انا حصللي الموضوع ده........ واحدة بحبها اوي وحاسس انها بتحبني برضو من نظراتها ولما بكلمها برضو بحس انها حاسة بيا بس للاسف ماعنديش الشجاعة عشان اقولها اني بحبها............

ما عندكش الشجاعة انك تقولها اية يا ابنى فيلم رد قلبى دة
ههههههههههههههههههههههههههههههههه
لالالالالالالا الموضوع بيسط فحت يعنى
انت بس اول لما تشوفها قولها انتى هتقولك نعم قول لها انا بحبك وش كدة ارزيها فى وشها
هى هتعلق لك المشنقة قلبظ دماغك يا بومبو البنت بتحب الواد اللى خارج من فانوس روش يعنى

اكيد في كتي اتنين بيحبوا بعض وممكن ميكنوش يعرفوا بس الحل الوحيد ان واحد يقول للتاني
لان احنا مش هنعيش غير مره واحد ومش هنحب برضه غير مره واحده

اشكرك على المروررررر

انا ميزو سنى 21 سنة


قصتى غريبة شوية بس والله حصلت


انا شوفت بنت فى ايام الثانوية فى المدرسة اول ما شوفتها حبتها من اول نظرة وفضلنا نبص لبعض فى المدرس 3 سنين من غير منكلم بعد خوف لحد يشوفنا او كسوف



لما خلصت الدراسة مكنتش بشوفه بقى ولا اعرف بيتها ولا اى حاجة عنها لما دخلت الكلية رفض اى بنت انى اكلمها علشان مستنيها اشوفها فى اى وقت كنت فى سنة اولى كلية وشغال فى محل وانا فى مرة من المرات شغال لقيتها معديه فضت مركز معاها وهى مركزة لدرجة اللى شغال معايا قالى مالك فحكيت له قالى دا صاحبةاختى وبجلنا على طول قولت دا ربنا باعتوا من السماء ياعم احمد عايز رقمها او حتى ابعتلها رساله انى معجب بيها قالى طيب



قال لاختى واخته قاله لها ومن ساعتها وهى بتعدى من قدام المحل 6 مرات فى اليوم

لدرجة انن بنبص لبعض بطريقة الناس بتاخد بلها مننا وبعدين بقت تقول لصاحبتها خلى احمد اخوكى يجيب محمد معاه اللى هو انا فكان يقولى هى قالت لها كدا بس معرفه انتى انها متقولش ليا حاجة اختى قلتلى قوله تعالى دا فى فرح انهاردة وحبيبتك جاية طبعا كان بيقولى اى حاجة بيسمعها فى البيت معاهم من ورا الباب ويقولى فضلت على الحال دا لمدة سنة كام مش عارف اتواصل ليها وكل ما اطلب الرقم او التعارف ويوصل لياها الكلام تقول لا مينفعش ادى الرقم وحسيت انها بتتقل عليا .


بعد كدا فى سنة تانية كلية لقيتها حولت من الكلية بتاعتها فى المنصورة وجت فى بنها احنا اصلا من بنها انا وهى

ونفس الكلية واحدة من غير ذكر اسم الكلية


وبعدين قولت كويس فبقيت احضر كل شوية لمدة شهرين اللى كنت مبحضرش خال غير على اخر اسبوع اجيب المقرر وخلاص وانا بحضر لقيتها ماشية فى الكلية انا طبعا من النوع الكسوف جداااااااااااااا وعمرى ما كلمت بنت ولا مشيت مع بنت ولا اى حاجة اكتر حاجة ممكن تعارف كذا بنت على النت وخلاص

وبعدين ابن خالى كان زى اخويا متربين سوا وعارف عنى كل حاجة يكبرنى بسنتين قالى تعمل ايه تروح وتكلمها وتقوله انا عايز اتكلم معاكى شوية لو موافقة كلمها وعيش فوافقة الفكرة


روحت الكلية من بدرى وفضلت مدور عليها لقتيها شايفانى وفضلت تبص عليا زى ما انا ببص عليها وكنت متاكد 90 فى المية انن بنحب بعض وفاضل البداية فقط المهم فضلت حوالى 10 دقائق من بعيد متابع لغاية لما واحدة قامت من جنبها وقمت روحتبسرعة وقعدت جنبها وبقولها ازيك ياكذا عاملة ايه هى ردت عليا وضحكت وقالتى الله يسلمك من كتر الفرحة قلبى كان هيقف وبعدين بقولها انتى معانا هنا فى الكلية قالتلى اه انا حولت من المنصورة وجيت هنا قولتله طيب وفضلنا نتكلم شوية على الكلية وبعدين قولتله ممكن نتكلم بعديد شوية اصلا كان فى واحدة صاحبتها بس سنها كان كبير قعده جانبها ومركز معانا فى الكلام وبتعلق عليا كمان دا اللى كان مضيقنى .

وبعدين قمت وفضلت اليوم دا كله عمال ابص ليها فى الكلية رايح جاى واحنا ماشين مشيت وراها ووصلتها للبيت وعرفت بيتها وهى طبعا شايفانى ومبسوطة انى مهتم بيها .

