السلام عليكم ورحمة الله وبركاته



يا جماعة ده اول موضوع لية هنا فى المنتدى واتمنى مشاركتى فيه وبصراحة معرفش اذا كان اتناقش قبل كدة ولالا لانى ببساطة لسة جديدة هنا وااكيد مخدتش بالى من كل المواضيع

المهم مش هطول عليكم


انا عايزة اعرف هو ينفع الشخص يحب مرتين مثلا او ثلاث مرات ويكونوا ال3 مراات حب بجد بنفس الدرجة
يعنى حب حقيقي بجد بس اكيد مش فى نفس الوقت يعنى الحب الاول انتهى بفشل والتانى مثلا يكون من طرف واحد وكان التالت حب بجد

هل يعنى هيكون بنفس الدرجة ولا فعلا الحب الاول مبيتعوضش حتى لو حبينا بعد كدة مش بتكون بنفس الدرجة
ولو كان كدة طيب لو الشخص ده حب هل هو كدة يبقى بيظلم اللى حبها او للبنت ابقى بتظلم اللى حبته لانها مش قادرة تنسي حبها الاول حتى لو فشل


وهــل الشاب يقبل ان يكون الشخص التالت فى حياة الفتاة وهو على دراية بذلك ولن تنتابه مشاعر الغيرة او الشك فى انها قد تكون مازالت تفكر فى احدهما مع العلم ان البنت محترمة جداا وممكن تكون حبته بجد ممكن يكون اللى بينقصها انها تلاقي اللى يحبها ويحميها

ولا ساعتها الثقة بتنعدم حتى لو كانت هى اللى حكيالك

وبالنسبة للبنات افرضي عرفتى انه حب اتنين قبلك هل هتكونى على ثقة انه فعلا نسيهم وانه مش بيفكر فولا واحدة منهم

اتمنى مشاركتى فى اول موضوغ لية هنا فى المنتدى واتمنى نكون صادقين مع انفسنا ونجااوب بصدق سواء شباب او بنات لان التجمل لا يفيد ابدااا


بشكركم واتمنى تفاعلكم

ميرسي ليكى دا اولا
ثانيا عادى ان الانسان يمر بتجارب قبل كدا
وانا كابنت لما حبيت كان الانسان اللى بحبه حب قبلى 7 سنين ومكنتش فارقه لانه قطعها بجد من حياته
لكن فى غيره يحبوا واحده تانيه عشان ينسى الاولى ودا مش بيستمر بيقي ممجرد مرحله انتقاليه
ينسي بيها جرح الحب الاول
وع معتقد ان البنت هى اللى ممكن تخلى الشاب مش يفكر غير فيها وينسي اللى حبهم قبلها

مرسي على مرورك
وفعلا عندك حق بس انا مش معاكى ان البنت هى اللى بتخلى الشاب ينسي الماضي هو لو عايز ينسي هاينسي لكن لو مش عايز او مش قادر مش هايقدر ينساها
وفعلا فى ناس كتيرة اوى بتعمل اللى انتى بتقوليه ده اللى هو يحب واحدة عشان ينسي الاولانية مش عارفة ازاى بيجيلهم قلب يعملوا كدة ويحطموا قلب تانى مالوش اى ذنب غير انه حبه بجد
بجد دى مشكلة والناس خلاص ضمايرها غابت ومحدش دلوفتى بيحس باوجاع حد والشباب طريقته فى الحياة انهاردة مع واحدة اتسلى معاها شوية بكرة اقول سابتنى واصطاد واحدة تانية وكل يوم من ده ربنا يهدى الجميع

اكيد طبعا انا معاكى
انا قصدى ان البنت ممكن تخلى حبيبها يحبها هى وبس ومش يبقي عنده وقت يفكر ف غيرها او وانه يقلب ف ماضيه

والله كلام جامد جدا وموثر وممكن الواحد يحب واحده حبت قبله وده لو هيه بتحبه بجد
وهيبقي عادي خالص ولا ايه رايكم
سلام

صح يا ميزو لو كان حب حقيقي بجد بدون اغراض اكيد هاينجح والحبيب الصادق بس هو القادر على ننسيان اخطاء حبيبه من قبله

تسلمووو على مروركم الغالى

فعلا الحب الأول مش بيتنسى لأنه بيكون التجربة الأولى ودايما بنفتكرها حتى أذا كانت فاشله أو من طرف واحد وممكن الانسان يحب اكتر من مره ويكون حب بجد