حد يقولى لماذا شهد زور
|
المشير طنطاوي يعترف بتلقيه أوامر بقتل المتظاهرين
حد يقولى لماذا شهد زور |
|
عمر عفيفى يكشف حقيقة المجلس العسكرى
|
|
يا احمد المشير لم يقل انه تلقى اوامر بالضرب وهذا الفيديو لا يعني ابداً انه تلقى اوامر بضرب الشعب . كلام المشير اقرب الي ان يكون ان المجلس العسكري اتفق على عدم مواجهة الشعب حتى وان صدرت له اوامر بذلك . الرجل في نهاية العمر فكيف يشهد شهادة زور ضد عدد من الشهداء ولنصرة شخص فاسد ؟؟؟؟؟ هذا الكلام لا يعقل . وكمان المخلوع الفاسد رغم اخطائة وفساده الا انه كان اذكى من ان يعطي اوامر للجيش بمواجهة الشعب انتم فاكرين ان المخلوع الفاسد مبارك زي القذافي المجنون او بشار الاسد الننوس ولا ايه . وبعدين ايه التحامل الغريب على المجلس العسكري دا يا اخي كفايه لو سمحت خلي المرحله تمر بسلام |
|
الرائد محمد عمر على السيد يفضح طنطاوى و مجلسه العسكرى
|
|
|
|
الصاعقه تعدم احد الضباط المعتصمين بالتحرير بجمعة التطهير
|
|
كيف قتلت الشرطة العسكرية ضابط الجيش
|
|
نقلا عن جريدة حقوق دوت كوم المعتقلون من التحرير:الجيش والشرطة العسكرية خلعونا ملابسنا وزحفونا وصعقونا بالكهرباء فى مناطق حساسة من الجسم كشفت شهادات المعتقلين من ميدان التحرير فى أول أيام شهر رمضان عندما قامت الشرطة العسكرية وجنود الجيش ومجندو الأمن المركزى بفض اعتصام الثوار بالقوة والقوا القبض على نحو 111 شاب مدى المعاناة التى لاقاها هؤلاء الشباب داخل السجن الحربى ومدرعات الجيش ونشر مركز النديم لتأهيل ضحايا العنف والتعذيب هذة الشهادات مدعومة بصور توضح أثار الإعتداءات والتعذيب التى تعرض لها المعتقلون من قبل الشرطة العسكرية والجيش دون تمييز بين فتاة او شاب فى البداية يقول أحمد عبد السميع السيد :" يوم الاثنين 1 أغسطس الساعة 1 ظهرا أبلغوني بالتليفون ان الجيش والشرطة العسكرية بيفضوا الاعتصام وان فيه ضرب نار. نزلت الميدان أنا وصديقي وبنت. ما عرفناش ندخل الاعتصام جوه. وكان فيه واحد بيشتمنا واتلم علينا ناس ييجي 15 واحد قعدوا يضربوا فينا (لابسين مدني) وبعدين سلموني للواء شرطة عسكرية (أمام الشبراوي) في شارع البستان سلمني لعساكر جيش (وليس شرطة عسكرية) الاتنين عارفني لما كنت مضرب عن الطعام ولما رحت المقابلة مع المجلس العسكري. شتموني وضربوني. قالوا لي مش انت الي كنت في المجلس العسكري؟ ضربوني لغاية ما وصلت للمدرعة. ضربوني بالعصيان وأنا طالع المدرعة نزل عسكري من فوق وضربني بالرجل في وشي. قعدنا ييجي نص ساعة في المدرعة ومشيوا ل س 5 في ضهر قصر عابدين. هناك قعدنا طول اليوم ياخدوا أسماء ويلموا بطايق وشتايم واهانات. والفطار جه بعد ما هم فطروا بساعة. شربونا ميه شكلها مش نضيف وقالوا دي الميه اللي عندنا. فطرونا من بواقي أكل العساكر (كنا 111 شخص) والدتي كلمتني في التليفون جيت أرد أخدوا التليفون كسروه. جت أخبار ان فيه مسيرة عند الشورى ومجلس الوزرا احتجاج على اعتقالنا. وبعدها بساعة نقلونا س 28 وبعدين ودونا السجن الحربي. على طريق السويس. أول ما دخلونا قلعونا هدومنا ووقفنا بالبوكس خدوا أسماءنا وموبايلاتنا والفلوس.يسألونا اتقبض عليك فين، اللي يقول التحرير ينضرب. كان معايا ييجي 15 واحد خلونا زحفنا على بطننا. مسافة طويلة. واحد عسكري مشي فوق جسمي وضربني وبعدها لبسنا هدومنا ودخلنا الزنزانة. وبعدين قلعونا هدومنا وعملو كشف طبي بمجرد النظر. وخرجنا ودخلنا الزنازين تاني بعدها مفيش ميه في الزنزانة جيركن واحد حوالي 20 لتر لخمسين فرد. الاجابة على أي سؤال كانت ضرب. طول يوم التلات الافطار طبق واحد مكرونة وفرخة لتلاتين فرد في حجرة و30 رغيف معفن. اما زينب فتحكى قائلة :" كان ميدان التحرير محاط بقوات صاعقة وشرطة عسكرية وأمن مركزي. كان ده يوم 2 رمضان كنت مروحة الساعة 11:30 وصلنا صديقتي لمحطة مترو السادات ووقفت أنا وصاحبتي التانية على الرصيف ننتظر تاكسي، لقينا ست بتزعق وناس ملمومة رحنا نشوف في ايه، لقينا الست بتدافع عن المعتصمين وبتكلم الناس إزاي يقضوا الاعتصام بالقوة، أنا اخذت الست وحاولت أهديها فجأة لقيت ضرب نار في الهوا وشرطة عسكرية بتضرب الناس بالعصيان الست العجوزة وقعت (الحادث