اخبارك ايه يا مان ...
مودكم ايه يا مانات ....
كلمة مان بقيت بسمعها فى كل حتة اليومين دول .. ياترى ايه هو المااااان

المان طبعا له مواصفات خاصة مختلفة عن كل الرجالة .. سورى اقصد كل الناس

- المان طبعا يا شعره شجرة ربيع يا جايبها زيرو زى شجرة الخريف .. وطبعا كل واحد حسب الطقس الى يريحه

- المان طبعا اهم حاجة عنده شعر صدره .. والتشيرت لو مكنش شفاف يبين الانجاز الى فى شعر صدره ده يبقا قلته احسن

- المان طبعا البناطيل دى اخر اهتماماته .. البوكسر بالوانه واشكاله هو الى بيمز المان عن اخوه المان

- تقدر تتعرف على المان الاصلى من درجه نزول البنطلون ومدى اقترابها من الركبة

- نص كلامه انجليزى مكسر عشان تتاكد انه مينفعش يكون مان لو كان تعليمه مجانى زى بقية الرجالة

- المان بيساهم فى العمل الانسانى دائما لابس بنطلونات وتشيرتات مقطعة مساندة لاطفالى الشوارع

- الشاب المان متبع دايما تعليمات السلامة الصحية لما يسلم على حد يسلم بطرف صوابعه عشان العدوى

- البنت بتاعته انتيمته يعنى لو مكنتش بتحب تامورة عليه متلزموش .. حبايب تامر بالكوم موقفناش عليها

ياترى بقا نقدر نعرف فيه كام مان معانا بالمنتدى
والى يعرف وصف جديد للشاب المان ياريت يقوله عشان نقدر نفهم طبيعه الكائنات الجديدة علينا دى
وطبعا هيتطلعلى واحد مان ويقولى بلاش نفسنة يا مان دى حرية شخصية هقولك كل الناس فى حر اغسطس نفسهم ينزلو الشوارع من غير هدوم .. ممكن نشوفهم يوم كده بدافع الحرية الشخصية

ههههههههههههه
احنا بنقلد تقليد اعمى من غير ما نفكر فى حاجه

ههههههههه ياريت اعمى وبس
ده احنا كمان بنضبش فى بعض
الغريبة انهم دايما يقولوا لبعض هاى مان عامل ايه يا مان اخباراك مان نفسى اعرف الفايدة من تكرار الكلمة فى جملة تتكون من كلمتين
عايز يقنع نفسه انه مان ؟؟؟ مش عارف

ههههههههه
ايه يا ميدووووووووووووو
استرجل واشرب بيريل
هههههههههههههههههه

مساااء الزروطه يا دوووود إيه يا مان حاطط نقرك من نقر المانات و عايز تودي نفسك في ستينات و سبعينات ليه ؟

بص يا مااان مش شرط الصفات دي تكون في المان خااالص دا شغل ناس سيس أنا عمري ما سقط بنطلوني كل اللي بعمله بس بلبس تي شريت هاف سلييف قصير فحت عشان أبين المجانص و الباي و التراي بتقسيماتهم دا بما إني كنت مدير صاله جيم أد الدنيا قبل كدا .. بس الزمن لطني

دول شويه شباب سيس اللي بتتكلم عنهم إنما الأصل من المانات اللي تلاقيه صالب طوله زي الديناصوور أو التمسااح الدكر في موسم التزاوج .

بيس يا مان

انا موش خرونج انا كنج كونج
مين دول المانات اللى ع الفيس بووووووووك
ههههههههههههههههههههههه
موش ابن هانم ولا ابن لورد
انا ******
موش عيل كاورك
ههههههههههااااااااااااااااااااااااىىىىىىىىىىى

بيس ياعم البرنس
هههههههههههههه مدير جيم انا بتراجع عن كل كلمه قلتها ابيع مبادئى قدام المجانص يا مان
سيس سيس اهو كله فى التهييس