النهـــــــــــ ـــــــــــــــ ــاية




اتصلت سارة على عبد العزيز عشان يجي يا خدها من بيت اهلها

عبد العزيز : ما اقدرش يا سارة انا سهران مع صحابي

سارة : طيب مين اللي حيروحني

عبد العزيز : يا اما تامر ولا عبد الله

سارة : عبد الله نايم وتامر خرج

عبدالعزيز: دبري نفسك وخلي حد يوصلك

سارة : حاجي مع السواق

عبد العزيز : لا السواق لا .. الوقت متأخر وما تركبيش معاه لوحدك

سارة : طيب اعمل ايه يا عبد العزيز ما عنديش حد يوصلني

عبدالعزيز: خلاص باتي عند اهلك النهاردة

سارا بعصبيه: عبد العزيززززززززز

عبدالعزيز: والله يا سارة ما اقدرش اجيلك دلوقتي

سارا بزعل: طيب باي

عبدالعزيز وهو يبتسم بمكر : باي

وقفلت التليفون وهي شوية حتنفجر من الغيظ ...عبد العزيز مش عايز يتغير ... حيتغير امتى بس .. حتصل على تامر

سارة : تامرررررررررر

تامر وهو لسة متنرفز لغاية دلوقتي .. كلم امه واللي غاظة اكتر انها ما تحمستش للموضوع وقالتله بكرة حتتصل بيهم .. ولانه عارف نبرة صوت سارة دي .. يعني عايزة حاجة

تامر : خلصي عايزة ايه

سارة : تامر .. عشان خطري تعالى خدني وروحني

تامر: انتي مش عندك راجل

سارة : مشغول .

تامر : سارة ابعدي عني دلوقتي انا مش ناقص ومش فاضي كمان

سارة : تامرررر

تامر : اسف .. يالا مع السلامة .

سارة : تعالى خدي وانا حكلم عبد العزيز النهاردة عن رهف

كان تامر لسة حيقفل التليفون ولما سمع اسم رهف

تامر : انتي قلتي ايه ؟؟

سارة : بقولك حكلم عبد العزيز بخصوص موضوع رهف

تامر : بتتكلمي بجد يا سارة

سارة : ايوة وحقنعه كمان

ونفعت خطة سارة لاغراء اخوها انه يجي ويوصلها لبيت جوزها

تامر : كمان ساعة وحجيلك

سارة : لا يا تامر الساعة دلوقتي 12 يعني حتيجيلي على الساعة 1


تامر : انتي مش عايزاني اروح ولا لاء

سارة : ايوة طبعا

تامر : خلاص اسكتي وبطلي رغي

سارة : اووووف خلاص وحدة وحدة امري لله

تامر : ههههه والله الستات دول ما يجوش الا بالعين الحمرا

وعلى الساعة 1 ونص دخلت سارة البيت اللي كان هادي .. اكيد الكل نايم دلوقتي .. طلعت على اوضتها على طول .. ما تصلت لعبد العزيز ولا حاجة .. ما يتسهلش تسال عليه .. الندل مش عايز يجي يوصلني .. فتحت باب اوضتها وعلى طول شمت ريحة تجنن .. وقفت مندهشة قدام الباب .. تتأمل العلبة الكبيرة اللي على السرير .. غير الشموع الموجودة ..دخلت الاوضة وهي مش مصدقة .. ايه اللي عمل في الاوضة كدة .. معقول دي اوضتي

لفت وشافت عبد العزيز واقف جمب الباب وهو بيتسم ليها ..

سارة وهي مش مصدقة : انت اللي عملت دى كله

عبد العزيز يهز راسه ويشاور للهدية : افتحيها ويارب تعجبك

راحت سارة بتردد ... وفتحت الهدية .. كانت عبارة علية مخملية كحلي .. فتحتها باديها وهي بتترعش .. شافت سلسلة الماس كبيرة .. تجننن .. فضلت ماسكة العلبة وهي منبهرة بالسلسلة ...جالها عبد العزيز من وراها .. ورفع السلسلة من العلبة .. ولبسها لسارة .. بعد ما زاح شعرها على جمب ..

عبد العزيز: حلو قوي عليكي ... عايز اشوفها دايما لابساها

حست سارة انها خلاص حتعيط من الفرحة .. معقول عبد العزيز يعمل دى كله .. اخر حاجة كنت اتوقعها انه يكون بالرومانسية دي .. بعد ما لبسها السلسلة .. حط اديه على طتفها ولفها ناحيته عشان يشوفها عليها ..

