نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



تابع نجوم مصرية على أخبار جوجل




العروسه

 

وقعت احداث هذه الواقعه المؤلمه في



الزمان القرن اللى احنا فيه يعنى القرن ال........

المكان الكوكب اللى احنا بنشم فيه اوكسجين

الاشخاص ناس زى بقية الناس ماهو كلنا ولاد 9







واحد صاحبنا ساذج شويه (لانه بيفكر يتجوز), وواحد صاحبه انما خبيث شويه ورطه التوريطه اللى هى

فضل يزن على دماغه(الله يسخطه معزه) لحد ما اقنع جنابه ان عنده عروسه سكره لا دى جوهره

كل شبان الحى بيجروا عليها ومستنيين نظره من عينيها (نظره ياسيتنا), لانها تشيه الست اليسا.

المهم صاحبنا صدق وبسرعه وافق وقرر ان يروح يزور اهلها ويخدلهم معاه دستة جاتوه

وياخد الست امه والسيد اخوه ويروح اوام يخطبها قبل غيره ما يخطفها.

وعدى عليه الليل طويل وهو هايم وسرحان فى ست الحسن والجمال.

وفى اليوم الموعود والساعه الموعوده لبس اللى ع الحبل ودلء على روحه الازازه( ازازة البرفان يعنى)

واخد الست امه وكمان الست اخته واخوم الكبير قبل الكل وراح المسكين لقضاه.

وفى بيت العروسه وفى اللحظه الموعوده, ابوها استقبله بالترحاب وكان هناك فى انتظتره عمها

وخالها وخالتها وجدها وجدتها وعمها وعمتها وابن عم امها وابن خالة جدها وواحده قريبتهم من بعيد

وواحده معرفه من زمان وكمان واحده من الجيران . المهم ياجميل لقيت لمه كبيره وناس كتيره(ايه دا كله

هو فرح ولا مولد ولا ذكر).

المهم الرجاله قعدوا فى مكان والستات فى مكان (اه ماهى مش سلطه)

وقبل ماتنطق بكلمه, ابوها دور شريط الذكريات عن حاجات ومختاجات وازاى هو وابوه كانوا من اعز

الاصدقاء وان عمرهم ماافترقوا ولا اختلفوا ,وصاحبنا بيسمع بانصات

وفجاه!

ويالها من مفاجاه

تدخل العروس بمنتهى الكسوف وبمنتهى الخوف على كاسات الشربات اللى استلفوها من الست عنايات

(ماهى الجيران لبعضها)

تسالونى وايه اخبار صاحبنا

اقولكوا مكنش يومك يا خويا
تابع نجوم مصرية على أخبار جوجل



العروسه طلعت تدبيسه ووشها شبه الحصيره اكيد دى اليسا قبل التعديل

والمصيبه السوده ان بمجرد ما العروسه قعدت ابوها بادر وسالها

ايه رايك فى عريسك؟

وبدون تردد ردت وقالت

(موافقه يا بابا)

الاب قال( نقرى الفاتحه ياجماعه)

وبعد الفاتحه الزغاريد ملت اركان البيت

وصاحبنا ياعينى عليه اتمنى وقتها انه يفقد وعيه ولو لثانيه لان الصدمه كبيره والبلوه شديده

ع العموم اهى عروسه تفوت ولا حد يقعد عازب وعقبال كل اللى هيقرى الكلام

ملحوظه

(لم يستدل حتى الان على اسم العروسه ,واضح انها من عصر ماقبل الكتابه يعنى مش من قرننا بس

من كوكبنا يعنى بتشم)

تقعدوا بالعافيه






المقال "العروسه" نشر بواسطة: بتاريخ:
نادية
هههههههههههههه حلوة يازهرة

يستاهل مش هو اللى جرى على جواز الصالونات يشرب بقى

حلوة اوى القصة على فكرة جميلة خالص

شكرااااااااااااااااااااااااا يازهرة
بروفسير
القصة جميلة موووووووووووووت وميرسى وشكرا
زهره
شكرا يا نا ديه على ذوقك بس هو يستاهل فعلا
بس غريبه انتى عرفتى منين انهم كانوا قاعدين على صالون
مع انى الكلام يوحى بانهم قاعدين وبس
زهره
ميرسى بروفيسير على ذوقك وعقبالك
kaki
هههههههههههه
يستاهل اصل الرجاله يحبوا يتنططوا وفى الاخر يدبسوا
وهو ده اللى بيحصل فى الغالب
شكرا ياقمر
elzayan
لذيذة جدا على فكرة

هى من تأليفك؟
زهره
اه من تاليفى

شكرا على ذوقك
زهره
شكرا kaki

بس فيه والله رجاله بترضى برضه
ضوء القمر
القصه جميله جداوفى رايى انها حقيقه ومش هى من عصور ولا اى حاجه بجد هيا جميله اووى على العموم شكرا ليكى وياريت تمتعينا بهكذا قصص حقيقيه يستمتع منها القراء

تحياتى
زهره
شكرا يا ضوء القمر

هى فكرتها من موضوع كان حصل واكيد بتحصل كتير

بس انا والله ما دبست حد

اصل مش عندى دبابيس كفايه
ضوء القمر
ههههههههههههه بجد انتى زى العسل ودمك خفيف وانا كنت بقول ليه المنتدى مظلمه ههههههه حلوه دى هههههههه

تحياتى ياقمر
زهره
تكرم سيدى وتكرم كلامتك

يعطيك العافيه كانت معك زهره من امام الكمبيوتر
ضوء القمر
لا بقلى زهره حته واحده ده كتيررر ههههههههه

شكر ا ليكى ياقمر على كلامك
moga
حكاية جامده جدا
تسلم الأيادى
المزيد بإذن الله
سمسمه2009eae
حلوه اوى مرسى اوى على القصه
strangerofthenight
لا قصه بجد لزيزه واسلوبك اعجبنى جدا جدا

فلو كان للقصه من متعه فى قراتها فهو بفضل اسلوبك الجياش بالضحك والمرح

لكى تحياتى .... وبعدين من قلة البنات ياعنى ..هههههههههههه

اقعدى بالعافيه ..... يا زهوووووووووووووورة



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
الرقه والجمال فى مروحة العروسه
العريس بيسأل أم العروسه
اكسسوار لشعر العروسه من الكريستال
كل ماسكات العروسه

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية