نجوم مصرية
منتديات نجوم مصرية منتدى الجاليات العربية خارج الوطن منتدى المصريين المقيمين خارج مصر

تابع نجوم مصرية على أخبار جوجل

تابع نجوم مصرية على Facebook



هل تفتخر انك مصرى فى غربتك

 

بجد شى موسف الى رايته فى الردود من عدم البعض بالفخر بمصر وايضا الكلام عن السعوديه بقول عيب اوى كده دى مصر بتريح المغتربين اكثر من المصريين اما المصريين ربنا يبارك لكم وتحيا مصر .




تابع نجوم مصرية على أخبار جوجل

تابع نجوم مصرية على Facebook




المقال "هل تفتخر انك مصرى فى غربتك" نشر بواسطة: بتاريخ:
Ahmad shata
مش تاخد فى بالك يا ابو حميد
انا لما بخرج بره دمياط مش مصر
بكون مخنوق وبفتخر انى دمياط من الحاجات الى بشوفها حواليا ومش متعود عليها
اومال بقا لو خرجت بره مصر ايه بقا الى هيحصلى
مــــــــــــــــــــصـــــــــــــــــــــــر
فى القلب دائما
مثل القمر لي جانب مظلم
انا بعشق مصر وبتمنى ازورها بجد كل يوم حبي ليها بيزيد زي العاشق اللي بعيد عن حبيبه وبيتمنى بس لحظه يشوفه فيها بجدوالله لو تكلمت عن احساسي مش هلاقي كلام
no one like me
بجد شى موسف الى رايته فى الردود من عدم البعض بالفخر بمصر وايضا الكلام عن السعوديه بقول عيب اوى كده دى مصر بتريح المغتربين اكثر من المصريين اما المصريين ربنا يبارك لكم وتحيا مصر .
مين اللي مش عاجباهـ مصر ؟؟؟ طب والله والله والله ان الشعب السعودي اكتر شعب بيحقد على مصر والمصريين .. عشان عارفين ان احنا احسن منهم .. ومتفوقين عليهم في كل حاجه .. واتحداهم ينكروا .. والله العظيم بيغيروا مننا غيرهـ مالهاش حدووووووود ..

ربنا يهديهم ..

تحياتي ,,
Quiet-Princess
انا مصريه ومتغربه وافتخر ببلدي في اي مكان والعكس المفروض يعني الواحد وهو متغرب عن بلده يكون حاطط في دماغه انه هو المفروض يكون حاجه كويسه بره بلده عشان يعكس صوره مشرفه للبلد كلها ولو كل حد عمل كده انه يكون حاجه بجد نفتخر بيها هنرفع رايه مصر بره كمان منستناش ان اي حد يتحرك لو كل حد اتحرك وبقى حاجه مشرفه هيعكس صوره كويسه وواحد وواحد وواحد هتكوت صوره لاغلب المصريين انهم كويسين اكيد انا افتخر ببلدي وبعمل كل ما في وسعي عشان اكون انا استحق الجنسيه دي متبقاش كلمة بس انا مصريه اكون حساها بجد وبعمل عشان ارفع رايه بلدي وميرسي عالتوبيك المهم
moustafa capo
بســــــــــم الله ماشااااااء الله علي
وعي الشباااااااااااااب

تسلم ايديك يا اجتماااعي علي الموضوع

اللي يفتخر ببلـــــــده وقت الشدة
يستحق امانها ودفئها وقت الرخااااااااااء


mimomizo
انا بفتخر جدا انى مصرية فى اى مكان و مع اى جنسية و فى اى بلد

بس يا جماعة لازم نكون شزية صرحة مع بعض ، اعمال بعض المصريين الهمجية و السيئة فعلا هى اللى بتسىء للمصريين و بتزيد و تبام قوى فى الخارج ز خلت معظم الدول العربية و للأسف معظم العرب مش بيحيونا خالص و دايما فكرتهم عن المصرى انه حرامى و جاهل و عشوائى و فى اى فرصة خائن ... احنا اللى بنزرع الفكرة دى عننا .... و كمان برجوا الإعلام بجد فى مصر يرحمنا من البرامج اللى ما بتهرش غير المساوىء المصرية و الأفلام اللى خلت بعض من اللى ما راحوش مصر قبل كده يفتكروا ان مصر كلها عشوائيات و كلها شحاتين و حرامية ... بجد و انا بره مصر لو تشوفا لما بيظهر فيلم مصرى فى السينما زى إبراهيم الأبيض او عمارة يعقوبيان و الأمثله كتير ... لو تشوفوا رد فعلهم حاجة بشعة و نفضل احنا بقى المصريين نبرر و نقول مش كل مصر كده و دى فئة من الناس يتعانى من مشاكل معينة لكن طبعا هما ليهم الظاهر و البرامج كمان تيجى تكملها من 90 دقيقة و العاشرة مساءا و كتيرررر ... جرايم قتل و سرقو و اغتصاب و تحرش و حتى دينا الجميل و بلدنا اللى معروف انه احسن بلد فى الدين الأسلامى اتحول لفضايح بين الشيوخ و بين المسلمين و المسحيين و دى كانت اخر نكته... من امتى احنا فى مشاكل فى مصر بين المسلمين و المسحيين ده احنا بنتربا فى بيوت بعض ... بجد حرام احنا بنسوأ سمعة البلد و بعدين نقول ليه بيقولوا علينا حنا اللى بنقول عن نفسنا.... بجد كفايههههههههه ارحمونا احنا برد بقة شكلنا زفتتتتت .....

ليه ما بنشفوش برامج و افلام سلبية عن سوريا و الا لبنان و الا اى بلد يعنى هما خاليين من الأخطاء و الا احنا اللى غاويين فضائح ...

عموما انا برده بحب مصر موتتت و بتوحشنى جدا و اتمنى ارجع بس لازم نحسن من نفسنا شوية و كمان كل واحد يحاسب نفسه على اللى بيعمله من مكانه و منصبة
moustafa capo
كلاااااااااااااا
منا واجهة لبلده
دور حضرتك ايه؟؟؟؟؟

علشاااااااان تكون قدوة.........

لو كل واحد بدء بنفسه

هيتغير الشكل
انا معك ان الاعـــلام الحالي قد يؤثر بالسلب

ولكني يا عزيزي نحن لا ندفن روؤسناا في الرمال كالنعااااام

لنا مشاكل كأي دولة
نود السيطرة عليها ولا يجب ادانة برنامج اجتماعي مثل 90 دقيقة

في النهاااااااااااية اهلا بيك معانااااااااا

في المنتدي
نورت وترجع لبلدك بالسلااااااامة
mimomizo
شكرا على الرد ...

و طبعا كل واحد سفير لبلده

يس انا بتكلم عن دور الإعلام لأنه بيدخل كل بيت

و الإعلام ممكن يوج المصرى الى بره البلد اللى مش مثقف و مش تعليمه عالى لكيفية انه يكون سفير لبلده باساليب كتير و انا مش بتكلم عن كل المصريين بس انا بتكلم عن فئة تعليمها قليل و موجودة بكترة فى بعض الدول

و اما بالنسبة للبرامج ممكن نواجة مشاكلنا على المحطات المحلية مش لازم على الدش انت متعرفش رد فعل الناس اللى معاشتش فى مصر و بتشوف البرامج دى

و شكرا جزيلا على المنتدى اللى جمعنا و يا رب ان شاء الله تكون بلدنا دايمة احسن بلد و نكون احنا كمان شعب بيحب بعضوا و يجمعنا الأخلاق الكريمة

و جزاكم الله خيرا
محمد المصري80
اخي العزيز
اخوك محمد مقيم في السعوديه
انا هاقولك كلام بس متفسروش انه ده فزلكه احنا البلد دي بنحبها جدا بدليل انك لما بتيجي تسيبها وتمشي بتبقي عاوز تاخد شويه تراب معاك من ريحتها واحنا بنحبها بجد بكل ما فيها مشاكلها روتينها بس اللي خلانا نسيبها هو سبب واحد بس
انتا عارف هو ايه
اكل العيش لو احنا لاقينا ده في بلدنا كنا هانتغرب ليه
ولا انتا ايه رايك
mimomizo
كلام سليم اكيد

سليم جداااااااا
ZABADOLOVEU
بصراحة اوى مش دايما
ساعات وساعات
*لؤلؤة الشرق*
موضوع جميل وسؤال اجمل
شكرا على الموضوع

انا الحمد لله رجعت الى مصر
ولكن لما كنت في الغربه طبعا طبعا كنت بفتخر باني مصريه
تقبل مروري
لؤلؤة الشرق
اجتماعى اخر حاجه
اهلا بيكم فى مصر مره اخرى واتمنى تكونوا تجربه الغربه ناجحه
dr emy
علي فكره انا عايشه في مصر بس اختي التوأم في السعوديه وبتفضل تعيط كتيييييير عشان مصر وحشتها وعشان نفسها ترجع
توتايه
طبعا افتخر
راغب
انا كنت كاتب تعليق في اول الموضوع خالص وكنت كاتب فيه اني هاسافر خلال اسبوعين

دلوقتي انا بقالي سنه برة

انا بس كاتب تعليقي دلوقتي
علشان العمر بيجري زي الهوا
يلا ربنا يقويني ويقويكوا
masrya 3la toool
أن لم أكن مصريه لوددت أن اكون مصـريه
mido_1991
بسم الله الرحمن الرحيم

اولا اشكرك على الموضوع ودي اول مشاركه ليا في المنتدى

مصر الحضارة والتاريخ مصر اول مهندس في التاريخ مصر النيل مصر نصر اكتوبر المجيد مصر الشعب الطيب مصر ذكرت في القرآن مصر فيها خير اجناد الارض مصر نوبل في الادب والعلم والسلام ........ إلخ

تعتقد افتخر بيها ولا مفتخرش
أبوالدهب 86
فعلا متعرفش قيمة الحاجة غير لما تفتقدها
انا معرفتش ان مصرغالي عنى كتير غير لما غبت عنها
اجتماعى اخر حاجه
والله العظيم يا جماعه كلامكم مشجع للغايه وفعلا احنا محتاجين فى الوقت ده نعرف قيمه مصر
أبوالدهب 86
انا طبعا بحب مصر وبحب شعبها الطيب الى ديما يضحك حتى فى اصعب الظروف
انا واحد من الناس دى
ولكن فية حاجات كتير فى مصر لازم تتغير ذى الروتين ............................انتو ادرى بالباقى بلاش أحسن
اجتماعى اخر حاجه
وان قلتلك يا ابو الذهب ان شعبها لازم هو الى يغيرها مش كل حاجه على الحكومه احنا بقينا نمتلك نظام اسمه الخصخصه ممكن نستفاد بيه جدا ونفيد به الشعب بدل ما يقع فى ايد الناس المستغله
أبو زياد السيد
((((((((تم التعـــــــــــــديل ابقي اتكلم علي نفسك بس)))))


ولا تتحدث بلغة الجمع



تحياااااااااااااااااتي لك(( ادارة القسم))
الخطير جدا
افتخر ازاي ؟؟؟؟؟؟؟؟؟

انا حاسس بكسوف من اللي بيحصل في مصر
مش قصدي اني مش فخور اني مصري
بالعكس انا فخور جدا جدا اني مصري

بس اللي بيحصل في مصر
شئ يكسف
اجتماعى اخر حاجه
والله كلامكم خطير جدا وانا والله حزين على حال مصر بس لازم نفتخر بمصر حتى بانجازات الناس القديمه او الحديثه الى مشرفنا
محمداحمداحمديوسف
Cهو كل مصري يفتخر ان يكون مصري و لكن من المفروض الهيئات الممثلة بالخارج تساغد المصري في كل شئ وتنصف المصري مش يرد عليه ترد ولادغي الواحد يذكرة و الله اعلم بما اقوله
بنت مصرية بجد
مصرية وأفتخر طبعا واللي مش عاجبه ....زز
مشاركاتكم ولا ارووع حتي انتقادكم راقي ماشاء الله عليكم
فعلا مايحش بمصر الا اللي اتغفرب عنها وبعد
انا متغربة في السعودية من 5 سنين
وهاتجنن كل اجازة وابقي عاوزاها تخلص بسررعو واولادي يخلصوا امتحانات علشان اجري عليها
بابقي زي الاطفال
مبسوطة اني نازلة مصر
وياجماعة اللي بيحصل في بلدنا بيحصل في كل بلاد العالم
بس احنا الاضواء علينا اكتر
فبتنبان سلبياتنا وكما الاخوة الاعلاميين اللي بيبنوها اكتر من الايجابيات
مع ان فيه ايجابات كتيرة في مصر لازم نظهرها ونسلط الضوء عليها
ناهيكم بقي الافلام اللي بتظهر والكل يفتكر ان مصر كلها كده
مش اقلية هما اللي كده
مصر بلد الاسلام والازهر
مصر بلدي وباحبها فعلا

وياريت كل مصري فعلا يبدا بنفسه ويبقي سفير للبيلد في المكان اللي اتغرب فيه
نحسن احنا الغلط اللي اخدوها عننا
ايه ده انا رغيت كتيير اوي
سلام عليكم بقي يااحلي مصريين
YES123
طبعا انا بفتخر فى كل مكان ان انا مصرى ومن كل قلبى
اول هام لام اجدادى الفراعنة
وتانى هام لان المصريين معروفين بالكرم
ممكن اه البلد تكون فيها شوية مشاكل بس بلدنا حلوة والحمد الله
حلا2008
اكيد لازم تفتخر بانك مصرى وتحافظ على كرامتك وكرامة بلدك حتى فى غربتك
وتعلم اولادك ازاى يحبوها
لانة وطناوالبلد اللى اتربينا وكبرنا فيها
وما يحدث الان بها مش حينتهى غير بحبنا للبلد دة ومش بالتخلى عن وطنيتنالة



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
يلا بسرعه اهدى اغنيه لمصر فى غربتك
هل تفتخر انك مصرى الان
منتدى نجوم اف ام هل فادك فى غربتك
استفتاء : كيف يعاملك الاخر فى غربتك ؟
اختار شخص وقول له وحشتنى فى غربتك

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية