عايزين مخرج
وكاتب (هو فيه نصوص مكتوبه لناس صحابى بص هتبقى محتاجه تعديل كتير لان احنا عايزين نكتب حاجه لينا احنا بالظبط ومناسبه لعددنا)
الممثلين لحد دلوقتى احنا اربعه
والموضوع كله بيتلخص فى كاميرا ديجتال وفيلا فى المريوطيه لتصوير المشاهد الداخليه ودى اصلا بتتاجر وبيتصور فيها بعض البرامج التلفزيونيه وبتاعه واحده صاحبتى بس طبعا يوم واحد مش اكتر وبالنهار وطبعا فيها حديقه للمشاهد الداخليه وشارع وورق وممثلين ومخرج
مش اكتر من كده
حد يسالنى وايه فايده الكلام ده
فايدته (ده تاريخ يا ابنى)
الفكره جاتلى بعد ما اتعرضت لموقف كده كانت فرصه فيلم والمهم عن طريق ناس صحابى المخرج وافق انه يحددلى ميعاد وقابله وطلب منى وانا بكلمه على الموبايل انى اجيب اى حاجه انا كنت عاملها قبل كده مشهد جماعى بس يكون بطريقه احترافيه يعنى من الاخر حاجه انا عملتها وده طبعا بجانب camera test علشان يقدر يحدد مستوايا بالظبط يعنى هيكون شاف حاجه عاملها ومفترض انى انا راضى على مستواها بالاضافه للتست فانا وانا بكلمه قولتله واللى ما عندوش حاجه عاملها واللى اصلا ما مثلش قبل كده يبقى مش ممثل ولا ايه يعنى
المتخلف رد عليا وقالى يبقى مش هضيع وقتى معاه
ومن المثير للدهشه ان الفيلم اساسا شبابى وبطل الفيلم عمره ما عمل حاجه قبل بس الصراحه ابو بطل الفيلم كان عمل كتير
فالموضوع مش هياخد وقت وهنعمل التجربه بتاعتنا تمام هيبقى عندنا الفيلم بتاعنا وكمان فى مسابقات كتير للافلام المستقله وكده وليه لا وفيه يوتيوب وحاجات كده وما فيش حاجه بعيده على ربنا
هو الموضوع كله اساسه اجتهاد
ومش هقولكم بقى انا مدير شركه فنيه ولا انا دارس تمثيل فى ايطاليا انا زى زيكم بدور على حته من الشباك اطلع منها دماغى قبل ما اتخنق