قي الشارع عند محطة المترو بالقرب من كنتاكي) حاولت اسند الست أقومها واهديها. كنت حاسة إنها زي أمي، الشرطة اللي كان معاها عصيان سابوني اقومها وقالي قوميها مش هضربك ، جه عميد طلب صديقتي. أنا زعقت حرام عليكم قال هاتوا دي كمان ، كانوا كتير قوي ماسكني من ايديا الاتنين، وأحنا ماشيين واحد رفع البلوزة وبدأ يضربني على جلدي على طول ويشتمني شتيمة قذرة في الشرف.. وعملوا زفة قذرة علشان كل اللي عملته إني كنت بأساعد الست. لا آله إلا الله كنت حاسة بالهانة من تعرية جسمي، ده الميدان اللي أحسن ناس في مصر ماتت فيه". وتستكمل :"خدوني على الصينية كانوا بيسلموني لبعض العميد مجدي مسكني أنا وصاحبتي وقال لي أنت كنتي هنا أمبارح وشتمتي المشير. حلفت له إني مكنتش موجودة وما شتمتش المشير ، صاحبتي قالت له أنا اللي شتمت المشير وهشتم أي ديكتاتور.. قال هاتوا عربية أنا هأسلمهم.. جم بتوع الشرطة العسكرية اللي رفضوا يضربوني، قعدوا يترجوا العميد انهم ما يضربونيش. جه واحد صاعقة كلم العميد على جنب بعدها قال لنا يالا أمشوا ومش عاوز أشوف وشكم تاني". كل الضرب ده مكنتش حاسة به حسيته في البيت شفت آثار الضرب. ساعتها مكنتش حاسة غير بالاهانة بسبب تعرية جسمي وشتمتي .. أنا مش عارفة أنا غلطت في إيه؟ أنا غلطانة إني قومت الست .. حسبي الله ونعم الوكيل أما أحمد مصطفى عبد القادر فيقول :" أول يوم رمضان الساعة 1 كنت رايح أصلي الظهر عند عمر مكرم وبعدها كنت هأروح على طول من طلعت حرب. دي كانت نيتي لسه داخل التحرير لقينا ناس كتير من الجيش محوطين التحرير من جميع النواحي زي يوم 28 يناير. جريت على الجامع. ودخلنا جوه وقفلنا الباب عشان كانوا بيضربوا في الشبابيك وعاوزين يخشوا. حطينا الجزامة ورا الباب. وبعدين قالوا لينا اخرجوا الدار أمان. خرجنا فتشونا كلنا. قلت له أنا صحفي قال لي امشي يا روح أمك. ركبنا المدرعة ورحنا س 5 (نفس قصة أحمد عبد السميع) ضرب وخلع ملابس وزحف عرايا في السجن الحربي واكتشف ورم في الجانب الأيسر من الظهر وألم في الساق يحتاج كشف جراحة. أما عمرو فيحكى قائلاً " أول يوم رمضان خلصت شغل من ماسبيرو الساعة 2 العصر ونازل مترو التحرير مروح لقيت 3 أشخاص مدنيين في المترو تحت السلم قالولي تعالى (يا بن ال...) شتايم على طول أخذ البطاقة وكسرها وكان معايا ألف جنية أخدها مني، ضرب بالأيد وشلاليت طلعوني فوق وركبوني مدرعة. استلموني عساكر الجيش قالولي يا كفرة يا ملحدين خربتوا البلد وضرب وتف وشتايم وسخة، حسيت بالأغماء من كتر الضرب ، ربع ساعة العربية اتحركت لقصر عابدين (س 5) نزلونا من العربية ووقفونا طوابير وبعدين قعدونا قرفصة، بنسأل أخدتونا ليه محدش عارف. بعد المغرب طلبنا ناكل ونفطر من الصيام جابولنا ميه وسخة، قعدنا للساعة 9م وبعدين ركبونا في عربية الترحيلات فضلت تلف بينا ساعتين لحد ما وصلنا السجن الحربي. العربية كانت زحمة جدا وبدأت الناس تتخنق وناس يغمى عليها فضلنا نخبط على العربية، قالولنا موتوا هنا وندفنكوا في الجبل، استلمونا على بوابة السجن الحربي شتايم وضرب وكهربا في مناطق حساسة، نيمونا على بطننا وهم بيضربونا بالجذم والسلبة وقالولنا ازحفوا لحد البوابة. قلعونا هدومنا ودخلونا السجن قلت للضابط أنا مريض وباخد دوا قالي موت وادفنك في الجبل، بدأت أحس بالأغماء وبدأت تجيلي تشنجات ودوني للدكتور قالي قوم يا خول معندكش حاجة. جابولنا أكل معقن وعيش ناشف. مفيش كانتين . ومنعونا نتصل بأهالينا خالص. بيصحونا من 6 الصبح نعمل طوابير في الشمس وسلطوا علينا بلطجية جوا السجن علشان نخدمهم نغسلهم هدومهم ونسخن لهم ميه. طلبنا نبات في الجامع علشان نبعد عن البلطجية وفعلا قعدونا الاثنين والثلاثاء في الجامع، أهانات مستمرة والأكل قليل جدا جدا، الميه صفرا ووسخة، والعساكر بتبيع علبة السجاير الكليوباترا بعشرين جنية. يوم الأربعاء الساعة 8 الصبح نادوا علينا وقالولنا الداخلية هتستلمكوا ، نقلونا النيابة – القصر العيني – اتعمل لنا محضر وكتبوا فيه اننا دخلنا على الرائد بالمولوتوف، وكيل النيابة قالي بطل تروح الشغل اليومين دول ورفض يسجل ضياع ألف جنية مني، دراعي الشمال مش قادر احركه من كتر الضرب واصابات جسمي لسه بتألمني لحد دلوقتي. شفت شباب في السجن الحربي محترمين جدا دكاترة ومهندسين مسجونين ولسه بيتجدد لهم مش عارف دول محبوسين ليه |
