نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



تابع نجوم مصرية على أخبار جوجل




**كاسانو**قصه مسلسله

 

القصه جامده جدااااااا ومشوقه جدااااااااا جداااااااا
وياريت يا ريري متعلقيناش كتير يعنى انجزى ههههههههه
في انتظار الحلقه الجايه
ههههههههههههههههههههه
حاضر يانونوش
مش هعلقكوا
وحاضر هنزل حلقه






المقال "**كاسانو**قصه مسلسله" نشر بواسطة: بتاريخ:
riri cat
اه كده تاخير لان الواحده مش وراها حاجه المفروض انك تنزلى حلقتين فى اليوم الواحد وهكذا وهكذا لحد ما تخلص وتتكتبى قصه حلوه تانى

بس تسلم ايدك يا جميل قصه جامده واكيد هتطلعي عينى علشان تكمليها انا الحمدلله قرات قصه اخر البنات المحترمين فى اخرها الحمدلله مش طلعتى عينى بس
هههههههههههههههههههه
ماشى ياسحوره
بس برضه استنينى شويه
انابحب اعمل تشويق
اومال بقى لوكنتى تابعتى معانا اخر البنات المحترمين من الاول
كان زمانك عيطتى
ده هى حوالى 200 حلقه
وكنت بكتب حلقتن او واحده بس فى الاسبوع
riri cat
(الحلقة الرابعة)




سمع يوسف رنين هاتفه الخلوى يشير الى اتصال نور .. فنظر الى حسام :
- أنا خلاص لقيت البنت ..
حسام فى دهشة :
- مين هى البنت !!!
يوسف :- فاكر البنت اللى قلت لكم أنى أنقذتها فى شرم الشيخ ؟ ..
حسام ومازالت الدهشة تسيطر عليه :
- اللى ضيعت عليك المهمة !!

يوسف : - أيوة هى .. بس دلوقتى دى أنسب واحدة ..
حسام :- ازاى ؟
يوسف :- اللى احنا عاوزينه مجرد بنت تدخل معايا الحفلة و خلاص .. و البنت دى عبيطة و ساذجة .. و أنا شايف أنها مناسبة جدا .. رغم أن كلامها كتير و هتخنقنى ..

حسام :- و ازاى هتقنعها تدخل معاك الحفلة ؟

يوسف فى ثقة :
- الحفلة لسة عليها شهر .. و كلمتين حب مع كم نظرة من نظراتى .. هتوافق تطلع معايا القمر ..


ضحك حسام و يوسف ضحكات ساخرة بعدما قرر يوسف أن يستغل سذاجة نور و براءتها .. حتى نظر اليه حسام مرة أخرى :
- طيب كدة لسة لنا مشكلة ..
يوسف :- قصدك السلاح ؟
حسام :- اه ..

فكر يوسف قليلا بعدها نظر الى احدى الصور القديمة المتواجدة أمامه .. و كانت صورته هو و أحد أصدقاءه القدامى .. فنظر الى حسام :

- مفيش غيره هيعرف يحل المشكلة دى ..
حسام و قد تغير لون وجهه :
- قصدك !!!!
يوسف فى ابتسامة :
- أيوة .. المهندس مروان ..
حسام :- لا .. ده مجنون .. ده طول عمره فاشل ..
يوسف :- بالعكس .. ده صديق عمرى .. و أنا اكتر واحد أعرف أنه عبقرى .. و فى نفس الوقت انسان أثق فيه ..



*********


بعدها استقل يوسف سيارته متجها الى ذلك المهندس الذى يثق فى قدراته .. و يضع أملا فى مقدرته على ايجاد حلا لتلك المشكلة .. و قد وصل الى بيته الذى يبدو قديما و يوشك على الانهيار .. و صعد درجات السلم المتهدمة بعض الشئ .. و ما ان اقترب من باب الشقة التى يسكن بها حتى فتح تلقائيا .. فابتسم يوسف :

- هو ده المهندس مروان و عبقريته ..

بعدها دخل تلك الشقة التى تختلف تماما عن ظاهر البيت من حيث التنظيم و كم الاجهزة التى توجد بها .. حتى سمع صوتا من خلفه :
- يوسف .. يوسف صابر البحيرى ..
فالتفت يوسف فى ابتسامة :
- صديق عمرى .. العبقرى مروان الدسوقى .. بعدها احتضنه .. و قد رحب به مروان ترحيبا كثيرا .. و بعد ذلك الترحيب ..

