السلام عليكم و رحمة الله و بركاته

انهاردة انا جايب ليكم فكرة حلوة و مشروع رائع

المقدمة
مين فينا مش بيحلم يكون ليه دخل شهرى من الانترنت حتى لو مقابل لعدد الساعات الى بيضيعها امام شاشة الكومبيوتر
وطبعا كلامى بعيد عن الشركات الربحية الوهمية منها وما اكثرها.

مين فينا مش فكر يعمل مدونة عشان يحط فيها اعلانات جوجل و يكسب كتير وطبعا لم يكسب حاجة

مين فينا شارك فى منتديات كتير عشان يعرف الناس بالمدونة الخاصة بيه و بيكتب اى كلام عشان الناس تشوف اعلاناته او روابط مدوناته فى المنتديات لغايت لما اتلغت عضويته من بعض تلك المنتديات لعدم احترام شروط المنتديات

كتير و كتير الاسباب اللى خلتنى افكر فى الفكرة ديه

انا مثلا (واعوذ بالله من كلمة انا )
بقعد على النت حوالى 4-5 ساعات يوميا تقريبا بكتبلى موضوع او اتنين فى مدوناتى او اقراء ردود القراء او اتفرج على التقارير فى حسابى بجوجل وشوية اخبار و شوية رياضة واقوم
بحب احيانا اقراء فى اشهر المواقع باللغة الانجليزية و البيج رانك و ال سيو حاجات من اللى بتوجع الدماغ ديه مش هنكر انى استفدت كتير بس لقيت ان وقتى بيضيع على القراءة و محاولات التنفيذ لما قرات دون ان اكتب محتوى جديد لمدونتى التى هى سبب قراتى لهذه المواضيع وطبعا تأثرت مدوناتى

وكثير منا له نفس الظروف التى انا واقع فيها

فقررت الاتى ان اطرح تلك الفكرة على كل من لديه الرغبة فى العمل الجماعى لكسب الربح اسوى بالمنتديات الربحية الكبيرة مثل منتدى نجوم اف ام التى تشارك ارباح جوجل ولكن فى مدونة متنوعة متعددة الاغراض

تكون الفكرة فيها دائما انك تشارك بموضوعاتك و تشاهد اعلاناتك انت فى الصفحة الخاصة بمقالتك
ازاى؟؟؟؟؟؟؟؟؟؟
سؤال مهم
استطعت ان اتوصل الى طريقة لمشاركة الارباح فى مدونة و بنسبة 100 % لصاحب الموضوع و هى طريقة شرعية جدا و جوجل تدعمها و لا يوجد شبهة شك فى ذلك و يكفى انى سوف اكون احد الناشرين فيها و طبعا مفيش حد هيخاف على حسابى اكتر منى ديه

طبعا حد هيسأل طب اللى هيشارك فى المدونة و يكون واحد من الناشرين هيستفاد ايه ؟؟؟؟؟
هقوله
انت لما تكتب و غيرك يكتب و غيركم يكتب فى المدونة و بشكل مستمر و فى مواضيع جديدة واخبار هامة و متنوعة الاقبال على متابعة المدونة هيزيد ترتيبها هيرتفع و زوارها يزيدوا و يخرجوا من موضوع كتبه فلان على موضوع كتبه علان و هكذا يعنى هتلاقى حد يشوف كلامك واعلاناتك بسهولة

واحد تانى هيجى يسأل طب انا ايه اللى يضمنلى ان اعلاناتى هى اللى هتظهر فى مقالاتى مش اعلانات حد تانى؟؟؟؟؟؟؟؟؟؟
هقوله
اسئلتك كترت بس انا هرد عليك برده
اللى يضمنلك انا عندى اداة من جوجل ممكن تعرف رقم ادسنس لصاحب الاعلان عشان تتأكد ان الاعلان اللى ظاهر برقمك انت فى ادسنس
وديه طبعا هبعتها لكل المشتركين معانا فى المدونة

واحد تانى هيسأل طب هضيف موضوعاتى ازاى للمدونة ؟؟؟؟
ديه بقى هتعرفها لو حبيت تشترك و تكون معانا ان شاء الله

واحد هيقولى طب هو مش ممنوع فى جوجل ان الواحد يخرج بيانات حسابه يعنى رقم الحساب و الاعلانات و كدة؟؟؟؟؟؟؟؟
هقوله انت تعبتنى بس انا هرد عليك عشان متقلقش بس لو سئلت تانى انا مش عارف هعمل فيك ايه؟
بس يعم الامور
اولا جوجل بتمنع خروج البيانات الخاصة بالمكاسب من الكلمات او الظهور مش الربح المجمع
تانى حاجة بالنسبة للرقم الحساب الخاص بيك فى جوجل ما انت بتكتبوه فى المنتديات الخاصة بالربح مثل نجوم اف ام مثلا ثم انا قلتلك ان كدة كدة انا عندى اداة تعرفك رقم حساب الاعلان و ديه ممكن تلاقيها فى اماكن كتير و عند ناس كتير يعنى اى حد ممكن يعرف رقم الاعلان بتاع اى حد و كدة كدة مفهاش مشكلة
ثم مين قال لك اصلا ان رقم حسابك مطلوب للاشتراك
كل المطلوب عنوان بريد الكترونى فقط لاغير
و ده اللى هتبعت منه الرسائل للمدونة

عندك اسئلة تانى؟؟؟؟؟

اه اخر سؤال؟؟
ايه؟؟
انت بتعمل كدة ليه؟؟؟؟؟؟؟؟؟؟؟
اولا انا جوبت على السؤال ده لما قولت عن الوقت اللى بضيعه على الانترنت وقولت انى بقعد حوالى من 4 - 5 ساعات يوميا تقريبا
فقولت لو ان اقعدت ساعتين منهم او ساعة حتى للمدونة ديه و كل المشاركين يقعد كل واحد ساعة واحدة و نكون مثلا 5 او 10 او 15 او اكثر يبقى كدة احنا عملنا تواجد و تغذية للمدونة يجى حوالى 15 - 20 ساعة فى اليوم وفى مجالات مختلفة
وبقيت وقتى اهو موجود فى مدوناتى الخاصة
تمام

خلاص خلصت اسئلتك

لا لسة

يوووووووووووه

استنى بس انا سؤالى ازاى ممكن اشترك معاكوا؟؟؟؟؟؟؟

اه بحسب اصل بعد كل الكلام ده و الاسئلة ديه و متشتركش يبقى صدقنى انت مش بتدور على المكسب على الانترنت انت غاوى تضيع وقتك ببلاش

الاشتراك بسيط جدا
اما بأضافة تعليق الى هذا الموضوع او مراسلتى على البريد اللالكترونى الخاص بى
[email protected]

هتكتب ايه فى التعليق او الرسالة

الاسم :
اللقب :
البريد اللالكترونى:
المجال الذى ترغب الكتابة فيه:
عدد الموضوعلات التى يمكن اضافتها فى اليوم الواحد:
عنوان احد مدوناتك التى تعمل فيها الان :

واى معلومات تحب تضفها او افكار جديدة لفكرة المدونة المشتركة

فى حاجة مهمة طبعا هيكون فى شروط للاشتراك
مفيش نسخ للموضوعات من اى مصدر الا بكتابة المصدر المنسوخ منه
مفيش اضافة روابط لمدونات او مواقع اخرى فى المدونة الا بموافقة الجميع و اضافتها فى صفحة خاصة بذلك سوف نضع جميعا روابط لمدوناتنا الخاصة فيها للتبادل الاعلانى بيننا و بين زوار مدوناتنا
واى شروط اخرى سوف يتم اضافتها و ابلاغ الجميع بها

على فكرة اى حاجة فى المدونة هتكون شورى بين الاعضاء من اول تصميم قالب المدونة الى ترتيبها و تنسيقها واسمها و كل شئ

فى حاجة مهما انا عارف انى طولت بس لازم اقولها
الكيان المشترك قوة و الاتحاد بين المدونين قوة لا يعلم مداها بعد الله الا من يعرف خبايا الانترنت واسراره

انا عايز لما نكتب كلمة تتسمع و لما نشجب ننسمع و لما ندين ننسمع و لما نقاطع ننسمع

هاسعد كثيرا اذا وجدت مشاركة من الاخوان العرب لانهم بجد يمكنهم إثراء تلك المدونة بالمعلومات مثلهم مثل جميع المصريين

ربنا يوفقنا ان شاء الله

موضوع جميل ربنا يوفقك