انا بجد يا جماعة اتخنقت من كل واحد يدخل يعمل موضوع او يعمل مدونة او يعمل ويب سايت حتي ويقولي نصائح الربح من الانترنت ومعاكم خبير الربح المجاني واشترك في قائمتنا البريدية لتصلك احدث الوسائل الربحية والكلام الفارغ دة .

بجد اتخنقت منهم لأنهم بقوا في كل مكان ولأن كل اللي بيقولوه كلام فارغ ونصايح هبلة بتجيب للشباب احباط وبتربي فيهم الكسل والغباء

تلاقي الواحد من دول يقولك اعمل ايميل وتعالي ورايا..يلا مستعد؟ الاول بتعرف انجليزي ؟ مبتعرفش؟ مش مشكلة ومين فينا بيعرف .. ويقعد يدي مواقع كتير عشان الشباب يخشوا ينسخوا منها مقالات

انا مش عايز اشتم والله وماسك نفسي..يعني انتا بتقولهم مش لازم تعرفوا انجليزي وبتديهم مواقع ينقلوا منها ..يعني انتا كدة ضيعت عليهم مثلا فرصة الربح من خلال موقع HubPages وهو مجتمع الكتروني جامد جدا لكتابة المقالات والربح منها والتفاعل فيه جامد جدا من غير مجهود منك غير في الكتابة، والضغطات بالعبيط طول اليوم، وسعر الضغطة عالي لأن المحتوي انجليزي..بس لازم تكون يا فالح بتعرف انجليزي، وبتعرف تكتب كمان عشان مش هيتفع تجيب المقالات المنسوخة دي وتحطها طبعاً !

بالاضافة ان النسخ ده بيربي الغباء فعلا وبيخلي الواحد كسلان عمره ما هيبقي عايز يعمل حاجة

والادهي والالعن انه ياريته هيكسب من الطريقة دي..مادام انتا مش عامل محتوي فريد يبقي ازاي يا فالح هتظهر في محركات البحث ولا اي حد هيشوف المدونة المعفنة اللي الخبير العالمي البرنس قالك اعملها دي !!

فوقوا يا بشر بقي وكفاية تضييع وقت مع العالم المتخلفة اللي مسمين نفسهم خبراء دول

هههههههههههههههههه

فينك يااخى من زمان لو موضوعك كان مظبط جامد وفى نصائح كان اثبت

احب المواضيع الهادفة شكرا لك

كلامك صحيح النسخ نهاستة معروفة ................. فس احسن الاحوال ترك التدوين


في حاجة تاني كمان للي بيكتبوا بالانجليزية لازم تعرف ثقافات ولهجات الناس دي لانك حتي ولو كتبت بالانجليزي بتاع المدارس مش هينفع

اما بقي بالنسبة للخبراء اللي بيبيعوا الهواء ( علشان ما ظلمش في ناس متمكنة وبتفيد جداً ) بالنسبة لهم اتمني ان احد لا ينجرف ورائهم


وضع امامك فكرة واحدة كبداية لازم من محتوي ولازم يكون مفيد ولازم يزورة حد وحد كتير جدا او حد مهتم بمحتواك عندها مش هقولك فكر ف الربح هو اللي هيفكر فيك


شكر لك

السلام عليكم
معك الف حق يا أخي ، ان موقع hubpage يعتبر من احسن المواقع الإنجليزي ، فقط هناك ملاحظة بسيطة هذا الموقع يتعامل مع اعلانات شركة كونتيرا الإسرائيلية ، فحذار من التعامل مع هذه المؤسسة اليهودية ، ثانيا يمكنك التعامل مع الكثير من المؤسسات الأخرى غير ادسنس مثل ebay و amazon ، كما ان المقالات المنسوخة غير مقبولة ، ولكن توجد طرق للتحايل على الموقع ، مثل ذكر مصدر المقال ، او اعادة صياغة الموضوع ، انا مجرب هذه العملية وهي ناجحة تماما ، اما بالنسبة للضغطات فهي متوسطة ، وهذا يعود الى المواضيع التي تكتبها ومجالاتها .
على العموم سوف اكتب موضوعا حول هذا الموقع وكيفية التعامل معه .

دكتور أحمد، هل أكتب موضوع متكامل عن الربح من النت وتثبته لي؟

مشكورين حبايبي انا استفدت منكم جدا وجزاكم الله خير