عبد العزيز : سارة بصيلي

رفعت سارة عنيها ... وفي بتلمع من الفرحة ..

سارة : انت قلتلي اني انام في بيت اهلي

عبدالعزيز وهو بيبتسم قووي : لاني عارف انك مستحيل تعمليها

سارة ابتسمت بارتجاف : ما توقعتش .. والله ما توقعتش انك تعمل دى كله

عبدالعزيز: وايه رايك في المفاجأة

سارة : دي احلى مفاجأة

باسها عبد العزيز على جبهتها

عبدالعزيز: دى حاجة قليلة بالنسبالك .. انتي تستهلي اكتر من كدة .. سارة انتي ما تعرفيش انتي بالنسبالي ايه .. انتي غيرتي حياتي .. كان ليكي الفضل في تغييري وتغيير اللي حواليا كلهم .. السنة اللي فاتت برهنتي فيها على حاجت كتيرة .. ووقوفك جمب اخواتي واهل ي من غير استثناء .. والاهم وقوفك معايا

سارا:انا معملتش حاجة ...دى واجب عليا

حط صوابع على شفايفها

عبد العزيز : هشش خليني اكمل .. انتي ما سمعتيش ان الراجل اذا اعترف ما حدش يقاطعة

هزت سارا راسها ... ومسح عبدالعزيز دمعتها ...

عبدالعزيز: بتعيطي ؟

سارا: من الفرحة

عبدالعزيز ابتسم : سارا في امور كثيرة كنت فاهمها غلط ... وبفضل الله ثم انتى عرفت اد ايه انا كنت غلطان
سارا شافته بحيره وهي مش فاهمة هو قصده ايه

عبدالعزيز يكمل اعترافاته: ترددي في الجواز منك ومعاملتي القاسية معاكي اول ما اتجوزنا .. وتصرفاتي الغريبة اللي كلها كانت اسبابها تافه .. كنت خايف يا سارة

سارا باستغراب: خايف من ايه

عبدالعزيز: حتستغربي .. مالومكيش .. مش دايما بظهر بمنظر القوي .. الا مرة طبع فاكرها
ابتسمت ليه سارا انها فهمت قصده على ايه

عبدالعزيز: اكتر حاجة كنت خايف منها ... هو انتي

سارا: انا!!

عبدالعزيز: ايوة انتي .. كنت خايف احبك .. ما كنتش عارف ان حبك ليه هو سبب نجاتي .. وان حبك ليه هو سبب قوتي .. والاهم ان الحب اللي كننت بهرب منه هو اللي كان فيه سعادتي .. انا بشكرك يا سارة لانك رضيتي بيا واتجوزتي ... وبحمد ربنا انك بقيتي مراتي .. وباشكرك لحبك ليا

ما عرفتش سارة ترد بايه قدام كلام عبد العزيز .. فقربت منه وحضنت عبد العزيز

عبدالعزيز: سارة بصيلي ..

رفعت راسها وهي لسة في حضنه

عبدالعزيز: بحبك يا سارة

وباس جبهتها ..

سارا: عبد العزيز .

عبدالعزيز: ههششش..

وحضن سارة قوووي .. خلاص اكتفوا من كلام اللسان .. ما فيش كلمات تعبر على اللي كانوا حاسين بيها في اللحظة دي .. سابوا ارواحهم هي اللي تتكلم .. بلغة ما يفهماش الا سارة وعبد العزيز





بعد مرور شهرين

*تامر خطب رهف و بيحضرو لترتيبات الزفاف

*ساره حامل ومشغوله فى حاجات البيبى اللى جاى

*ميرنا تفرغت تماما لهوايتها وهى الرسم وتفوقت فيها خالص



النهااااااااااا ااااااااااااااا ااااااااااااااا ااااا اااااااايه




ودى كده النهايه لازم دلوقتى بعد ما خلصتو القصه تقولولى استفدتو منها ايه ايه الاستنتجتوه من القصه احنا مش بنقرى بس من باب التسلبه احنا لازم نستفيد كمان فياريت يا جماعه الى تخلص القصه تقول ايه الى استفدته وايه اكتر حاجه عجبتها فى القصه؟ ومين اكتر شخص عجبها وليه؟ وايه الحاجه الى توقعتيها وحصلت؟ وايه الحاجه الى كنتى تتمنيها تحصل؟
مش تبخلو عليا بردودكم فى انتظاركم
وكل قصه وانتم طيبين

وانت طيب يا راغب

بجد هى القصه حلوة اوى
وفيها حاجات كتير ومعانى اكتر حلوة

ومن اهماها ان ممكن الشىء اللى نكون خايفين منه هو اللى يكون فيه حياتنا وفرحتنا

اكتر شخصية عجبتنى هما اكتر من شخصيه
بس اقدر اقولك حاله الحب بين سارة وعبد العزيز هى اللى شوقتنى للقرأة اكتر لانى بحب عذاب الحب اوى والعذاب ده كان موجود بين سارة وعبد العزيز

وعجبتنى برده حالة الحب الى كان عايشها عمر مع فاطمة بجد احسن حاجه انك تكون الغائب الحاضر عند حد انت حبيته وفاطمة فى القصه كانت الغائب الحاضر

وفى النهاية بقى اقولك شكرن عشان انت ضحكتنى وبكتنى فى القصه

اولا بجد لازم اقول مرسى كتير كتير كتييييييييييييييييييييييييير لك

وتسلم ايدك

ثانيا القصه واااااااااااااو بتجنن كتير نايس بجد وبجد فيها كتير كتير من الواقع رااائعه

ثالثا استفد منها ان الواحد لا يستسلم للحزن وان الواحد لازم يواجه مصيره ويحمد ربنا عليه ومش عيب ابدا ان الواحد لما يغلط يعترف بغلطه ويتأسف عليه وكما ان الواحد منا يبقى قد المسئوليه المنصبه عليه وات الادب والخلاق بجد نفضلهم عن العلم ان الواحده مننا لازم تحافظ على نفسها وتصون نفسها للشخص اللى ربنا مقدره لها وحاجه لذيذه خالص ان الواحد يكون وفى ومخلص للانسان اللى بيحب بجد شىء رااائع وان كمان الواحد مش يبقى انانى ويحب نفسه لا بالعكس ان يحب من حوله ويحاول ميجرحش مشاعر من حوله ويراعيهم وان الدنيا مش مستهله بجد محدش بيأخذ غير عمله معاه

رابعا اكيد اكتر شخصيه نالت اعجابى من النساء ساره لانها بنوته طيبه وبتحب اهلها كتير وبتحب اصدقائها وتقف بجانبهم ومتسامحه

خامسا فى الرجال اكيد عبد العزيز خصوصا فى الموقف الرومانسى الغير متوقع منه اللى عمله

سادسا الحاجه اللى توقعتها تحصل هى ان تامر ويتزوج رهف

سابعا الحاجه اللى كنت متوقعها انها تحصل ولم تحصل ان ابراهيم يتقدم لطب ميرنا مش رهف

سابعا الحاجه اللى كنت منتظراها اعرف ساره هتجيب بنوته ولد وحتسميه ايه !!!!

وكل قصه احنا طيبين ودومت مبدع وفى انتظار قصه اخرى بعد الامتحانات ان شاء الله

اولا حاجة احيك على القصة الرائعة وبجد جميلة جدا جدا
تانى حاجة انا استفد منها ان متنزلش عن حقى
والو اتحطيت فى موقف لزم اكون قدو واكتر كمان
واقف جمب اى حد محتجلى
ولو حصلى حاجة اقول الحمد الله على كل شئ ومضعفش ابدا
تسلم ايدك بجد

بجد انا سعيد جدا جدا والحمد اللة ان القصة نالت اعجابكم

بجد قصصصه روووووعه ميرسى

مشكور اوى لمرورك

السلام عليكم ..
أنا بشكر حضرتك كتييير انك جبتلنا القصة
الممتعة والجميلة والمفيدة دى ..
حقيقى تســـــــــلم ايدك..

بجد انا سعيد اوى بمرورك الجميل اوى دة وكفاية ان القصة عاجبتك

قصه جميله جدا ونهايه اجمل وعجبتنى قووى اول مره اقرا قصه لاخرها كده
تسلم ايديك

راااااااااااااااائعه

جميله اووووووووووووووووووووووووووووووى تسلم ايدك