ليه اللي مترضهوش لنفسك بترضاه لحبيبك واللي ترضاه لنفسك مبترضهوش لحبيبك؟؟؟

ليه الشاب يعرف ويصاحب ويشوف ويجرب وبدل الواحده الف قبل الزواج انما البنت لا ممنوع

وان عرفت تبقي انسانه سيئه ليه؟؟؟؟

طيب ليه انت بترضي لنفسك تعمل كده ومبترضهوش للطرف الاخر

وفي الاخر يرجع يقول انا راجل انتي لا !!!!!!

وحاجات كتير مش في دي بس

ليه انت تخون وتقولها سامحيني دي كانت نزوه وغلطه

حط نفسك مكانها كده لو جت تقولك انا خونتك سامحني هتسامحها؟؟؟؟

وفي الاخر تقول انا حر انا راجل اعمل اللي انا عاوزه

انما انتي بنت لا !!!!!

ليه بتاخد اكتر من حقوقك؟؟؟؟؟

ياريت كل الشباب والبنات كمان يشاركوني في الموضوع ده ويقولوا رأيهم ايه

مستنيه الردود .................

نايس توبيك يا همسات
بس فعلا علشان اتعلمنا من مجتمعنا الشرقى ان البنت مينفعش تعمل هي حاجات كتير
وبعدين البنت بتسامح علشان البنت معروفة بانها كتلة من المشاعر والاحاسيس والبنت
اكثر شاعرية من الولد ..؟ وكما قال العالم << بيرون >> بان مأساة الحب تتلخص في أن الرجل يريد أن يكون أول من يدخل قلب المرأة . . و المرأة تريد أن تكون آخر من يدخل قلب الرجل

ميرسي علي المرور


بس بردو الصح صح والغلط غلط سواء بنت او ولد

ميرسى يا همسات على الكلام الجميل ده

اولا علشان احنا اتعودنا فى مجتمعنا الشرقى انى لازم البت تاخد بالها من نفسها


شكرا مرة تانية

ميرسي علي مرورك

وصح عندك حق

يمكن علشان هو بيستحمل وبعدين احنا خدنا على كدا

دى عادتنا وتليقدنا

نايس توبيك ميرسى ياقمر

ميرسي علي مرورك


بس بردو مش لازم نعيش بالعادات اللي كلها غلط دي

ولا ايه؟؟

علشان البنت ( وردة )

ميرسي علي مرورك يا قمر

بص يا يا همسات انا معاكي ان الصح صح والغلط غلط
بس هو ده التفكير العربي الشرقي مع اني مش معاه لان سواء البنت او الولد هم الاتنين بشر والحلال والحرام عليهم هم الاتنين ..
بس ممكن اعذر التفكير ده لسبب واحد وهو ان المراة هي الي بتصون البيت وهي الي بتربي الاولاد
شكرا ليك على التوبيك الجميل يا قمر

ميرسي علي مرورك ياتيتو


وطبعا الحلال والحرام علي البنت والولد


هو ده بقا اللي اقصده


يعني بدل مانمشي ورا الخرفات اللي هيا العادات خلينا في الدين احسن


نورتني يا جميل

علشان البنات الحلوة الأمورة ميصحش تعمل الحاجات الغلط

والى بنعمل الحاجات الغلط دا بيبقى العيب من المجتمع والراجل الى هيا عايشة معاة

ميرسي علي ردك


بس بردو الولد ميصحش يعمل حاجه غلط

علشان احنا اتعودنا فى مجتمعنا الشرقى انى لازم البت تاخد بالها من نفسها

ميرسي يا محمد علي مرورك


طبعا البنت لازم تاخد بالها من نفسها


بس بردو الولد مش لازم يمشي علي مزاجه

مش كل الشباب زي بعضها يا همسات

تحياتي ليكي

ليه الشاب يعرف ويصاحب ويشوف ويجرب وبدل الواحده الف قبل الزواج انما البنت لا ممنوع

وان عرفت تبقي انسانه سيئه ليه؟؟؟؟

البنت شرفها زى عود الكبريت

التوبيك روعه

انتى كلامك صح يا همسات

لازم الولد يحافظ على تصرفاته زى البنت.

بس المجتمع بتاعنا مش بيعترف بالكلام ده.

تسلم ايديك يا قمر.

ميرسي علي مفرفشه علي مرورك


نورتي يا قمر

ميرسي يا سندريلا علي الرد


عندك حق طبعاااااااااا


نورتيني ياقمرايه

ايه التمرد ده
انا عاوز اعرف حقوق ايه اللي ناقصاقكوا
علي فكرة اكتر امرأه واخده حقوقها هي الامرأه المسلمه
ومش انا اللي بقول ديننا وسنتنا هي اللي بتقول

وبجد توبيك هااااااااااااااايل والله

ميرسي يا راغب علي مرورك


بس انا بقول ان الشباب اللي واخدين اكتر من حقوقهم

مساء الخير

للأسف إحنا عايشين في مجتمع ذكوري بيحلل كل حاجه للذكر وبيحرم أبسط الحقوق للأنثى

عشان ميحصلش الكلام دا لازم التفكير الشرقي يتغير وتتغير العادات الساذجه اللي ملهاش معنى

لازم الكل يعرف ان الأنثى ليها حق تحب وتتحب قبل الزواج وتعيش وتحقق طموحها وتعيش حياتها

لأن إحنا مش عبيد انا انسانه وانت انسان زي زيك مفيش حاجه تفرق بينا ولا عادات وتقاليد سلذجه الناس حتطها من غير تفكير

وبجد اي بنت متقولش رأيها ومتتحقق طموحها ومتقولش كلمه لأ تبقى تستاهل

شكرا يا همسات

موضوعك جميل

ميرسي ياقمر علي ردك الجميل


هو ده الكلام الصح


ياريت يفهموا بقا


ميرسي لمرورك ياقمرايه

والله يا همسات انتى فجرتى قضيه كبيره واذا نظرنا الى جذور هذه القضيه من زمن الفراعنه حتى زمننا هذا ولكن انتى كلامك صح ولكن انتى عارفه فى علم النفس حاجه اسمها تعود والانسان الشرقى عموما تعود على ذلك انى حبيبته دى زى الجوهره معقوله يفرط فيها ودائما يرى الشاب نفسه واثق من نفسه دائما وعارف امتى هيبطل ويبقى لحبيبته ولكن اقلها لكى بصراحه لو فعلا جاء لاى رجل الحب الحقيقى اتحداكى لو فكر يمشى او يكلم حد غير حبيبته ولو حدث غير ذلك يبقى ده مش حب حقيقى ولو فى اى استفسار اخر انا معاكى وبرافو يا بنتى على راى فواد المهندس

ميرسي يا احمد علي ردك


كلامك صح بجد


ميرسي علي مرورك

نايس توبيك همسات بصي ياهمسات الموضوع ده مهم جدا جدا لانه تقريبا بقي ظاهرة في كل الشباب دلوقتي بس احنا فعلا عشان اتعودنا علي كده عودنا نفسنا ان الشاب يغلط نقول وماله ماهو ولد بس البنت يقولك لاء البنت اسم وسمعه وحوارات من دي بس يعني سبحان الله ماهو الاولد كمان سمعه يعني بنسال عنه قبل مااوافق عليه طيب لو لقيت سيرته زي الزفت ولعبي وعرف مليون بنت ليه اوافق!!!!!!!!!!!!!!!!!!!!!!!!!!!!!؟ احنا للاسف اللي عملنا كده وبعدين يقولك البنت لازم تحافظ علي نفسها طيب ماالود برده لازم يحافظ علي بنات الناس ويحافظ علي اخواته ومراته واولاده في المستقبل لان كما تدين تدان وكل شئ بيعمله هيترد فيه بس تقولي لمين بقي يقولك ماانا لما اتجوز هستقر ربنا يهدي والله ويعف شباب وبنات المسلمين

يا جماعه تنويه صغير مني

بعض البنات بيقبلو على نفسهم اللي الشباب بيعملوه دا لأن الحب بيعمى جااااااااامد وهو دا الغلط

المفروض لو اللي احنا بنحبو لو عمل اي غلط منسمحهوش لمجرد اننا بنحبو لازم ناخد موقف ونقول لأ

عشان بعض كده يعرف مش معنى ان انا بحبك يبقى تغلط وتقول حتسامحني عشان بتحبني قوي دا اسمو جنون وتنازل عن الكرامه شويه شويه

لازم نبعد قلبنا عن المواقف دي عشان بعض الزواج الغلط حيتكرر وبعدين تندمو وتقولو يارتنا وقفنا في وشو من الأول

وقلنا كلمه لأ

هو دا اللي انا بعملو ونفسي الكل يعملو وحتتطلعو كسبانبن في الأخر

تحياتي

ميرسي جدا يا ياسمين علي الرد الجميل


ربنا يهدي والله ويعف شباب وبنات المسلمين


أميييييييييييييييييين ياااااارب


نورتي يا قمر

والله يا ميسره بجد عندك حـــــــــق


انا بردو معاكي وبعمل كدا



لان الشخص اللي ماشي بالطريقه دي ميستاهلش


اصلا ان انا احبه ولا اسامحه


يدوب ندعيله ربنا يهدي



ميرسي يا قمر بجد


تحيااااااااااتي ليكي