السلام عليكم

ازيكم واية اخبارك

بجد والله الناس بقت غريبة اوى
ايوة والله بجد الناس غريبة جدااااااااا

الانسان لما يبقى طيب ويتعامل مع حد بالطيبة ..يقولوا علية ضعيف
ولما الانسان يتنازل عن حاجة عشان ميأذيش مشاعر زميل لة ..يقولوا علية ضعيف
ويقولوة انت مبتعرفش تاخد حقك
لما تسامح اللى بيغلط فيك وتروح تصالحة دايما...يقولوا عنك جبان
لما حد يكشر فى وشك وانت تضحك فى وشة ..يقولوا اهو دة اللى فالح فية
ولما تتكلم بطيبة واحترام مع حد..يقولوا عنك بتلف وتدور
طيب اية الحل مع الناس دى بقى ؟؟؟؟
الحل هو واحد بس يا شنتلة
انك تقل أدبك
وتعامل الناس زى مابيعملوك بالظبط
وتاخد حقك منهم وتاخد حقوقهم كمان
ومتغفرش الاخطاء
ولو حد غلط فيك اغلط انت كمان
وخليك قوى
واياك يقولوا عنك ضعيف
ساعتها هتلاقى الناس عملينلك الف حساب
وهيخافوا منك وهينفذوا كل طلباتك من غير تردد
هيا كدا دنيتنا بترفض الطيب
وتحب الشرير اووووووى
بس ياترى انت هتقدر تكون شرير ؟

الله يكون فى عونك

الله يكون فى عونك ياللى
ياللى جواك احساس
ياللى بتخاف عالناس
ياللى بتحس بغيرك
لو حتى محسش غيرك

ياللى بتبقى مجروح
على كل شىء بيروح
ياللى دموع قلبك
مبتوصلش لعيونك

حاجات مجروحة فيك
ومحدش دارى بيك
شايل جواك هتتعب

بايعك ولا شاريك
كلة بيصعب عليك
وانت على مين بتصعب

تقدر تغدر تخون
يبقالك الف لون
ممكن قلبك يطاوعك

قلبك عالحب عاش
تقدر لكن بلاش
اوعى تغير فى طبعك

الله يكون فى عونك

ان الانسان لما بيعامل بيعامل ربنا فيجب عليك المعامله الحسنه

بالعكس خالص لا تقل ادبك ولا حاجه انت تكون احسن من ما كنت وتتعامل زى منتا

بالخير دايما حتى لو الناس الى قدامك دى ايه لان فعلا التعامل ده عشان ربنا وبيبقى عشان انت نفسك كده

طيبه وكويسه

اذا اردت ان تعيش فعليك مبدأ التطنيش

صدقنى طنش وعيش زى منتا وكبر من اى كلام للناس

لو عاملنا ربنا قبل منعامل البشر في معاملاتنا هتفرق جدا معانا
وعمر مكانت الطيبه عيب ع فكره
لو الي قدامك حسسك ان طيبتك معاه عيب يبقي النقص فيه هوا مش فيك وعجبي,,
شكرا ع موضوعك الجميل

الادب والاحترام والطيبه مش عيب بس العيب انه يضحك عليك

ومادام انت واثق ومقتنع من اللى بتعمله والمعامله اللى بتعاملها مع الناس مايهمكش حاجه وخليك زى ما انت

وتقبل مرورى

جزد توبك الناس و حشة اخر حاجة فعلا بس الواحد الطيب نهايته احسن طبعا اللى بيفترى بيفترى على نفسة