أختبار اللغة العربية
ان شاء الله هنشوفك السنة الجاية يا باشا
وقت الاجابة : خد راحتك لسه الوقت طويل
اسم الطالب : ناسي البطاقة في البيت يا معلم
نوع الطالب : طالب واحد شاي
عنوان المنزل (( في حالة الانتحار او الوفاة )) : اول ناصيه بعد النخلة اللى قلبوها شجرة بعد الاحتلال
تليفون المنزل : اتنين صفر و اربعه خضر
هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
ملاحظة: اجب عن الأسئلة التعجيزية و عددها ( 6 ) إجباري و ( 1 ) اختياري وهاتجوبه غصب عنك على أن يكون مجموع الأسئلة (7).
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
السؤال الأول: التعبير
اكتب ما لا يقل عن 650 سطر في احد الموضوعات :
-لم يجد الطفل غير الشارع ملجأ نظرا لحالة البلد الهباب..فاتجه إلي السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
- بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها .... بدون غلط..الورق متراقب
السؤال الثانى: القصة
من قصة " وعهد الله ما انت داخل الانتخابات" .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يا.......؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟
- ما هى اللحمة؟ حدد أقرب معنى خيالى لها
- مرادف معجزة فى اللغة ( تغيير وزارى – زيادة المرتبات – رغيف العيش)
- لماذ ضربه الرجل بالجزمة وليس بالعصى مثلا؟؟
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا
- فى رأيك هل يصلح عادل إمام لوزارة الثقافة أم لوزارة الصناعة ؟؟
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟ (المسيسبى - الأمازون – يونج يانج )
- هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه
- أكمل الأبيات إلى آخر الكليب
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
الأسئلة
1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 درجات )
3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات)
4- استخرج من البيت الثالث صورتين فوريتين مبينا نوع الكاميرا ومتنساش تاخد الوصل (3 درجات )
مساحة خالية للإعلان- ت : واحد اتنين .. الجيش العربي فين
السؤال الخامس اسئلة متنوعة يمكن تعرف تجاوب بس من الاحسن متحاولش:
أعط أسباب ما يلي مع شرح وافي :
1- تم نقل السوق المالي إلى سوق السمك ؟ ( درجتين )
2- إقبال الناس الى شراء نوكيا 9990 و عدم شراء نوكيا 9900 ؟ (درجتين)
3- إغلاق شبكة الأخبار Pnn بعد زواج شارون ستون ؟ ( درجتين )
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ ( درجتين )
*** أخي الممتحن أقلب الصفحة: والله لتندم علي الساعة اللي دخلت فيها الثانوية ***
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات)
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري الى ان تنجح وتعدى السنة ديه $$ ابقى قابلنى && ))
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" كمل كلامك "
الأسئلة
1- ماذا كان يريد ان يقول عمرو دياب لحبيبته ؟ (4 درجات)
2- ماا نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ ( درجتين)
3- ما اسم صبي الخياط بتاع ام الموديل اللي كانت مع عمرو في الكليب ؟ ( درجتين )
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبوله (( الحاج زعبوله )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 درجة)
بيبسي كولا
المشروب الرسمي لهذا الامتحان
*** أخي الممتحن أقلب الصفحة أحسنلك (( اصلك مش عارف اللي فيها )) ***
اجب عن أربعة فقط من الأسئلة
1- ما رأيك بتصرفات " رفيع " و " فرحة " في مسلسل الضوء الشارد ؟ (5 درجات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف "حسام" من "سرية" في مسلسل الحقيقة و السراب ؟ (5 درجات)
3- من برأيك أقوى وأفضل بوكيمون - هل هو – بيكاتشو ؟؟؟ (5 درجات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في ألمانيا 2006. (4 درجات)
5 -من المتوقع ان ياخذ كأس العالم 2022 ؟ (خلى بالك السوأل ده مش هتاخد درجته الا لما نعرف النتيجة سنة 2022)
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
السؤال السادس: الخط
- كوز المحبة اتخرم و طرطش علي كمي...كل الشباب إتجوزوا وأنا لسه جنب أمي
- اكتب الجملة السابقة ثلاث مرات ب ثلاث خطوط موبينيل و فودافون و اتصالات مع العلم انه يمكن التحويل الي خط اخر و لمزيد من المعلومات اتصل بخدمة العملاء مجانا
سؤال المساعدة ( لرفع العلامة ) ( 000001. درجة )
و ملهوش لازمة اساساً
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
انتهت الاسئلة و نلقاكم في امتحان الدور التاني انشاء الله
ربنا يعينكم علينا
مع تحيات بيبسي كولا الراعي الرسمي للأمتحان
لعلمك هاتعيد يعنى هاتعيد
ايه رايكم ارجوا التقييم
