ياللى زرعتوا الخوف فى بر الأمان
ونسيتوا حتى الخوف زرعتوه فين
مات الربيع فى جناين الشيطان
و الموت بيزرع علمه فى العلمين
---------------
ضاقت عليكوا الأرض
جيتوا تحاربوا بعض
فى بلادنا أم الخير
و الإبتسام و الورد
---------------
الموت طرح أزهار حديد ملغوم
تحصد غصون الفرحة و الأحلام
زهر الهلاك
خلى الهوا مسموم
الموت فضل
و بترحل الأعوام
---------------
يا كل الإنسانية
الدم ماهوش ميه
---------------
تعالوا لموا الموت من تحت رجليا
---------------
يا كل الإنسانية
الدم ماهوش ميه
تعالوا لموا الموت من تحت رجليا
---------------
تعالوا لموا الموت من تحت رجليا