أول الحكاية هنلاقي حد جايب لك عريس وانتي مش عارفة عنه حاجة ولا عن شخصيته، وطبعًا إياكي والتسرع في الحكم على الشخص اللي قدامك من خلال زيارة أو زيارتين بس،
وإياكي من التسرع برضه في تحديد ميعاد قراءة الفاتحة والخطوبة،
وإياكي والتسرع في تعريف الناس بأن جالك عريس لأن إحنا مجتمعنا الشرقي ومعلش في الكلمة دى لسه عقله على أده شوية، ولما تحصل وواحدة تتخطب والخطوبة ما تكلمش، يبقى العيب في البنت، ويبدأ الكلام اللي مالوش لازمة ( يبقى أكيد هي مش كويسة ، لا لا يبقى أكيد تصرفاتها ماعجبتوش ، ولا تلاقيها أخلاقها مش قد كده ، ولا تلاقيها رغاية ولا فيها صفات وحشة ) إلى آخره من الكلام الكتير اللي بيتقال من غير ما حد يفهم حاجة.. وعشان كده ..بقول ياريت بلاش التسرع في تعريف الناس بالموضوع لحد ما تدخلوا في الجد.
بعد ما تتحدد أول زيارة، حددي نقاط معينة في دماغك عايزة تعرفيها وطبعًا سيبيه هو يبدأ بالكلام مش إنتي، وأكيد أي حاجة هيسألك عنها هو المفروض يجاوب عليها هو كمان.
طبعًا مش من أول مرة هتعرفي تحكمي عليه وعلى شخصيته وطباعه وطريقة تفكيره.. اصبري وحددي ميعاد تاني وثالث ورابع وافتحي كل المواضيع وكل حاجة معاه وكمان خلي أهلك يتكلموا معاه من حين لآخر في كل زيارة عشان يقدروا يحددوا شخصيته.
إزاي أتعامل معاه؟
تاني حاجة ..مشاعرك ..وأنا عارفة أن البنت مشاعرها رقيقة قوي.. وممكن تميل لخطيبها أسرع منه .. لكن بلاش بقى تتسرعي وتبينى مشاعرك دي.. وخليه هو يبدأ.. لأنه غلط أساسا تبدئي انتي وتبيني مشاعرك بأى طريقة أيا كانت.. لازم هو اللي يبدأ.. أنا مش بقول تكوني وحشة معاه أو تعاملية وحش ..بس ملوش داعي من المشاعر اللي بتظهر عمال على بطال.. وخليه هو يبدأ وشوية بقى عما الموضوع يمشى ..ابدئي بيني مشاعرك واحدة واحدة ..لأنكم لسه مخطوبين ومفيش حاجة بينكم ودى فترة تعارف ..يعنى ممكن الموضوع ما يكملش والخطوبة ما تتمش!
ثالث حاجة ياريت بلاش تعرفيه أسرار بيتكم مهما كان الشخص ده كويس ..المفروض إنه لسه خطيبك ..يعنى غريب عنكم ..وما ينفعش يعرف أسرار أهلك ..ممكن يعرف معلومات عادية وعامة ولكن مش أسرار.. هلاقي واحدة تقولي ده خطيبي وإيه يعني؟.كوني أنتِ الحلقة الأولى
كوني أنتِ في بيتك وليس شيء آخر
لكل فتاه وسيدة لا تتقمصي دورًا غير دورك ولا تعيشي شخصية أخرى غريبة عنك
كوني أنت بكل أفكارك وطموحاتك وأحلامك وشخصيتك
لا تسمحي لأي شخص بمحو شخصيتك أو إلغاء طموحاتك وأحلامك
حاولي أن تثبتي ذاتك أمام كل من معك
لا يجب أن تستسلمي لرغبات الآخرين وأحلامهم
عيشي أحلامك أنت ولا تعيشي أحلام غيرك فيكِ
وفي النهاية كوني أنتِ.