الله يسامحك بجرحك ليا دبحتنى
ياللى ضاع عمرى ف حبى ليك
ياللى هان ف يوم وليلى حبى عليك
ياللى بعدت عنى وعن عيونى
فى حبك ياما الناس لامونى
لاسمعت ف يوم ملامهم .
ولا عمرى مشيت ورا كلامهم
وانت بعد ده كله بتجرحنى
وعارف بعدك عنى يدبحنى
معقول ده جزاء الحب عندك
ماجاش على بالك هعيش إزاى انا بعدك
أنا إديتك كل حاجه عندى
إديتى قلبى وروحى ومشاعرى
وبسهوله جاى تقولى مالكيش مكان فى قلبى
هو الجرح سهل كده والظلم
لازم أعلم قلبى يجرح وبسكينة الغدر يدبح
بس مش هقدر علشان قلبك انت غير قلبى انا
بدموع عنيا بكيت ف بعدك عنى ليالى
وضحيت زمان ليك حتى بعمرى
ماستحملش قلبى يشوفك فى يوم محتار
رميت نفسى وروحى ف النار
فديتك باللى باقى من عمرى
وإزاى كده تبيعنى وتظلمنى
ماسألتش نفسك هيكون إيه حالى
من اللى ف بعدك هشوفوا ويجرالى
على العموم فات وقت العتاب واللوم
الله يسامحك ياللى جرحتنى
الله يسامحك بجرحك ليا دبحتنى
ياللى ضاع عمرى ف حبى ليك
ياللى هان ف يوم وليلى حبى عليك