مروان :- بس أيه اللى فكرك بيا .. أكيد فى حاجة مهمة ..
يوسف و كانه لا يريد أن يضيع وقتا :
- أنا محتاج عبقريتك معايا ..
مروان فى دهشة :
- عبقريتى !!
يوسف :- أيوة .. أنا عاوز سلاحى يمر من بوابة الكترونية من غير ما يكتشف ولا يحصل مشاكل .. و خصوصا أنها حفلة متأمنة تأمين كويس ..

مروان فى قلق :
- سلاح !! .. أنت ناوى على أيه ؟!
يوسف :- مش مهم تعرف أنا ناوى على أيه ..

صمت مروان قليلا :
- أنا آسف يا يوسف .. أنا مقدرش أساعدك ..
يوسف :- دى مش مساعدة .. دى صفقة ... ثم أخرج مظروف يحتوى على نقود كثيرة ..
:- ده جزء من المبلغ .. وباقى المبلغ بعد ما تحل لى المشكلة ..

نظر مروان الى النقود و قد لمع بريق عينيه :
- و أنت محتاج ردى امتى ؟
يوسف :- أسبوعين ..
مروان :- أسبوعين بس .. أنا محتاج وقت أطول ..
يوسف :- هما أسبوعين مفيش غيرهم ..
أخذ مروان النقود بيده و ابتسم :
- اعتبر الحل وصلك ..



*********


غادر يوسف بيت ذلك المهندس .. و كم كانت ثقته فى قدراته كبيرة .. بعدها أخذ يفكر فى نور .. و كيف يقتحم حياتها بعدما جعلها تشعر أنه لا يطيقها ..

ظل يوسف يفكر كثيرا .. حتى أمسك بهاتفه الخلوى ليقوم بالاتصال بأحد الاشخاص :

- نور .. أنا يوسف ..
نور :- ما أنا عارفة انك يوسف .. بس أنا مش مصدقة نفسى .. ده أنا اتصلت بك كتير أوى و استنى رد منك .. و لا أنت هنا ..
يوسف :- آسف .. كنت مشغول الفترة اللى فاتت ..
نور : - اه .. ده أنت مهم بقى ..
صمت يوسف قليلا :
- نور .. عاوز أشوفك ..
نور فى فرحة :
- تشوفنى !! يوسف أنت طبيعى ؟!
يوسف :- مش موافقة و لا أيه !!
نور :- لا .. طبعا موافقة ..
يوسف :- اسمحيلى أعزمك على العشا النهاردة ..
نور :- و عشا كمان .. هو أنا بحلم ؟!!



**********


وافقت نور على دعوة يوسف لحفل العشاء باحدى المطاعم الراقية .. و رغم أن يوسف لا يطيقها الا أنه قد عزم على تحمل فضولها .. و قد استعد جيدا لهذا العشاء .. و اتجه الى هناك قبل أن تصل نور ..

بدأ الوقت يمر .. و نور لم تصل فى موعدها .. و قد شعر يوسف بالغيظ .. و ظل يحدث نفسه :

- أنا عارف .. ازاى هعتمد على واحدة زى دى !!

و كاد أن ينصرف .. حتى وجد فتاة ترتدى نظارة بصرية تقترب منه .. ففوجئ بأنها نور ..

نور :- أنا آسفة على التأخير .. بس أنت عارف .. الطريق زحمة .. ثم جلست ..

تنهد يوسف :
- و لا يهمك .. المهم انك جيتى .. ثم أكمل حديثه و كأنه مندهش من هيئتها المختلفة :
- انتى بتلبسى نضارة ؟!!
نور :- اه .. نظرى ضعيف شوية .. و بعدين أصحابى بيقولوا ان النضارة حلوة عليا ..
يوسف :- اه .. فعلا ..
نور فى فرحة :- بجد حلوة ؟
يوسف :- أيوة حلوة ..
ثم نظر اليها مرة أخرى :
- نور .. أنا آسف على الطريقة اللى كلمتك بها و احنا راجعين من شرم الشيخ ..
نور وقد قطب وجهها :
- و أنا مش قابلة أسفك ..
يوسف :- أيه ؟
ضحكت نور :- لا , أنا بهزر .. أنا اللى آسفة على المشاكل اللى عملتها لك هناك .. و تعبك بسببى .. بس أعمل أيه ساعات بكون مجنونة .. ثم ضحكت مرة أخرى ..

ضحك يوسف .. وهو يقول فى نفسه :
- ساعات !! ده على طول ..



*********


ظل يوسف يبحث عن بعض الكلمات يضيع بها الوقت .. و لكنه لا يجد و يظل صامتا .. و نور تتحدث .. حتى انتهيا من العشاء .. بعدها قاما ليكملان حديثهما أثناء سيرهما تحت أضواء شوارع القاهرة الليلية ..

نور :- هو أنت ربنا خلقك كدة .. كلمتين و تسكت !!
يوسف :- أنا !!
نور :- اه .. انت شكلك كدة أخدت صدمة كبيرة فى حياتك .. قولى .. قولى ..

يضحك يوسف و لا يتحدث .. و نور تكمل :
- اه .. عشان كدة خايف تقرب من أى بنت .. أنا اخصائية نفسية و أفهم فى الحاجات دى ..

يوسف :- انتى كدة اثبتى أنك و لا تفهمى أى حاجة ..
ضحكت نور :- طيب اتكلم شوية .. كلمنى عن نفسك ..

نظر يوسف الى نور :
- أنا يوسف ..
قاطعته نور :- لا .. جديدة ..

أكمل يوسف حديثه ما بين صدق وما بين ما اختلقه من خياله :
- من أب مصرى .. و أم ايطالية .. كنت بطل رماية .. و مفيش حد كان يسبقنى .. بس بطلت اللعبة ..
نور :
- ليه ؟
يوسف :- ليه أيه ؟
نور :- ليه بطلت اللعبة ؟
يوسف :- اه .. انتى عارفة هنا مفيش أى اهتمام بالرياضة .. فقلت أبطل أحسن .. و عمرى ما كنت شاطر فى المدرسة .. و والدى ترك لى ثروة قبل ما يموت و أنا عايش منها ..

نور :- أنا بقى عكسك خالص ..
أكملت :- أنا طول عمرى متفوقة فى الدراسة .. و لما جبت مجموع فى الثانوية دخلت أداب علم نفس لأنى بحب التعمق فى الشخصيات .. و خلصت الكلية بتفوق ..

يوسف :- و ناوية على أيه ..
نور :- أنا هبدأ فى تحضير رسالتى ..
يوسف فى ابتسامة :
- وعن أيه الرسالة دى ..
نور :- رسالتى عن السلوك المرضى للقاتل ..
نظر يوسف اليها فى لهفة :
- أيه !!! .. ثم تمالك نفسه :
- قصدى .. ليه الرسالة دى بالذات ؟

صمتت نور قليلا بعدها نظرت اليه :
- يوسف .. أنا بابا كان طول عمره فى حاله .. و مع ذلك مات مقتول ...
decientgirl
واضح كده ان يوسف ده مموت باباها وهى هاتكره يوسف لما تعرف
والله اعلم
صح ياريرى
بس الحلقة جاااااااااامده ياريرى
رنيم
تسلم ايدك يا ريرى انا راى من راى decientgirl

وانه هيطلع فعلا الى قتل باباها بس شكلها حلوة اوى وياريت تنزلى الحلقات الجديده بسرعه
bosy lovestory
واوووووووووووووووووو
ايوه كده دخلنا فى الجد
انا هستنى الحلقه الجايه على نار ياريرى
riri cat
واضح كده ان يوسف ده مموت باباها وهى هاتكره يوسف لما تعرف
والله اعلم
صح ياريرى
بس الحلقة جاااااااااامده ياريرى
هههههههههههههههههههههههه
مش هقولك
تابعينا الحلقه الجايه وخلاص يابت
متحرقيش الاحداث
وبعدين انتى عارفه دايما انى بتاعه مفاجات
اللى انتى هتتوقعيه هتلاقى عكسه تماما
وميرسى ليكى ياساسو
منورانى دايما ياقمر
riri cat
تسلم ايدك يا ريرى انا راى من راى decientgirl

وانه هيطلع فعلا الى قتل باباها بس شكلها حلوة اوى وياريت تنزلى الحلقات الجديده بسرعه
حبيبتى رنيم
منوره ياقمر
انت اللى قتلت بابايا
ااااااااااه يابابايا
هههههههههههههههههه
لااستنى علينا شويه كده
المفروض كل اسبوع اصلا حلقه
riri cat
واوووووووووووووووووو
ايوه كده دخلنا فى الجد
انا هستنى الحلقه الجايه على نار ياريرى
بووووووووووووسى
منوره ياقمر
حلوه على نار دى
ههههههههههههههههههههههه
decientgirl
هههههههههههههههههههههههه
مش هقولك
تابعينا الحلقه الجايه وخلاص يابت
متحرقيش الاحداث
وبعدين انتى عارفه دايما انى بتاعه مفاجات
اللى انتى هتتوقعيه هتلاقى عكسه تماما
وميرسى ليكى ياساسو
منورانى دايما ياقمر

حاضر ياريرى
مش هاحرق الاحداث
بس متتاخريش علينا بقى
البرنسيسة الشيماء
وووووووووووووواااااااااااااااوووووووووووووو
شكلنا دخلنا في الجد بقي
مستنين الحلقة الجاية يا ريري
تسلم ايديكي يا قمر
princess.moon
يـــــــــــــالا يـــــــابت ......... كمـــــــــلي بســـــــرررررررررررررعة
lionhmada
هايل
تسلم دماغك
الحلقة جامدة
في إنتظار القادم
riri cat
حاضر ياريرى
مش هاحرق الاحداث
بس متتاخريش علينا بقى
ماشى ياحبيبتى
ولايهمك
وحاضر من عنيا
riri cat
وووووووووووووواااااااااااااااوووووووووووووو
شكلنا دخلنا في الجد بقي
مستنين الحلقة الجاية يا ريري
تسلم ايديكي يا قمر
هههههههههههههه
حلوه واوووووووووووو دى
ماشى يابرنسيس
من عنيا
وتسلميلى
riri cat
يـــــــــــــالا يـــــــابت ......... كمـــــــــلي بســـــــرررررررررررررعة
حبيبتى وصابحتى مووووووووووون
من عنيا ياخالتو
ههههههههههههههههه
riri cat
هايل
تسلم دماغك
الحلقة جامدة
في إنتظار القادم
منور يابشمهندس
وان شاء الله الباقى يعجبك
riri cat
(الحلقة الخامسة)




فوجئ يوسف بـ نور تخبره عن تلك الرسالة التى تود أن تكمل بها دراستها العليا .. و تخبره بأن والدها قد مات مقتولا .. فنظر اليها فى لهفة :

- باباكى مات مقتول !!!
نور و قد بدأ الحزن يظهر عليها :
- أيوة .. من حوالى خمس سنين .. رغم أنه طول عمره كان فى حاله .. و لا عمره سبب أذى لأى حد ..
يوسف و قد بدأ يهتم :
- وعرفتوا مين اللى قتله ؟
هزت نور رأسها :
- لا .. و فى الأخر القضية اتسجلت ضد مجهول ..

أكملت :- لو تعرف حبى لبابا كان أد أيه .. تعرف أد أيه نفسى أشوف اللى قتله ...

ثم أخرجت صورة من معها :
- دى صورته .. عمرها ما فارقتنى ..

نظر يوسف جيدا الى .. حتى قاطعته نور :
- قولى بقى .. لو كنت قاتل , كان سلوكك هيبقى عامل ازاى ؟
ابتسم يوسف :
- أنا .. لا .. قاتل أيه !!
نور :- تخيل بس لو كنت قاتل ..
صمت يوسف قليلا :
- أكيد هو انسان عادى ..
نور فى غضب :
- لا مش عادى طبعا .. ده انسان مريض .. و عنده نقص .. و طول عمره جبان .. أنا مش عارفة ازاى بيجى له قلب و هو بيقتل نفس بشرية .. ده الحيوان أحسن منه ..

تمالك يوسف نفسه .. ثم ابتسم ابتسامة مصطنعة :
- اه .. عندك حق ..

بعدها واصلا حديثهما و سيرهما .. حتى ودعها يوسف .. فنظرت اليه نور :
- أنا متشكرة جدا على دعوة العشا .. و بجد أنا سعيدة أوى أنى كنت معاك ..
يوسف فى لؤم :
- و أنا كنت أسعد ..



*********


عاد يوسف الى بيته .. و مازالت صورة والد نور فى خياله لا تفارقه .. و يخشى من الصدف التى تكررت كثيرا مع نور .. و أن يكون هو قاتل أبيها ..

بعدها بدأ يبحث عن صورة أبيها بين الصور .. التى يحتفظ بها لضحاياه .. فى حاسبه الشخصى .. و ظل يبحث حتى انتهى .. و قد تنفس الصعداء حينما لم يجد صورته بينهم .. و لكنه مازال يتذكر نور حين كانت تقول :

- القاتل ده انسان مريض .. عنده نقص ..
- طول عمره جبان ..
- ده الحيوان أحسن منه ..

