بسم الله الرحمن الرحيم
السلام عليكم ورحمه الله وبركاته
المشهد الاول
ولد و بنت واقفين على كورنيش المقطم , الولد مسقط البنطلون لحد كعب رجله و لابس كاب و شعره اطول من شعر البنت و البنت شعرها قصير زى الولاد و ماسكه مصاصه نصف قطرها اكبر من نصف قطر كرة الباسكيت
البنت : اسمع بقى يا تيتو انت لازم تروح تكلم داد
تيتو : كفايه ضغط على يا سوزى , انت عارفه انى مقدرش اعمل اى حاجه دلوقتى
سوزى : ممكن افهم ليه
تيتو : يا سوزى انا مقدرش اخد اى خطوه الا لما اعرف انا حأكمل علمى ولا هاحول أدبى
سوزى : و دا دخله ايه فى موضعنا
تيتو : لو كملت علمى حتكون مصيبه
سوزى : أزاى يا فالح
تيتو : لو كملت علمى ممكن بابا يضغط على و يخلينى اذاكر وممكن أدخل هندسه
سوزى : و هى دى حاجه وحشه يا توته (بتدلعه)
توته : ايوه طبعا !! لانى كدا حدخل الجيش تلات سنين !! متخيله انا أدخل الجيش
سوزى : يا لهوى هو انا ناقصه لا عندك حق يا حبيبى
تيتو : علشان كدا انا فكرت و قررت لو حولت أدبى انشالله السنه دى حاروح اكلم يور داد
سوزى : أعتبر دا ديل (deal)
تيتو : ديل
المشهد التانى
الولد جاب 53 % فى ثانويه عامه و راح و هو الفرحه مش سيعاه على والد سوزى
تيتو : هاى أنكل
انكل : مش انت الولد اللى كنت فى عيد ميلاد سوزى بنتى
تيتو : ذاكرتك قويه اوى يا أنكل
أنكل : فى حاجه يا أبنى
تيتو قلع الكاب و حط ايده ورا دهره أحتراما لسوزى داد !! لكن لما لاحظ حالة الهلع اللى أصابته لما شاف الحشرات اللى طارت من شعره لبس الكاب تانى بسرعه
تيتو : انا مش حاضيع وقتك يا أنكل , انا و سوزى بنحب بعض من تلات سنين و عايزين نتجوز و انا جيت أقولك علشان متقولش انى مصاحبها من وراك يا انكل
أنكل : أسمى الحاج صلاح عبد الجبار يا روح خالتك
تيتو بدا يترعش و مسك البنطلون على أخر لحظه قبل ما يوقع
تيتو : اوك يا أنكل حاج صلاح زى ما تحب
تمالك الحاج صلاح نفسه و سأله فى هدوء شديد
الحاج صلاح : عندك شقه يا أبنى
تيتو : داد حايجبلى
الحاج صلاح : انت فى المدرسه لسه يا حبيبى ؟
تيتو : أنكل حاج دا شئ طبيعى يعنى مش محتاج أسئله
الحاج صلاح : يعنى أنت مش بتشتغل و جى عايز تتجوز
تيتو : نو يا أنكل حاج أنت فهمتنى غلط خالص ,طبعا انا عندى شغل
الحاج صلاح : بتشتغل مع والدك
تيتو: نو نو نو يا أنكل أنا عندى راب باند
الحاج صلاح : باستغراب .....دا محل ده ايه يا أبنى
تيتو : نو يا أنكل يعنى أنا ب أغنى و بمناسبة انى جى لحضرتك أنهارده انا كتبت حاجه مخصوص
تيتو يبدا بعزف بعض المقطوعات و الاصوات بفمه ثم القى بالقنبله الغنائيه وهو يتراقص امام الحاج صلاح
عـــــــــــــــــادى
عايز أتجوز بس عادى
عندى فلوس و عندى دادى
و بفكر اسكن فى المعادى
و أشترك فى أى نادى
وصلت لسوزى الساعه 8
لابس تيشيرت فريق ألمانيا
الحاج صلاح : وهو يصرخ ....امشى اطلع بره يا ....تييييييييييييييت.......
قذفت صرخة الحاج صلاح تيتو خارج مكتبه لمسافة 100 متر تقريبا بدون بنطلونه الذى سقط منه طبعا اثناء الرقص!!؟
ودى كانت نهايه "تى تى" ...........اااااااااقصد تيتو