نجوم مصرية
منتديات نجوم مصرية منتدى المواهب منتدى موهوبين الادب والشعر



ارتفاع الأسعار......للشاعر أحمد الغندور

 

ــــــــــــــــــــــــــــــــــــــــــــــــــ ـ
واللهِ حكم الزمن في شعب مصر وجار

علشان بلانا بوثن هايف رخيص غدار

ما شوفنا منه جديد غير المحن والعار

والجوع وشرب الصديد والعمر ضاع في مرار

والمر أيه اخرته ويا ارتفاع الاسعار

ماتت الرعية وضاع الصبر مل عطار

بياع السرير م الدلع بيسخر من الجزار

وام الفلافل بتضرب والله علي الأوتار

عمالة تصغر عشان عشقها صبحوا كتار

والفول بقالة مكانه وعزه قال وانصار

ومهاجرين م الزقاق في حاله يا ستار

كالنمل في مسكنه إن حل به أخطار

أما صاحبة الجلاله اللحمة دي أقدار

ما ياكلها غير مرتشي أو ندل مل فجار

اللي بقوتنا اصبحوا قال يعني سادة كبار

وعامة الشعب حتي الملح منهم طار

ولسه ياما نشوف من عصبة الأشرار

قتلونا بسلاح عنيف مايشلوا غير جبار






نوعه ارتفاع السلع علشان كدا بتار

حتي الرغيف بالطابور وكمان بقاله سمسار

ويعمل أيه الجنيه والحالة صبحت نار

فلاح وعامل وبيه ضجوا من المشوار

والبعض برقص بليه علشان في جيبه دولار

دوله حاميها حرامي خوفي في يوم تنهار

الشاعر /أحمد الغندور

الشرقية


مصر

كفر الحمام







تابع نجوم مصرية على أخبار جوجل، إضغط هنا





المقال "ارتفاع الأسعار......للشاعر أحمد الغندور" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
متخصصون يقدمون روشتة للمواطن المصرى لمواجهة ارتفاع الأسعار

Powered by vBulletin Version 3.8.8
Copyright ©2000 - 2019, Jelsoft Enterprises Ltd
جميع الحقوق محفوظة © fmisr.com منتديات نجوم مصرية