حتى وجد كل من حسام و منال يأتيان اليه ..
حسام فى دعابة :- الرومانسى .. كاسانو ..
يوسف :- اسكت .. رومانسى أيه .. ده أنا اتخنقت ..
منال :- ياه .. هى مقرفة للدرجة دى ..
يوسف :- ده لسانها ان سكت لحظة تموت .. طول ما احنا مع بعض كلام كلام ..
ثم ضحك :- و أيه .. بتحضر رسالة عن القاتل و سلوكه ..

ضحكوا جميعا فى سخرية وقد نظرت اليه منال :
- و أكيد طبعا سألتك .. لو كنت تعرف حد من اللى بيقتلو الناس ..
يوسف :- أنا أعرف حد !!! .. ده أنا ملاك ..
حسام :- أنت اللى اخترتها .. يبقى تتحملها ..
يوسف :- ده الشهر ده هيعدى كأنه سنة .. بس المهمة دى لى رد اعتبار أكتر ما تكون فلوس .. وهنفذها يعنى هنفذها ..



*********


بدأت الأيام تمر .. و ازدادت المقابلات بين يوسف و نور .. و بدأت نور تشعر بسعادة غامرة .. و يوسف ينتظر مرور الأيام بكل سرعة ..حتى يأتى يوم تنفيذ جريمته ..

حتى جاء اليوم الذى كان فيه يوسف و نور يسيران باحدى الشوارع القريبة من مسكن نور .. و فوجئ الاثنان بكمية هائلة من الماء تسقط فوقهما .. و صوت سيده من أعلى :

- أنا آسفة .. مكنتش أقصد ..
يوسف فى غضب بعدما أغرق الماء رأسه و ملابسه :
- آسفة أيه يا ست أنتى .. ثم بدأ يشم رائحة الماء ..
يوسف :- كمان ميا مش نضيفة ..

نور ولا تستطيع أن تتمالك نفسها من الضحك .. و لا تبالى أن الماء أغرقها هى الأخرى :
- الست مش قاصدة يا يوسف .. ثم تضحك
أكملت :- أنا شقتى فى الشارع الجاى .. تعالى بسرعة أنشف هدومك قبل ما يجيلك برد .. ما أنا عارفة البرد بتاعك .. فاكر !! .. و ترجع تقول أنا السبب ..

يوسف و كانه يريد أن يتخلص منها :
- لا .. مش مشكلة .. و بعدين مش أنتى قاعدة لوحدك !!
نور :- اه .. ماما قاعدة فى البلد ..
يوسف و كأنه مندهش :
- طيب آجى معاكى ازاى ..
نور فى دعابة :
- مانا قلت لك قبل كدة .. معايا الحزام الأسود فى الكارتيه .. يلا .. أصلى أنا مش همشى معاك بالريحة دى ..



*********


اتجه يوسف مع نور الى شقتها .. بعدما ألحت نور الحاحا شديد .. وعندما وصلا تلك الشقة .. نظرت اليه نور :

- تعرف .. ماما لو عرفت أن راجل غريب دخل الشقة .. كانت قتلتنى ..
يوسف :- ما أنا بقول أمشى أحسن ..
نور :- لا .. ماما هتعرف منين ..

بعدها أحضرت لـ يوسف ملابس كانت لوالدها .. و طلبت منه أن يبدل ملابسه المبللة ..
نور :- شوف بقى هدوم بابا هتيجى على قدك ؟
يوسف فى دهشة :- باباكى !!
نور :- اه ..
يوسف ومازالت الدهشة على وجهه :
- اللى مات مقتول !!!
نور فى حزن .. و قد بدأت الدموع تملأ عينيها :
- اه
أخذ يوسف الملابس منها بعدما شعر بحزنها :
- أنا آسف ..
مسحت دموعها :- و لا يهمك ..



.........


بعدها ارتدى يوسف ملابس والدها التى كانت واسعة الى حد ما .. و بدلت نور هى الأخرى ملابسها .. و بعد فترة صمت قليلة نظرت اليه :

- يوسف .. تعرف أنك أول واحد يهتم بيا ..
يوسف :- أيه !!
نور :- أيوة .. أنقذتنى مرتين من غير ما تعرف مين أنا ..
يوسف فى ابتسامة :
- بس أى حد مكانى كان هيعمل كدة ..
نور :- القارب كان مليان ناس .. و الحفلة كمان .. و مع ذلك أنت الوحيد اللى انقذتنى ..

