استضاف برنامج صباح دريم اليوم احمد العبودى عضو الالتراس والذى كان السبب فى تطور الاحداث فى محيط مجلس الشعب من اعتصام سلمى امام مجلس الوزراء الى عنف شديد متبادل من المدنيين او من قوات الجيش وما زال العنف مستمر الى الان ليحصد تسعة ارواح و عشرات من المصابين

وبدأ احمد العبودى فى سرد ما حدث
قال انه شاهد سيارة يقودها أحد الأشخاص وشك في أنها هي التي تقوم باختطاف المعتصمين فطلب من صاحبها إبراز هويته الا انه رفض واخبره انه ضابط وهو الذى يختطف المتظاهرين ثم اشهر هذا الشخص مسدس وقام بضرب عبودى على راسه فسقط فاقد للوعى

شاهد الفيديو

هو في حد يضرب كل الضرب ده ويفضل لسه سليم كده

حسبى الله و نعم الوكيل
لا حول و لا قوه الا بالله العلى ا لعظيم
يا رب نجى مصر و انصر الشهداء و مشاريع الشهداء و مصر و ثوره مصر و شعب مصر

حركة 6 إبريل تقوم بإعطاء البلطجية مائة جنيه لكل بلطجى علشان يرمو مولوتوف على الجيش ويولعو المبانى الحكومية اللى شعب بيدفع دم قلبه علشانها جماعة 6 إبريل وراء كل الأحداث جماعة منظمة كلها بلطجية حسب الله ونعم الوكيل

لاحول ولا قوه الا بالله العظيم من لا يتعظ فسوف يكون غدا عبره لمن لايتعظ واللهم ولى أمورنا لخيارنا ولا توليها لشرارنا إنك سميع مجيب الدعوات

نوووووووووووووووو كومنت خلاص يا جماعه الواحد بجد بقى تايه جدااااااااا
مش عارف مين صح ومين غلط

ياخرابى .. يا خرابى .. ياخرابى .. الضابط بمجرد تليفون ؟؟؟ جاب كتيبتين ؟؟؟ يالهوى ؟؟ مين الضابط ده .. ده لو رامبو شخصيا ما يلحقش يجيب كتيبتين .. و بعدين حضراتكم عارفين كم عدد الكتيبتين .. الكتيبة تشكل من ثمانية سرايا السرية منه حوالى 123 فرد و منها 128 فرد بيقى بحسبة بسيطة كده نشوف 2 كتيبة فى 8 سرايا يعنى 16 سرية حانقول فى 123 فرد و ده العدد الاقل يبقى المجموع 1968 فرد لو قسمناهم على حوالى 32 فرد فى السيارة يبقى الامر محتاج حوالى 62 سيارة ؟؟؟؟ جم امتى دول ؟؟؟ و ازاى ؟؟؟ و ياترى كانوا مستخبيين فى المجارى ؟؟ و الا معاهم اشعاع الاخفاء عن الاعين ( طاقية الاخفاء ) ..؟؟؟؟ ياسلام على الكلام .. بس خلاص و اللى عايز يفهم و يمحص و يفحص هوه حر ... و ربنا الهادى الشافى المعافى يارب ؟؟؟؟؟
و خير الختام ذكر النبى عليه الصلاة و السلام ****

ازاى بعد اللى اتكتب عنه وعن اللى حصله ويقدر يعمل حديث بعد عدة ساعات

واللة 6 ابريل دول سبب خراب البلد احنا معرفناش 6 البريل الا من خلال احداث المحلة واللى كان اول مرة نشوف عنف فى مصر بالشكل دة ودلوقتى اللى ببيحصل فى مصر هو نفس اللى حصل فى المحلة بس على اكبر

استحالة حد يتعاطف مع الاشكال دية واللة ملكوش اهل

انا بس كل اللى يهمنى اعرف جبت الكورة من جوا المجلس ولا لا
وايه مصير الكورة وياترى هتتعرض للمساله القانونية ؟؟

يعنى يمكن كلامه على اساس انه بيفترض او مجموعتين جائو واحدة تلو الاخرى

ما حدش فيكم بص فى وشه شكله معمول فيه ايه؟
ما حدش شاف جريمه حقوق انسان فى وشه؟
كلكم شايفين انه من الطبيعى انسان بين الحياه و الموت و وشه فيه كل هذا الكم من الانتهاكات و الكدمات و سايبين ده كله و بتركزه فى كلامه؟ ده كتر خيره انه عارف يتكم او عارف يجمع و كتر خيره انه لسه عايش
يا ترى الطب الشرعى حيثبت حاله و يتحاكم اللى عمل فيه كده
و الا هو اللى حيتحاكم عسكرى بعد كل اللى اتعمل فيه و يندب فى بقه لفه بانجو و يتقتل زى خالد سعيد؟
للدرجه دى البنى ادم فى مصر ما بقاش له قيمه؟
و الثوره اللى طلعت تنادى بالكرامه و الحريه و الشرف و شهد لها العالم كله بتموت قدام عينيكم و بتتفرجوا و تتريقوا على كلام بنى ادم بين الحياه و الموت و بين ايادى رب كريم

السؤال المهم قوى هنا
لو المنظر ده كان فى وش ظابط شرطه او جيش كنتوا عملتو ايه؟ ده طبعا بعد الف بعد الشر و اسم الله عليهم المولى حارسهم طبعا واخدين بالهم من نفسهم قوى و الجاكتات الجلد و النظارات الريبان و البدل الجديده اخر حلاوه

و تخيلوا لو اخوك او ابنك او ابوك كنت حتضحك برضه و تتريق على كلامه؟ ما اعتقدش
مسير مصر تقف و الشعب يصحى و الثوره مستمره باذن الله تعالى الى تحقيق مطالب الشعب المشروع كلها فى العيش و الحريه و الكرامه الاجتماعيه
و تحيا مصر و ثوره مصر و شعب مصر العظيم