غير حزن وقرف بالكوم
و هموم ماليها آخر
و ضباب و سحاب و غيوم
و مرار كل يوم
الحياه هي المتاهه
و الاستحاله
و الممنوع اللي هيفضل ممنوع
و غير متاح
و الحقيقه التايهه
بين الدروب الخلا
الحياه
هي استماره سته
هي المر الصبار
و طعم الظلم في ليل و نهار
الحياه
هي فيلم ممل
في سيما اونطه
الحياه
هي العقده الحرير
اللي لا يمكن تنحل
الحياه
طريق في اتجاه واحد
ونهايته حاره سد
الحياه
وداع قبل اللقا
و نهايه قبل البدايه
انتظار بدون فايده
الحياه مكالمه ع الويتنج
عمرها ما بتبتدي
الحياه
هي الغريب اللي ما بيرجعش
الحياه
مطار
من غير صالة وصول
الحياه منتهى القرف