وبعدين مرة تانية كان معايا الواد اللى شغال فى المحل معايا كان معايا فى الكلية وهى جت وهو قالى ياعم روح كلمها ومتخفش قولها بحبك طبعا انا فاكر ان اخته عارفه حاجة وهى اللى قالت له.

المهم روحت اليوم دا اقولها كان هو واقف بعدين وهى واخده بالها روحت اقوله انا عايز اتكلم معاكى قالتلى عايز ايه فجلست جنبها وقولتلها عايز اتكلم معايكى ولسة هبدا لقيتها بضحك بتقولى ممكن يامحمد تروح لاصحابك ساعتها ببص لقيت حوالى 30 متر و2 اصحابى واقفين بيتفرجوا طبعا هى عندها حق بس انا اول مرة اكلم بنت ومعرفش اعمل ايه بقولها طب عايزين نبقى اصحاب مقدرتش اقول بحبك او معجب فردت وقالتى انا مش بكلم حد وسكتت طبعا انا قولتلها شكرا وقمت ووشى كان عامل زى حتة الكبدة ولعة جداااااااااااااااااا ووشى ابيض اصلا كان احمر جدااااااااااااااا وكنت حاسس انى خجول جداا.


وبعدين من ساعتها انا رجعت 100 خطوة للخلف ومش حاسس باى سعاده
وبعدين بعد يومين واحنا فى المدرج لقيتها قاعده مع ولد ومعاه 6 بنات فالمهم منين مش بكلم حد ومنين بتقعدى مع دا فزعت اوى والله والله والله لو كن من اول مرة بصت وحش كنت فهمت انها مش عايزانى بس انا لغاية دلوقتى مش فاهم حاجة طب ليه كانت بتقول لاصحبتها دا حمادة مشى ورايا دا حمادة لازم يجى الرفح دا حمادة لازم اشوفه انهاردة . وطبعا احمد كان بيحكيلى .

خد صدمة حياتى كلها


قعد حوالى اسبوعين مش قادر اروح الكلية ومنفضش وكسلان ليها كدا


وبعد حوالى اسبوعين روحت احضر علشان امتحانات السنة التانية قربت كان بظبط 25/10/2010 لقيتها بتبصلى منب بعيد وهى اللى مهتمه بيا انا منفض بس فى نفس الوقت مش فارقة معايا بس اهم حاجة

كنت لازم اشوفها لما بشوفها برتاح حتى لو مش ليا ولا من نسيبى

قررت ساعتها انى انسها وانفضلها بجد حتى لو هى اللى جت تكلمنى لانها طلعت بنت من وجهة نظرى انانية تحب تكلم كذا ولد وبعد كدا تختار فى الاخر الانسب والاهم مع انى احسن من الواد فى كل حاجة الحمد الله وكمان كنت الاول .


وبعد كدا بشوفها دلوقتى بودى وشى الناحية التانية وبروح الكلية ساعات ومقضى حياتى .

بس لما بقعد لوحدى وافكر احس انى انا اللى ضيعتها من حياتى ولا هى وانى بخجلى ضاعت ولا هى واسئلة كتير جدااااااااااا محوطة ذكرتى وحاسس بالندم مش علشانها لا علشان السنين اللى ضاعت علشانها وهى مش حاسة بيه



وكل التعليقات موافق عليها
بس على فكرة طلع الواد اللى معاه دا مش مرتبطين ببعض دا قريب صاحبتها وبيقعد تيكلم مع اى واحدة معاهم .



بس انا حاسس انى من غيرها هبقى احسن وبجد خد عهد مع نفسى انى عمرى ما هبقى مزلول علشانها



هعيش حياتى وهشوف غيرها ومش فرقة معايا


بس نفسى انسها من حياتى

فالاول لما كنت بشوفها بحس بالفرحة فى قلبى

دلوقتى لما بشوفها ببقى عايز مشفهاش تانى

ولما مش بشفها مش بفكر فيها خالص ام لما بشوفها فى اى حتة ووبذكر طلعت ساكنه جنبالبيت عندى بحوالى 5 شوارع


وبشوفها كتير جدااا واختها اكبرر مننا بحولى 3 سنين شكلها بظبط و عارفها كل حاجة عن الموضوع هى باين كانت بتحكلها .

بس بجد بفسى واتمنى من الله انى انسها ويبعتلى بنت تفهمنى اكتر منها بسرعة


بس اصعب حاجة فيها لما كنت بتحب بنت وبتعشقها وبعد كدا مش قادر تبص فى وشها مش علشان زعلان لا علشان مش عايز تفتكر حاجة ليها


بس انا حاسس بتغير كبير فيها وصدقونى لو فضلت حزين عليعا هفضل العمر كله حزين ومش قادر اتحرك مع انها هى والا فى دماغه


فا اناا قررت انى انسها ومعرفهاش تانى بس نفسى ربنا ينسهالى





معلشى انا طولت علكم اوى بس والله ارتحت اوى اوى اوى لما طلعت الكلام دا كله بالمناسبة امى كانت عارفها الموضوع لانى اقرب حد عندى فى البيت هى امى ومش بكسف منها خالص وكنت بحكلها كل حاجة وهى اللى خلتنى انسها .


ياريت حد يقولى انسها ازاى اكتر