أكملت :- أنا كنت طول عمرى مستنية حد يهتم بيا .. حتى لو عطف عليا مش هقول لا .. زى البنت اللى بتحلم بقصة حب و فارس يجى يخطفها على حصانه ..

شرد ذهن يوسف قليلا مع كلامها .. حتى حدث نفسه :
- فوق يا يوسف .. أنت هتسرح و لا أيه ..
أكملت :
- عشان كدة أنا مش خايفة و احنا الاتنين مع بعض ..
ثم نظرت الى يوسف :
- يوسف .. أنا بتكلم من الصبح .. و أنت ساكت .. اتكلم ..
نظر اليها يوسف :
- الهدوم نشفت ولا لسة ؟
نور :- هو ده اللى ربنا قدرك عليه .. طيب .. أنا هقوم أشوفهم نشفوا .. و لا لأ ..

فى تلك اللحظة ظل يوسف يفكر كيف يغادر تلك الشقة .. بعدما شعر بأن نور قد أخذها تفكيرها بعيدا .. فأخرج هاتفه الخلوى كأنه تلقى اتصالا من أحد أصدقائه :

- محتاجنى .. ضرورى ... ( و هو لا يكلم أحدا )
- طيب مسافة الطريق .. و هكون عندك ..

عادت نور .. و تنظر اليه وهو يتحدث .. فنظر اليها :
- آسف يا نور .. جالى اتصال ضرورى .. و لازم أمشى ..
نور :- بس هدومك لسة عليها ميا ..
يوسف :- مش مهم .. هتنشف لوحدها .. بعدين الجو حر ..
نور بعدما أحست برغبته فى المغادرة :
- طيب .. زى ما تحب ..

بعدها ارتدى ملابسه المبللة مرة أخرى .. و غادر شقة نور .. بعد أن أوهمها بذلك الاتصال الذى لم يحدث ..



*********


تمر الأيام يوما بعد يوم .. حتى جاءه اتصال من المهندس مروان .. يخبره بأنه قد وجد حلا .. و على الفور استقل يوسف سيارته متجها الي بيته .. و ما ان وصل اليه .. حتى سأله فى لهفة :

- أنت لقيت الحل بالسرعة دى !!
مروان فى ثقة :
- أيوة .. لقيت الحل ..
يوسف :- ازاى سلاحى هيمر من بوابة الكترونية ؟
ضحك مروان :
- هو لازم يمر ؟!!
يوسف :- قصدك أيه ؟

نظر اليه مروان ثم أخرج كاميرا فيديو يدوية .. ثم أشار اليها :
- اتفضل .. ده سلاحك ..
يوسف فى غضب :
- أنت بتهرج يا مروان ..
مروان و ما زال فى ثقة كبيرة :
- أنت مستهين بالكاميرا الصغيرة دى .. هى فعلا متنفعش للتصوير .. بس فى نفس الوقت تنفع مسدس عيار 9 مللى ..

يوسف فى دهشة :- أيه !!!
أكمل مروان :
- أيوة .. أنا فرغت محتوياتها .. و احتفظت بالهيكل الخارجى .. و قدرت أركب المسدس جواها .. و عملت شوية تعديلات مع نفس وزنها الطبيعى .. و بدل ما تضغط على زناد المسدس .. ضغطة بسيطة على مفتاح التصوير .. تطلع رصاصة من الكاميرا زى أى مسدس عادى .. و ممكن سرعتها أشد كمان ..

ينظر يوسف هائما الي الكاميرا الصغيرة :
- اه ..
مروان :- أنا كمان عملت لها ميزة .. أنا قدرت أضيف لها الآشعة تحت الحمراء اللى تقدر تظهر بها الأشخاص فى حالة الظلام ..

ضحك يوسف :- أنت عبقرى يا مروان .. لا ده أنت داهية ..
أكمل مروان :
- طبعا دى حفلة .. و فيها عرض .. و معاك الكاميرا و أنت داخل لتصويره .. و عند البوابة الالكترونية تسلمها للأمن مع الموبايل .. و لما تعدى تاخدها تانى .. زى ما الناس كلها بتعمل ..

ابتسم يوسف :
- فعلا .. انت صديق العمر ..
ضحك مروان : - فين بقية المبلغ ؟
يوسف :- هيوصلك .. أكيد هيوصلك و بزيادة ..



