في محاولة لاستغلال الوضع الاقتصادي المتردي في مصر حاليا, حاولت الولايات المتحدة ان تفرج عن الجاسوس الامريكي ايلان جرابيل والمتهم بالتجسس لصالح اسرائيل مقابل زيادة المعونة الامريكية المقدمة لمصر.

الطلب تقدم به السيناتور الامريكي جاري اكرمان, عضو الكونجرس, وذلك للافراج عن الجاسوس الذي القت السلطات المصرية القبض عليه في يونيو السابق وهو حامل للجنسية الاسرائيلية بالاضافة الي الجنسية الامريكية ووجهت له الاتهامات بمحاولة تجنيد عملاء والتجسس في احداث الثورة المصرية.

الجاسوس من المهاجرين الي اسرائيل في عام 2005, والتحق بالجيش الاسرائيلي وشارك في حرب لبنان 2006.


الجاسوس ايلان جرابيل في الثورة المصرية

انا لا افشى سرا لما اقول ان 70% من المعونه الامريكيه بتروح للجيش (معروفه و من زمان)
و لا اخون الجيش المصرى العظيم خير جند الارض و لكنى اخشى عليهم ان يكونو اليد السفلى و امريكا هى اليد العليا و هم مش فى حاجه لمعونه من امريكا علشان خايفه منهم بعد حرب اكتوبر على امن اسرائيل

لو البلد لم تسرق و مواردنا تعود لبلدنا حنكون اغنى من امريكا و جيشنا لن يحتاج لمعونتهم و برضه انا لا افشى سرا الاحصائيات و الدراسات كلها بتقول كده

و لكن الجيش يخون العيل اللى بياخد مصروفه من ابوه انه خائن و ضد مصر و عميل و بياخد تمويل اجنبى و عايز يوقع بين الشعب و الجيش (برضه لا افشى سرا الامر واضح للجميع)

مش عايزين معونه زى قلتها و يا رب ما نسلمش كلبهم ليهم و فى داهيه امريكا و معوناتها
و تحيا مصر

انا طبعا موافقك اننا مانسلمش الجاسوس ليهم, لكن برده عاوز اقول اننا مانقدرش دلوقتي نستغني عن اي مساعدات اقتصادية لان الاقتصاد المصري دلوقتي في الضياع,

نفسي ربنا يكرمنا ونقدر نلحق نفسنا قبل ما البلد تحصلها حاجة, الفترة دي صعبة جدا ويارب تعدي علي خير ولو عدت علي خير باذن الله مصر هتبقي احسن بلد في الدنيا ولا معونة ولا غيره

انا طبعا موافقك اننا مانسلمش الجاسوس ليهم, لكن برده عاوز اقول اننا مانقدرش دلوقتي نستغني عن اي مساعدات اقتصادية لان الاقتصاد المصري دلوقتي في الضياع,

نفسي ربنا يكرمنا ونقدر نلحق نفسنا قبل ما البلد تحصلها حاجة, الفترة دي صعبة جدا ويارب تعدي علي خير ولو عدت علي خير باذن الله مصر هتبقي احسن بلد في الدنيا ولا معونة ولا غيره

كانوا بينكروا انه تبعهم و انه جاسوس و لما لقو الحكايه جد اعترفوا و دلوقت بيساوموا تسليمه مقابل زياده المعونات و خلى بالك من كلمه (زياده) يعنى هم مش حيقطقوها و ما يقدروش يقطعوها و بالعكس وزير الماليه لما قال لهم مش عايزين معونه كشوا و قالو لا ما ينفعش مصر ما تاخدش معونه هم عايزين دياميا نحتاج لهم و بصراحه احنا مش محتاجين لهم و صدقنى لو بطلنا نتسرق بس حتى لو فلوسنا اللى اتسرقت ما رجعتش برضه حنعرف نعيش و اقتصادنا كويس مش وحش

اللعب اللى بيحصل دلوقت بسبب برضه الفلول و رجال الاعمال اللى تبع علاء و جمال و مبارك و سوزان و السعوديه و فلولهم هم اللى بيبلعبوا فى البورصه و فى الاقتصاد علشان الناس تقول ان الثوره اثرت بالسلب على اقتصاد البلد بس مكشوفه

و الفتره دى ان شاء الله حتعدى و على خير قوى كمان لو متطلبات الثوره اتحققت
لو مش عايزين البلد تهدى يستمروا فى العند مع الشعب
و لو تحققت العداله الاجتماعيه و الكرامه و تطهير البلد و الامن و الامان مصر حتكون احسن من امريكا اللى بتشتكى اكتر مننا (و لا عندها مظاهرات و لا حاجه اهو) لكن بيشتكوا من تدهور اقتصادهم المستمر و تابع الاخبار و انت تعرف حتى اوروبا فى ازمه اقتصاديه
مصر فوقهم كلهم و ربنا ما يحوجنا ليهم
و تحيا مصر

انا طبعا مع اعدام هذا الجاسوس حتى يكون عبره لغير واذا كانت امريكا تمارس علينا الضغوط الاقتصاديه من اجل هذا الجاسوس فيجب علينا عليهم من اجل مكسب اكبر من هذا الجاسوس لان حبسه لن يعود علينا بنفع ولكن المكسب الاقتصادى هو الاهم الان

تمام رأيك يا صديقي

شكرا ليك وباذن الله نعدي من الازمة الاقتصادية دي علي خير