بسم الله الرحمن الرحيم
كل انسان له صفات وسمات فى شخصيته زى ما له عيوب !!!!!!!!!!!!!!!!!!!!!
بس الحاجات دى مش بأيده دى حاجات فى دمنا بس ياترى ممكن نغيرها زى ما أحنا عايزين
ولا بنرضه بالللى احنا فيه
ولو رضينا نفسك كانت تبقى عندك صفه ايه ؟؟؟؟؟؟؟؟؟؟؟؟ مش عندك
او كان نفسك مايبقاش عندك العيب ده ؟؟ يا ترى ايه الميزه اللى نفسك كانت تبقى فيك وايه العيب اللى كان نفسك كانت متبقاش فيك ؟؟؟؟؟؟؟؟؟؟؟؟؟

وشكرا ومستنيا ردكم وتعليقتكم وشكرا
اختكم alex moon

موضوعك روووووووووووووووووووعة اوووووووووووووووووووووي

بقولك انا عندي نقطة ضعف واحدة

وهي طيبتي

انا طيييييب اوووووووووووي

ومش عارف اعمل ايه

ممكن تساعديني

اولا بشكرك جدا بس اللى انا عايزه اعرفه انت شايف الطيبه دى ميزه ولا عيب بالنسبالى الطيبه دى حاجه كويسه جدا بس المشكله ان الزمن هو اللللى خالها عيب او بالمعنى الاصح وفر طبتك لنفسك بس اكيد الطيبه حتغلب الزمن لان الحديد بيلين فا انا بقولك دى ميزه بس حرص ولا تخون
ومرسى جدا على تعليقك وثقتك فيه
اختك alex moon

اصحابي بيقولولي

انت طيب زياده عن اللزوم

وده مش كويس

بجد مش عارف اعمل ايه

نفسى بجد بجد اغير صفة الخوف الى عندى واهتمامى بالناس زيادة عن اللزوم

بهتم بكل الناس وللاسف محدش بيقدر


والصفة الى نفسى تكون عندى

انى اكبر لكل حاجة مخدش الامور كلها على اعصايى

ميرسى كتير على موضوعك ياقمر

مرسى جدا لاهتمام القلب الطيب وبقوله خلى ثقتك فى نفسك زياده عن كده شويه انت طيب كويس وممكن تبقى واعى وحريص با طبتك اولا مش حتقدر تغيرها لانها فى دمك ثانيا دى اهم حاجه حتشدك لحبيبتك صدقنى وابقى قول alex moon عندها حق وبشكر جدا القمر sonaa الجميله وبقولها صفة الخوف فى كل بنى أدم بس بتختلف من بنى أدم للتانى بالنسب والخوف مطلوب بس مش بالزياده واهتمامك بالناس ده شىء جميل يحبب فيكى خلق الله بس اللى يستاهل عشان ميبقاش ضغط على أعصابك وهونى على نفسك شويه واتوقعى وثقى ان الصفاتين دول حيشدو اللى حوليكى ليكى اكتر لان مش اى حد عنده الصفات دى الا لما تكون ناس معدنها كويس وربنا ما بينساش حد
مرسى ليكم كتيييييييير اختكم alex moon

انا العيب الى فيا انى طيبه اوى وبحب الناس اكتر من الزوم مش عارفه اعمل ايه

شخصيتك وطبعك زي بالظبط يااستحاله

نفس الطيبة

بس انا مشكلتي هي الصدق على طول واللي بقلبي اقوله على طول

ميرسي للموضوع بجد

انا عندى mix من طيبه القلب الطيب واستحاله واللى فى قلبى على لسانى زى bakir ودى حاجه بتضايقنى فى الزمن ده
وماما دايما تقولى بلاش الطيبه الزياده دى فى زمن انعدمت فيه الطيبه

بحاول اغير من نفسى بس مش عارفه حاسه انى لابسه قناع حد تانى مش بتاعى

عشان كده هفضل زى ما انا واللى يحصل يحصل.

عمر الانسان ما هيتغير ابدا

واللي في داء عمره ما هيبطله

انا عيبى ان اللى فى قلبى على لسانى

معرفش اكدب بيقولوا عليا مدب

دي حاجة حلوة اووووووووووووووي

الصراااااااااااااااااحة

عندك حق بس مش كل الناس بتحبها

ده اساس الحب هو الصراحة

الحب بقى هو فين الحب؟

الحب نادر الوجود

اه والله نادر

الحب مش نادر لان الحب موجود فى كل مكان بس المهم هو مين اللى يدور عليه ويفهمه ويعرف معناه الحقيقى..اهم حاجه الصراحه حتى لو كانت بتزعل حبيبك.

ايه يا جماعه انا شايفه ان عيوبكوا دى مش عيوب دى كلها ميزات ولو انتوا شايفينها عيوب انا بتمنى اكون كلى عيوب منها
حد يكره انه يكون طيب او اللى فى قلبه على لسانه او صريح او حريص العيب الوحيد ان المميزات دى تكون بزياده لان اى حاجه بتزيد عن حدها بتنقلب لضدها
انا بقى فى ناس كتير بتقولى انى متكبره بس والله والله انا مش كده خالص انا بس شايله كرامتى على كتفى ودى حاجه كويسه لا ايه ومشكلتى الاكبر ان الناس مش بتفهمنى صح
اعمل ايه؟؟؟؟؟

سيبك من كلام الناس

وعيشي حياتك بطريقتك انتي

شكرا تانى يا محمد واضح انك ملم بجميع المواضيع وخدوووووووووووووووووم
انا كده مكن ارجع اثق فى نفسى وده تانى عيب انى عمرى ماكونت واثقه فى نفسى مع ان كل الناس حتى امى معتقدين ان مفيش اجمد منى ولا من ثقتى بس للاسف انا زى خيبتها ههههههه

موضوع جميييييييييييييييييييييييييييييييييل اوى ميرسى ليكى انا كان نفسى مبقاش متسرعة فى الحكم على الاشياء علشان دى بتوقعنى فى غلطات كتير اوى وكان نفسى شخصيتى تكون قوية اوى واعرف اوزن الامور

نفسى اعرف اتحكم فى مشاعرى
بس ال نفسى فى اكتر ان حد يتل بيا الوقت ويقول ليا ان هو بيحبنى

السلام عليكم جميعا معلش كانت عندى ظروف بعدانى عن الكمبيوتر اصلا مش المنتدى بس ظروف خاصه ورجعتلكم وبجد مبسوطه جدا بجميع التعليقات الجميله من أخوانى و أخواتى الاعضاء وميرسى جدا لكل واحد علق على الموضوع او مر عليه و بشكر بالاخص كوين أوف لاف لانها قالت اللى انا عايزه أقوله هو ان كل اللى بسمعو منكم مميزات مش عيوب الطيبه والصراحه والصدق عمرها ما دخلت فى عرف العيوب بل بالعكس دى أحلى الميزات و أشكركم
ولكن الحذر ايضا مطلوب لاختلاف النوايا والاشخاص
شكرا جدا لثقتكم فيا
اختكم alex moon

انا بقى نفسى ما اتعلقش باى حد على طول كده لمجرد انى محتاجه حد يكلمنى ويكون حنين عليا عشان كده بحاول الاقى من اى حد بقابله سواء اكانت صديقه او قريبه الشخص اللى بدور عليه
يا ترى اعمل ايه عشان الاقى الصفه دى (الحنان) وخصوصا انى دائما بفقد اعز الناس عنى وده من صغرى واولهم لما والدى توفى وبعدها توالت الاحداث
سورى انا قلبتها نكد بس انا نفسى الاقى اى حل للموضوع ده

اما انا عيبى بحزن جدا فى ناس يجرحونى واتقهر كتير وعصبى

وكنت اتمنى ان لاتبقى هذه الصفتين بيا لانهم تاعبنى بجد بس اعمل ايه هو ده دى حاجه نفسيه واذا لم ارد عليهم

فاعقد حزين وامرض كتير ..

واسف ازعجتكو بالمشاكل دى ....

حبى وتقديرى ليك

تسلم ايدك على الموضوع

الموضوع جميل جدااااااااااا
وانا عيبى الوحيد ان عصبية جداا وممكن اضايع ايه حاجة فى عصبيتى

والميزة اللى فيا ان جداعة وبحب اقف مع كل الناس وبعرف احل مشاكل الناس

مش طيبة اووووووى

لان الزمن ده ماينفعش فيه الطيبة

بسم الله الرحمن الرحيم
بالنسبه لكوين اوف لاف طبعا دى حاجه عاديه جدا وكل انسان بيبقى جى عليه وقت نقصه الحنان على فكره مش شرط انك تلقيه مع حبيب بس ممكن تلاقيه مع صديق قريب اخ بس يكون موثوق فيه وبعدين انا رحت فين اكيد تعرفو الايميل بتاعى يعنى ان شاء الله انا موجوده وربنا يرحم المتوفيين كلهم انا امى برضه لسه متوفيه رمضان اللى فات ومعلش هى دى سنة الحياه ربنا معاك يا كوين اوف لاف
شكرا

بسم الله
بالنسبه للعضو الجميل ضوء القمر متشكره جدا لتعليقق والثقه فيه
طبعا اللى انا فهمته انك لما حد يزعلك مش بتسكت وممكن تجرحه اى حد سواء كان صاحب او قريب او حتى حبيب
لا خلى باللك وحاول تمسك اعصابك شويه ثم العيبين دول مفروض انهم يتقسمه بنسب مش مع كل الناس واله العصبيه الجامده حاول كل ما تبقى عصبى وتحس انك افورت افتكر ان انت كده بتغلط فى اللى قدامك وتمالك نفسك
وربنا معال شكرا
اختك alex moon

طب ما انتى يا tata زى الفل اهو اومال مين اللى قال عليكى عصبيه ههههههههههههه طبعا انتى فيكى احلى صفات مجتش على العصبيه يعنى الناس اللى بتحب تخدم وتساعد الاخرين ايا كانت العيوب فيهم الناس بتتغاضا عنها لان ميزاتك أهم واكتر وربنا يكرمك فى حياتك
شكرا اختك alex moon