هل تثق بمن تحدثه على الانترنت ؟


كـثير منا يدخل إلى شبكة الانترنت ، من خلال المواقع يلتقي كــل منا بعدد ليس بقليل من الناس ويحدث بينهم كلام ..





محادثة بين شاب وفتاة ..محادثة شاب مع شاب 00محادثة فتاة مع فتاة أخرى ..




ولكن السؤال..هل تثق بمن تحادثه على الانترنت ؟؟

هل تثق بأن من تحادثه صادق ؟؟




هل تثق بأن من تحادثه لا يخدعك ؟؟ وسؤال يجر سؤال..




هل من الممكن أن تصل هذه الثقة لإقامة صداقة أو علاقة أيا كانت ؟؟




( لا أقصد علاقة محرمة طبعا )... هل من الممكن أن تصل بك الثقة لإخبار الشخص الأخر بأمور شخصية عنك ؟؟




هل تصل الثقة لان تقابل من تحادثه دون خوف ؟؟


أرجو من الجميع التفاعـل وإبداء أرائهم ..

صباح الخير

اوكي رأي

إذا مفيش ثقه بين الناس اللي تعرفهم وبتشوفهم حيكون فيه ثقه في النت

بص مش كل الناس نديهم الثقه دي لأن الدنيا معدوم منها الأمان

يعني بسهوله جدا اي حد على النت يكلمك في موضوع وهو مألف الموضوع

هنا بقى المفروض ذكائك يشتغل

بذكائك تقدر تفرق بين الكذاب والصادق

يعني الكذاب في العاده بينسى تفاصيل الموضوع مش الموضوع بينسى التفاصيل ولو انت بعد فتره سألتو في التفاصيل دي مش حيعرف يجاوب وحيألف حكايه جديده

ومش اي شاب يقول لأي بنت انو بيحبها تصدقو على طول

يمكن هو اعجب بيها في رأيها في موضوع اطرح ولا حاجه او يمكن بيلعب بيها اصلا

فلازم الذكاء يشتغل وتتاكد بنقسها ومينفعش تصدقو على طول كده

مش معنى كده ان الكل كذاب

فيه ناس في النت صادقه واما تتعرف عليهم بره النت بتحبهم اكتر كمان

شكرا كتير

بكل صراحة واختصار
بالطبع لا

الاول شكرا ليكي يا ميسو في كلامك وبجد انتي جبتي الخلاصة ومش معاك يا عبد لان على ما اظن ان النفروض يبقى فيه شوية ثقة ..
شكرا ليكم على المروووور الجميل

بس بصراحة كنت مستني تفاعل اكتر من كده

انا بصراحه شايفه ان في ناس كويسه بردو علي النت

مش كلهم كدابين يعني

هو صعب طبعا تعرف تفرق بينهم

بس مش مستحيل

يعني انا عندي اصدقاء من النت عادي

وانا بعرف افرق بين الصادق والكداب

لان الكداب بيبان من القصص الخياليه اللي بيحكيها

واتمني منتخدعش في الناس

ميرسي علي التوبيك

شكرا ليكي على المرووور الجميل
وانا معاكي في رايك
ويا رب ما تنخدعني فعلا في الناس

لا طبعا مينفعش الثقة مع كل الناس اللى على النت

اكتريتهم بيقولوا كلام فارغ

فى ناس صدقيين يس مش كلهم

ميرسى على التوبيك

طبعا لالالالالالالالالا

ممكن اقول رأى

اذا لم تثق فى نفسك فلا تثق فيمن تقابله على النت لمجرد انه معرفة النت

انما ممكن لاسباب اخرى اكتسبتها عنه اثناء الكلام ماتثقش في

لااا طبعا مش هثق فيهم

شكرا على التفاعل يا جماعة

لا طبعا فيه ثقة بين اللي بيتكلموا ع النت بس مش كتير

انا مجرب الموضوع ده

بصراحه فيهم وفيهم زى ماانتو قلتو بالضبط بس انا مهما هثق فية هقولة اية يعنى
انا عن نفسي بعرف اتحكم فنفسي جدا واحكم اللى قدامى وكمان بالطريقه اللى انت بتتعامل فيها مع اللى قدامك هو غصب عنة هيعاملك بيها حتى لو هو انسان مش محترم وكمان انا لما بحس ان اللى قدامى ممكن يغلط فيا بعرف اخلية يلزم حدودة ويتاسفلى كمان
بس من الاخر فية ثقة على النت بس بصورة قليلة جدا يعنى نادر اما تلاقى حد محل الثقه دى
ياريت تقبل رايي المنواضع واسفه على الاطالة

شكرا ليكم على المرووووووور يا قلب انت و ellama وانا فعلا معاكم في الراي

فيه الوحش والحلو بس ده بيرجعلك انت وتعاملك مع الناس وممكن تتعامل مع الناس كويس ومش يصدقوا مشاعرك ولا كلامك من ناحيتهم وبيصدقوا ناس تانية لان مفيش ثقة بين الناس الي على النت وده الي انا كمان بكلم فيه ..

صعب انك تثق في اى حد على النت

اينعم في ناس كويسين ويستحقوا فعلا الثقه فيهم

لكن للاسف الغالبيه العظمى كدابين ولا يجوز اعطائهم اى ثقه

بس بجد وعن تجربه اصعب شئ انك تثق في حد اوى وتديله الامان وتعتبره الصديق والاخ المخلص
وتكتشف ان هوا مبيثقش فيك اصلا وكل شئ قالهولك كان كدب

عموما ميرسي جدا على موضوعك الجميل

خالص تحياتى .........

انا اساسا مش بحب ادخل علي الشات روومز لان انا بحس انها تفاهة

انا يمكن دا عيبي انى بدى الثقه لناس كتيييير اوى
برا النت وجوا النت
بس اكيد انا مع رايكو ف ناس كتير تستاهل وف ناس متستهلش برضو
بس احنا ممكن نبدا بنفسنا ليه شخصيه النت متكونش الحقيقه
ليه بنضطر للكذب من اصله
معتقدش انك تكذب لمجرد انك تبقي ف صوره اخسن

يسلمو يا قمر نايس توبيك

بصراحة سؤال صعب لاني بثق بالناس بسرعه و برجع اندم كل اسراري بيطلعوها بصراحة 98% خاينين و كدابين

والله الموضوع دة صعب جدا وصعب ان احنا نثق فى الناس ونصدقهم بسهولة اذا كان اقرب الناس لينا خانونا وباعونا هنصدق مين

أنا من رايي انك متسلمش نفسك لكلام النت بطريقه مطلقه

لان الكذب وارد

لكن المعرفه الحقيقيه ممكن تبتدي بالنت لكن بتزيد عن طريق طرق تانيه زي المقابله مثلا

انا راي ان الناس مش زى بعضها
وممكن حد يكذب عليك وحد يكون صادق معاك
فمينفعش متثقش بكل الناس
انا اقصد ان الانسان يحازر وميخونش
انتوا عارفين المشكله ايه انى اكون انا الكذاب واللى بكلمه الصادق

سؤال مهم
بس بصراحة مش بثق في حد بسهوله
وحتي لو قدام عيني
فما بالك لو ع النت
في ناس كتيير محترمين وعشان كدة انا مش بكدب علي حد
بس ثقة واسرار
لالالا

في ناس انت ممكن تستريحلهم علي النت
انا عرفت ناس كتير
وفي ناس انا وثقت فيهم بس مش معني كدة اني اديلهم الثقة الكاملة
طبعا بثق فيهم في بعض حاجات
وفي ناس تانية خالص
من اول كلمة تحس انه بيكذب
ودة طبعا استحالة اثق فيه
شكرا ليك علي الموضوع

فى ناس ممكن من كلامهم تستريحلهم وناس تانية لا
بس اسرار وخصوصيات لا طبعا

بصراحه انا بثق ف ناس كتير وبسرعه جداااااااا

احيانا بيكونوا اد الثقه دى

ونكون صحاب

بس الى انا عايزه اعرفه بجد ليه لو كلمت بنت ع النت وعرفت انى الى بيكلمها بنت تقفل

انما لو لولد تفتح ف الكلام

موضوع حلو تقبل مرورى