أغنية يونس جزء من السيرة الهلالية
غناء صوت مصر محمد منير
كلمات الاستاذ عبد الرحمن لابنودى
التى قام بتجميعها الأبنودى من رحلة مابين تونس والسودان
والهدف الرئيسى للأغنية هو الحرية
فمن حق الانسان امتلاك حريته حتى فى حبه
وتحكى قصة الأغنية عن يونس الذى يقال انه كان شديد الجمال
وقد اخذ اسير عند سلطان تونس
جاي من بلاد البعيده
لازاد ولا ميه
وغربتي صحبتي
بتحوم حواليا
فأحبته ابنة السلطان وطلبت منه ان يبادلها حبها ويتزوجها مقابل حريته
فيرد هو ببساطة ان حريته غير قابلة للمقايضة
وانه من حقه ان ينال حريته حتى فى اختياره لحبه
وانتي تجوليلي .... بحبك
تحبي ايه فيااااا
ودا حب ايه دا الي من غير اي حريه
ويقول لها انه لو امتلك حريته كان عشقها من غير ما تطلب
يا عزيزه يا بنت السلطان
لو يتغير الزمان
وجابلتيني في اي مكان
كنت اعشق من غير ما تجولي
كنت هقول اهو دا المحبوب
ويدوب قلبي قبل ماادوب
وشوفوا المفردات الجميلة اللى كتبها عبد الرحمن الابنودي
قلبى ضايع مين يلاقيهلى ... باينى نسيتوا حدا اهلى
ينفع احبك من غير قلبى ... ماتردوا عليها وعليا
يعنى بيقولها بتتكلمى فى ايه اصلاً
انا فاقد حريتى وقلبى سايبه مع اهلى
ازاى احبك من غير قلبى
ما تردوا عليها وعليا
وبسبب كل الي حصله دا نسي هو مين اصلا
انا يونس ونسيت مين يونس
والدنيا مالت عليا
نقلا عن الشاعر عبد الرحمن الابنودى
