انا مليش اى مصلحه فى الموضوع دا والله .. انا بس شفت الاعلان و سجلت و فتحت حساب و تانى يوم نزلى ال 25 دولار و فعلا شغال بيهم دلوقتى

استماره الاشتراك هنا :

http://www.forexmicrolot.com/tradeshow.jsp

و فى موقع بجد مفيد جدا لاى حد بيستثمر فى الفوركس .. فكرته و بكل بساطه ان اى حد بيعرف يتاجر كويس ممكن يسجل فيه على اساس انه يعطى اشارات للمتاجره و اى حد مش بيعرف يتاجر كويس بيسجل فيه على اساس انه مستثمر .. و كل مستثمر ممكن يشوف الناس الى بتدى اشارات للتداول و كل العمليات بتاعتهم و تاريخهم و اى حد يعجبك فيهم ممكن تربط حسابك به بالنسب الى انت تحددها و طبعا ليك كل الصلاحيات للتحكم فى اى عمليه و الاشتراك مجانى و من غير فيزا ولا اى طلبات و احلى حاجه فيه ان فيه ناس من كل دول العالم ممكن تربط حسابك بهم .. المشكله الوحيده ان علشان تشترك فى الموقع لازم تكون فاتح حساب فى شركات معينه حوالى 19 شركه بس كلهم شركات مشهوره و محترمه جدا و من حسن الحظ ان FXCM منهم فممكن بعد ما تفتح الحساب و تاخد ال 25 دولار تفتح حساب فى الموقع و تجرب فيهم و أن شاء الله خير للجميع , و لو انت فى اى شركه غير ال 19 ممكن تفتح حساب تجريبى مع الموقع و تجرب و لو عجبك الموضوع ممكن تبقى تفتح فى اى شركه من ال 19 فيما بعد.

يعنى هيا الحكاية كتر مواضيع وخلاص ، اكيد انتا شفت موضوعى عن الشركة وكمان كاتب تعليق هناك ، يبقى بقة اية لازمتة انك تعمل موضوع تانى عن نفس الشركة ، بصراحة حركة استفزتنى

يباشا المفروض ان احنا هنا بنكمل بعض ميبقاش كدة ، !!

براحه شويه ياغالى
اولا الشركه مش بتدى ريفال عن الرابط يعنى ديه خدمه لوجه الله لو حضرتك ومش هاستفاد منها ولا انت هاتستفاد منها
ثانيا انا مشارك فى الشركه ديه من فتره كبيره
ثالثا وده الاهم انا بساعد الناس اللى بتطلب بونص مجانى بدون ايداع وبيبحثو فى محرك البحث جوجل واول حاجه بتتكتب بونص مجانى وبيلاقو كل الشركات هجص
رابعا براحه على اعصابك احسن يجرالك حاجه

لا متخفش مش هيجرالى حاجة ، خلاص واثق يعنى حضرتك ان موضوعك هيطلع فى نتيجة البحث ؟ على العموم هو ده الى بقصدة ان بدام احنا مش هنستفيد حاجة اصلا من الشركة يبقى ملوش لازمة موضوعين ، لكن طالما انتا واثق قوى ان موضوعك هيطلع فى اول صفحات جوجل ، لا يبقى خلاص حقق عليا ياسيدى

ياسيدى عنوان موضوعك غير عنوان موضوعى خالص
قارن بين العنوانين كده وروق وروح اعملك شاى بياسمين

حصل خير يمان ، موضوعى وموضوعك واحد ، انتا فهمتنى غلط على فكرة
على العموم حصل خير

اصل تزعل لو الشركه بتدى ريفال على الاشتراك من خلال الرابط
انما ديه حاجه مجانيه
ولا انا ولا انت هانستفاد منها
انت عملت عنوان مختلف وانا عملت عنوان مختلف يعنى بعيد خالص عن بعد
عموما بالتوفيق