دون ان اطيل عليكم.
فرصه جيده جدا جدا بجد يا جماعه.
المجلس القومي للمراه الي عند الاستاد,في كورس شامل للمحاسبه وده مجانا
معتمد من 3 جهات عالميه ولكني لا اتذكر اسمائهم لان انا لسه عارف الموضوع حالا وقولت اقولكم عليه لكي يستطيع الجميع من الاستفاده منه معي باذن الله
الكورس ده هيبقي شهر تقريبا وهيديك شهاده معتمده وده تحت رعايه المجلس القومي للمراه
ورئااسه الجمهوريه تقريبا وصندوق التنميه ده كويس جدا كل الي عالينا وانا معاكم طبعا ان انا هروح اسال والميعاد هيكون يوم الخميس الاسبوع ده في المجلس القومي للمراه الموافق تقريبا 15\4\2010.
انا مليش مصلحه انا حبيت ارفع لكم المعلومه بمجرد ان انا عرفتها علي طول طبعا علشان هاخد ثواب منكم.
بس شرط اساسي للي هيتقدم هناك يكون جاد للدراسه يا شباب وطبعا البنات كمان.
بس بجد الموضوع ده كويس جدا وانا هروح يوم الخميس هناك وهبقي اكلم المصدر الي قالي وهو شغال هناك وهبقي اقولكم تفاصل اكتر عن الموضوع ده
وللعلم ده علشان مشاريع التنميه للشباب في مجالاتهم هنروح كلنا نشوف ونقرر الموضوع وعلي فكره الاوائل ليهم فلوس بياخدوها من المجلس وللي بيحب الاكل كل كورس ليه واجبه اكل كل مره وكل ده مجانا والله علشان تحت رعايه صندوق التنميه
يارب اكون عرفت اشرحلكم الموضوع كويس وفهمتوني صح؟
هستني منكم الردود لو لاقيت اهتمام بالموضوع هرفعلكم ارقام التليفون للاتصال بالشخص صاحب المعلومه مباشره للاستعلام منه علي طول.
دي فيها فايده حلوه يعني كورس مجاني وفايده تعليميه ووجبه وومكن فلوس كمان كل ده هيبقي مجانا. اوكي يا شباب وبنات كليه تجاره.
مستني ردودكم علي الموضوع.
وده ايميلي للتواصل معي للجادين:ahmed.vip75@yahoo.com