قيل ما تجاوب أوتجاوبي لازم تعرفو ان مش أي اتنين معجبين ببعض يبقو بيحبو بعض، ده مجرد ميل طبيعي من الذكر للأنثى ومن الأنثى للذكر، وحرام يتكلمو مع بعض في الجامعة أومكان العمل ويضحكو مع بعض، أويعيشو قصة حب مش معروف آخرتها إيه، ده حرام وميرضيش ربنا، ويبقى حب مزيف.
لو عاوز الحب الحقيقي يبقى تحب ربنا، وييجي من خلاله أي حب طاهر، زي حب الوالدين والاخوات، والأخوال والخالات والأعمام والعمات، والصديق الصالح، والزوجين لبعض، لكن الإعجاب بين رجل وامرأة وتبادل النظر والضحك بينهم ده مش اسمه حب، ده محرم في شريعة الإسلام.
لو حصل الإعجاب يبقى أهلو وأهلها يتقابلو ويتفقو على الزواج لو كان ممكن، لو مأمكنش يبقى كل واحد له طريقه وربنا يوفقه، ومفيش حاجة اسمها صداقة بين واحد وواحدة، لو كانو بيتقابلو في مكان العمل يبقى الكلام بينهم للضرورة بخصوص العمل بس.
ولو عاوز سعادة حقيقية بجد عود نفسك على الصلاة بخشوع واطمئنان، وحاول تقوم الليل بركعتين، ولو قدرت تزود يبقى خير وبركة.
لو مقربتش من ربنا الصعادة هتبقى بعيدة عنك، ولو انت مريض بالعشق مش هينفعك شعر الحب للحبيب المزيف، حاول تتخلص من الداء، واستنى لما ربنا يفرحك بالزواج السعيد، بس خليك قريب من ربنا.