ترددت انباء موكده ان المهندس عدلى القيعى مسئول التعاقدات فى النادى الاهلى يرغب فى ضم احمد غانم سلطان الى القلعه الحمراء وطبعا هذا حقه لان اخر موسم للاعب احمد غانم هو الموسم ده واكد غانم بنفسه ان الاهلى عايزه والاغرب لم نجد زى كل مره احد المسئولين يطلع فى قناه الاهلى ويقول الكلام ده مش صحيح اذن الخبر صحيح لو نتذكر ايام جمال حمرزه قبل ذهابه الى ماينز الالمانى طلع كلام ان الاهلى عايز جمال حمزه طلع المهندس عدلى وكذب الخبر مباشره وفى النهايه بما انى امثل رابطه نادى الزمالك فى المنتدى اتمنى نحافظ على لاعب بقدرات احمد غانم واتمنى نادى الزمالك يسارع فى التجديد معاه .

بصراحة انا كاهلاوى انضم الى الاخ الزملكاوى لكى لا تتم هذه الصفقة
لانى شخصيا غير مقتنع بمستوى احمد غانم غير كدة انه لاعب عنيف وكثير الانذارات وايضا يحب التمثيل وغير فعال على المرمي حيث انه يستسهل محاولة خداع الحكام للحصول على ركلات جزاء ويستصعب الدخول ومواجهة حارس المرمى وتسجيل هدف
للتذكير من شهرين تلاتة اكتر لاعب كان يتم سبه والمطالبة بعدم انزاله للملعب من قبل جماهير الزمالك هو احمد غانم
والكثير من الجماهير كانوا يقولون انه علشان له واسطة كبيرة بينزل يلعب على حساب الموهوب والرائع حازم امام

يا مستر هانى احمد غانم له مميزاته وعيوبه ومحدش ابدا يقدر يقول انه بينزل على حساب حازم هو فين حازم كان فى المشكله مع حسام ورجع فى مطش الشرطه وخد ايقاف 8 مباريات وانا هسئلك سوال واحد فقط اذا كنت شايف ان احمد غانك لاعب بالواسطه فلماذا يفكر الاهلى فيه الان ؟

اولا انا مش ادارة الاهلى
ثانيا انا باعبر عن رأيي الخاص ورأيي دة طبعا عمر ما ادارة لاهلى هاتسمعه ولا تعرف عنه حاجة
غير كدة عمر ادارات الاندية ما بتاخد رأى الجمهور فى التعاقد مع لاعب
وانا لما باحكى عن انزال احمد غانم بدل حازم امام ليس هذه الفترة الحالية ولكن اناقلت من كام شهر حاول ترجع بذاكرتك لورا 3 او 4 شهور هاتتذكر الهجوم العنيف من الجماهير على احمد غانم بسبب سوء حالته الفنية
غير كدة انا اتعودت انى ما اصدقشي اى حاجة فى الاعلام سواء مرئي او مقروء أو مسموع او منتديات الا اذا دخل حيز التنفيذ
يعني خبرك بتقول خايق ان الاهلى يتعاقد مع احمد غانم يعني خبرك مجرد خوف
وضحت الفكرة؟؟؟؟؟؟؟؟؟؟

طبعا وجهه نظرك تحترم للغايه وفعلا احمد غانم كان عليه هجوم وانا خبرى مش خوف ولكن احمد غانم فى مستواه الان والزمالك محتاجه بقوه احنا مش ناقصين نقع فى دمار الخمس سنوات الماضيه مره اخرى وخاصه احنا هنقابل الاهلى قريبا جدا فى مايو فى كاس مصر

شكرا وتمنياتي للجميع بالتوفيق لما فيه صالح الرياضة المصرية

اه والله اهم حاجه الكره المصريه تتقدم لاننا بقينا فى زمن السرعه مفيش وقت