|
والشعب بئ مطلوب منه يصدق اي واحد يكتب كلمتين في المنتديات ويصدق اي فيديو ينزل على اليوتيوب . طب ايه اللي يثبت صحة الكلام دا علشان نصدقة ؟؟؟؟؟؟؟؟؟؟؟؟؟؟؟ |
|
استاذ \ عبد الرحمن 2011
عايز تصدق انزل بنفسك الى ميدان التحرير ميدان التحرير ليس ببعيد عنك هى الناس اللى بتقتل على يد الجيش و بتترمى فى الزباله مشفتهاش و لو ما شفتهاش انزل و أسأل اهالى الشهداء فى الميدان الان و اعمل معهم حوار و هتعرف الحقيقه اللهم اكشفهم و افضحهم يا رب العالمين |
|
انزل يا عبد الرحمن يابنى الميدان
شوف الناس دى و اتكلم معاها دول اشرف ناس فى مصر و بيطالبوا بحقوقنا كلنا بيطالبو بكل الخير للناس كانوا بيصلوا الجمعه و اللى فى العباسيه ما بيصلوش و الصورتين جنب بعض اللى فى التحرير بيقولوا يا رب و تحيا مصر و اللى فى العباسيه بيقولوا الشرطه و الشعب ايد واحده الشهداء و مشاريع الشهداء فى التحرير و الفلول بتوع اسفين يا ريس و اسفين يا مشير فى العباسيه شعب مصر النقى اللى حرر مصر من مبارك فى التحرير و اللى عايز يجيب مصر ورا و ماشى ورا توفيق عكاشه فى العباسيه اختار طريقك يابنى الحلال بين و الحرام بين و ربنا يهدينا جميعا الى طريق الحق |
|
يا استاذه بديعه انا فعلا لم انزل التحرير من فتره لكن ايه علاقة التحرير والعباسيه بالفيديوهات اللي بينشرها الاستاذ احمد ؟؟؟؟؟؟؟؟؟؟؟؟؟ انا بتكلم على الفيديوهات اللي منزلها الاستاذ احمد وشويه دم ودا دم ظابط تم شنقة من الصاعقة ودا ظابط جيش اطلق عليه الرصاص من الشرطه العسكريه ودا 8 ظباط اعدموا مش عارف فين . طب ايه الدليل على صحة الكلام دا . هو كل واحد ينزل فيديو نقول له امين امين |
|
يا استاذه بديعه انا فعلا لم انزل التحرير من فتره لكن ايه علاقة التحرير والعباسيه بالفيديوهات اللي بينشرها الاستاذ احمد ؟؟؟؟؟؟؟؟؟؟؟؟؟ انا بتكلم على الفيديوهات اللي منزلها الاستاذ احمد وشويه دم ودا دم ظابط تم شنقة من الصاعقة ودا ظابط جيش اطلق عليه الرصاص من الشرطه العسكريه ودا 8 ظباط اعدموا مش عارف فين . طب ايه الدليل على صحة الكلام دا . هو كل واحد ينزل فيديو نقول له امين امين شفت تقرير الاطباء اللى حللوا الغاز كنت قبل كده قلت لى ايه الدليل انه غاز محرم دوليا التقرير طلع و النتيجه انه فيه غاز اعصاب و مواد محرمه دوليا و رفعوا الاطباء قضايا دوليه على المشير لمحاكمته دوليا على الاباده الجماعيه يابنى انا جوز واحده صاحبتى رجع البيت و عينه كلها دم من الغاز الدكتور فى المستشفى الميدانى اداله دوا و قال له ما ترجعش محمد محمود تانى و الا الرئه حتنفجر لو شميت غاز تانى يابنى الناس بتجيلها تشنجات عصبيه و بتفقد الذاكره و بتموت من الغاز الكهربا اكتر من شاهد عليها و كل الكلام ده صح و لما اقولك انزل علشان تشوف و تسمع بنفسك السؤال هو ليه يفتروا؟ كلنا نفسنا المجلس و الشرطه يحنوا علينا و يعاملونا كبنى ادمين كل الفيديوهات و الكلام و الشهود موثق و المحاكمات حتحصل يعنى حتحصل شوف عدد الاسماء و الشهداء النهارده فى الميدان و رفضوا العزاء الى ان يؤخذ بحق الشهداء و ان شاء الله ربنا حينصر الشهداء و دمائهم لن تضيع هدر النصر لينا يابنى احنا الشعب كلنا عايزين الاستقرار و الهدوء و الرخاء و الكرامه و الشرف و ما فيش حد عنده مصلحه انه يفترى على الشرطه او المجلس و ربنا عالم و مطلع و حينصر الحق و الايام بيننا بكره الحقيقه تبان اكتر و اكتر |
|
يا اختي بديعة انت رجعتي مره اخرى لاحداث التحرير وانا كنت متابع على التليفزيون وعلى الانترنت وكلي حزن لما يحدث في التحرير ولم اشكك في التحرير ولم اقل ان اللي في التحرير بلطجيه . ولم التمس العذر للداخليه او للمجلس العسكري في احداث العنف حتى وان كنت مقتنع او على الاقل لدي احساس ان المجلس برئ من دم الشهداء فلن التمس له العذر حتى تتم معرفة الجناه ومحاكمتهم لانه ما ينفعش ابدا ان الوزير يقول مش انا وما اعرفش والمجلس يقول ما اعرفش احنا مش هنفضل طول عمرنا مع مسؤلين ميعرفوش ايه اللي بيحصل في البلد . ارجع لتعليقي مره اخرى تعليقي على الفيديوهات المرفقه والتي تتهم المجلس العسكري باكثر من عملية اغتيال وشنق لظباط الجيش ما هو الدليل على صحة هذه الفيديوهات لان الامر مش سهل . استشهاد مواطن في ميدان التحرير امر متوقع وقد يوجد له الف مبرر انما اعدام ظابط جيش لا اعتقد بوجود مبررات له من قبل المجلس العسكري . ولذلك نقول ايه الدليل على ان كل الظباط المذكورين تم اعدامهم وفين اهاليهم . طب واحد كده يرفق لنا ام او اب احد ظباط الجيش الذي تم اغتياله من قبل المجلس العسكري وهو بيحكي القصه ان وجد . ولا الظباط دول ما لهمش اهل ؟؟؟؟؟؟؟؟؟ |
