السلام عليكم

انا عندى مشكلة وبتمنى الاقى ليها حل

انا بحب واحدة وهيا بنت خالتى وهيا كمان بتحبنى وماينفعش اننا نعيش بعيد عن بعض

انا كلمت اهلى انى اتقدملها واخطبها كنت مفكر ان الموضوع هيكون سهل بس لقيت العكس ان اهلى

رافضين نهائياً سألت عن السبب يمكن البنت فيها حاجة انا مش شايفها قالولى البنت جميلة ومؤدبة وكفاية اننا اللى مربينها على ايدينا قلتلهم طيب ايه السبب قالولى مابنحبش جواز القرايب قلتلهم مش هو دة السبب اللى

يخليكم ترفضوا قوى كدة قالولى جواز القرايب لا علشان بيكون فيه مشاكل من ناحية الخلفة وكدة

(الجينات الوراثية يعنى ) وماعندناش استعداد تجيب عيل عنده اعاقة او حاجة زى كدة

قلت دى حاجة بتاعت ربنا وطالما انتو بتأمنو بربنا خلاص قالولى لا ورأيهم هو هو

وانا ما عنديش استعداد انى اقف قصاد اهلى او اعمل حاجة غصب عنهم وماينفعش ان انا ابعد عنها

لأنى استحالة اعيش من غيرها

وعلى فكرة انا قايلها كل حاجة حصلت بينى وبين اهلى

وبتمنى تشفولى حل

اسف طولت عليكم

حاول تقنع اهلك انك بتحبها وهي بتحبك ومتقدرش تعيش من غيرها

انا فعلا حاولت وحسيت مرة ان فى قبول بس بعد كدة لقيت ان احساسى كان وهم

شكرااا لمرورك القلب الطيب

كنت بتمنى تساعدونى فى مشكلتى

استاذى انا اعنقد ان ما كان عندك الحجج الكافية الى تقنع بيها اهلك

اولا ايام زمان كان مشهور اوى الواد يتجوز بنت عمه والكلام ده
وكان العيال بيطلعوا زى الفل ويشيلوا حديد كمان

وبعدين فى حاجة اسمها انك تكشف قبل الزواج
بيتم الكشف عليك وعليها قبل الزواج علشان تتاكدوا انه مافيش اى مشاكل ممكن تحصل للاولاد

وعلى فكرة موضوع الكشف ده سهل اوى

وممكن تكشف عن شجرة العيلة بتاعتكم لو بتفهم فى موضوع الوراثة وتشوف مدى المشاكل الى لا قدر الله ممكن تحصل

انا خقولك حاجة بجد خقيقية انا سمعت عن واحد كان بيحب واحدة اوى
ولما ربنا هداه ابتعد عنها لحد ما ينهى دراسته
ولما خلصها ربنا كرمه واشتغل وباه جاهز للزواج ولما راح لاهله اهله رفضوا جداااااااااااااا

تعرف قال ليهم ايه ؟
قال ليهم انا مش حقدر اعصيكوا لكن انا مش حتجوز غيرها
اما هى اما بلاش

روح لاهلك تانى ومادام هما شايفنها بنت كويسة واعتراضهم الوحيد على الاعاقة الى ممكن تحصل لا قدر الله
فاقنعهم انه ممكن تعملوا كشف قبل الزواج
وان شاء الله خير

الموضوع مش صعب اوى بس محتاج شوية صبر ووقت

وبالله عليك مادام بتحبها اوى كده راعى ربنا فيها

ما تنساش تستعين بالله

فعلا حاول تقنع اهلك بانك بتحبها
ومادام انت بتحبها يبقى لازم تعمل المستحيل عشان تتجوزها
لكن طبعا المستحيل ده مليكونش فيه عصيان للاهل
وفعلا فى اختبارات للكشف على الزوجين القرايب قبل مايتجوزا
ويشوفوا اذا كانت حالة الزوجين تسمح انهم يتجوزا ولالا
وربنا يوفقك وان شاء الله مايطلعش في حاجة
وتتجوزا واهلك يوافقوا ان شاء الله
وربنا يسعدكواااااااااااااااااااااااا

الموضوع حلو
مشكور جدا

نحن اهالى منطقه الامير بمدنيه الخصوص محافظة القليوبية نعانى من عدة مشاكل اولها واهمهم مشكلة مياه الشرب الى لم تعد متوفرة أو صالحة للشرب فاننى منذ فترة طويلة قام الاهالى بعمل عدة محاولات مع كافه الجهات المعنية والتى لم تحرك سكنا حيث ان هذة المشكلة بابت تزعج جميع الاهالى حيث ان جميع مسئولى شركه مياه الشرب الحاليين والسابقين فى كل مرة نذهب اليهم يقولوا ان الشركه قد تعاقدات لعمل اصلاحيات بجميع شبكات المياه وهذا منذ ما يقرب من 5سنوات فاننى الان نقوم بشراء مياه للشرب من محلات السوبر ماركت وفى أحيان اخرى نقوم بشراء هذة المياه من بعض العربات التى تقوم ببيعها من على فاطنس مياه فرجاء الى من يهم امر المواطنيين الذين لهم أى ذنب فى هذا الاهمال حيث انه من تم الانتهاء من مشروع مياه الشرب والصرف الصحى فمن المفروض انه يتم استلام هذة المشروعات من جانب الوحدة المحليه والتى لم تقام بواجبها اتجاه هذه المشكلة فتقول انه لم يتم استلام هذة المشروعات من الشركه المنفذة وذلك منذ فترة طويلة عقب انتهاء الاعمال التى لم تصلح لعمل شبكة مياه لشرب المواشى وليس بنى ادم