تأليف: رضا الهجرسى
الجزء الثانى:حكايا خلع
الحكاية الأولى
مليون سنة ..ق.خ ( قبل الخلع)
الفصل الأول
_________
تعيش أسرة (هوهو) فى منطقة الكهوف العشوائية وهو رجل تخطى الأربعين عاما ..وأسرتة مكونة من زوجتة (هى هى) التى تخطت الثلاثين عاما..وأبنة (يويو) فى التاسعة من عمرة..وأبنتة (رىرى)
فى السادسة من عمرها..وأسرة هوهو..من الأسر الفقيرة ..فكل ما تمتلكة عبارة عن ..تنين(توتو) عجوز وديناصور(دودو) مهكع والتنين .مربوط ..أمام الكهف من الخارج أمام فتحة ممتدة لداخل الكهف لينفث فيها الناركلما أرادت (هى هى) ..أن تطهو طعام الأسرة ..والذى يحضرة (هوهو) من خروجة للصيد فى المنطقة المسموح لة ولأمثالة من فقراء القبيلة للصيد بها ..وهى منطقة يندر فيها الصيد.. ويتنافس كل فقراء القبيلة مع بعضهم البعض وقد يقتل بعضهم بعضا من أجل خرتيت يظهرفجأة.أو خروف أو ماعز. .أو ديناصور هارب من المنطقة المحظورة المبشبشة والمحظورعلى فقراء القبيلة الصيد بها ..وهى منطقة مليئة بكل أنواع الحيوانات وبكميات وافرة ..ولا يسمح للصيد بها الا لحاشية الحكيم الأكبر وأسرتة..وحاشيتة من وجهاء القبيلة . .ومن يخالف ذلك يقتل فورا.. .
والكهف من الداخل بة ..سرير حجري ..ينام علية .(هوهو)و(هي هي)
وسرير حجرى فى الجهه الأخرى من الكهف ..تنام علية .(رىرى) ..
و(يويو) .ثم فى نهاية الكهف منطقة تخزين الحيوانات المقطعة ..بالقرب من الفتحة الذى ينفث فيها التنين نارة.لتطبخ عليها (هى هى) طعام الأسرة.. وكان هذا اليوم ..يوم خروج (هوهو) للصيد ..فأعتدل فى سريرة وكانا يرتديان.. جلد جاموس برى ...........
تناول ..هراوتة الغليظة ..ورفعها عاليا ونزل بها على رأس (هى هى) ليوقظها ..ولكنها لم تستيقظ .وهرشت. بيدها على رأسها مكان الخبطة ..وهى تتثاءب..
هوهو: قومى يا ولية ..فزى .. هى هى: أية ..يا راجل ..بتصحينى بدرى كدة.لية .لسة دودو ..معوأش.
هوهو: دودو.. عوأ من بدرى ..قومى أكلينى ..جعان ..
هي هى: جعان .دة أنت لاهف لوحدك قبل ما تنام.ورك خرتيت كامل
وخروف بفروتة ..وقعدت تقزأز فى ييجي أتناشر جوز فراخ
هوهو: معرفش ..أية اللى كان سادد نفسى عن الأكل ساعتها ..
هى هى: طب قوم صحى العيال ..وأخرج ولع لى ..توتو ..وخلى نارة
هادية ..لحسن شيط لى الأكل أمبارح ..على ما ربنا يرزقنا
ونجيب توتو جديد ..لحسن دة هكع خالص ..وبيهب فى وشى.
هوهو: معلش يا هى هى يا حبيبتى ..أنا عارف أنك تعبانة معايا..بس
أديكى شايفة الحال..الصيد بقى شحيح أوى ..والحكيم مش عايز
يفكها شوية ..ويسرب لنا شوية حيوانات من المنطقة المبشبشة
هى هى: طب قوم ..ومتنكدش على نفسك.. وأنت خارج للصيد..
