نجوم مصرية
منتديات نجوم مصرية منتديات شباب وبنات قضايا و أناقة آدم



تابع نجوم مصرية على أخبار جوجل




" دعوة عشان تتبسط زى "

 








بناء على طلب صديق قال لى قلل جرعة الكآبة شوية فى كلامك …

الناس مش ناقصة فأنا مش لاقى حاجة أكتبها !!!!

بتاجر بقصة الحب اللى عشتها و خلصت ؟؟

ممكن أكون فعلا كدة من غير ما أحس ولا أقصد ؟؟

يمكن فعلا أنا عاجبنى إن الناس تقول لى أنى عندى حق

و يتعاطفوا معايا فبحكى حاجات مفروض محدش يعرفها ؟؟ ….

مش عارف احتمال أنا مش شايف نفسى كويس !!
تابع نجوم مصرية على أخبار جوجل


خلاص مش حكتب عن الاكتئاب اللى بعيشه

ولا عن الحاجات اللى تجيب اكتئاب للناس

اللى هى كل حاجة حواليهم - ولا عن قصة الحب

التخيلى اللى حاولت انها تنجح لفترة قربت تكمل سنة من غير فايدة

بس برده أنا لسة مقتنع أن القصة مش منجحتش بسبب أنها بدأت عن طريق النت

وعشان كده بررت ان فى حب على النت فى موضوع ليا قبل كده

ويمكن لأنها لو كانت بدأت بوسيلة تواصل تانية غير النت

برده فمفيش أى ضمانة أنها كانت حتنجح … بالعكس … بس ما علينا

أكتب كلمتين ملهومش أى لازمة ولا معنى ولا تأثير عن السياسة

و البلد و الكلام الفاضى ده كله ؟؟؟

طيب و بعدين ؟؟

حد حيسمع ؟؟

حاجة حتتغير ؟؟

هل رأيى له معنى أصلا؟؟

ولا كلام زى كلام القهاوى ؟؟

يمكن هو الفراغ اللى مخلينى مش عاوز أقول حاجة ….

محتاج أشتغل !! بمعنى أن وقتى ميبقاش فاضى للتفكير فى الحاجات السخيفة دى كلها

محتاج أدخل القفص اللى بيدخل فيه الناس كلها

و ينشغلوا عن التفكير فى العبث اللى احنا عايشينه

بس فعلا هو ده الحل ……

كدة كدة الحياة عبث فارغ مكرر سخيف من غير معنى

و المشاعر كلها أوهام و كهربا فى المخ

كل واحد بس مطلوب منه يلاقى حاجة يصدق أنها حقيقية

يملى بيها وقته لحد ما يخلص دوره اللى اتمثل مليون مرة قبله

و حيتمثل مليون مرة بعده …

النجاح و السيطرة و الحب و التعصب كلها طرق بيخترعها

البشر عشان يصدقوا أنهم ليهم معنى و كل واحد بيحاول يعمل شئ

أو يدوب فى كيان أكبر منه عشان يستمر وجوده

كلام فارغ ….. كلامى أنا كلام فارغ ……

و كل شئ ممكن اللعب بيه عشان يحس الإنسان أنه حى و حقيقى و له أثر …

كل حاجة قابلة للتلاعب و التفاوض

كلامى مش بيبنى جديد ولا هو أصلا كلام جديد …..

كل الفاشلين أو المكتئبين بيقولوا كدة عشان يهربوا من الدنيا …..

خلاص خلاص بحاول أهه أسمع الكلام و أدخل الدوامة و أبطل سفسطة فارغة

يمكن الكلام ده هذيان واحد ماشى ناحية السجن برجليه - سجن الدنيا -

و بيسجل بالطباشير على الحيطة أى كلام عشان يبقى يفتكره بعد ما يتحول

لمواطن صالح مطيع مربوط فى الساقية و مصدق أنه حقيقى

و أنه اللى بيعمله له معنى ……. و المعنى فى بطن واحد جعان

معلش أصل انا بكتب اللى بحسه على طول ومبستناش على حاجة

انا يمكن يكون كل توبيك بكتبه فى حبة كأبة بس انا وقعى بنسبة 55%

روسيــ






المقال "" دعوة عشان تتبسط زى "" نشر بواسطة: بتاريخ:
hanan star
ممممممممممم

مش عارفة اقول ايه
مش قادرة اقول انك غلط
لان ده واقع احنا عايشينه ومينفعش نتجاهله

ومش عايزة اقول انك صح لانه المفروض يبقي في شويه اعتماد وتوكل علي الرحمن
اللي بايده كل حاجة ويقدر يغير كل شئ في لحظات

من كتر التفكير قررت اني اعمل اللي عليا وربنا كاتب لنا كل حاجة من الاول

مش تواكل او استسلام
بس بجد مبقاش بايدينا حاجة نعملها غير اننا نلجأ لربنا
الروسى


حنان والله انا بحيكى عشان بس بمجرد القراية فى الموضوع

والتفكير بس فيه

نلاقى كل اللى انا بقولوه حقيقة

وعشان اكون صادق شوية

مع العلم ان محدش يعرفنى فى السايت وده اللى انا عايزه

عايز اشوف كلامكوه هيكون أيه

والشكر على اى حد بيقرا الموضوع مش عايز رد

حد يشكرنى فيه انا عايز اللى يتكلم يقولى وجهة نظر

والله وانا شايف اللى بيعدى على الكلام قراية

قدرت اوصل فكرة وكلام

وبجد شكراً على كلامك
نادية
ده قدر ياروسى ربنا خلقنا فى كبد وتعب ومشقة

وفينا الشقى والسعيد لكن عمر ماكانت محاولة

إثباتك لنفسك ولقدراتك شىء بلامعنى بالعكس

واحنا لينا قيمة كبشر ربنا عملنا قيمة وحياتنا الدنيوية

وادوارنا المتكررة ماهى إلا رسالة وفى الاخر الدنيا

دار ممر مش دار مقر
الروسى


عيش فى الدنيا كأنك عابر سبيل

عجبانى اوى الجملة ديه بس مش معنى كده

أنى كئيب ومبحبش حاجة فى الدنيا أو مافيش هدف

لا فى هدف بس تقريباً العراقيل اللى بيقبلها البنى أدم

ويكون واثق تمام الثقة انه جدير بالحاجة ديه

ويجى واحد اعلى منك فى نسبة القرابة بين صاحب الشئ

يفضله عنك

ديه حاجة بس دلوقتى احنا مش فقى عصر الأحلام

انا عارف ان لو حد شاف كلامى ده مش هيفهم حاجة

عشان كده هجيب من الأخر وقول خلاصة الكلام ده كله أيه

قالها مصطفى كامل الله يرحمه :

لا حياة مع اليأس ولا ياس مع الحياة

بس اللى محيرنى ان الجملة ديه أتقالت فى عصره

هل من الممكن أن ميكونش للكلام ده ملامح دلوقتى فى عصرنا

مش عارف بصراحة لما أعرف هبقا اقول

بس من الظاهر انه أختلفت كمية وموضوعاً

وبشكرك يانادية على مرورك وكلامك

ولك منى جزيل الأحترام
مهندس محمد
عندك حق و الله في كل الي قلته
الروسى

المهندس محمد اسعدنى تواجدك ومرورك

وتعليقك وشرفنى معرفة حضرتك



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
هالة صدقي : المايوه "مش مرفوض" و "ماليش دعوة" بـ أزمة الكنيسة !!

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية