مشكلة عايزة رأيكم وردكم فيها
هى تتعلق باتنين اصحابى واحدة فيهم هسميها"أ" والتانية"ر"
اتنين اصحاب بموت فيهم وبعتبرهم اخواتى
المشكلة:

"أ" كانت بتحب واحد وهو كمان بيحبها جدا وكانوا على طول مع بعض ،وفى الامتحانات كان بيطمن عليها وبيشجعها وهو زميلها فى الكلية وكان طلب يخطبها وهى وافقت وقالت لمامتها وهو قال لمامته ،وفى يوم قالها بعد الامتحان يا "أ" انتى مغلطيش فى حاجة بس انا مبقتش بحبك زى الاول وحبى ليكى قل وياريت تنسينى خالص

طبعا هى انهارت وتعبت جدا وحاولت تنساه معرفتش ومبقتش بتشوفوه تانى بعدها بمدة جربت تبعتله رسالة علشان يرجعلها تانى بس كأصدقاء وافق ورجعوا لبعض وفى عنيهم كان فى نظرات اعجاب واضحة اوى
وبعدها عرفته علينا ورحبنا بيه بس عرفته على "ر" و"ر" بتحب واحد جارها وبيبادلها نفس الشعور وان شاء الله هيتقدملها قريب
بعد كاااام يوم اهل "أ" قالولها ابعدى عن الولد ده لان ممكن لو جالك شاب كويس هيسأل عنك اصحابك هيقولوله ابعد عنها دى بتاعة البنى ادم ده وبيحبها جدا
سمعت الكلام وقالتلوه انا اسفة انا مكنتش اعرف ان فى صداقة بين ولد وبنت ووصلتله انها مش عايزاه معاها
هو زعل جدا جدا وهى كانت هتموت لانها مجبرة على ده
"أ" تعبت جدا وبقت تعيط كل يوم ومبتأكلش واهلها مش عارفين مالها وراحت حكت لاعز صديقه ليها وهى "ر"
"ر" قالت انا هفضل وراه لحد ما ارجعه تانى ليكى وانا ملاحظة بالاعجاب والحب بينكم
بعتتله رسالة ان "أ" تعبانة ومحتاجة لمساعدة مردش و"أ" بعتتله انها اسفة ويديها فرصة تانية قالها الموضوع انتهى
المهم "ر" شتمته وحسسته انه هو اللى غلطان فرجع تانى واتكلم معاهم وبقوا اصحاب تانى
مع العلم ان طريقته مع"أ" اتغيرت يعنى لما بيبقوا اقعدين هما التلاتة هو بيتكلم مع "ر"على اساس ان "أ" قرطاس لب ملهاش لازمة و"ر" من النوع الاجتماعى المرح المتحدث
فى يوم وهنا المشكلة الكبيرة كانت "ر" والشاب قاعدين مع بعض و"أ" راحت مشوار وقالتله "ر" انا شايفاها معجبة بيك جدا وبتحبك قالها مين "أ"؟؟ انا معجب بيها؟؟!!!! حرام عليكى
انا رجعت علشان خاطرك انتى بس مش علشانها لولاكى مكنتش رجعت
وبعدها بقى يبعتلها رسايل يقولها انا معجب بيكى يا"ر" وانا و"أ" اصحاب وبس وهى لو قالتلك حاجة تانيه تبقى كدابه وهى اصلا كدبت عليكى وعليا يعنى طلع"أ" هى اللى غلطانة
"ر" قالت ل"أ" على الموضوع وقالتلها احنا لازم نشتمه وبعدها نسيبه وقالتله انا وصحبتى بنحب بعض جدا ومقدرش اخونها معاك وانت مجرد واحد غلطنا اننا عرفناه وسابوا بعض ،والحلو ان "ر"مخلصة لاصحابها جدا وواحدة تانية مكنتش قالت ل"أ" على الرسايل
واصحابهم بيقولولهم انهم شافوا الشاب ده زعلان على طول ومتضايق ومكسور وتعباااااااان اوى وبيحط رأسه على البنش وهو اصلا ملهوش اصحاب غير واحد بس
الكلام وصل ل"أ" حست انها غلطت وصعب عليها وزعلانة عليه لانها بتحبه اوىىىى رغم اللى عمله فيها
سؤالى :هل اللى عملوه صح ولا غلط ؟؟؟؟
و"أ" تعبانة جدا من ساعتها


ارجو الاهتمام مشكلة قلقت الشلة بتاعتنا كلها ارجو الرد السريع.

بصي يابوسي الشاب ده لعبي ولا بيحب (أ) ولا بيحب (ر) ده بيتسلي مش راسي علي حال راح قال لواحده انه بيحبها وقعد يمثل عليها وعايزاتقدملك وحوارات اول مالاقي الموضوع قرب وخلاص هيبقي جد ورسمي هرب ولحق نفسه وبعدين عند اول مرة ليها تقولو مفيش صداقة بين ولد وبنت اتلكك وسابها عشان تبقي جت من عندها ومحدش يغلطه بدل مايقولها احنا مش اصدقاء انتي حبيبتي وان شاء الله هتبقي مراتي اتلكك وجابها من قصيرها ومشي وطبعا باين اوي تصرفه وكويس ان ربنا رزق البنت دي بصاحبة مخلصة الف بتحبه اوي الحب مش جريمة ومش عيب بس العيب اننا نحب وندي مشاعرنا لشخص غلط ميستاهلاش يفضل يلعب بيها ويجرح فينا وده كله هياثر في البنت هو مش خسران حاجة صدقيني تبعدعنه احسن وهي الكسبانة هو مش تعبان ولا حاجة زي مااصحابه بيقولو هو بس متضايق ان لعبته اتكشفت وصاحبت البنت قالتله انا بحب صاحبتي اتضايق انه معرفش يحقق اللي هو عايزو وهيرجع يحاول معاها تاني وممكن يرجع للبنت عند في صاحبتها عشانصاحبتها قالتلو لاء صدقيني ده شخصيه خاينة متعرفش الحب والاخلاص الحب مش كده يابوسي الحب ده حاجة كبيرة اوي ومعاني كتيرة اوي اهمهم الاحترام والاخلاص وخوف علي مشاعر حبيبته حتي من نفسه خوف عليها من اي حج مش يطلعها بصورة وحشة ؤدام صاحبتها ويقولها انها كدابة وبتالف وبتتخيل انه بيحبها صدقيني البعد هو الحل الوحيد ليها لانها هي اللي هتتعب وهو هيسيبها ويعيش حياته

الموضوع من الاول وفى الاساس كان قائم على الخطىء لانه عندما قال ليها انا حبى ليكى قل وانا مقدرش اتقدم واخطبك مكنتش ترجع له تانى لان برجوعها تانى ومن الاول هو ده الغلط بعينه
على فكره انا مش بقول كده عشان اعتب عليكى بس عشان بعد كده تعرفى ان الى يبعك بيعه وهوه باعك ليه ترجعى له تانى
بتقولى انك مش قدره على بعده ده طبعا خطء لانه قدر
على فكره ده مش حل للمشكله بس عتاب ولوم
انتى فى معزت اختى ومرضاش انها تعمل كده

بوسى الولد ده بيتسلى مش بيحب دى ولا دى
لان مفيش حد بيحب حد بيهرب بالطريقة دى او يغلط فى الى يحبه
ودا مستعد يبيع الاتنين لو عجبته واحده تالته
خليهم يبعدوا عنه خالص ومايصدقوش كلمة يقولها لان بجد واضح اوى انه كداب ولعبى
حبيبتى كرامتهم غالية بلاش ينزلو بمستواهم ويكلموا الانسان ده تانى
ده رأيي والله اعلم وسامحينى لو كان كلامى قاسى شوية بس واضح ان الانسان ده وحش ولازم يبعدو عنه

صباح الخير

الشاب اللي بتحكلنا عنو دا ميستهلش حتى ان الواحد يهتم بيه

دا بيضيع وقت وبيتسله مع كل وحده شويه

ازاي يعني بعد ما حبها واتفقو قلها خلينا نبعد عن بعض دا ملوش كلمه دا مش راجل اصلا

وكمان اعجب بي صحبتها دا اسمو واحد عقله اصغر من النمله ومش شايف حاجه في الحياه غير انو يلعب بي مشاعر الناس ومخلاص ولا حتى شايف دراستو

قولي لي صحبتك أ

اللي بعها تبيعوه لانو ميستهلش ربع الحب اللي بتحبهوله دا

خليها تنساه ومتفكرش في المواضيع دي دلوقتي غير لما تخلص دراستها هو دا اللي حينفعها

وقوليها انها تبقى رخيصه قوي لو بكت عليه في يوم من الايام ولو لي ثانيه واحده

دمعه واحده خساره فيه

ثانيه واحده تفكير فيه خساره كبيره ليها

خليها تنساه وتخرجو من قلبها

قلبها غالي قوي عيزلو واحد يقدرو ويحترمه قوي مش واحد يقعد يلعب بيه

خليها تعاملوه عادي جدا بطريقه اقل من الاصحاب كمان واي مكان هو فيه هي تبعد على طول اول ما تلاقيه

عشان يعرف انها اقوى منه وتقدر تبعد وتنساه لانو اصلا ميستهلش

وتنسى وتعيش حياتها

شكرا يا قمر على ثقتك فينا

تحياتي

منغير زعل خالص انا شايفة ان صحبتك (أ) مدياه فرصة كبيرة اوي علشان يلعب بيها وبمشاعرها

كان كفاية اول موقف عمله معاها لما قالها انا مبقتش احبك علشان مترجعش تاني
انما مينفعش تفرض نفسها وحبها علي واحد

مع احترامي كمان لصحبتك (ر ) منغير شتيمة وكلام ملهوش لازمة

المفروش الكل يقطع علاقته بالولد دة منغير حيرة وتعب

وان شاء الله نصيبها يكون مع واحد يقدرها ويحترم مشاعرها

شكرا ليكم اوى يا احلى اصدقاء فى الدنيا
ان شاء الله الموضوع هيتحل وهنعقلها وهى اكيد هتفهم انه ميستحقش حبها شكرا ليكم اوى

الشاب اللى بيمثل الحب لـ( أ) دا اساسا شكلوا كدا مش بتاع حب ومش داخل على حب دا داخل على ملاوعة وتسلية وبعدين صحبتك

غلطانة انها متمسكة بية اوى كدا

يكفى انوا قالها مش بحبك

اما بالنسبة لصحبت التانية (ر) المفروض متعرفوش انسان زى دا محدش يكلموا خالص وهيا كمان تحاول تنساة

وانشاء الله ربنا يوفقها مع واحد تانى يكون بيحبها وبيخاف عليها

تحيـــــــــــــــاتى

سكرا للطير المسافر على رأيه

الولد دا مش كويس

شكرا لMero