حبيت احطها ليكم علشان الجميع يستفيد
احب ابداء كلامي بالدعاء لكل مريض واعلم انه ابتلاء من ربك وتخفيف من زنوبك
وكلما ذاد الابتلاء اعلم ان الله يحبك
إلهي ..
أذهب البأس رب الناس ، اشفهمـ , أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيهم و تمده بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير .
---------------------------------------------------------------------------------------------
بسم الله الرحمن الرحيم
فيرس سي ده فيرس عادي ذي اي فيرس بس مشكلته انه يصيب الكبد
القصه بدئة بحادثه علي الطريق وتم نقل دم
دخلت لعمل عمليه بعد الحادثه بشهر لقيت انزيمات الكبد مرتفعه
عملت التحليل ل3 انواع A - B - C وطلع مفيش حاجه
الدكتره قالو انه بسبب الحادثه
بس انا قلت لازم اطمن وبعد مخرجت من المستشفي عملت تحليل انزمات وطلعت عليه بردو
رحت لدكتور وعملت التحاليل بردو B - C وطلت نيجتيف - مفيش فيرس
فضلت اخد ادويه للانزمات وبعد سنه من الحادث طلب مني الدكتور تحليل فيرسات HCV
وكان اول تحليل يطلع فيه الفيرس بوستيف - في فيرس
عملت تحليل PCR وهي نسبة الفيرس في الدم طلعت اول مره نيكتف كان الجهاز بيقيس لغاية 600
قلت بردو اتاكد وعملت في معمل بيقيس لغاية 15 اسم الجهاز taqman real time PCR
وطلت نسبة الفيرس 521
بدئت اخضع لقرص علاج لمدة سنه (الانترفيرون)
بعد 3 شهور من العلاج عملت PCR طلع نيجتف
بعد 6 شهور طلع نيجتف
بعد سنه طلع نيجتف
وان شاء الله في تحليل تاني بعد 6 شهور تانيه وده النهائي
-----------------------------------------------------------------------------------------------
ديه القصه طيب ايه الخلاصه وبعدين انا قلت علشان الجميع يستفيد فين الافاده هنا
1- فيرس سي ممكن علاجه
2- اهم حاجه سرعة اكتشاف الفيرس علشان الفيرس ده بيدمر الكبد فلو اكتشف متاخر حيكون الكبد
ادمر ويكن العلاج ملهوش لزمه
3- اسم التحليل HCV التحليل ده رخيص وده بيكشف عن الاجسام المضاده علشان كل واحد يطمن علي نفسه
4- الطريقه الوحيده لنقل الفيرس عن طريق الدم
5-عند عمل تحليل PCR في جهاز اسمه taqman real time PCRده اضق جهاز لقياس نسبة الفيرس في الدم
6- في ناس بتقول ان الفيرس ده بيرد تاني ويرجع تاني (ده مش صاج عربيه بيترد تاني بعد ميتعوج) اخر مره سئلت الدكتور قلي كلمه جميله جدا
الي جاله الفيرس ده ومتعلجش منه حيقول انه مش بيروح والي اتعالج حيقول بيروح
OPSS معني كده انه ممكن ميتعلجش ؟؟
للاسف اه بس ذي مقلت في اول نقطه اهم حاجه سرعة اكتشاف المرض وسن المريض
المرض ده ملهوش اعراض جانبيه في بدايته
لو كل واحد عمل تحليل HCV ولو مره في السنه مش حيخصر حاجه و هو رخيص جدا
واهم حاجه المتبعه دوريا مع طبيب متخصص
حالات الشفاء كتير جدا واهي حاله حقيقه اتعلجت من المرض ومفيش حاجه اسمها المرض بيرجع تاني
الدم بيجدد نفسه من 3 ل 6 شهور
وده السبب عدم ظهور المرض مع اول تحليل ليه وظهر بعد الاصابه بسنه
كل 6 شهور بعمل تحليل ويطلع نيجتف يبقي الفيرس حيجي منين تاني الكبد ده عباره عن مصفه يمر بيها الدم وانت بتعمل تحليل علي الدم ده طلع مفهوش حاجه يبقي الفيرس حيرجع تاني منين
اعلشان كان كل 6 شهور بعمل تحليل وبعد التحليل النهائي لو لسه نيجتف يبقي الموضوع انتهي خالص
محدش يقلق من الموضوع ده ده فيرس ذي اي فيرس وليه علاج بس ااكد تاني سرعة اكتشاف المرض