قردين واحد سعدان والتاني مسعود
سعدان ده طيب وفي حالة
مسعود قرد صايع
راح مسعود قال لسعدان
ولاه تعالى نجيب الموز الي على الشجرة الي هناك ديه
سعدان : لا يا عم حرام
مسعود : يا عم يلا بس نجيب شوية موز صغيرين ، صباطة واحدة مش اكتر
وبعد ساعات من الاقناع وافق سعدان الطيب
مسعود : بص يا سعدان الخطة ك انت تستناني تحت الشجرة علشان لو حد جة تقولي وانا هطلع فوق اجيب الموز
سعدان : ماشي
وراحوا الاتنين وبعدين وهم بينفذوا الخطة الناس شافت القردين ، راحوا جم جري ومسكوا سعدان الي كان واقف بيراقب تحت وطبعا مسعود هرب وهم ماسكين سعدان ونزلين فيه ضرب فين يوجعك
بعد يومين طرح مسعود الشرير الفكرة على سعدان الي اضرب المرة الي فاتت وبعد ساعات من الاقناع ، اقتنع
وقالوه هنفذ نفس الفكرة انا هطلع اجيب الموز يا سعدان وانت تستناني تحت تراقب
وللمرة التانية الناس شافوه ومسكوا سعدان وضربوه علقة موت وهرب مسعود للمرة التانية
بعد يومين طرح مسعود الشرير الرخم الفكرة تاني على سعدان ، وسعدان طبعا مكنش موافق خالص المرة ديه لانه اضرب مرتين ومبقاش مستحمل خلاص ، لكن المرة ديه قدر مسعود يقنع سعدان وقاله انه هيغير الخطة وقاله بص يا سعدان المرة ديه اطلع انت جيب الموز وانا الي هستناك تحت طالما الي تحت هو الي بيتمسك
وافق سعدان وراحوا وبالفعل طلع يجيب الموز من فوق ووقف مسعود الشرير تحت يراقب ، راح الناس شافوهم تاني وجريوا عليهم ومسكوا مسعود الي كان بيراقب تحت ولسه هيضربوه راح واحد من الي واقفين قال
يا جدعان احنا مسكنا القرد ده كتير وضربناه كتير ، هاتوا ابن ال..... الي فوق بقى المرة ديه