ليه أمشي حافي. وانا منبت مراكيبكم
ليه فرشي عريان, وانا منجد مراتبـــكم
ليه بيتي خربان, وانــــا نجار دواليبـــكم
هي كده قسمتي ؟
الله يحاسبكم
----------
ساكنين علالي العتب, واناللي بانيهــــــا
فارشين مفارش قصب, ناسج حواشيهـا
قانيين سواقي دهب, وانا اللي ادور فيها
يارب مهوش حسد
لكن بعاتبكم
---------
من الصبـــــــح للمسا؟ والمطرقة فايدي
صابر على دي الأســا! حتى نهار عيدي
ابن السبيل اتكسى, واسحب هرابيدي
تتعروا من مشيتي
وأخجل أخاطبكم
---------
ليه تهدموني وانــــــااللي عزكــــــــم باني
أنا اللي فوق جسمكم قطــــني وكتـاني
عيلتي في يوم دفنتي مالقيتش اكفاني
حتى الأسية
وانا راحل وسايبكم
*******
قصيدة
(العامل المصرى )بيــــرم التونســــى