وأصطبح وقول يا صبح..ومتنكدش علية أنا كمان ..وتفكرنى
..بالجوازة المنيلة بستين نيلة دى ..( تحدث نفسها) هى هى: كنتى فين يا لأة ..لما قلت أةةةةة ..
هوهو: بتبرطمى تقولى أية يا ولية ع الصبح ..
هى هى : مبقلش يا سبعى..يا مهنينى ومستتني..وروح صحى الواد يو
عشان ميتأخرش عن كهف المدرسة ..وأنت تغور وتخف عن نفسنا شوية ..يوة أقصدى تسعى على رزقك يا خويا .. يتجة( هوهو) الى السرير الحجرى الذى ينام علية.أبنة( يويو) ويرتدى جلد خروف.ويتلحف بثعبان ضخم ليتدفأ بة.وأبنتة( رىرى) وترتدى
جلد ماعز وتحتضن سلحفاة ضخمة ..فيربت عليها فى حنان..ويرفع
الثعبان من على( يويو) ..
هوهو: قوم يا حبيبى ..عشان تلحق مدرستك قبل ما يقفلوا باب
الكهف ..ويضيع عليك اليوم ..وأنت عارف يا حبيبى.. انا
حاطط كل أملى فيك..وبموت نفسى فى الصيد عشان تكبر وتتعلم وتبقى حكيم من حكام البلد ..وتنهب وتصطاد فى المنطقة
المبشبشة على كيفك.وتطلعنا من السحت اللى أحنا فية دة بأة ..
يويو: لأ ..مش رايح كهف المدرسة تانى ..حكيم الكهف ضربنى
عشان مدفعتش المصاريف..وقالى مجيش ألا ومعاياالمصاريف
هوهو: ماشى يا حبيبى ..أنا رايح أصطاد وحاخد معايا دودو ..ومش
راجع.. الا ومعايا المصاريف ..
يركب( هوهو) الديناصورالمهكع مغادرا ساحة الكهف و(هى هى) ومعها (يويو ورىرى) ..يشيرون لة مودعين.تهمس لهم (هى هى) ..وهى تشير بيدها قبل أن يختفى خلف الجبل الكبير..
هى هى: قولوا معايا ..يا ولاد ..
الثلاثة معا: كنتى فين يا ..لأة ..لما قلت ..أةةةةةةةةةةةةةةةةةةةةة..
الفصل الثانى
_________
تقف (هى هى) فى حوش الكهف تلقى بالطعام للطيور التى تلتف من حولها تلتقط الحب .. و(يويو) يلعب مع ثعبانة الضخم ..و(رىرى) تركب على ظهر السلحفاة ..تلمح (هى هى) أمرأة عجوز تحمل على
رأسها حجر مسطح على شكل مستطيل رقيق السمك تسير على الجبل
القريب .. تشير لها وتنادى عليها..
- سوسة ..خالتى سوسة ..تعالى ..متخافيش.. مش هنا..
تتجة سوسة ناحيتها وتقبلها فى ود شديد ..وهى أمرأة تخطت المائة
عام ولكنها تسير برشاقة ..تجلس معها أمام باب الكهف وتضع الحجر بجانبها بحرص شديد.. سوسة: أنا عارفة.. أنتى طايقة عشرة الجلف دة ..أزاي هى هى: ما أنتى عارفة.يا خالة.أن دادى كان راجل شديد.وهو اللى
غصب علية ..وقلى ..دة راجل يسترك ويصونك ..
سوسة: معرفش ..أنا مطيأوش ..كشرى وأنف ..
هى هى: هو كمان ..ميطأش سيرتك ..وبيقول عليكى ..
أنك تخربى الكهوف العمرانة ..وحشرية ..
وبتوقعى الكهوف فى بعض ...
سوسة: أنا خرابة الكهوف العمرانة أنا ..أنا بوقع الكهوف فى بعض
دة لا كان ليكى ولا كنتى لية ..ولا كان ليكى الجوازة العدمانة
دى م الأصل.شوفتى (شيشي )المعفنة اللى ضفرك برقابتها....
أتجوزت واحد نصاب وحرامى ..معيشها فى كهف كامل
من مجاميعة ..وجايب لها توتو أوتوماتيك ..بتشغلة وهى
جوة الكهف ..وتعلية وتوطية على كيفها من جوة الكهف
هى هى: معقولة ..من جوة الكهف ..بأة الصدمانة العدمانة دى..
عندها توتو أوتوماتيك ..
سوسة: هى كمان ..بتقول عليكى كدة برضة .. صدمانة وعدمانة
وزودت عليهم ..معفنة ..أنتى عارفة أنا بحبك قد أية ..
ومقدرش أخبى عليكى حاجة ..وأنا مش بوقع بينكوا
أنا بس .بعرفك ..حبيبك من عدوك ..
هى هى: عارفة يا خالتى عارفة .أنما أنا شايفاكى جاية من ناحية
كهف المصدية دى ..كنتى بتعملى أية عندها ..
سوسة: غصبتنى أجيب لها اللوح السحرى ..اللى أنتى شيفاة دة هى هى: اللوح دة ..ودة بتعمل بية أية ..اللوح دة ..
سوسة:دةعشان تشوف فية أحفادها بعد مليون سنة ..أحوالهم أية
وعايشين أزاى ..
هى هى: يعنى اللوح دة ..شيشى شافت فية أحفادها..
سوسة: شافتهم يا حبيبتى ..عايشين فى العز والهنا ..فى حاجة كدة
أسمها ..فيلا ..وبيركبوا حاجة بتمشى لوحدها أسمها عربية
هى هى: بأة شيشى المعفنة ..شافت أحفادها ..وأنا لأ ..يالا أفتحى
اللوح المسحور ..وورينى أحفادى أنا كمان ..بعد مليون
سنة..عايزة أشوف العز والهنا اللى هما عايشين فية..
سوسة: أيوة يا حبيبتى ..بس لازم تشحنية بكارت شحن ..وعلى قد
ما تشحنية ..على قد ما حتشوفى..
هى هى: كارت شحن ..وأجيبة منين كارت الشحن دة يا خالة ..
سوسة: متحمليش هم ..أنا معايا واحد ..باقى ..بس لازم تدفعى
حقة ..أصلة مش بتاعى ..دة بتاع صاحب اللوح المسحور
لو بتاعى ..أنا معزهوش عنك ..أبدا يا حبيبتى ..
هى هى: عارفة يا سوسة عارفة..ودة يطلع بكام ..أأقولك خديلك
جوزين فراخ ..
سوسة: ميكفوش يا حبيبتى ..دول يا دوبك ..يوروكى شكلهم ..
زودى جوزين كمان ..عشان تلحقى تشوفيهم براحتك
ولاشيشي المصدية أحسن منك دى شحنة بخرتيت كامل
هى هى: كدة ..طب أنا هجيبلك ..الخروف اللى حيلتنا..وأشوف أنا بأة
ولا هى ..أحفادى ..ولا أحفادها ..بينا على جوة الكهف
وتعالوا ..يا ولاد ..شوفوا أحفادكوا ..وأفرحوا بيهم..
الفصل الثالث
________
يلتف الجميع حول اللوح المسحور وسوسة تعزم علية وتبدأ
تظهر على اللوح المسحور ..وهى صالة شقة بها
طقم فوتية..تجلس علية أمرأة عجوز(سوسو)و تشبة( سوسة) ..وبجانبها أمرأة(هيام)و تشبة (هى هى) وولد(ياسر) و يشبة (يويو)..يرقص وترقص معة فتاة(ريما)و تشبة (رىرى)..والمرأتان تصفقان لهما وهم .. يرددون معا ..
الجميع: وخلعناة...وخلعناة ...وخلعناة..
سوسو: مبروك يا هيام يا حبيبتى ..مبروك يا ولاد ..أخيرا كسبتوا
القضية ..وخلعتوة..يا ساتر أنا عارفة كنتى طيأة أزاى ..
دة حتى كان ..كشرى ..وأنف ..أنا مكنتش أطيأ شكلة..
هيام: هو كمان ..مكانش يطيأ يسمع سيرتك ..ويقول عليكى ..
أن قدمك نحس وتخربى البيوت العمرانة..وحشرية
وبتوقعى الناس فى بعض..
سوسو: يا ختى ..جتة شكة فى لسانة الزفر.وبطللنا سيرتة الزفرة
دى..أهو راح ..وراحت أيامة..دة لا كان من توبك ولا
أنتى من توبة..شوفى البت المعفنة شوشو اللى
متقبلهاش خدامة عندك ..أتجوزت جوازة الهنا كلة شيفاة
معاة ..أصل جوزها واد فهلوى ومرتشى من
بتوع اليومين ..وجاب لها بوتجاز أشعال ذاتى
وغسالة فول أتوماتيك ..وعربية تشرح القلب
هيام: بأة الصدمانة العدمانة دى ..عندها كل دة..
سوسو: هى بتقول عليكى كدة برضة..بس يا واد يا ياسرعجبتنى
قوى ..لما نفذت اللى قلت لك علية تعملة قدام القاضى
ولا أنتى يا ريما يا أروبة أنتى.دة أنتى قطعتى قلب القاضى
ياسر: عجبتكوا لما لفيت رجلى بالشاش..وعرجت..ووقعت قدام
القاضى ..وأنا بعيط وأقولة ..ضربنى بالحديدة على رجلى
كسرهالى.مبقتش عارف ألعب مع صحابى بالكورة الشراب
سوسو: ولا البت ريما ..ربطت عينيها وعملت نفسها عميا ..ورينا
كدة يا أروبة ..
تضع ريما يدها على عينها وتمد يدها أمامها
ريما: مش شايفة يا قاضى ..ضربنى بأيدة على عنية ..من ساعتها
مبشوفش.ومبقتش عارفة أتفرج على نانسى عجرم فى الدش
سوسو: ولا أنتى يا هيام وحكاية أنة شمام ..ومقصر فى واجباتة ..
الزوجية.دى بأة خلت القاضى مستحملش .خلعة ..على طول ..
وفى فرح غامر.. يردد الجميع وهم يصفقون ويرقصون..
- وخلعناة ..وخلعناة..وخلعناة ..
وهنا تنقطع من على اللوح السحرى ..
ويسمعوا صوت من اللوح السحرى..
الصوت: نأسف لأنقطاع ..لقد نفذ رصيدكم ..
هى هى: أية دة يا خالتى سوسة .دة أحنا ملحقناش نشوف حاجة .
سوسة: على قد رصيدك يا حبيبتى ..
هى هى: بس أنا مفهمتش ..حاجة ..أية الكلع ..وشمام ..وواجباتة
الزوجية اللى مقصر فيها ..يعنى أية دة كلة.
سوسة: لا ..دى سبيها علية أنا ..حفهمك كل حاجة ..وواحدة ..واحدة
هى هى: الأول ..أية الكلع ..اللى مفرح أحفادى قوى كدة ..
سوسة: الخلع يا هى هى.. الخلع ..مش الكلع ..
هي هي: الكلع ..الخلع ..ومفرحهم قوى كدة لية ..
سوسة: فتحيلى ودانك كويس ..وأنتوا يا ولاد ..قربوا وأسمعوا
اللى حقولة كويس ..بأة لو فية واحدة زيك كدة ..هه ..
فهمانى ..زيك كدة.. مش طيأة جوزها ..وتشوف العما
ولا تشفوش..وولاد زيكوا كدة ..مش طيأين أبوهم ..
عشان بيحرمهم م اللعب براحتهم ..وكل شوية ..
ذاكر يا واد ..عيب يا بنت ..يقوموا يعملوا
الثلاثة: يعملوا أية ..
سوسة: خالتكوا سوسة تقول لكوا.. تعملوا أية ..تروحوا للقاضى
هى هى: القاضى ..أية القاضى دة ..ونلاقية فين ..
سوسة: القاضى دة.ذى الحكيم الأكبر بتاعنا ..يعنى أنتوا حتروحوا
للحكيم ..وتعملوا ذى ..أحفادكوا ما عملوا..بالتمام
أنت يا واد يا ..يويو ..حتقول أنة كسر رجلك لما جيت
تحوشة عن أمك وهو بيضربها ..وأنتى يا بت يا..ري رى
رى رى: عارفة ..ضربنى على عنية ..ومبشوفش..
سوسة: طول عمرك ..أروبة يا شبر ونص أنتى..وانتى يا بت يا
هى هى..حتقولى مقصر فى واجباتة الزوجية ..وشمام
هى هى: طب وهوة أنا عارفة شمام يعنى أية ..ولا أية هية واجباتة
الزوجية ..اللى مقصر ولا مطول فيها دى...
سوسة: أة ليكى حق يا بت ..فاتتنى دى ..أنتى عارفة يا بت
شلة العيال الفسدانة اللى بيروحوا عند البركان الكبير
ويفضلوا يشموا ..فى الغازات اللى طالعة حوالين البركان ..
ويونونو.ويعملوا دماغ ..وينزلوا نهب و سرقة فى الكهوف ..
هى هى: الكل سمع عنهم ..بس عمرهم ما جم ناحية الكهف
بتاعنا ..كانوا بيخافوا ..من هوهو ..ويعملولة ..
ألف حساب ..ولما يقربوا بس ناحية الكهف ..كان
يطلع لهم بحربتة.. ويجريهم قدامة ذى الجديان..
سوسة: أهو تكدبى وتقولى..أنة أتلم عليهم وكان بيروح معاهم البركان
يشم الغازات.ويرجع لكوا مونون و عامل دماغ..ويضربكوا..
هى هى: بس دة عمرة ما شم غازات ..ولا عمل دماغ ..دة جلفن ..
ومالوش فى المزاج ..دة لو شم وردة يدوخ ..
سوسة: يعنى جوز هيام ..اللى كان شمام ..
هى هى: وأنتى يا خالتى سوسة.. عرفتى دة كلة منين ..
سوسة: من اللوح المسحور يا بت ..ما هو أنا كل ما أشغلة لحد
الأقى واحدة من أحفادى ..حطة بوزها فى الموضوع ..
هى هى:طب شمام وعرفناها ..أية بأة واجباتة الزوجية دى ..
سوسة : دى بأة تقربيلى ودنك فيها ..عشان العيال متسمعش.. هى هى: لا يا ختى ..أنا مقدرش أأقول للحكيم الأكبر ..الكلام دة ..
أستحى ..وبعدين الحكاية دى بالذات ..هوهو ..فيها
وحش كاسر ..ومش مقصر أبدا ..
سوسة: وهوة يعنى ..كان جوز هيام ..اللى مقصر ..بس هى كدبت
وقالت كدة ..عشان تخلعة..
هى هى: أهو أنا بأة عايزة أعرف ..يعنى أية ..تكلعة دى ..
سوسة: ياة ..دة أنتى غبية قوى يا بت ..بعد دة كلة لسة بتسألى
وبعدين تقولى.. أخلعة ..مش أكلعة ..لحسن الحكيم الأكبر
يضحك عليكى ..
هى هى: وهوة الحكيم بتاعنا يعرف ..يعنى أية الخلع دة..
سوسة: حكيمنا ..يعرف كل حاجة ..دة عندة أحدث لوح سحرى
فى مملكة الكهوف كلها ..وطقأطقى لى ودانك معايا ..
الخلع معناة ..أن جوزك.. يتخلع م الكهف وميقدرش ييجى
ناحيتة ..وأنتوا تعيشوا على راحتكوا بأة ..وتلعبوا ..
وتهيصوا ..وبعدين تعبتونى..أنتوا عايزين..