*********


أخذ يوسف تلك الكاميرا اليدوية .. و يعلم جيدا قيمتها ..و كم كانت سعادته لايجاد ذلك الحل .. و عاد الى بيته .. و ما ان وجد حسام حتى نظر اليه فى سعادة :
- خلاص المشاكل انتهت .. أنا قلت مفيش غيره المهندس مروان ..
بعدها أخبره ما فعله ذلك المهندس ..
حسام :- أنا أكتر حاجة تهمنى فى المهمة دى .. أنها أغلى مهمة جت لنا ..
يوسف :- و أنا زى ما قلت لك .. المهمة دى رد اعتبار ليا ..



*********


بدأ يوسف تدريباته لتلك المهمة باستخدام تلك الكاميرا الصغيرة .. و كيف ينفذ جريمته فى غضون عشر ثوانى مظلمة .. و تزداد مقابلته لـ نور يوم بعد يوم .. و بدأ يتجه الى شقتها كثيرا .. و يشعر بسعادة نور لتواجده معها ..

توالت الأيام .. ولم يتبق سوى أسبوعا واحدا على موعد تنفيذ جريمته .. بعدها طلب من نور أن يقابلها .. و ما ان التقيا .. حتى قابلها بكل فرحة :

- نور .. أنا معايا دعوتين لحفل دار الاوبرا العالمى يوم الجمعة اللى جاى ..
نور فى ابتسامة :
- و انت هتروح مع مين !!
يوسف :- معاكى طبعا .. أنا بحب الأوبرا جدا .. و الحفلات دى لازم أحضرها .. و قلت لازم تحضرى معايا ..

صمتت نور قليلا .. ثم نظرت اليه فى حزن :
- يوسف .. أنا آسفة .. أنا مش هقدر آجى معاك ..
princess.moon
انتي نهيتي الحلقة على حته موقف .........!!!!!!!!!!!!!!!

يخـــــــرب بيت دماغـــــــككككككككككك

كملي يابت بسرررررررررررررررعة
strangerofthenight
يا سلام على الابداع يا ريرى بجد طول عمرى احب قراية القصص بس معزرة لكتاب تسبق اسمائهم كتاباتهم ..

وليس كلامى هو ما اقول انما لسان حالى لا ينطق الا بابداع لاروع التسلسلات والحكايات البلوسية والمغامرات ..

فلكم تعتبت ى نقش اسمك فى حافظتى ومكتبتى بجوار اشهر الكتاب واعقل العقلاء ...

خالص امنياتى بالتميز الدائم والابداع فى الاساليب والترنم فى جذب المشاعر والاحاسيس ..

فهنا يعجز القلم عن الكلام لكن ما يروى وما يقص هنا لا يجدى له اى كلام ..

فكم اانا اسف لعدم قدرتى عن اعطاء ما يكون من حق لهذا الابداع ..

وفقك الله ... خالص تحياتى ..
moon star
وسع وسع وسع
انا جيت نورت البيت
هههههههههههههه
معلشى ياريرى اتأخرت شوية
بس ايه العثل ده ياخواتى
وياسلام بقى بعد ده كله نور اديتله زومبا
ههههههههههههههههههههههههههه
ياعينى على يوسف ده تلاقيه كان هاين عليه يموتها
يالااااااااااا نزلى بقيت الحلقات بسررررررررررعة
decientgirl
بتقطعى على حتت ايه
بلاش اتوقع
الحلقة جااااااااااامده يا ريرى
تسلم دماغك
riri cat
انتي نهيتي الحلقة على حته موقف .........!!!!!!!!!!!!!!!

يخـــــــرب بيت دماغـــــــككككككككككك

كملي يابت بسرررررررررررررررعة
هههههههههههههههههههه
شفتى بقى الموقف اللى اناوقفت عليه الحلقه
قلت اشوقكوا اكتر
من عنيا يابت ياهبله انتى
ههههههههههههههههه
بقى بتسيحيلى وتقولى انى مدمنه كركاديه
مااااااااااااااااااااااااشى
لمااشوفك
riri cat
يا سلام على الابداع يا ريرى بجد طول عمرى احب قراية القصص بس معزرة لكتاب تسبق اسمائهم كتاباتهم ..

وليس كلامى هو ما اقول انما لسان حالى لا ينطق الا بابداع لاروع التسلسلات والحكايات البلوسية والمغامرات ..

فلكم تعتبت ى نقش اسمك فى حافظتى ومكتبتى بجوار اشهر الكتاب واعقل العقلاء ...

خالص امنياتى بالتميز الدائم والابداع فى الاساليب والترنم فى جذب المشاعر والاحاسيس ..

فهنا يعجز القلم عن الكلام لكن ما يروى وما يقص هنا لا يجدى له اى كلام ..

فكم اانا اسف لعدم قدرتى عن اعطاء ما يكون من حق لهذا الابداع ..

وفقك الله ... خالص تحياتى ..
يااااااااااااااه دى بجد شهاده اعتز بيها يادكتور والله
اشكرك جزيل الشكر على هذا الثناء الجميل
وهذا لانك شخص عاقل تحترم الراى الاخر
وانابصراحه مش بعتبر نفسى كاتبه ولاحاجه
انا اجى ايه جنب الاسماء العملاقه اللى بتكتب
انابحاول بس اتعلم منهم
ويارب يكون الاسلوب عاجبك بجد
اناتعبت جدا فى كتابه الحلقه دى
وقعدت افكر ازاى يعدى من غير ماحد يشك ان ده مسدس
وبصراحه ممكن تضحك عليا لمااقولك انى اخدت الفكره دى من قصه ب2جنيه ونص
اسمها بليه
ههههههههههههههههههههه
قلت وفيها ايه فكره حلوه
riri cat
وسع وسع وسع
انا جيت نورت البيت
هههههههههههههه
معلشى ياريرى اتأخرت شوية
بس ايه العثل ده ياخواتى
وياسلام بقى بعد ده كله نور اديتله زومبا
ههههههههههههههههههههههههههه
ياعينى على يوسف ده تلاقيه كان هاين عليه يموتها
يالااااااااااا نزلى بقيت الحلقات بسررررررررررعة
ولايهمك ياقمر
انتى تتاخرى براحتك
واكيد اكيد نورتى البيت
ههههههههههههههه
اه نور ادتله زومبا
هههههههههههههه
حلوه زومبا دى
riri cat
بتقطعى على حتت ايه
بلاش اتوقع
الحلقة جااااااااااامده يا ريرى
تسلم دماغك
ههههههههههههههههههه
اه يلابقى
اومال اشوقك ازاى
لازم اقطع على حتت تخليكى تتجننى
ميرسى ياحبيبتى
lionhmada
حلقة هايلة بمعنى الكلمة
اخر جملة قراتها في الحلقة لقيتني بقول
تأتي الرياح بما لا تشتهي السفن

كنت حزعل قوي لو خليتي اللي قتل ابو نور يبقى يوسف علشان بعد الحلقة اللي فاتت لقيت اعضاء بيتوقعوا كده فقلت اكيد رانيا حتغير النقطة دي حتى لو كانت حاطه في دماغها الفكرة دي علشان ده حيبقى استسهال والكاتب المبدع اللي يخلف رأي كل اللي حواليه ويفجأهم
وانا رأيي انك مبدعة
بالتوفيق وفي انتظار الحلقة الجديدة
وشكرا
سلمى
بجد ياريرى قصه جامده

بجد بجد انتى هايله

وكملى القصه بقى

انا متشوقه ياقمر
riri cat
حلقة هايلة بمعنى الكلمة
اخر جملة قراتها في الحلقة لقيتني بقول
تأتي الرياح بما لا تشتهي السفن

كنت حزعل قوي لو خليتي اللي قتل ابو نور يبقى يوسف علشان بعد الحلقة اللي فاتت لقيت اعضاء بيتوقعوا كده فقلت اكيد رانيا حتغير النقطة دي حتى لو كانت حاطه في دماغها الفكرة دي علشان ده حيبقى استسهال والكاتب المبدع اللي يخلف رأي كل اللي حواليه ويفجأهم
وانا رأيي انك مبدعة
بالتوفيق وفي انتظار الحلقة الجديدة
وشكرا
تعليقك اكثر من رائع يابشمهندسنا الغالى
واكيد لازم اخليكوا تفتكروا حاجه ولازم اكتب عكسها
وهنا ياتى عنصر المفاجاه
واناابعد من انى اكون مبدعه
انا لسه باول الطريق
ربنا يكرمك يارب
riri cat
بجد ياريرى قصه جامده

بجد بجد انتى هايله

وكملى القصه بقى

انا متشوقه ياقمر
ميرسى ياسلمى ياحبيبتى
بس استنوا شويه
المفروض الحلقه دى كانت كمان اسبوع وانارضخت للاعضاء ونزلت الحلقه
استنوا بقى شويه



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
يوميات بنت فى سنه اولى جامعه(قصه مسلسله)

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية