العلاقات مهمة جدا والحفاظ على العلاقة ناجحة وسعيدة بيرجع لكل واحد فينا. لكن فيه بعض الناس نتيجة لحالات الكسل او الارتياح ما بياخدوش بالهم ان العلاقة بدات في الانهيار.
الغلط هنا يبكون اننا ما بنحاولش نحافظ على العلاقة زي ما كنا بنحاول في بدايتها. ودا ممكن يرجع لان شغلنا بياخد وقت كبير من حياتنا اليومية، أو نتيجة لتغير مفاجيء في ظروف حياتنا وبتكون النتيجة اننا بنخسر الحب. احتمال اننا بنفشل في حبنا لاننا بنعيش مع نفس الشخص مدة طويلة، فبنحس ان الموضوع بقى شيء طبيعي ومسلم بيه.
بنبدأ نقضي اوقات أقل مع بعض وكلام اقل بكتير عن أول ما بدأنا العلاقة. والحياة ما بتبقاش رومانسية زي ما كانت في الاول. وده بيكون فخ إسمه برود الحب. لما يحصل كده، يبقى هو ده الوقت المناسب علشان نصحصح على الحقايق وكل واحد يسال نفسه هو ليه حاسس بالإحساس ده.
راجعوا نفسكوا وافتكروا، انتوا حبيتوا ايه في بعض، وحاولوا تعيشوا وتقلدوا نفس الظروف والاحاسيس، وده ممكن يساعد في ارجاع العلاقة بينكوا لنفس المستوى اللي بدات بيه. فكروا وراجعوا نفسكوا : ازاي العلاقة بدات، وامتى بدات تكون كويسة. بعد كل التفكير ده، ممكن يبقى عندك فكرة عن إيه اللي الطرف التاني بيحبه وازاي انت تقدر تسعده. حاول توفق بين حياتك المزحومة بالشغل وبين ارجاع حبك لوضعه الاول. الحياة مش كلها شغل وفلوس، العلاقة بينك وبين شريك حياتك اهم بكتير، وافتكر الحاجات اللي الطرف التاني بيقول عليها رومانسية، وحاول تعمل الحاجات دي تاني.
ده هايرجعلك الحب اللي انت انتظرته كتير. زي مثلا ضوء شمعة على العشا أو مثلا كلام طويل وعادي ومضحك. وطبعا نظرات العين الرومانسية شيء حاسم.
اتمنى للجميع السعادة دائما.