|
عايز شاهد انا شاهد على كل ما حدث فى ميدان التحرير
من احداث قتل ظباط احرار نزلوا الى ميدان التحرير و الجيش كان يريد الظباط حتى لا يحدث انقلاب فى الجيش و ان كنت متواجد فى الميدان و شاهدة كل ذلك و عندى فيديهات كثيره سوف اضعها الان و عندى فيديو يثبت ضرب جندى مصرى للمتظاهريين امام مسبيروا و توجد فديهات للجيش و هو يهجم على المعتصمين فى الميدان الايام القليله الماضيه و يضرب المعتصميين فى ميدان التحرير و ايضا يقتل المعتصمين و يلقى بهم فى الزباله و انا كنت موجود وشاهدة ذلك بنفسى عايز شهود غيرى انزل و اسأل بنفسك و بتتكلم فين امهات الشهداء ملهمش اهالى اقول لك اهالى الشهداء موجودين الان فى ميدان التحرير انزل و شوف و اسأل بنفسك و هذه الفديهات و الشهود و الادله على استخدام الزخيره الحيه و قنابل الغاز السام |
|
و هذا فيديو دهس امتظاهرين امام مسبيروا
جندى مصرى يفتخر بقتل أحد متظاهرى ماسبيرو بالرصاص |
|
و اظن ان كلام الرائد احمد شومان و هو واحد من الجيش
الرائد أحمد شومان ينزل للتحرير و يقول للمشير ارحل الرائد أحمد شومان ينضم للمتظاهرين من جديد وكلمة خطيرة وقطع البث بسبب تصريحاته عن الجيش22 11 2011 ضابط في الجيش ينضم للمتظاهرين ظابط مصري ينضم للمتظاهرين في التحرير ٢٢ نوفمبر ٢٠١١ [/SIZE] |
|
يا استاذ احمد انت تاعب نفسك وبتنزل الفيديوهات دي كلها ليه ؟؟؟؟؟؟؟؟؟؟؟ ما احنا كلنا عندنا كومبيوتر وموقع يوتيوب وشوفنا كل الفيديوهات دي ههههههههههههههه يا سيدي الفاضل للمره الاخيره اترك عنك احداث التحرير وماسبيروا وخلافه لان كل دا احنا عارفينه ولدينا عقول ونستطيع تمييز الصح من الخطاء في معظم هذه الاحداث لكن السؤال للمره الاخيره واضح وهو خاص بالفيديوهات اللي حضرتك ارفقتها في المشاركه رقم 36و 37 38 وهي خاصه بظباط الجيش الذين قتلو او اعدموا على يد المشير اوالمجلس العسكري . انت بتقول انك انت الدليل لانك شاهد على هذه الاحداث فهل انت كنت موجود عندما قامت قوات الصاعقه باعدام هذاالظابط وكذلك اعدام 8 ظباط الي اخره . اتمنى الاجابه على هذه الجزئيه فقط اترك عنك احداث الثورة وقتل الشهداء . يا رب بئ ما يرجعش يقول ميدان التحرير وقتل المتظاهرين تاني . اه بالنسبه لاحمد شومان وهو قد يكون الوحيد الذي انضم الي الثوار في ثورة يناير ومع ان هذا التصرف خاطء جدا لانه قد يحدث بلبله وانشقاق في الجيش الا ان المجلس العسكري عفا عنه اكراما للثوار وها هو يفعلها ثانيه في الاحداث الاخيره ولم نسمع انه تم خربشته حتى خربوش مش اعدام . هي فين بديعة يا بديعة انت سمعتي او شوفتي ان فيه 8 ظباط تم اعدامهم في الميدان او قتل الصاعقة للظباط |
|
يا استاذ احمد انت تاعب نفسك وبتنزل الفيديوهات دي كلها ليه ؟؟؟؟؟؟؟؟؟؟؟
ما احنا كلنا عندنا كومبيوتر وموقع يوتيوب وشوفنا كل الفيديوهات دي ههههههههههههههه يا سيدي الفاضل للمره الاخيره اترك عنك احداث التحرير وماسبيروا وخلافه لان كل دا احنا عارفينه ولدينا عقول ونستطيع تمييز الصح من الخطاء في معظم هذه الاحداث لكن السؤال للمره الاخيره واضح وهو خاص بالفيديوهات اللي حضرتك ارفقتها في المشاركه رقم 36و 37 38 وهي خاصه بظباط الجيش الذين قتلو او اعدموا على يد المشير اوالمجلس العسكري . انت بتقول انك انت الدليل لانك شاهد على هذه الاحداث فهل انت كنت موجود عندما قامت قوات الصاعقه باعدام هذاالظابط وكذلك اعدام 8 ظباط الي اخره . اتمنى الاجابه على هذه الجزئيه فقط اترك عنك احداث الثورة وقتل الشهداء . يا رب بئ ما يرجعش يقول ميدان التحرير وقتل المتظاهرين تاني . اه بالنسبه لاحمد شومان وهو قد يكون الوحيد الذي انضم الي الثوار في ثورة يناير ومع ان هذا التصرف خاطء جدا لانه قد يحدث بلبله وانشقاق في الجيش الا ان المجلس العسكري عفا عنه اكراما للثوار وها هو يفعلها ثانيه في الاحداث الاخيره ولم نسمع انه تم خربشته حتى خربوش مش اعدام . هي فين بديعة يا بديعة انت سمعتي او شوفتي ان فيه 8 ظباط تم اعدامهم في الميدان او قتل الصاعقة للظباط |
