نجوم مصرية
منتديات نجوم مصرية منتدى التسلية والترفيه منتدى الحب والرومانسية



تابع نجوم مصرية على أخبار جوجل




رومانسية اخر حاجة

 

::.. رومانسيه اخر حاجة ..::
هو وهى يسيران ع الكورنيش ف عز الحر ... والشمس محرقة
و يا صباح العرق
هي : عطشانة
هو : وأنا كمان .
هي : يعنى ... عايزة اشرب!
هو : أكيد ما دام عطشانة يبقى عايزة تشربي .
هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .

هو : ومين اللي هيحاسب ؟؟
هي : أنت طبعاً .
هو : منين ياحسرة .. ماانتى عارفة الكانز وغطاه .
هي : ما قلتش عايزة كانز .. كفاية إزازة صاروخ .
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك .
هي : قصدي تعزمنى في مكان شاعري .
هو : في الحر ده .. ماينفعش .
هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .
تابع نجوم مصرية على أخبار جوجل


هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس .
هي : أعوذ بالله .. إنت مقفلها كده ليه ؟؟
هو : بصراحة معييش فلوس .
هي :يا سلام !! .. ماأنت كان معاك إمبارح .
هو : إمبارح دخلت سينما مع مُزة حلوة كده فالفلوس خلصت .
هي : مزة ؟؟!! وبتقولها في وشى .
هو : أكذب عليكى يعنى .
هي : لأ .. تحرق دمى أحسن .
هو : أنا مش شامم حاجة .
هي : يخرب بيت البرود .
هو : برود إيه ؟؟ ماهو الجو مولع أهو .
هي : إنت اللي بارد .
هو : بارد إزاى ؟؟ دا أنا بشُر عرق .
هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .
هي : آآآآه .. طب أنا ماشية .
هو : ليه يا حبيبتي؟؟
هي : حبك برص .
هو : الله يسامحك .. ميرسى .
هي : بجد كده كتير .
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد .
هو : يعنى مصممة تمشى ؟؟
هي : أيوة وحالاً كمان .
هو : طب استني لما نوصل آخر الشارع .
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى .
هي : يا نااااااااااااااااااااااس.. إلحقونى.. الواد ده بيعاكسنى .
مش هى دى برضه الرومانسيه ولا ايه !!
اتمنى تكون عجبتكم ... لكم حبى و ودى






المقال "رومانسية اخر حاجة" نشر بواسطة: بتاريخ:
jace
hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhh
la fe3ln romncya a5er 7aga fe3ln hhhhhhhhhhhhhhhhhhhhhhhh ahe hya deh el romncya wala balashhhhhhhhh la bs gamda yeslem edak mshkoooooooooooooooooooooooooooooooooooooor
RAGHEB
ههههههههههه

مشكورلمرورك
سندس
ههههههههههههههههههههههه بجد حلوة
%u062F%u0648%u062F%u0627
بجد حلوه اووووووووووووووووووى وياريت تتكتب حاجات حلوه زى دى كمان



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
كلمات حب رومانسية جدا جديدة 2014 كلام حب رومانسى جميل جدا كلمات رومانسية رائعة، كلام اعجاب مقولات رومانسية
رومانسية اخر حاجة : أحلى قصة بالعالم
قصص قصيرة (سياسية .رومانسية .بطيخية اي حاجة ماشي)
رفاهية كلاب آخر حاجة.. طعام "أورجانيك" وأفلام رومانسية

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية