديد يكمل بيه عمره اللى فاضل
من غير ما يشوف اميره


وفى يوم كان ماشى كابو
وحس ان الدنيا كلها وقفت فى لحظة ومش قادرة تمر
الزمن من حواليه كله واقف فى مكانه
افتكر كل سنين حياته فى لحظة واحدة
لحظة ما وقعت عينه على اميره
يااااااااااا
بعد السنين ديه كلها يرجع يشوف اميره
وكأن القدر مش سايبه فى حالها
بعد ما داوه جراحه
يرجع القدر من تانى يجرحه
شايف اميره قدامه
ذى ما هى لسة ما اتغيرتش
ما اتغيرش فيها غير حاجة واحدة بس ....
انها بقت أم...
يااااااا
كانت صعبة اوى على كابو انه يشوف اميره فى موقف ذى ده
شايله بنتها على ايديها
معقول ديه اميره اللى كنت بحلم انا وهى
ورسمنا حياتنا
ومستقبلنا سوا
وما فكرناش ابدااااا ان يوم ذى ده ممكن يمر علينا
انى اشوفها هى وبنتها
شافته اميره وعنيها بتقوله كلام كتير اوى
ما فهمهوش كابو لان عنيه كانت مشغولة
ازاى تدارى دمعتها...
جرى كابو على بيته
دخل اوضته ومش مصدق اللى شافه
...
طفى النور وولع شمعة واحدة بس
وكانها عمره اللى بيتحرق لفراق حبيبته
ومر شريط حياته كله قدام عنيه
عنيه اللى مش قادرة تنسى اميره
مسك كابو قلم وحاول يكتب اللى جوه قلبه
بس مش هو اللى بيكتب
قلمه حاسس كل تنهيدة بطلع منه
وبيترجمها لحروف وكلمات
ولما انتهى كابو وهو مش عارف هو كتب ايه
حاول يكتب اسمه واسمها
بس اكتشف انه خلاص مش مسمحوله انه
حتى يفكر فيها
او انه يكتب اسمها على قصته
غير اسمه واسمها
وكتب

كانت اجمل قصة حب
.....
واخر كلماته فى القصه كانت
....



كنت معاها بحلم بهواها
مستنى اشوفها ..... او المح طيفها
اجرى عليها وامسك ايدها
ما أنا أصلى فى يوم كان اسمى حبيبها
وتفوت سنين وانا حزين ...... والحلم يروح ويبقى جروح
وحبيبى فى قلبى منين ما ارووح
واتمنى اشوفها ولو لثوانى
وافتكر ايامى معاها من تانى
اضحك على نفسى واقول
انسااها
ديه ايام فاتت وياها
ولو تدور تلاقيها
نسيانى
يمر شريط حياتى قدامى
حياتى ال ما عشتش غيرها
ومع غيرها ما عشتش انا
فين الحب فين العشق فين الغنا فين الهنا
كله راح كله اتبخر واللى اتبقى حبى
أنااااااااااااااا
وف لحظة
عينى تيجى عليها
تبتسم والدموع مالية عنيها
ماهى مش لوحدها
دى معاها....... بنتها
فى عنيها كلام وسلام
ذكرى وشوق وغرام
شايلاه جواها من زمان
من أيام نفس المكان بس عدى عليه كام سنة
لحبيبها
ده اللى هو اناااااا
ليه يا زمن تعمل كدا
وتضيع حبنا بالشكل دة
خلاص بقت ام
وعندها بنتها
طب ليه ما ابقاش انا الاب
والبنت ديه بنتى
اناااااااااااا


وبكدة تنتهى يوميات كابو و اميره...
يا ريت تكون عجبتكم
وميرسى ليكوا جدااااااااا
وعلى ردودكم الجميلة ....





سفــــ الاحترام ــــير



أميرة الورد
وااااااااااااااااااااااااااااو
انا عيطت بجد والله نهاية حزينة جدااااااااااااااااااااا
ربنا مايكتهبها على حبيبين

تسلم ايديك يا سفير

بجد قصة جميلة جدااااااااا
حبيبه يوسف
بجد حرام احساس محدش يستحمله
ربنا ميكتبهوش ابدا على حد
تسلم ايدك كانت راااااائعه
scorpion
جميلة جداً يا محمد وربنا

نهاية صعبة جداً

كفاية أنه فراق

والأكبر أنه مش بإيد الإتنين

صعبة جداً بجد

والأصعب أن الواحد يعيش مع حد مبيحبوش

أو بيتعود عليه

شكراً ليك يا محمد بجد علي القصة الجميلة دي

فعلاً أبدعت


moustafa capo
تســـــــــــــــــ الاياااااااااااادي يا مبدع ـــــــــــــــــــــــــــــــــلم

ومش جديد عليك التمييز يا محمـــــــــــــــد
spring rose
حلو جداااااااااااااااااا
تسسسسسسسلم ايدك
سفير الاحترام
وااااااااااااااااااااااااااااو

انا عيطت بجد والله نهاية حزينة جدااااااااااااااااااااا
ربنا مايكتهبها على حبيبين

تسلم ايديك يا سفير


بجد قصة جميلة جدااااااااا


نورتـــــى يا اميره
وشكراا لمرورك وتشريفك للقصه
سفير الاحترام
بجد حرام احساس محدش يستحمله
ربنا ميكتبهوش ابدا على حد
تسلم ايدك كانت راااااائعه

شكرااا لمنرورك وتشريفك
نورتــــــــــــــى
سفير الاحترام
جميلة جداً يا محمد وربنا


نهاية صعبة جداً

كفاية أنه فراق

والأكبر أنه مش بإيد الإتنين

صعبة جداً بجد

والأصعب أن الواحد يعيش مع حد مبيحبوش

أو بيتعود عليه

شكراً ليك يا محمد بجد علي القصة الجميلة دي

فعلاً أبدعت



نورتنى ونورت القصه يا احمد
وشكرا لمرورك الرائع
سفير الاحترام
تســـــــــــــــــ الاياااااااااااادي يا مبدع ـــــــــــــــــــــــــــــــــلم



ومش جديد عليك التمييز يا محمـــــــــــــــد



شكرا يا ياكابو
كنت منور يابطل
سفير الاحترام
حلو جداااااااااااااااااا
تسسسسسسسلم ايدك


الاحلى هو مرورك
شكرااااااااااااا
سفير الاحترام
قريبا جدا انتظروااااااا
الجزء التانى
من القصه


انتظروا المفاجأه الكبرى
حبيبه يوسف
والله كنت هقولك نزل الملحق احسن نفسيتى وحشه أوي بسببه
يللا شد حيلك مستنيييييييييييينك
أميرة الورد
ان شااااااااااااااااء الله

مستنييين الجزء التانى بقى
سفير الاحترام
انا كنت هنزله بسرعه
بس لسه كابو عايز يعمل دعايه
وكمان بيقولى اصبر شويه لبعد الاجازه الدراسيه عشان الارباح
وكمان الجزء التانى مش هيكون مجانى ذى كده
لالالالالالا
كل عضو او عضو لازم يدفعوا ثمن الدخول فى كل مره
وكمان اللى عايز يعمل اشتراك شهرى يتصل ع الرقم المجانى
صفرين زيرو تلات اصفار
أميرة الورد
انا البطلة يعنى مش هدفع
قشطة

هههههههههههههههههههههههههههههههههههههه
princess.moon
آآآآآآآآآآآآآه ياقلبي .............. ليه النهاية الحزينة دى بس ياسفير

والله انا عيطت ياعم ........... يالا مستنيين الجزء التانى
بنوته لاسعه
مكنتش متوقعه النهايه ديه خالص
كنت حاسه انهم هتجوزوا
واخر القصه هيبقى فرحهم
ديما بتعمل مفاجأت كدا
تسلم الايادى ياسفير
مستنيه الجزء التانى
بنت مصرية جدا
الله الله يامحمد حلوة اوي اوي بس نهاية صعبة اوي اوي بجد انا بكيت لما قرائتها من شدة جمالها مش عارفة اوقعلك باي كلمة شكر لانها هتكون قليلة علي احساسك دة دمت مبدع يا ابو تريكة
سفير الاحترام
شكرا ليكم جميعا

بس احب اخد رأيكم فى شئ بسيط
ايه رأيكم الجزء التانى يكون فى نفس الموضوع ولا فى موضوع جديد
مستنى اقترحاتكم وبكره ان شاء الله الحلقه الاولى من الجزء التانى واللى هيكون كله مفاجأت
أميرة الورد
لا الاحسن يكون في موضوع جديد وتكتب عليه الجزء التانى

اظن احلى واحسن
سفير الاحترام
وانا كمان بقول كده
بس لما يجى البطل ونعرف رأيه
وكمان المشاهدين
أميرة الورد
البطل ماشي يا سفير شكل البطلة مش مالية عينك
ههههههههههههههههههههههههههههههههههههه
سفير الاحترام
مين قال كده بس
بس كمان لازم نعرف رأى البطل
ولا انتوا بتحبوا تسيطروا على كل شئ
على العموم احتمال نغير اسم القصه لو كنا هنعمل الجزء التانى فى موضوع جديد
سفير الاحترام
الجزء التانى من القصه


ALi_HAFEZ
لية النهاية الصعبة دى ياا محمد ما كنت تخليهم يتجوزو
انت السبب
ههههههههههه
سفير الاحترام
لية النهاية الصعبة دى ياا محمد ما كنت تخليهم يتجوزو
انت السبب
ههههههههههه


حرام عليك ياعم
ليه انا السبب يعنى ؟؟؟
ابقى روح اقرأ الجزء التانى وانت هتعرف انهم اتجوزا بعض



ميمووو
السلام عليكم دلوقتى انا شوفت الحلقه الاوله عاوز اعرف باقىل الحلقات يعنى الحلقه التانيه والتالته اجبهم ازاى ولا منين ولا ايه الظروف



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
اجمل قصة حب رومانسيه .... حلقات متجدده وحصرية ...( الجزء التانى )
اجمل كلمات حب رومانسيه 2015- كلام حب وغرام رااائع - ابيات حب رومانسيه جميله جدا
الجزء الثاني انا وحبيبتي والجنيه ( حلقات متجدده )
قصتي انا وحبيبتي والجنيه ( حلقات متجدده )

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية