نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



تابع نجوم مصرية على أخبار جوجل




يوميات الشاب الصعيدي والبنت الستايل "مينا و مريم" ...متجددة

 


الحلقه الحاديه عشر
تابع نجوم مصرية على أخبار جوجل




مريم وهي نازله جري ورا مينا عشان تخليه يعقد معاهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين


مينا : الو

جارته : الووووووووووو مين معايا في التليفون بس ازاي دخلت جوه هههههههههههههه


مينا : مش وقت استظرافك ياختي دلوقتي

جارته : ايه يا واد الخفه دي مين معايا

مينا : انا مينا اللي اتهبب وساكن في الشقه اللي قدامك

جارته : اه مينا موني موني ازيك يا واد يا مووني عامل ايه انت فين ياض وازاي اخبارك

مينا : انا في شرم الشيخ

جارته : مش كنت تقولي يا واد كنا رحنا سوا

مينا : تيجي فين يا وليه دا انتي لو شوفتي النسوان اللي هنا تنتحري

جارته :جاتك ايه يا موني عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون

مينا : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (مريم سمعت الكلام دا طارت من الفرحه)

جارته : انا يا موني انا يا واد لو عايزه اكون زي جوليا روبرت هكون

مينا : جوليو ابو ربع جنيه انتي بتكلي الحاجات دي يا وليه

جارته : جاتك ايه يا موني يخربيت عقلك سكر سكر انت بتتصل ليه بقي

مينا : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده

جارته : ماشي يا حبيب قلبي ترجع بالسلامه مستنياك


مينا : مستنيه مين يا وليه انتي تخلي معاكي المفتاح بس

جارته : ماشي يا موني ترجع بالسلامه خلي بالك من نفسك

مينا بيحط السماعه وبيلف لاقه مريم في وشه

مريم : انتا مسافر خلاص


مينا : اصل اعد لمين انا جاي عشانك وانتي زعلتي ومشيتي

مريم : مانتا السبب سرحان في واحده وانا معاك

مينا : خلاص يا سيتي انا اسف

مريم : وانا اسفه ماتسفرش خلاص

مينا : خلاص مش مسافر عشان خاطرك انتي

مريم : مرسي يا مينا بجد انت طيب اوي

مينا : انتي اطيب والله

مريم : طيب بقي اطلع حط الشنط وتعالي نتمشي

مينا : بس انا جعان اوي

مريم : خلاص طلع الشنط وتعالي نفطر

مينا : اوك

مينا وهو طالع يودي الشنط ووقبل مايوصل لباب الاوضه خبط يا تري في مين
?????????????????????????????? ?????? ???????







المقال "يوميات الشاب الصعيدي والبنت الستايل "مينا و مريم" ...متجددة" نشر بواسطة: بتاريخ:
عمرووووووو


الحلقة الثانية عشر

( مينا ساب مريم واقفه في الريسبشن وطلع يحط الشنط ووهو بيقفل الباب خبط )

مينا : مين اللي بيخبط

الطارق : انا

مينا : ايوه مين يا عني انت مش بشر كائن يعني ليك اسم

الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب مينا شافه في المطعم وطلع وراه الاوده عشان يسلم عليه)

مينا ( فتح الباب لاقا محمود صحبه خاده بالحضن وسلامات وبوس )

محمود : ازيك يا مون يخربيت عقلك انت ايه يا واد اللي جابك هنا وجاي مع مين

مينا : اهه تغير شويه بدل ما نروح البلد جيت هنا مع اصحابي

محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت

مينا : ماشي يا مان انت شوفتني معاها

محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم

مينا : انقي ايه يا معلم دي صاحبتي اصلي معرفش حد في الرحله غيرها

محمود : طيب يا مان اسيبك بقي ولو عوزت اي حاجه انا في الخدمه

مينا : ماشي يا مان والف شكر

( مينا ساب محمود ونزل يفطر بقي اخيرا هيفطر مع مريم )

مينا : اخيرا يا مريم هنفطر

مريم : اخيرا انا ميته من الجوع

مينا : لو سمحت الفطار بتاعنا

الجرسون : حاضر يا فندم

مينا : بس بسرعه عشان ميتين من الجوع

مريم : اه بسرعه خالص عشان ممكن ناكل في بعض دلوقتي

مينا : بسرعه يا عم احسن تيجي تاكل فيا

جرسون : حاضر يا فندم

( الجرسون جاب الاكل وكلو الحمد لله ومريم خدت مينا وتمشوا علي البحر )

مريم : انت هتعمل النهارده ايه يا مينا


مينا : مش عارف والله يا مريم انا عندي فكره احنا نتمشي شويه بعدين انا هطلع انام عشان تعبان من السفر

مريم : عندك حق والله اوك وبليل ننزل نخرج ونشوف البلد

مينا : اوك يا مريم

مريم : البحر هنا حلو اوي بكره اكيد ننزله سوا

مينا : باذن الله

مريم : يلا نرجع بقي

مينا : يلا

( مينا ومريم طلعوا اودهم وهنعرف عملوا ايه باليل باليل النهارده )


عمرووووووو


الحلقه الثالثة عشر

مكالمه مينا وابوه المقدس يوسف

مينا : ازيك يابا وازى امى واخواتى والبلد كلتها

ابوه: ازيك يا ولدى عامل ايه وايه اخبارك مش ناوى ترجع ولا ايه يا ولدى دى البلد كلتها مستنظراااااك

مينا: اه طبعا يابا ناوى دى البلد وحشانى جوى جوى جوى

ابوه : والعمده يامينا بيسلم عليك وعايز يكلمك علشان عايز ينزل مصر وعايز يشوفك علشان تروحوا مع بعض تزورو كنايس مصر الجديمه والمقطم وبالمرة يشتريلوا بهيمتين بدل اللى ماتوا

مينا : ماتوا من ايه يابا هو انت لسه شغال فى الزريبه عنده ولا ايه يابا

ابوه: ومالها يا ولدى شغلانه الزريبه دا انا دلوجتى اترجيت وبجيت مشرف على البهايم كلتها


مينا : طب الحمد لله يابا

ابوه: طب خد يا ولدى امك عايزة تكلمك


مينا : يابا وحياتك بسرعه علشان انا بتكلم من المحمول ومش بتاعى يابااااا

أم مينا : ازيك يا ولدى عامل ايه

مينا : ازيك يامااااا عامله ايه

أم مينا : ليك عندى يا ولدى خبر حلو جوى جوى هيعجبك

مينا: جولى ياما جولى ما انا عارف اخبارك

أم مينا: جايبالك عروسه انما ايه زى الجمر يا ولدى

مينا: عروسه !!!! مين دى ياما ؟؟؟

أمه : سعديه بنت عمك ابو عوض

أحمد : سعديه !!!!!دى هبله .... ياما دى كانت بتجرى ورا عربيه الرش بتاعه النموس و كانت بتزل الترعه

ياما دى كانت ........ ياما دى جربانه ياما

أمه : دى دلوجتى بجت عروسه وإحلوت يا ولدى

مينا : ربنا يسهل يامااا .. بس انا دلوجتى مبفكرش غير فى دراستى

مينا : خلاص خلاص ياما سلام دلوجتى علشان الرصيد اللى فى المحمول ميخلصش

أمه : ايه ده يا ولدى انت جيبت محلول

مينا : وبعدين بينه وبين نفسه (( سلام بجا ياما دا انتى رغايه جوى وراح قافل فى وشها ))

مريم: ايه يا مينا سلمتلى على المقدس يوسف

مينا: اه طبعا طبعا

مينا : ياااااه يا مريم لو شفتى بلدنااااااا حته من شرم كده

مريم : نفسى اروح معاك يا مينا مرة واشوفها واشوف المقدس ومامتك وكل اخواتك

مينا بينه وبين نفسه ((متشوفيش وحش))

مينا : اااه يامريم نفسى تشوفى ابويا العمده وهو قاعد فى الزريبه أخ قصدى وهو بيبص على الناس
اللى شغاله فى الزريبه

مينا : وأد ايه يا مريم ابويا مهتم بنظافه الزريبه أخ قصدى البلد كلتها

مريم : هو بباك عمده طب احكيلى عن اخواتك


مينا: عندى يا ستى أخين وأخت

مريم : واسمهم ايه

مينا : عواد وعبعال والبنت اسمها صابحه

مريم : وسنهم اد ايه؟؟

مينا : عواد ده حرامى أد الدنيا

مريم : حرااااامى !!!!!!!!!!


مينا : لأ يا شيخه بهزر معاكى
دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!

مريم : وعبعال ؟؟؟؟

مينا : عبعااااااال يا عينى على عبعال ... عبعال ده تديله من فوق اكل يديكى من تحت حاجات تانيه

مريم : هههههههههههههههههههههههههه

مينا : لا دا عبعال فظيع تصورى عبعال فى مرة كنا بنتعشا فا أمى كانت عاملالنا بيض ومش وكان فى المش دود وكان عبعال بجاله يومين مكالش لحمه راح واكل الدود وساااب المش !!

مريم: يوميين مكاالش لحمه !!!! ههههههههههههههههه

مينا : لأ وايه وبعد ما أكل الدود والبيض دخل الحمام
فضلت يا مريم البلد كلتها 7 أيام تعانى من سد فظييييع فى المجارى

مريم : هههههههههههههههههههههههه يع يع

مينا : مقولكيش بجا على صابحه

مريم : لألأ كفااااااايه لحد كده

مينا : لا كله إلا صابحه .. صابحه وهى صابحه.....

وفجأة ومينا بيتكلم مع مريم راح طابب عليه واحد بلدياته من البلد ومينا بقى مرعوب ليشوفوا ويجى يسلم عليه ويفضحه قدام مريم
وفعلا ده اللى حصل وبلدياته شافه وراح رايحله علطوووووووووووول

مينا وشه جااااااب 100 لووووون وخااااااف ليتفضح قدام مريم وتعرف ان ابوه ولا عمده ولا حاجه
ورااااااااح دااااخل بلديتناااااا على مينا ..........



l0vely girl
يبقى اكيد حيتفضح

حلووة القصة ... استمر
عمرووووووو

احلي حاجة التشجييع ده
عمرووووووو

الحلقه الرابعة عشر

كنا خلصنا المره الى فاتت ان بلديات مينا شافوه فى شرم ومينا كان مرعوب انه يشوفه ويفضحه
لكن للاسف هو ده الى حصل
ودخل بلديتنا على مينا
ونشوف ايه الى حصل


صميده : مينا بلدياتى حبيبى ازيك يا صاحبى عامل ايه

مينا : ازيك انت يا عواد

بينه وبين نفسه (( الله يخرب بيتك ايه اللى جابك دلوجتى يا صميده يا غلس )).!؟

صميده : ( عواد ) مين انت مش فاكرنى ولا ايه يا مينا

مينا : لالا طبعا ازاى يا حمدان فاكرك وانا اقدر انساك

صميده : حمدان مين يا مينا انا صميده ابن عمك الحج شعبان بتاع البليله

مينا : ااااااه يا جدع وانا اقدر انساك برده ايه اللى انت بتجوله ده وايه اللى جايبك هنا يا حمار قصدى يا صميده

بينه وبين نفسه (( تيجو من بلدكوا وتقرفونا هنا )).!؟

صميده : طب والله يامينا انت كنت واحشنى جوى جوى
فاكر يا مينا ايام زمان اما كنا .......؟


وراح مينا قاطع كلامه

مينا : اااه طبعا طبعا فاكر يا صميده وانا اقدر انسى

بينه وبين نفسه (( اه يا ابن الدزمه هتفضحنى جدام مريم ))..؟

صميده : فاكر اما كنا بنروح نلعب مع البهايم فى زريبه العمده اللى كان ابوك شغال فيها

مينا : هههههههههههههههههه دا انت بجى دمك شربات وزى السكر يا صمصم

صميده : ولا فاكر اما كنا بنروح الترعه اللى كنا كل يوم نروح ناخوض بلنصات فيها

مينا : هههههههههههههههه يخرب بيت شيطانك يا جدع

بينه وبين نفسه (( عليا الطلاج شويه وهولع فيك يا ابن الدزمه )) ..؟

صميده : ياااااااه كانت ايام


مينا : ااااااااه (( الله لا يرجعها ))..؟

مريم طبعا قاعده بتحاول تفهم اى حاجه بس مش قادرة واقعه من الضحك وفى نفس الوقت مستغربه

صميده : انما مجولتليش يا مينا انت هنا بتعمل ايه

مينا : بشم هوااااا اصل الجو حر جوى جوى هناك فى مصر

صميده : طب ما انت فى مصر برده يا ابنى ولا انت حد ضحك عليك وفهمك انك مسافر بلاد بره

مينا : يااااااه عليك يا صميده مش بقولك دمك بجى زى السكر .. قصدى على القاهرة يا خاااااافيف

صميده : اييييييييه ده وبجيت قاعد فى القاهرة كمان ؟

مينا : وفيها ايه يعنى ياخويا ولا هما كاتبين عليها ممنوع دخول الحيوانات

مريم : ههههههههههههههههههههههههههههههه


صميده : لا لا يا ابن عمى مجصوتش طبعا

مينا : لا يا سيدى ولا تجصد

بينه وبين نفسه (( ايوه كده ادب معاه خناجه علشان يغووور ابن الدزمه ده )).؟

صميده : انت زعلت ولا ايه


مينا : لا يا سيدى وهزعلى من حمار زيك ليه قصدى وهزعل منك ليه

صميده : طب حجك عليا

مينا : انما مجولتليش يا سى صميده انت هنا بتعمل ايه ؟

صميده : انا يا ابن عمى شغاااااااااال فى مطعم فى فندق اسمه تروبيكالا


مريم : هههههههههههههههههههههههه اسمه تروبيكانا

مينا : وكمان مش عارف اسم الفندق اللى انت شغال فيه جتك نيله عليك

صميده : ولا يهمك يا جمر . اللى انتى تجوليه هو الصح

وبعدين مش تعرفنا يا مينا على المزمازيل اللى معاك


مينا : لا يا سيدى مش هعرفك وبعدين انت مالك

صميده: كده يا ابن عمى ماشى ولا يهمك عادى انما انت مجولتليش عبعال اخوك عامل ايه مع البلد وعمل ايه فى الازمه اللى كان بيسببها للبلد كلها كل ما يدخل الحمام اصل بجالى كتير منزلتش البلد

مريم: هههههههههههههههههههههههههههههه

مينا : يالهوووووووى على تجل دمك يا صميده
انت ياض جايب الغلاسه دى منين ؟

مينا : اييووووه صميده اهو .. اللحج يا صميده اظاهر كده فى حد بينده عليك هناك وبيجول المدير عايزك

صميده : يالهووى المدير عايزنى يجى فى مصيبه حصلت
هجيلكوا تانى

مريم : ههههههههههههههه مقولتليش مين ده يا مينا

مينا : ده ؟ داااا صميده ابو الغلاسه والرخامه والرزاله كلهاااااااااا

مريم : هههههههههههه لا ما هو باين عليه
وبعدين هو الكلام اللى بيقوله ده حقيقى


مينا : يا سيتى متحوطيش فى بالك بجولك دا صميييييييده

مينا : الله يخرب بيته مخلناش نعرف نتكلم مع بعض

مريم : لا عادى يا مينا ولا يهمك بس انا زعلانه ان خلاص قربنا نرجع

مينا : وانا كمان والله يا مريم

مريم : طب انت هتعمل ايه دلوقتى يا مينا ؟

مينا : انا جعاااااااااان

مريم : هههههههههههه انت على طول كده يا مينا اكل اكل على طول


مينا : يا باااااى عليكى وعلى جرك هو مش انتى جولتى انهم عاملين الاكل ابون بوفيه

مريم : ههههههههههههههههههههه ايه ( ابون ) ؟ هههههههههه اسمه اوبين بوفيه

مينا : يااااااااااه على رزالتك انتى كمان هتعملى زى صميده ولا ايه

بتيجى انتى فى الحاجات التافهه وتتكلمى

مريم : ههههههه خلاص معلش

مينا : طب ايه تيجى تاكلى معايا

مريم بكسوف راحه قايلاله اوكى

مينا : وبتجولى مش جعانه يالهوى عليكى تلاجيجى هتروحى هتعتدى على البوفيه كلها

مريم : دا انا برده اللى كل شويه بقول انا جعان انا جعاااااااان

وراحوا الاتنين للبوفيه ويا ريتهم ما راحو للبوفيه



l0vely girl
لقوا صميدة هناك تانى ولا ايه ؟؟؟

على فكرة انت كنت قايل 3 حلقات كل يوم .. انت كده بتغش ها
مش عشان القصة حلوة ترجع ف كلامك
عمرووووووو
لقوا صميدة هناك تانى ولا ايه ؟؟؟

على فكرة انت كنت قايل 3 حلقات كل يوم .. انت كده بتغش ها
مش عشان القصة حلوة ترجع ف كلامك
لا والله النت فصل عندي فتره اول ما اصحي بكره ان شاء الله هنزل الحلقات الجديدة عشان انا عاوز انااااااااااااااااااااااام

تصبحوا عل يخييييير كلكم

عمروووووووو

الحلقه الخامسة عشر

وراح مينا و مريم اللى الابون بوفيه علشان ياكلوا
:
:


دلوقتى هما فى البوفيه

مينا: عايزك يا بت يا مرمر تاكلى وتملى بطنك على الأخر جبل ما الوكل يخلص
مريم : ههههههههههه يخلص ايه بس يا مينا وبعدين البوفيه مفهوش حد كتير بياكل معانا
مينا : برده انتى متضمنيش الاحتياط واجب بجولك ايه
ناولينى كده الفرخه اللى ناحيتك هناك دى وطبج المحشى اللى جنبيها بالمرة

مريم : طيب بس انا اول مرة اشوفك جعان اوى كده

مينا : لألأ اتعودى على كده خلاص دا احنا فاضل يوم ونرجع دا انا مش بعيد ابات فى الابون بوفيه بتاعكوا ده فلازم املا بطنى على الاخر

مريم : ههههههههههههه طب ما انت اكيد هتجوع تانى يا ابنى اما ترجع

مينا : ياباااااااااااااااى عليكى اسكتى بجى خلينى اعرف اتمزج بالفرخايه الجميله دى
دا انا اخر مرة كلت فيها فراخ اما كنت فى الشجه اللى انا جاعد فيها فى مصر وكانت كمان عملهالى الوليه المايصه جارتى بس كانت ماسخه زيها

مريم : ماااشى اتفضل كل انا مش هضايقك تانى

وطبعا كده هما كانوا خدوا الاكل وقعدوا فى المطعم بتاع البوفيه على التربيزة يعنى

مينا : متزعليييش... بس انا جعان وهنكمل كلامنا بعد ما اخلص يا جمر

مريم : طب كل برااحه محدش بيجررررررى وراااك


مينا : حااااضر ... كده كويس ؟ طب خدى ورك الفرخه دى منى ليكى

مريم : لالالا شكرا مش ينفع خالص فراخ مع سمك فليه


مينا : مع اييييييييييه ؟ سمك فاااااليه ؟

مريم: ايه يا مينا متعرفش السمك الفليه مش الفاليه
اللى هو بيكون من غير شوك


مينا : إيوه إيوه عرفته خلاص اللى بيعوم فى الإحواض بتاعت السمك ده

مريم: ههههههههه يااربى ... ايوه هو يا مينا كل بقى

مينا : طب خدى اى حاجه منى اجبرى بخاطرى يا مريم طب اجولك خدى يا سيتى
الطبج بتاع السلطه ده وجومى امليه سلطه وتعالى

مريم: نعم نعم نعم ؟؟؟؟ من عينى يا مينا

مينا : تسلم عيونك يا جمر انت

وبعد ما راحت تجيبله السلطه بيكلم نفسه (( اومال ايه نعم نعم نعم دى اللى قالتها دى زى حاضر مثلا عندها ولا ايه ))

المهم وهما قاعدين كان بياكل على الطربيزة اللى جنبيهم واحد من الجامعه برده معاهم واسمه ميدو ..... بس اييه قاعد معاه اربع بنات وشغالين بقى ايه ضحك ومقضيناها خاااالص ( هههههههه لسه ما بقوش اربعة عندي )

والواد ايه من الشباب الجامد جدا جدا واللى بيجيبوا من الاخر

مريم : ايه ده يا مينا ده ميدو اهو

مينا : يكونشى عادل امام يعنى ؟ ميشو مين ؟

مريم : ميدو يا مينا بقولك ميدو الولد اللى معانا فى الجامعه

مينا : طب اهلا وسهلا اجوم ابوسهولك يعنى ولا اعمل ايه ؟

مريم : طب انا هقوم اسلم عليه واقوله على حاجه كنت عايزاها منه

مينا : نعم يا ست الجمورة تجومى تسلمى علييييه لييييييييييه ؟ يكونش حد جالك انك قاعده مع سوسن ؟

مريم: ههههههههه لأ والله مش قصدى بس اصلا كنت عايزة منه رقم الموبيل بتاع اخته علشان كنت عايزاها فى حاجه

مينا : ااااااااااه وبعدين ايه اللى عامله فى شعره ده وايه النضارة اللى قد ودان الفيل اللى لابسها على عينه دى ودى يا ترى حفظ نظر ولا لابسها كده يتمرجع بيها جدام البنات

مريم : دا استيل مووووت يامينا وعسوووول اوى اوى

مينا : طب ما تجومى تاخديلك كده بوستين على الماشى منه

مريم : لأ انا بقولك يعنى انه استيل مش اكتر وبجد انا دلوقتى عايزة رقم اخته اعمل ايه وكل ما اشوفه انسى اخده فا دلوقتى فرصه وانا فاكره

مينا : طب من الاحسن انك تندهيلوا وهو يجى احسن

مريم : طيب اوك فكره برده
مريم : ميدووو ميدووووو


ميدو : ايه ده مريم ازييييك يا بنتى

وراح قايم من على الطربيزة وراح رايح عند طرابيزتهم

ميدو : ايه يا بنتى محدش بيشوفك ليه مختفيه يعنى

مريم : معلش بقى يا ميدو انت عارف الشهرة والاضواء فا لازم ههههههههه اعرفك مينا يا ميدو وده ميدو يامينا

ميدو : ازيك يا مووون وايه يا عم المطعم اللى انت فاتحه قدامك ده
ههههههههههههههههههههههه


مينا : هههههه مش كنتى تجوليلى يا مينا ان ميشو صاحبك دمه خفيف كده

ميدو : وانت معانا بقى يا مان فى الجامعه


مينا : مان ؟؟؟؟؟؟ بتجولك مينا وبعدين مان دى شتيمه ؟؟؟؟

ميدو : لأ يا صاحبى عيب عليك دى معناها راجل بس بالانجلش


مينا : ربنا يخليك يا ميشو قصدى يا ميدو انت اللى شكلك راجل

ميدو : ربنا يخليك


مينا : ويا ترى النضارة دى نظر ولا ايه ؟

ميدو : هههههههههههههه نظر مين يا عم الحج انت ايه مش شايف السواد اللى فيها ولا ايه
دى نضارة شمس يا صاحبى

مينا : اااااااه اللى هى ضد الشمس وكده
زى قبنورى ضد الحرق وضد الكسر هههههههههههههههه


مريم : مينا يا ميدو من الناس القريبين اوى منى فى الجامعه

ميدو : اهلا وسهلا يا مان و بلاش مان دى اهلا يا صاحبى وفرصه سعيدة

مريم: كنت بقولك ايه يا ميدو كنت عايزة رقم سارة اختك علشان كنت عايزاها فى حاجه


ميدو : بس كده يا جميل هاتى موبيلك وانا اكتبهولك

مريم : اتفضل


ميدو : مش عايزين منى حاجه بقى يا جماعه انا جمبيكوا على الطرابيزة لو عوزتوا اى حاجه منى
ماشى يا مووووووون


مينا : ماشى يا صاحبى ربنا يخليك .... ايه مووون دى !!!!!

مريم : شوفت بقى انه طيب وعسل وجدع كمان

مينا : ما خلااااص يا جمورة ايييييه ده كله كفاايه حاجه واحده

مريم: ايه رايك يا مينا تعمل نيولوك فى شعرك ولبسك وطريقه كلامك وكده زى ميدو

مينا : بجولك ايييه وماله شعرى ولبسى وطريقه كلامى يا ست هاااااانم
ايه شايفانى اراجوووووز ؟؟

مريم : لأ يامينا والله مش قصدى بس انا قصدى ان الناس كلها بتعمل تجديد فى شكلها وكده وهيبقى للأحسن طبعا فاكر اخر مرة عملت فيها كان جميل ازاى

مينا : اه طبعا وانا اقدر انسى بأمارة اما الحلاق اللى حلقلى تانى يوم مات

مريم : ههههههههههههههه


مينا : اه والله انتى فاكرانى بهزر فا مش ناقصين حد يموت تانى كفايه المرة اللى فاتت
ومن ساعتها وانا متعقد من البلوتوك


مريم : ال ايييييييييييييه ؟ يا اربى اسمه نيو لوك

مينا : مش موضوعنا دلوجتى يا رخمه ... طب انا موافج بس عايز حلاج يكون كويس بقى ومش من اللى بيموتوا

مريم: ولا يهمك يا سيدى كده كده احنا خلاص راجعين بكره اما نرجع اخلى ميدو يوديك للحلاق اللى بيروحلوا وبعديها ننزل نجيب اللبس كمااان ايه رايك ؟

مينا : ماااشى يا جمر . بجد يا مريم مش عارف اجولك ايييييه يا نور انتى طيبه جوى جوى

مريم : لأ يا مينا متقولش كده انت متعرفش انت ايه بالنسبالى

مينا : طب انا هجوم اغسل ايدى

طبعا مريم اضايقت علشان مينا قطع الحوار الرومانسى اللى كان ابتدى بينهم

مريم : طيب اوكى اتفضل يا بيه ..... وانا هاطلع أغير هدومى

مينا استنهز فرصه ان مريم طلعت تغير هدومها وراح اعد جنب الوليه
الوليه مش معبراه خالص


مينا : يالهوي علي الغزال اللي بيلعب في الرمل

الوليه : ......................... ؟

مينا : يالهوي علي الحصان اللي اعد علي شط

الوليه : .........................؟

مينا : يالهوي عالجمر اللي الميه بلته

الوليه : .........................؟

مينا اتخنق وزهق كل الكلام ده والوليه مش راديه تعبره
مينا عجبه تقل الوليه وحنا عارفينه صعيده ومخه تخين لازم يكلمها


مينا : ايه يا عم التقل دا عبرنا ولو بنظره

الوليه خدت بالها ان في صوت بيتكلم بصتله

مينا : يا دين النبي ايه العنين الدامده دي

مينا : بس بس بس بس بس بس انت يا جمر

الوليه : ......................... ؟

مينا سرحان في عيون الوليه ومش عارف يقول ايه اتبلم

يالهوي دا مريم جايه في الطريق ومينا لسه مبلم في عيون الوليه

مريم : مينا " مينا مش هنا خالص راح في دنيا تانيه " مش معانا
مريم : مينا مينا مينا !!!


مينا : ايه مين

مريم : ايه يا بني انت سرحان في ايه كده

مينا : لا مافيش

مريم : طيب انتا جاي معانا ولا اعد

مينا : نروح فين

مريم : هنطلع علي البلاج


مينا : طيب روحه انتوا انا اعد هنا شويه

مريم : لا يا مينا تعالي معانا

مينا : لا انا عايز اعد هنا شويه

مريم : كده يا مينا مش عايز تروح معايا


مينا : خلاص خلاص انا هاجي معاكي جومي كتج الجرف

مريم : بتقول حاجه يا مينا


مينا وهو ماشي في سره با بنت الدزمه لازم تيجي دلوقتي انا كنت خلاص هكلم الوليه

مريم : مينا انت بتقول حاجه


مينا : لا

مريم: طيب انت مش هتطلع تغير هدومك وتلبس الترنج اللي من العراق الجامد جدا ده

مينا : اه والله فكرتينني بصي انا هطلع اغير وابقي اجيلك روحي انتي

مينا وزع مريم وطلع غير هدومه ومش راحلها راح فيـــن


عمروووووووو

الحلـــقــه السادسة عــشــر




مينا ساب مريم راحت المطعم وطلع هو يغير لكن خد وقت كتير اوي لانه مش عارف يلبس الترنج اللي من العراق الجديد محتار يلبس انهه وش اصله وشين زي بعض ما علينا مينا اتخنق راح رامي الترنج ولبس ترنج غيره ونزل نفض لمريم و راح يدور علي الوليه مش لاقها في نفس الوقت مريم قلقت عليمينا راحت تدور عليه واخيرا



مريم : كنت فين يا بني

مينا : ماكنتش وهروح فين يعني

مريم : بس ايه الشياكه دي هو دا
التنرنج اللي جايبه من العراق


مينا : لا التاني فوق في الاوضه مرضتش البسه الواحد المفروض ميلبسش اللبس الدامد بتاعه من اول الرحله إكده

" مينا مش عايز يعرف مريم انه مش عارف يلبسه عشان مش تتضحك عليه " اه يا كداب


مريم : طيب يلا عشان نروح نكمل اكل

مينا : يالهوي انتي هتكلي تاني انتي مش فطرتي

مريم : لا انا كلت حاجات بسيطه كده مستنيياك عشان تفطر معايا

مينا : ماشى يا جمر ربنا يخليكي

مريم : يلا يا مينا

مينا : جرسوووووووووووووون انت يااااااااااااااااااااااااااض

مريم : بس يامينا الناس بتبص علينا هو هيجيلنا المنيو بتاعه الاكل دلوقتى

مينا : منه مين هي منه دي شغاله معاه

مريم : يالهوي المنيو المنيو

مينا : اه منيو مش منه مين منيو دا بقه

مريم : يالهوي يا بني ليسته الاكل

مينا : اه ماتقولي كده من الاول لازم تجيبي منه يعني الاول

مريم : طيب شوف هتاكل ايه

مينا : طيب انا هاخد ايه دا مافيش فول طعميه برنجان ايه الاكل دا

مريم : هو انت في البلد الفطار هنا زبده مربه جبنه حاجات خفيفه كده

مينا : والحاجات دي بتشبع ولا هنجوع منها

مريم : يعني كل لحد ماتشبع دا اوبن بوفيه

مينا : طيب بص يا كابتن هاتلي 5 زبده و10 مربه و 5 جبنه و10 عيش

الكابتن : ليه يا فندم انت عازم حد

مينا : وانت مالك يا سسقيل اه عازم نفسي علي الفطار شوف الانسه تاكل ايه

مريم: هتلي زبده ومربه وجبنه ورغيف عيش بس

الكابتن : اي خدمه تانيه

مينا : متشكرين يا خفه روح يلا يااض

مريم : ايه ده يا مينا عامل الولد بشكل احسن شويه

مينا : يا عني اطلع البس بدله واكلمه عشان اكلمه كويس

مريم : هههههههههههههههههههههههه يخربيت عقلك يامينا مش قصدى

مينا : هو الراجل اتاخر كده ليه انت يا عم جعانين

مريم : يالهوي براحه يامينا الناس بتضحك عليك

مينا : ليه هو انا بكلمه وانا واقف علي ايدي طب يلا والله منا واكل

مريم : خلاص يا مينا برحتك بس انا جعانه

مينا : يلا نروح ناكل في حته تانيه

وخدها مينا و هيروحو ياكلو فى حته تانيه
مينا بعد ما حلف على مريم انهم يفطروا في مكان تاني
وهما طالعين لاقى الوليه اللي كان عايز يكلمها
وشه احمر وراح لمريم قالها

مينا : مريم عشان خاطرك انتي بس هنرجع ناكل في المطعم عشان انتي شكلك جعانه

مريم : مرسيي يا مينا علي زوقك

طيبه ماتعرفش اللي فيها خالص

مينا : هو الجارسون اتاخر كده ليه انت ياااااااااااااااااااااض

مينا : فين الوكل

مريم : اهو جاي اهو

الكابتن : اتفضلوا الاكل بالهنا والشفا

مريم : ميرسيي

مينا : يلا ياض من هنا

مريم : ايه يا مينا خلي قلبك رقيق عن كده

مينا : طيب يا سيتي بقلك ايه يا مريم ما تيجي تعدي مكاني

مريم : ليه يا مينا

مينا : يعني تعالي بس

مريم: طيب تعالي اما اشوف اخرتها معاك

طيبه اصل الوليه كانت اعده ورا مينا و هوا كان عاوز يبصلها

مينا : سرح في عيون الوليه ونسي الاكل ومريم

مريم : مينا مينا " مينا مش هنا " انت يا مينا انت روحت فين

مينا : ايوه بتقولي حاجه

مريم : يالهوي انت ده كله ومش معايا انت سرحان في ايه

مينا : سرحان عبد البصير

مريم : هههههههه خفيف سرحان فيه ايه بجد وبتبص فيا كده ليه

مينا : انا ببص عليكي انتى بتتلككي ولا ايه هبصلك ليه يعنى

مريم : بتتلكك راحت مريم بصت وراها لاقت الوليه بتتضحك لمينا ومينا سرحان معاها
تش تش تش مريم دلقت الميه فوق هدوم مينا

مينا : ايد دا يا مريم ينفع كده الترنج اتبل هخرج ازاى دلوقتى

مريم : احسن عشان تسرح برحتك بعد كده انا ماشيه

مينا : خدي بس يا مجنونه مالك زعلتى ليه بس

مريم سابت مينا وتطلعت اوضتها وزعلانه مينا تطلعلها عشان يصالحها

مينا : مريم خلاص بقي انا اسف بجد

مريم : اسف علي ايه

مينا : عشان بصيت للوليه

مينا : وانا مالي ما تتحرق انت وهي

" ومريم يا عيني هتموت عشان بص للوليه
" ومتغاظه


مينا : اتحرق كده طب انا ماشي راجع البلد ومش هتشوفي وشي تاني غير علي الدراسه

مريم : احسن روح

مينا : كده طيب شكرا علي الرحله الجميله دى


مريم سمعت اوضه مينا بتتفتح وطالع بالشنط ونازل من علي السلم
مريم جريت ورا ولاقيته بيكلم في التليفون من الريسبشن بيكلم مين


مينا : الو

جارته : الووووووووووو مين معايا في التليفون بس ازاي دخلت جوه هههههههههههههه

مينا : مش وقت استظرافك ياختي دلوقتي

جارته : ايه يا واد الخفه دي مين معايا

مينا : انا مينا اللي اتهبب وساكن في الشقه اللي قدامك

جارته : اه مينا موني موني ازيك يا واد يا مووني عامل ايه انت فين ياض وازاي اخبارك

مينا : انا في شرم الشيخ

جارته : مش كنت تقولي يا واد كنا رحنا سوا

مينا : تيجي فين يا وليه دا انتي لو شوفتي النسوان اللي هنا تنتحري

جارته :جاتك ايه يا موني عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون

مينا : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي

(مريم سمعت الكلام داطارت من الفرحه)

جارته : انا يا موني انا يا واد لو عايزه اكون زي جوليا روبرت هكون

مينا : جوليو ابو ربع جنيه انتي بتكلي الحاجات دي يا وليه

جارته : جاتك ايه يا موني يخربيت عقلك سكر سكر انت بتتصل ليه بقي

مينا : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده

جارته : ماشي يا حبيب قلبي ترجع بالسلامه مستنياك

مينا : مستنيه مين يا وليه انتي تخلي معاكي المفتاح بس

جارته : ماشي يا موني ترجع بالسلامه خلي بالك من نفسك

مينا بيحط السماعه وبيلف لاقه نور في وشه

مريم : انتا مسافر خلاص

مينا : اصل اعد لمين انا جاي عشانك وانتي زعلتي ومشيتي

مريم : مانتا السبب سرحان في واحده وانا معاك

مينا : خلاص يا سيتي انا اسف

مريم : وانا اسفه ماتسفرش خلاص

مينا : خلاص مش مسافر عشان خاطرك انتي

مريم : مرسي يا مينا بجد انت طيب اوي

مينا : انتي اطيب والله

مريم : طيب بقي اطلع حط الشنط وتعالي نتمشي

مينا : بس انا جعان اوي

مريم : خلاص طلع الشنط وتعالي نفطر

مينا : اوك

مينا طلع يودى الشنطه ونزل لمريم

مينا : اخيرا يا مريم هنفطر

مريم : اخيرا انا ميته من الجوع

مينا : لو سمحت الفطار بتاعنا

الجرسون : حاضر يا فندم

مينا : بس بسرعه عشان ميتين من الجوع

مريم : اه بسرعه خالص عشان ممكن ناكل في بعض دلوقتي

مينا : بسرعه يا عم احسن تيجي تاكل فيا

جرسون : حاضر يا فندم


( الجرسون جاب الاكل وكلو الحمدو لله ومريم خدت مينا وتمشوا علي البحر )

مريم : انت هتعمل النهارده ايه يا مينا

مينا : مش عارف والله يا مريم انا عندي فكره احنا نتمشي شويه بعدين انا هطلع انام عشان تعبان من السفر

مريم : عندك حق والله اوك وبليل ننزل نخرج ونشوف البلد

مينا : اوك يا مريم

مريم : البحر هنا حلو اوي بكره اكيد ننزله سوا

مينا : باذن الله

مريم : يلا نرجع بقي

مينا : يلا

( مينا ومريم طلعوا اودهم وهنعرف عملوا ايه باليل باليل النهارده )
l0vely girl
متهيألى ان الحلقات بتتعاد تانى صح ؟؟؟
عمروووووووو
انا كمان اتهيئلي كده بس لما كملت لقيتها مرتبطة فعلا باللى بعدها تاني مش عارف ليه الكاتب تقريبا نفس الجزء متعاد

بس مرتبط باللى بعده واهه هتشوفي كمان


عمروووووووو


الحلقه الـســـادســـه عشـــر



مينا ومريم طلعوا يسيتريحوا وهيخرجوا مع بعض باليل
بعد وقت طويل مينا ومريم قابلوا بعض بليل كده بعد المغرب وخرجوا مع بعض

مينا : تصدجي يا مريم شوفي احنا بقلنا قد ايه مع بعض وانا مش عارف عنك اي حاجه

مريم : بص يا سيدي انا اسمي مريم فخرى والدي شغال دكتور اوك ووالدتي اسمها مش مهم وشغاله في الجامعه

مينا : تصدقي اسم مامتك جامد مش مهم مين الذيذ الي سماها الاسم ده

مريم : هههههههه يخربيت عقلك يا مينا اسمع بقه

مينا : اتفضلي خلاص

مريم : وانا عندي اخت واحده اكبر مني ومسافره مع جوزها وقاعده في البيت لوحدي مع ماما وبابا وليا اخ صغير كده بس ايه عسل

مينا : ربنا يخلوهملك
مينا : بس قوليلي انتي دخلتي الكليه دي كان نفسك فيها ولا عشان مجموعك

مريم : لا انا كان نفسي ادخلها عشان والدي يعني كده

مينا : اه

مريم : وانت دخلتها ليه تلاقيك عشان المجموع

مينا : لا والله انا دخلتها عشان كان نفسي اخشها يعني شغلها كتير وفي جميع المجالات

مريم : قولي صحيح يا مينا لما تيجي تتجوز ايه مواصفات البنت اللي انت نفسك تتجوزها

مينا : ايه السؤال المحرج ده بس بصي يا سيتي
اولا لازم تكون مؤدبه جدا وجميله وتكون دمها خيف زيك كده

مريم وشها احمر واخضر وبتكلم نفسها دا كل المواصفات دي فيا وسرحت في كلام مينا

مينا : وانتي يا مريم بتحلمي جوزك يكون ازاي مريم مريييييييييييييييييييم
انتي روحتي فين

مريم : هه معاك ايوه كنت بتقول ايه

مينا : لا انتي كنتي فين يا بنتي بقولك بتحلمي جوزك يكون ازاي

مريم : بص لازم يكون بيحبني مووووووت ويكون طيب وجميل ودمه خفيف

مينا : ( مينا بيضحك مع مريم ) تصددقي المواصفات دي فيا يعني انفع ابقي جوزك

مريم : ههههههههههههههههههههههههههه يا بن الايه انا نفسي في ايس كريم دا يا مينا

مينا : من عنيا يا مريم

مريم و مينا مشيوا كتير اوي وكلموا اكتر وراحوا المطعم بتاع الفندق اتعشوا وطلعوا ناموا

تاني يوم الصبح مينا و مريم فطروا سوا وراحوا البحر

مينا : ايه يا مريم انتي هتنزلي البحر

مريم : طبعا يا ابني هو انا جايه هنا عشان اتفرج عليه

مينا : طيب خالي بالك من نفسك

مريم: طيب انا بعرف اعوم خالي بالك انت من نفسك
مينا علي فكره بيعوم علي قده

مينا : الحقوني الحقوني الحقوني يا مرييييييييييييييييييييم بغرق

مريم : ميناااااااااااااااااااااااااااااااااا

مينا : يا مريييييييييييييييييييييييييييم الحقيني الحقيني
ومينا قاعد يطبش باديه ورجليه وينزل ويطلع يا عيني يا مينا

مريم : مينا انا جايه اهه امسك نفسك شويه

يا عيني مريم كانت لسه بتغير هدومها مش لحقت نطط في الميه بهدومها وجت عند مينا لسه بتمسكه مينا اقعد يضحك ويعوم ومريم يا عيني هتعمله ايه وزعلت منه ومشيت

مينا : خدي يا مريم انا كنت بهزر معاكي بجد والله خدي بس مش تزعلي

مريم : دي حركه تعملها فيا بردضه انا قلبي وقع في رجلي اخص عليك يا مينا

مينا : خلاص بقى يا مريم المسامح كريم وانتي مش بتزعلي صح

مريم : خلاص يا مينا محصلش حاجه بس مش تعملها تاني

مينا : اوعدك اني مش هعملها تاني اطلعي بقه غيري هدومك عشان
مش تخدي برد والبسي كده اللي علي الحبل وانزلي عشان هعزمك علي غدوه جامده مووووووووت

مريم طلعت غيرت ومينا طلع لبس هو كمان اللي علي الحبل وراحوا فين
مينا ومريم نزله وقابلوا بعض في الريسبشن

مريم: ايه بقي يا مينا الغدوه الجامده دي

مينا : لا دي مفاجاه هتعرفيها دلوقتي

مريم : طيب يلا بسرعه عشان انا هموت من الجوع

مينا : اوك يلا تاكسي

التاكس : where are you go ؟

مينا : see food بعيد عنكوا كده دا اكبر محل سمك في شرم

مريم : وااااااااااااااو ايه المحل التحفه ده يا مينا

مينا : دي حاجه بسيطه كده عشان اعتزرلك علي الموقف اللي حصل الصبح

مريم بتقول في سرها ياريت تعمل الموقف دا كل يوم

مريم : موقف ايه يا مينا مافيش حاجه حصلت دا يدوب كان قلبي هيقف

مينا : بعد الشر عليكي علشان الخضه دي قولت اغديكي اكله جامده موووووووت

الجرسون : اوامرك يا افندم تطلب ايه

مينا : بص يا سيدي عايزين جميع انواع السلطات والمخللات

ثانيا بقي هات جميع انواع السمك اللي عندكوا ظبطنا يعني

ومتنساش الجمبري عشان الفوسفور يعني ظبطنا كده

الجرسون : اي خدمه تانيه يا افندم

مينا : شكرا متنساش اهم حاجه الميه بسرعه

مريم : ايه الاكل دا كله يا مينا احنا هنقدر ناكل دا كله

مينا : ان شاء الله انا بقالي يومين مش باكل الاكل بتاع الفندق ده مش بيشبع خالص

مينا : قوليلي صحيح يا مريم عقبال ما يعملوا الاكل انتي مش اتقدملك حد للجواز خطوبه يعني

مريم : بيتقدموا صدقنى يا مينا بس انا لسه صغيره مش بفكر في الكلام ده دلوقتي وبعدين انا لسه مش قبلت فارس احلامي يعني لسه شويه

مينا : عملتي خير والله جواز ايه دلوقتي انتي لسه صغيره

مريم : وانت مش حاطط عينك علي حد

مينا : حاطط عيني علي الطفايه دي

مريم : هههههههههههههههه يخربيت عقلك بجد والله

مينا : لسه والله يا مريم مش قابلت الانسانه اللي بحلم بيها بس يعني في احتمال اني لاقتها

مريم : وشها احمر واخضر وضرب الوان طيب ما تقولي مين دي

مينا : لا لسه شويه في الوقت المناسب هقولك

الجرسون : الاكل يا افندم

مينا ومريم اكلوا بالهنا والشفا وشربوا بيبسى واتمشوا لغايه بليل ولفوا البلد وفضلوا يتكلموا كتير اوي مش عارف بيتكلموا في ايه المهم الاتنين روحوا وناموا
تاني يوم بقه صحيوا ونزلوا فطروا وراحوا البحر

مينا : صباح الخير يا مريم

مريم : صباح الخير يا مينا عامل ايه

مينا : المشي بتاع امبارح ده بوظلي رجلي المهم انتي هتنزلي البحر

مريم : اه بس اوعي تعمل حركه امبارح

مينا : لا خلاص عيب مش هعملها تانى

مينا ومريم نزلوا البحر وبيعموا فـ مينا وقف شويه ومريم دخلت جوه من كتر الارهاق جالها شد عضل فكانت هتغرق نادت علي مينا ومينا منفضلها
يا خبر دى مريم بتغرق



عمروووووووو

الحلقه الثامنة عشر

احنا سيبنا مريم بتغرق والحلقه خلصت مش مشكله نكمل

مريم: مينااااااااااااااا الحقني يا مينا الحقني بغرق

مينا فاكر مريم بتردله المقلب اللي عمله فيها ومينا وعمل فيها جاى من طنطا و منفضلها

مينا : بطلي شغل عيال يا مريم انا فاهم الحركات دي

ومينا قاعد يضحك

بارد اوي مينا ده هو مش بارد هو عامل نفسه ناصح


مريم : الحقوني الحقوني بغرق

مريم بتغرق بجد وعماله يا عيني تطلع وتنزل وتشرب في ميه واتخنقت

مينا : مريييييييييييييييييييييييييييييم


مينا عام باقصي سرعه ومريم اغمى عليها ومينا زعلان اوي راح شيلها وطالع بيها علي الشط


مينا : مريم مريم اوعي تسبيني

على فكره هو خايف تسيبه فى شرم لوحده





ومينا اتحول بقدره قادر لمنقذ و اسعفات اوليه للغرقى بيخبط علي صدرها عشان الميه تطلع مافيش فايده
جاب الاسعاف وراح بيها علي المستشفي
الاسعاف جه خد مريم علي المستشفي وهناك عملوا الازم طلعوا الميه ورجعولها التنفس وبقت تمام بس لازم تفضل يومين كده
مينا يا عيني في المستشفي بهدوم البحر ودموعه في عينه وبيدعي على مريم قصدى بيدعى لمريم



مينا : دكتور خير


دكتور : خير يا ابني اتطمن الحمد لله هي بخير


مينا : الف شكر يا دكتور الف شكر ممكن ادخولها


دكتور : ممكن


مينا والدموع في عينه داخل علي مريم وبكل رومانسيه ال يعنى خلاص بقى مينا حسنى ههههههههههههههه


مينا: حمدالله علي السلامه يا مريم وبيديها ورده


مريم : مرسي يا مينا ( وفى سرها عايزه تقوله ربنا ياخدك )


مينا: انتي بعد الشر لو كان جرالك حاجه انا كنت هرمي نفسي في البحر


مريم : متقولش كده انت برضه اللي انقذت حياتي


مينا : انتي اللي ردتيلي حياتي والله يا مريم بعد ما تطمني الدكتور


مريم : مرسي يا مينا ( ورجعت عايزه تقوله ياريت تبقى كده على طول )


مينا : شدي حيلك بقي كده وقوميلنا بسلامه كده


مريم : ان شاء الله ... مينا روح انت استريح انت شكلك تعبان


مينا : اسيبك وامشي مش هقدر وبعدين انا زي الفل اهو


صحاب مريم عرفه اللي حصل جم بسرعه يطمنوا عليها


ريم : مريم حبيبتي الف سلامه انا مصدقتش والله اول ما قالولي انتي كويسه


مريم : انا الحمد لله كويسه

ريم : الحمد لله

ريم : انا متشكره جدا يا مينا عشان انقذت صحبتي

مينا : علي ايه يا ريم ماهي صاحبتنا كلنا برضه


ريم : عنددك حق يا مينا مرسي اوي


مريم قعدت يومين في المستشفي وبعدين طلعت كان فاضل يوم واحد بس ويرجعوا


مينا وريم وصلوا مريم للاوضه بتاعتها ونامت وتاني يوم الصبح


مينا : حمدالله علي السلامه يا مريم


مريم : الله يسلمك يا مينا والله انا مش عارفه ارد جميلك ده ازاي


مينا : جميل ايه بس هو في بينا جمايل بس علي فكره يا مريم لو كان حصلك بعد الشر اي حاجه انا ماكنتش هسامح نفسي خالص

مريم : متقولش كده يا مينا انت برضه الي انقذت حياتي


في منظر رومانسي تحت السماء صافيه والبحر الازرق والموسيقي في الفندق شغاله


مينا : بس يا مريم تعرفي وانتي نايمه بتكوني جميله اوي


مررريم وشها احمر وضرب الوان ومش عارفه تقول ايه


مريم : مرسي يا مينا انت الاجمل والله

مينا قرب من مريم وبص في عنيها
مينا بيبص لمريم في عنيها وقرب منها اوى
ايه دا دا قرب يالهوي دا قرب خالص
ياااااااااااااااااااااالهوي مينا مسك ايد مريم
يابختووووووووووووووووو
l0vely girl
الحلقات حلوة .. بس انا حاسة ان القصة طولت كده
و فيها كلام كتير ممكن بيتكرر و ممكن يتعدى
عموما تسلم ايدك
عمروووووووو
الحلقات حلوة .. بس انا حاسة ان القصة طولت كده
و فيها كلام كتير ممكن بيتكرر و ممكن يتعدى
عموما تسلم ايدك
لاااااااااااااااااااااا انتي لسه ما شوفتيش دي ابتدت تحلو اكتر واكتر دا هيحصل لسه حاجات بين.........

والله مش عاوز اقولك بس هتعرفيها لوحدك
حائرة في عالم الحب
ياجاااااااااااااااااااااااااااااااااااااامد
وكمان بتكتب طيب قولي
وانا كنت عملت معاك احلى واجب

بس بجد الرواية حلوة اوي
تسلم ياعمروووووووووووووووو
يلا كمل عشان انت شوقتني



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
صور " هيفاء وهبي " نانسي " مريم فارس "اليسا "يستعرضون جمالهم بمناسبة الكريسماس .. " أنوثة لا توصف "
أحنا السلطة و أحنا الشعب "الزقازيق تحترق و المتظاهرين يحملون أسلحه بيضاء كبيرة"
"وسط البلد" و"مريم وأبو" و"تاكسي" و"اسكندريلا" ورامي عصام في مهرجان "الجنينة"
يوميات احمد الصعيدي والبنت الاستايل متجدد

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية