الى ماما صاحبه اجمل وارق ابتسامه
اقول ايه كنتى قلبى كنتى حبى كنت معنى الاحتواء
كنتى نبضى كنتى دربى كنتى عينى فى الفضاء
كنتى امنى كنتى دعوه طايره فى السماء
كنتى الهنا _كنتى المنا _كنتى الندا
كنتى نسمه صيف فى ليل مساء
اقولك ايه وحشتنى يا سر حياتى
يا كل حياتى
يا ما سهرتى ياما اتحملتى
يا ما شيلتى
حقولك ايه خلاص خلص الكلام
وطار الحمام
واتجمعتم كلكم فى سلام
كنتى نعمه الام
الحنونه اللى بتطبطب وتضم
كنتى الوفاء
كنتى الحنان
كنتى الامان
كنتى كل حاجه ليا
كنتى فرحتى فى الدنيا ديه
كنت عايشه عشانك
كنت بتنفس مكانك
معقول خلاص رحتى يا ماما ومش راجعه تانى
خلاص معدناش حنشوفك
ولا نقابل طيفك
خلاص معدش لينا ماما
ولا حنقولها تانى
ولاعدش لينا بابا ولا حنقولها تانى
ولاعدش لينا اخ ولا حنشوفكم تانى
يارب جمعنا سوا من تانى
فى الجنه يارب مع الاحباب
والاهل والاصحاب
يارب نور قبرهم
ويسر حسابهم
واجمعنا بيهم على خير
وحشتونى اوى يا كل الخير
ارجو قراه الفاتحه لامى ولاخى ولابى ولكل امواتنا واموات المسلمين من كل من يقرا هذه الكلمات