تخلعوة ..ولا.. لأ ..
الثلاثة يصرخون معا
- نخلعة..نخلعة..
وتقف (هى هى) فى جدية ..وتصرخ فاتحة ذراعيها..
- قول يا زمن..وأكتب يا تاريخ..أن هى هى .. أول ست فى التاريخ.. تخلع جوزها ..
_________________________________________
الفصل الرابع
_________
يجلس الحكيم الأكبر على كرسية الحجرى وهو شيخ تجاوز عمرة
المائة وخمسون عاما يرتدى جلد أسد ..أبيض اللحية ..يحيط بة أكثر من خمسين أمرأة يرتدين جلود الثعالب..من أعمار مختلفة .
.وقد أبتلت لحية الحكيم الطويلة من كثرة البكاء بعد ما سمعة ..
من هى هى وأولادها ..
الحكيم: بأة الخنزير دة..الخرع ..شمام الغازات ..عمل فيكوا كل دة ..
وأنتى..يا أصيلة صابرة وأستحملتى كل دة ..عشان عيالك ..
طلباتك أية يا أصيلة ..وحنفذهالك ..حالا ..
هى هى: أكلعة م الكهف ..يوة..أخلعة يا حكيمنا ..أخلعة.
الحكيم : حقك ..يا أصيلة ..حقك ..قررنا نحن حكيم الكهوف
وكبيرها..خلع الخنزير هوهو ..من كهف الست
الأصيلة ..هى هى..وأولادها..ويحرم علية الأقتراب
من الكهف..حتى الجبل الكبير..
ويتم حفر أسم ورسم ومأساة..الست الأصيلة ..هى هى..
على جوانب الكهوف..وتسجل كأول ست تخلع جوزها ..
فى تاريخ البشرية...
الفصل الخامس
_________
يعود هوهو الى الكهف وهو سعيد ..لأنة تمكن من أحضار مصاريف
الكهف المدرسى لأبنة وأملة فى الحياة ..وبعد أن أدخل صيدة
فى حوش الكهف ..فوجئ بحرس ..الحكيم يحيطون بة ويقيدونة ..
ويبعدونة عن الكهف ..ويبلغونة بأوامر الحكيم الأكبر ..بأنة ..
مخلوع من الكهف ولا يحق الأقتراب منة.. حتى الجبل الكبير..
الفصل الأخير
__________
ترقص هى هى ..وأولادها فى حوش الكهف فرحين بالتخلص من
هذا الكابوس اللى كان كابس على نفسهم ..وأخذوا يغنون..
الثلاثة: وخلعناة ..وخلعناة ..وخلعناة ..
فجأة تظهر شلة العيال الفسدانة ..ويقتحمون الحوش وهم يصيحون
تجرى هى وأولادها ..الى داخل الكهف ..مرعوبين مذعورين
تأخذ شلة العيال الفسدانة كل الحيوانات التى في حوش الكهف..
حتى التنين العجوز لم يتركوة ..وأتجهوا مبتعدين ..ناحية الجبل الكبير
تخرج هى هى ..وأولادها الى الحوش ..وهم يبكون ..ويرتعدون من
الخوف ..عندما وجدوا الحوش وقد نهب عن أخرة ..
فجأة تظهر الحيوانات من خلف الجبل الكبير وهى راجعة الى
حوش الكهف ..يقودها.هوهو.ويدخلها مكانهادون أن ينظراليهم ..ثم يستدير ليغادر حوش الكهف.تصرخ علية أبنتة ..وهى تبكى
- خليك يا هوهو متمشيش ..أنا خايفة ..
تجرى وترتمى فى أحضانة ..ويسحب يويو ..أمة من يدها ويضعها
فى يد أبية ..فتمسك هى هى ..يدة بقوة ..وتهمس في رقة..
- خليك يا هوهو..أحنا من غيرك.. ضعنا ..
هوهو: وأنا من غيركوا ..تهت فى دنيتى...
(النهاية )