السلام عليكم ورحمة الله وبركاته
اولا كده احب ااقول ان ده اول موضوع لى على المنتدى الى زى السكر ده

حبيت احكى فيه حاجة لطيفة كده حصلت لى
اتعودت كل سنة وشوية من عمرى يكون فى موضوع شاغل بالى ويملك حياتى وبعدين الموضوع ينتهى ويخلص وينتهى
واروح لموضوع تانى فى حياتى تحصل لى حاجة تانية وهكضا
يعنى نقدر نسميها مراحل الحياة

اخر مرحلة من حياتى حصلت لى كانت قصة حب
المفروض انها قصة حب
ما اكدبش عليكم كان احساس لطيف فى البداية وجديد عليه جداااااااا
قعدت فيه حوالى سنة وشوية
بينى وبينكم انا زهقته فى عيشته
بس هو يستال
هو فى واحد يحب واحدة اسمها ورطة برده؟؟ههههههه

بس برده الواحد يقول الى له والى عليه
انا مش باكون مرتاحة لما احس انى باعمل حاجة غلط وحاولت اريحه وفشلت طبعا لانى بكل صراحة مش عارفة اريح نفسى
لانى ما اتعودتش اعمل حاة غلط ابدا

وحبى له من ورا اهلى كان اكبر غلط فى حياتى

اصابنى تعب شديد فى الفترة الاخيرة خلانى راقدة على السرير لمدة اسبوع تقريبا
الاسبوع ده قعدت افكر فيه تفكير كتيييييييير اوى
قعدت افكر فيه فى كل حاجة

وصحيت النهاردة الصبح حاسة انى سعيدة اوى
تعرفوا ليه سعيدة ؟
لانى حسيت انى رجعت لنفسى تانى
رجعت الاقى نفسى النظيفة الى اتعودت عليها

ااقولكم على حاجة تانية برده
بقيت احس انى مش باحبه اوى ...تعرفوا ليه؟
لانه حاسة انه خطفى من اهلى وخطفنى من سعادتى
بقيت حاسة انه عادى

يعنى مش حموت عليه
وبرده مش باكره

ااقولكم ........هو علشانى عمل حاجات كتير ما ااقدر انكرها ابدا

بس برده الغلط غلط مهما كان

بقالى كتير اوى ما حسيت بالسعادة الى انا حاسة بيها النهاردة زى ما يكون روحى كانت تايهة وضايعة والنهاردة لقيتها

حاسة انى لقيت نفسى تانى

يمكن باحبه وانا مش عارفة .....ويمكن ده كل كان مراهقة .....ويمكن لانى كنت فاضية ووقتى مش مشغول ........ويمكن لانى كنت محتاجة كلمة حلوة ........ويمكن.......................


يمكن حاجات كتير اوى

يمكن هو كمان ما كان بيحبنى
او يمكن كان كل غرضه انه يسمع كلمه حلوة
او انه يحس ان فى حد مهتم بيه
يمكن كانت سن مراهقة له

ويمكن حبنى بجد
ويمكن دلوقتى حبه لى قل كتير

فى الف يمكن ويمكن


بس برده مافيش سعادة اكتر من انك تحس انك مرتاح الضمير

كنت بافكر من شوية لو حصل فى يوم والشخص ده اتقدم لى .......يا ترى حوافق؟
ويا ترى لو حد غيره اتقدم لى يا ترى حوافق؟؟؟؟؟؟

عارفيين ردى كان ايه ؟؟؟؟؟؟؟؟؟؟؟



لو جه اتقدم حسيب القرار الاول لاهلى يعنى قالوا اه يبقى اشوف انا الموضوع
ولو قالوا لا مش حقولهم حاجة



ولو حد غيره اتقدم لى فأهم حاجة عندى انه يكون متدين ويراعى ربنا فيه .....وربنا يستر باه عليه منى هههههههههههه

وفى الحالتين انا ححب زوجى جدااااااااااااااا لانى الحمد لله محدش فى قلبى دلوقتى خااااالص


كنت زمان اول ما عرفته كنت بااقول انى مش حعرف اتجوز غير اول انسان كلمته وحسيت انى باحبه

بس ده كان زمان لما كنت فعلا باحس بالحب

لكن دلوقتى انا حاسة ان الجو جميل والامن مستتب

وانى ااقدر اعيش تحت اى ظروف لان من الاخر حاسة انه معدش حد فى قلبى

حاسة انى free اوى

حاسة انى زى الفل وبأحمد على ربنا على الى انا فيه

كفاية عندى ان الموضوع خلص وانا قلبى مش مكسور
وانا حاسة انى اقوى من الاول
وانا مافيش حد مالكنى

انا النهاردة حاسة بالسعااااااادة والحرية الجميلة

بجد سعيدة
يااااااااااااااااااااااااااااااااااااااااااااااااا ااااااه
مرتاااااااااااااااااااااااااحة اوىىىىىىىىىىىىىىى

الحمد لله

احنا كده قشطة اوى ههههههههههههههههههههههه

بصراحة مستحيل افكر اورط نفسى فى مواضيع الحب والكلام ده تانى كفاية النكد والحزن الى شفته

انا ايه الى يجبرنى اسيب سعادتى وابحث عن قلة الراحة بايدى

الى اكتشفته ان الحب اه بيخلق السعادة ....لكن مش حبى لاى حد
حبى لما يكون فى الحلال وقتها فعلا حقول ان الحب خلانى اكثر سعادة
لكن حبى بدون طاعة الله زاد همى واتعب بدنى وحسيت بنكد الدنيا كله

انا كده الحمد لله اوى
الحمد لله
الحمد لله
الحمد لله
معلش طولت عليكم
ربنا يديم عليا السعادة فى طاعته دايما
والسلام عليكم ورحمة الله وبركاته

كلامك جميل اوووووووووووووي ياانسه \ ورطه

بس احب اقولك مينفعش ترتبطي بانسان الا لما تعرفي انه بيحبك زي يتحبيه

وياتري الانسان ده كان بيحبك بجد وياتري انتي كمان حبتيه بجد

وايه المانع لو الانسان ده اتقدملك وطلب ايدك من اهلك

لازم يكون ليكي رائ مع رائ اهلك

مع تمنياتي ليكي بحياه سعيده

والحمد لله انك سعيدة وفري خالص

يارب تبقي كده علي طول

موضوع جميل اوى تسلم ايدك بس انتى شكلك حبتيه اوى ولسه بتحبيه

السلام عليكم ورحمة الله وبركاته

تسمحي لي ارد علي موضوعك بكل صراحة يا ورطة

باين قوي من كلامك انها اصلا ما كنت قصة حب ولا اي حاجة هي اصلا المضوع كانت حاجة جديده عليكي

فقولتي تجربي فعجبتك في الاول زي اي لعبة في ايدك ولما زهقتي منها واتخنقتي قولتي كفاية عليها كده

قوي بس تعرفي كويس قوي انك عرفتي ده قريب بدل ما تعذبيه معاكي اكتر من كده هو بصراحة يستهل

اللي جراه له واكتر من كده لانه ما عرفش كويس انه اللي قدامه حيقدر حبه ليه وانه عمل كل اللي يقدر

عليه من غير اي تقصير منه ده ذنبه انه حب بجد الانسان اللي مش حيقدر يقدره

واللي يثبت وجهة نظري دي اكتر انك بتقولي مش حيبقي فارق معاكي انه هو اللي يتقدمك او غيره

الاثنين واحد عندك ربنا يسعدك اكتر واكتر ان شاء الله ورطة

انتي تعرفي انه هي دي السعاده الحقيقية للطرفين الاول انه طلع من لعبته و انتي ما خسرتي حاجة

علي الاقل اتسليتي وضيعتي وقتك شوية

وانا اعتقد كمان انه هو سعيد دلوقتي لانه عرف مشاعر الحقيقة للشخص اللي اعطاكي كل حاجة يقدر

عليها من غير ما يشوف المقابل لانه اصلا كان هدفه سعادك لانه بيحب كويس انه عرف ده كويس

علشان يعيش هو كمان حياته الطبيعيه و كمان يبقي يفكر مليون مرة قبل ما يدي قلبه لانسان تاني







لا اله الا انت سبحانك اني كنت من الظالمين

بسم الهه الرحمن الرحيم
اولا انت نورتى المنتدى يا قمر وان شاء الله نكون اصحاب
ثانيا اسمحيلى اقول رايى فيكى الاول : انتى انسان محترمه جدااا وتفكيرك عاجبنى موووت
ثالثا رايى فى موضوعك : الانسان ممكن يقابل حب فى حياتوا فعلا ويحب بجد ومن غير ما يحس يلاقى نفسه انقاض للحب ده انا برضه مريت بقصه مشابهه لقصتك بس المهم ان الانسان يستفيد من التجارب الى بيمر بيها فى حياته ودى اكتر حاجه عجبتنى فيكى ومش شرط تكون تجربه عاطفيه اى تجربه عموما الحيا ه تجارب والانسان لازم يستفيد منها
التجربه الى انا مريت بيها علمتنى انى مثقش فى البشر بسهوله وحكايتك كمان لازم تعلمك كدا انك تثقيش فى اى انسان بسهوله من مجرد ما انه يقولك بحبك .. الحب مش كلمه وكمان الحاجه الى بنعملها من ورا اهلنا بتكون فى الضلمه وهو لو حبك بجد مكنش هيرضى ان حبكوا يكون فى الضلمه وده اكبر اثبات عشان متثقيش فيه
بس للاسف الانسانه لما بيحب مش بيكون شايف اى حاجه قدامه
عموما سورى يا قمر لو كنت طولت عليكى .. بس انا بحيكى على طرحك للقصه بتاعتك لان كل الاعضاء اكيد هيستفسيدوا منها واتمنى لكى حياه سعيده
تقبلينى صديقه وتقبلى مرورى
اختك بوسى

كلامك جميل اوووووووووووووي ياانسه \ ورطه

بس احب اقولك مينفعش ترتبطي بانسان الا لما تعرفي انه بيحبك زي يتحبيه

وياتري الانسان ده كان بيحبك بجد وياتري انتي كمان حبتيه بجد

وايه المانع لو الانسان ده اتقدملك وطلب ايدك من اهلك

لازم يكون ليكي رائ مع رائ اهلك

مع تمنياتي ليكي بحياه سعيده

والحمد لله انك سعيدة وفري خالص

يارب تبقي كده علي طول

طبعا لازم يكون لى راى لكن ده ما يمنع انى حخلى الراى المبدئى لاهلى وبعدين اشوف انا باه اذا كنت حوافق ولا لا
بس الراى الاول لاهلى

موضوع جميل اوى تسلم ايدك بس انتى شكلك حبتيه اوى ولسه بتحبيه

احم احم

السلام عليكم ورحمة الله وبركاته

تسمحي لي ارد علي موضوعك بكل صراحة يا ورطة

باين قوي من كلامك انها اصلا ما كنت قصة حب ولا اي حاجة هي اصلا المضوع كانت حاجة جديده عليكي

فقولتي تجربي فعجبتك في الاول زي اي لعبة في ايدك ولما زهقتي منها واتخنقتي قولتي كفاية عليها كده

قوي بس تعرفي كويس قوي انك عرفتي ده قريب بدل ما تعذبيه معاكي اكتر من كده هو بصراحة يستهل

اللي جراه له واكتر من كده لانه ما عرفش كويس انه اللي قدامه حيقدر حبه ليه وانه عمل كل اللي يقدر

عليه من غير اي تقصير منه ده ذنبه انه حب بجد الانسان اللي مش حيقدر يقدره

واللي يثبت وجهة نظري دي اكتر انك بتقولي مش حيبقي فارق معاكي انه هو اللي يتقدمك او غيره

الاثنين واحد عندك ربنا يسعدك اكتر واكتر ان شاء الله ورطة

انتي تعرفي انه هي دي السعاده الحقيقية للطرفين الاول انه طلع من لعبته و انتي ما خسرتي حاجة

علي الاقل اتسليتي وضيعتي وقتك شوية

وانا اعتقد كمان انه هو سعيد دلوقتي لانه عرف مشاعر الحقيقة للشخص اللي اعطاكي كل حاجة يقدر

عليها من غير ما يشوف المقابل لانه اصلا كان هدفه سعادك لانه بيحب كويس انه عرف ده كويس

علشان يعيش هو كمان حياته الطبيعيه و كمان يبقي يفكر مليون مرة قبل ما يدي قلبه لانسان تاني







لا اله الا انت سبحانك اني كنت من الظالمين

شكرا لمرو ر حضرتك الكريم

وحضرتك عندك حق

بسم الهه الرحمن الرحيم
اولا انت نورتى المنتدى يا قمر وان شاء الله نكون اصحاب
ثانيا اسمحيلى اقول رايى فيكى الاول : انتى انسان محترمه جدااا وتفكيرك عاجبنى موووت
ثالثا رايى فى موضوعك : الانسان ممكن يقابل حب فى حياتوا فعلا ويحب بجد ومن غير ما يحس يلاقى نفسه انقاض للحب ده انا برضه مريت بقصه مشابهه لقصتك بس المهم ان الانسان يستفيد من التجارب الى بيمر بيها فى حياته ودى اكتر حاجه عجبتنى فيكى ومش شرط تكون تجربه عاطفيه اى تجربه عموما الحيا ه تجارب والانسان لازم يستفيد منها
التجربه الى انا مريت بيها علمتنى انى مثقش فى البشر بسهوله وحكايتك كمان لازم تعلمك كدا انك تثقيش فى اى انسان بسهوله من مجرد ما انه يقولك بحبك .. الحب مش كلمه وكمان الحاجه الى بنعملها من ورا اهلنا بتكون فى الضلمه وهو لو حبك بجد مكنش هيرضى ان حبكوا يكون فى الضلمه وده اكبر اثبات عشان متثقيش فيه
بس للاسف الانسانه لما بيحب مش بيكون شايف اى حاجه قدامه
عموما سورى يا قمر لو كنت طولت عليكى .. بس انا بحيكى على طرحك للقصه بتاعتك لان كل الاعضاء اكيد هيستفسيدوا منها واتمنى لكى حياه سعيده
تقبلينى صديقه وتقبلى مرورى
اختك بوسى

ازيك يا بوسى
تعرفى لو كان فى حد عسل يبقى انتى
انا قلت ااخدك فى مشاركة لوحدك على جنب كده
اما بالنسبة لموضوع انى اكون صديقتك فسيبينى افكرشوية
ههههههههههههه


طبعا موافقة يا بوسى ونفسى اعرف انتى حكايتك كانت ايه (اصلى بينى وبينك انا فضولية شويةههههه وبعدين احنا مش بقينا صحاب خاص)