|
ارجوا ان تشاهد هذا الفيديو
هذا الرجل ظابط هجم عليه عسكرى و طعنه بعد فرد سونكى السلاح طعنه طعنتين نافذه فى الصدر و شاهد بنفسك الفيديو و صدر الظابط مقطوع بالعرض هذا الفيديو لاول ظابط تم اعدامه لحظة الهجوم امام اعيننا و الكل شاهده و الفيديو واضح |
|
ارجوا ان تشاهد هذا الفيديو
قتل المتظاهرين بالتحرير والقاء جثثهم فى أماكن القمامة 20 نوفمبر 2011 |
|
يا اختي بديعة انت رجعتي مره اخرى لاحداث التحرير وانا كنت متابع على التليفزيون وعلى الانترنت وكلي حزن لما يحدث في التحرير ولم اشكك في التحرير ولم اقل ان اللي في التحرير بلطجيه . ولم التمس العذر للداخليه او للمجلس العسكري في احداث العنف حتى وان كنت مقتنع او على الاقل لدي احساس ان المجلس برئ من دم الشهداء فلن التمس له العذر حتى تتم معرفة الجناه ومحاكمتهم لانه ما ينفعش ابدا ان الوزير يقول مش انا وما اعرفش والمجلس يقول ما اعرفش احنا مش هنفضل طول عمرنا مع مسؤلين ميعرفوش ايه اللي بيحصل في البلد . ارجع لتعليقي مره اخرى تعليقي على الفيديوهات المرفقه والتي تتهم المجلس العسكري باكثر من عملية اغتيال وشنق لظباط الجيش ما هو الدليل على صحة هذه الفيديوهات لان الامر مش سهل . استشهاد مواطن في ميدان التحرير امر متوقع وقد يوجد له الف مبرر انما اعدام ظابط جيش لا اعتقد بوجود مبررات له من قبل المجلس العسكري . ولذلك نقول ايه الدليل على ان كل الظباط المذكورين تم اعدامهم وفين اهاليهم . طب واحد كده يرفق لنا ام او اب احد ظباط الجيش الذي تم اغتياله من قبل المجلس العسكري وهو بيحكي القصه ان وجد . ولا الظباط دول ما لهمش اهل ؟؟؟؟؟؟؟؟؟ كلامك حكم واحده واحده انت لاتشكك فى الثوره و لا ميدان التحرير و لا الثوار و ده موقفك من زمان و انا عارفاه كويس طيب مين اللى بيقتل الشباب فى ميدان التحرير؟ الاجابه : الايدى الخفيه طب ليه ما فيش حد بيموت فى ميدان العباسيه او روكسى؟ الاجابه: علشان ما فيش هناك ايدى خفيه طب ليه ما فيش ايدى خفيه هناك و الايدى الخفيه بس مع الناس اللى مناهضين للمجلس العسكرى المنطق بقى ان الاجابه ان الايدى الخفيه هى من صنع المجلس (المشير) مش الجيش و الشرطه (الفاسد منها) حصيله الاثنين هم الفلول و اتباع مبارك و اللى مش عايزين ينكشفوا و اللى عايزين البلد ترجع لايام المخلوع و متواطئين معاه انت شفت اهالى الجنود اللى ماتوا على الحدود؟ طبعا مالهمش حس من سنين طويله بيموتوا جنود جيش و فى شهيد اتقتل فى السجن من سنين و دلوقتى طلعت قصته و كان جندى و قتل اسرائيلين على الحدود دفاعا عن بلده و شرفه لانهم استفزوه (مش فاكره اسمه بس القصه شهيره) هل شفت اهل اى حد من الشرطه اللى ماتو او الجيش؟ لا ليه؟ علشان ما تسمعش الحقيقه انهم انشقوا و مش عاجبهم اللى بيحصل فى الجيش و الشرطه لانهم اشراف و قتلوا علشان يغطوا بيهم على فساد حد حاكم الجيش اللى هجم على قنوات التلفزيون (الحره و خمسه و عشرين) طبعا ما حدش هجم على الفراعين و عكاشه دايما اللى بيموتوا هم اللى بيحبوا البلد و اللى عايزين حريه و استقلال و بيرفضوا حكم العسكر دول مش ميتين بل احياء عند ربهم يرزقون و كل واحد فى مصر امانه فى رقبته الاخد بثارهم و رد حقهم و دمهم لن يضيع طول ما فى رجاله فى مصر انا بس عايزاك يابنى تفتح عينك ما فيش حد ضد الجيش و المصحف الجيش بتاعنا و نحميه بارواحنا خير جند الارض و لا ضد المجلس لكن من حقنا نحاسب المشير مش بصفته القائد الاعلى للقوات المسلحه او رئيس المجلس الاعلى للقوات المسلحه و لكن (بصفته المتولى لامور البلاد فى الفتره الانتقاليه) عشر شهور فشل لازم يتحاسب عليهم و لكنه دايما عايز يتمحك فى الجيش و اى حد ينتقده يقول انه بينتقد الجيش علشان يحمى نفسه و الجيش برىء منه و فى انشقاقات و فى رفض للظلم و القتل و المدابح اللى بتحصل فى الشعب خبث المشير و مكره سيعود على رقبته ان شاء الله و سينصر الله مصر و شعب مصر و جيش مصر الشريف و شرطه مصر الشريف منها و الشرفاء فى كل مكان |
|
اشكرك اخى احمد المصرى على هذا الموضوع و تجميع هذه الاحداث و المواضيع فى موضوع واحد هو بالتأكيد شاهد على ما حدث و يحدث و ليذكر الناس حتى اللى شافوا الفيديوهات
انا عن نفسى ما شفتهمش كلهم و فى فيديوهات اول مره اشوفها و باسأل نفسى سؤال مهم ناس اتعمل فيهم كل ده من قتل و حرق و تعذيب و هتك و بيصلوا و يذكروا الله و كل ما يزيد البطش يطلعوا اكتر و يصروا على الاعتصام و تقديم ارواحهم فداء مصر و حريه مصر منم حكم العسكر و من الظلم و المحاكم العسكريه و قانون الطوارء و المذابح و الفتن و الانفلات الامنى المتعمد و كل البلاوى اللى شفناهاو عشناها على مدى عشر شهور يبقوا ناس عظام و يستاهلوا احرام العالم كله و الا لا؟ و بالاحرى احترام المصرين و الشعب المصرى اللى بيضحوا بحياتهم علشانه بالمقابل اتحدى كل من فى العباسيه لو انضربت عليهم رصاصه او قنبله غاز واحده عليا النعمه يروحوا بيوتهم و ما حدش يشوف وشهم تانى فى الشارع هههههههههه لانهم على باطل و هم عارفين كده كويس ما هو يا تختار الجنه و الشهاده و الحق و طريق الله يا تختار مبارك و المشير و توفيق عكاشه |
|
يا عبد الرحمن يابنى
كلامك حكم واحده واحده انت لاتشكك فى الثوره و لا ميدان التحرير و لا الثوار و ده موقفك من زمان و انا عارفاه كويس طيب مين اللى بيقتل الشباب فى ميدان التحرير؟ الاجابه : الايدى الخفيه طب ليه ما فيش حد بيموت فى ميدان العباسيه او روكسى؟ الاجابه: علشان ما فيش هناك ايدى خفيه طب ليه ما فيش ايدى خفيه هناك و الايدى الخفيه بس مع الناس اللى مناهضين للمجلس العسكرى المنطق بقى ان الاجابه ان الايدى الخفيه هى من صنع المجلس (المشير) مش الجيش و الشرطه (الفاسد منها) حصيله الاثنين هم الفلول و اتباع مبارك و اللى مش عايزين ينكشفوا و اللى عايزين البلد ترجع لايام المخلوع و متواطئين معاه اوكي لكن فيه اجابه ثانيه ليه بقى ما نقولش ان الايادي الخفيه كل هدفها الوقيعه بين الشعب والجيش وعلى هذا الاحتمال طبعا لا فائده من وجود الايادي الخفيه في العباسيه او في روكسي لانه ليس من المنطق ان الشعب يتهم المجلس العسكري بضرب انصاره في العباسيه . يعني لو الايادي الخفيه او الخبيثه ضربت نص العباسيه لن تحدث اي وقيعه بين الشعب والجيش . مش دا برضو احتمال ووراد جدا ب- هي العباسيه طلعت كام مره ؟؟؟؟ مره او مرتين ومع انني مع التحرير ولكن هذه المره لست ضد العباسيه في الخروج وابداء رايهم في التمسك بالمجلس العسكري لحين انهاء الفتره الانتقاليه والفتره الزمنيه المحدده الا انني فقط اعتب عليهم على تنصيب زعماء عليهم من اشكال الزفت عكاشة و العره بتاع اسفين يا ريس . لان بتاع اسفين يا ريس ليس له اي علاقة بالجيش او المجلس من البدايه لان الجيش وقف مع الثورة ضد مبارك يبقى بتاع اسفين يا ريس جي ليه دلوقتي يتمسح في المجلس العسكري ويعمل حبيب للمجلس هههههه. المفروض العباسيه تفهم ان اسفين يا ريس وعكاشه مش اكثر من طحالب وكان يفترض طردهم من الميدان حتى تكون مظاهراتهم نقيه كما يحدث في التحرير بطرد اي متسلق انت شفت اهالى الجنود اللى ماتوا على الحدود؟ طبعا مالهمش حس من سنين طويله بيموتوا جنود جيش و فى شهيد اتقتل فى السجن من سنين و دلوقتى طلعت قصته و كان جندى و قتل اسرائيلين على الحدود دفاعا عن بلده و شرفه لانهم استفزوه (مش فاكره اسمه بس القصه شهيره) هل شفت اهل اى حد من الشرطه اللى ماتو او الجيش؟ لا ليه؟ علشان ما تسمعش الحقيقه انهم انشقوا و مش عاجبهم اللى بيحصل فى الجيش و الشرطه لانهم اشراف و قتلوا علشان يغطوا بيهم على فساد ليه مين قال ما حدش سمع عنهم . مش المقصود سليمان خاطر والقصه مشهورة وكان فيها اتهام كبير للمخلوع وللجيش نفسه ولكن ماذا ننتظر من زمن المخلوع راح زي اي انسان راح ولكن حقه لن يضيع عن من لا تضيع عنده الودائع حد حاكم الجيش اللى هجم على قنوات التلفزيون (الحره و خمسه و عشرين) طبعا ما حدش هجم على الفراعين و عكاشه طب ويهجموا على قناة عكاشة ليه قناة متسلقة زي صاحبها ولا تشكل اي خطر يهجموا عليها ليه مع ان لو فيه عقل يفكر قناة المدعو الزفت توفيق عكاشة من اكبر المتسببين في كره الشعب للمجلس العسكري بسبب الاستفزازات الصادره من المخبول عكاشه ومهاجمته للثورة دايما اللى بيموتوا هم اللى بيحبوا البلد و اللى عايزين حريه و استقلال و بيرفضوا حكم العسكر دول مش ميتين بل احياء عند ربهم يرزقون و كل واحد فى مصر امانه فى رقبته الاخد بثارهم و رد حقهم و دمهم لن يضيع طول ما فى رجاله فى مصر انا بس عايزاك يابنى تفتح عينك ما فيش حد ضد الجيش و المصحف الجيش بتاعنا و نحميه بارواحنا خير جند الارض و لا ضد المجلس لكن من حقنا نحاسب المشير مش بصفته القائد الاعلى للقوات المسلحه او رئيس المجلس الاعلى للقوات المسلحه و لكن (بصفته المتولى لامور البلاد فى الفتره الانتقاليه) عشر شهور فشل لازم يتحاسب عليهم اولا المشير مش لوحده صاحب القرار انما دا مجلس كامل ثانيا ايه هو نوع الفشل في الفتره الانتقاليه . اقتصاد بيتدمر مثلا طب ماهو عادي لازم يتدمر اذا كنا احنا مش عايزين نساعد باي حاجه بل ان احنا مش بنشتغل وربطنا دماغنا باوهام وفلوس المخلوع اللي راجعه من بره وكل حاجه اصبحت نايمه في البلد وسياحه صفر وانتاج صفرين وكل اللي احنا فالحين فيه طالعين باحتجاجات ومطالب فئويه وكل واحد عايز المرتب يذيد 100% في يوم وليله ولما تساليه طب ايه اللي اتغير في البلد في شهرين علشان تاخد زياده في المرتب لن تجدي اجابه طب اصبر شويه انت صبرت 30 سنه برض لا وكل واحد طالع يطلب طبعا وفيه منها اللي اتنفذ وكله من الاحتياطي علشان الحال يمشي فشل في ايه تاني المجلس مثلا لم يقم بتطهير الشرطه . طب مش انتو بتقولو ان الشرطه فيها اكثر من 50% فساد طب يطهر النسبه دي ازاي في يوم وليله يدخلهم السجن مثلا وياكلهم ويشربهم ولايركنهم معاش وياخدو معشات وهم نايمين ولا يستبعدهم بدون معاش ويتحولو الي فلول واحنا مش قادرين على الفلول بتاعت الوطني . وعايزين نحل جهاز امن الوطني ولاامن الدوله وفي نفس الوقت ناس تقول 6 ابريل خونه وبيقبضو من صربيا وناس تقول الاخوان خونه وبيقبضو من ايران وناس تقول السلفيين خونه وبيقبضو من السعوديه طب ههههههههههه والله فعلا امر عجيب كل دي حركات خاينه ومش عايزين امن وطني طب مين بقى اللي يخلي باله من البلد ؟؟؟؟؟؟؟؟؟ مفيش انسان عاقل يعتقد بان 30 سنه فساد ممكن تنتهي في يوم او في سنه ولا يقدر مجلس عسكري ولا مجلس مدني انه يطهر كل حاجه في فتره بسيطه دا نظام استمر 30 سنه يعني له جزور مش بسيطه ايه تاني فشل فيه او كان ضد الثورة . اه لم يتم شنق المخلوع مبارك طب مش دخل المحكمه بسريره والقاضي قال المتهم مبارك وقال افندم عايزين ايه تاني انتظرو المحكمه بقى ومش الشعب برضو اللي بيقول فيه ضغوط خارجيه اجنبيه وخليجيه على المجلس لعدم محاكمة مبارك طب خلاص اعذرو وارحمو بقى حتى لو كان فيه تواطئ علشان المصلحه العامه دا طبعا على اساس ان الخبر صحيح و لكنه دايما عايز يتمحك فى الجيش و اى حد ينتقده يقول انه بينتقد الجيش علشان يحمى نفسه و الجيش برىء منه و فى انشقاقات و فى رفض للظلم و القتل و المدابح اللى بتحصل فى الشعب خبث المشير و مكره سيعود على رقبته ان شاء الله و سينصر الله مصر و شعب مصر و جيش مصر الشريف و شرطه مصر الشريف منها و الشرفاء فى كل مكان على فكره الاخ احمد الي الان لم ياتي بفيديو واحد يثبت ان فيه ظابط جيش اتعدم او حتى اتخربش على حسب ادعائه ولازال بينزل فيديوهات عن احداث التحرير هههههههههههههههه |
|
استاذ \ عبد الرحمن 2011
انا لم اضع فيدوهات تثبت قتل الظباط فى ميدان التحرير ارجوا ان تشاهد هذا الفيديو هذا الرجل ظابط هجم عليه عسكرى و طعنه بعد فرد سونكى السلاح طعنه طعنتين نافذه فى الصدر و شاهد بنفسك الفيديو و صدر الظابط مقطوع بالعرض هذا الفيديو لاول ظابط تم اعدامه لحظة الهجوم امام اعيننا و الكل شاهده و الفيديو واضح |
|
و شاهد هذا الفيديو
|
|
اه رئيك مين اللى بيضرب المعتصمين فى الميدان
شاهد هذا الفيديو |
|
النديم يكشف: استخدام قنابل بها مواد سامة تسبب الشلل والوفاة في التحرير.. ويطالب بتشكيل لجنة دولية للتحقيق .
كشف مركز النديم عن إعداده لرفع دعاوى قضائية ضد كل من الحكومتين الأمريكية والإسرائيلية والمجلس الأعلى للقوات المسلحة، على خلفية كشف مكونات سامة وغازات أعصاب ضمن مكونات القنابل المسيلة للدموع التي أطلقت على متظاهري التحرير. وأضاف أن المركز المصرى للدواء والمركز القومى للبحوث ومركز فحص الحرب الكيمائية فى ألمانيا ومصر قاما بإجراء تحاليل لعينات الغازات والقنابل، وتم التوصل إلى وجود عبوات لغاز الأعصاب ونسبة تركيزه في الغلاف الجوى 17.2% وهو من الغازات التى تسبب السعال وصعوبة التنفس والشلل فى بعض الحالات. وهذه العبوات من نوع”CR Gaz” وتحتوى على مادة (البنزوكسازيين) وهى مادة شديدة السمية ومسيلة للدموع وتسبب شلل مؤقت وتتسرب ببطء شديد، ثم تتحول إلى مادة صلبة. وطالب المركز بتشكيل لجنة دولية للتحقيق فى جرائم الحرب والإبادة التي ارتكبت في حق الشعب المصري والمسئول عنها المجلس العسكري وعلى رأسه المشير محمد حسين طنطاوي ورئيس الأركان الفريق سامي عنان على أن تضم اللجنة العلماء المصريين الذين قاموا بفحص العبوات التي أطلقت على المتظاهرين السلميين وهم: أ.د أحمد معتز – أستاذ الجراحة لطب القصر العيني، أ.د خالد مأمون – أستاذ تحاليل الأدوية والمواد الكيميائية والغازات الكيمائية، أ.د حسن توفيق – أستاذ الحرب الكيمائية، أ.د خالد حسن إبراهيم السباعي – أستاذ تحاليل الغازات السامة وغازات الأعصاب، أ.د طارق جلال سعود – أستاذ تحاليل الغازات السامة وغازات الأعصاب، أ.د أميمة إسماعيل صبري – أستاذ الغازات السامة بجامعة كاليفورنيا. وأضاف البيان الذي نشرته صفحة النديم على فيسبوك أن من بين النتائج أيضا الكشف عن إطلاق قذائف الـCS من مادة (الكلورينز) وكذلك مادة (المالونونيتريل) وهى مادة شديدة الخطورة تستخدم على الحيوانات”من إنتاج حيفا بإسرائيل” وكذلك غازmvx وهو شديد الخطورة يمتصه الجلد ليستمر تأثيره لمدة 60 يوما، ويعد من أهم وأخطر الغازات في العالم “من إنتاج أمريكا” ويسبب الشلل المؤقت وسعال مصحوب بنزول دماء أحيانا ودموع وصعوبة في التنفس ورعشة ومن الممكن أن يؤدى إلى الوفاة. ومن المقرر التقدم بشكوى دولية ضد حكومة الولايات المتحدة الأمريكية والحكومة الإسرائيلية لقيامهما بتصدير هذه الأسلحة التي لا تصدر إلا بشروط من أهمها عدم استخدامها إلا فى الحروب بين الجيوش المسلحة. واتهام القيادة المركزية للجيش الأمريكي بتزويد الجيش المصري بالغازات السامة وغاز الأعصاب، بالإضافة إلى المطالبة بإدانة الحكومة الأمريكية وتوجيه تهمة جرائم الحرب لها. وكذلك توجيه تهمه الإبادة الجماعية المتعمدة باستخدام أسلحة محرمة دوليا لقتل المتظاهرين السلميين للمجلس الأعلى للقوات المسلحة المصري الذي قام بإطلاق هذه الغازات متعمدا قتل وإصابة المتظاهرين في كافة ميادين مصر. ونقل البيان عن الأستاذ الدكتور أحمد معتز أستاذ الجراحة فى القصر العينى أنه تمت عملية إخفاء لبعض الأدلة وتهديد لأطباء الطب الشرعي بمشرحة زينهم والقيام بأخذ بصمات أرجل وأيدي الشهداء وتسجيلهم كمجرمين لهم تاريخ إجرامي بتواريخ سابقة ترجع لسنوات التسعينيات على الرغم من أن بعضهم في العشرين من عمره أى كان فى سن الطفولة فى التسعينيات. وكذلك تفريغ تقرير الصفة التشريحية لبعض الشهداء من مضمونه بواسطة رئيس نيابة قصر النيل وإعدام بعض الأدلة وهو ما اعتبره النديم:”دليل يدين النائب العام والمجلس العسكري”.. |
| مواضيع مشابهة: | ||||
| › الجنزورى يطالب من الوزراء بالهدوء مع اعضاء مجلس الشعب | ||||
| › كلمة الدكتور كمال الجنزورى رئيس الوزراء اليوم بمجلس الشعب | ||||