السلا م عليكم ورحمه الله وبركاته
يا تري كان ايه رد فعلك لما عرفت انك داخل كليه علوم.....؟؟
وياتري الانطباع ده اتغير لما شوفت الكليه و الطلبه والاساتذه
ياريت نجاوب بصراحه
|
السلا م عليكم ورحمه الله وبركاته يا تري كان ايه رد فعلك لما عرفت انك داخل كليه علوم.....؟؟
وياتري الانطباع ده اتغير لما شوفت الكليه و الطلبه والاساتذه ياريت نجاوب بصراحه
|
|
أنا فرحت جداً أول ما عرفت إني داخل علوم و بالذات جامعة القاهرة ، و لما بدأت أول سنة إتهزيت شوية و بدأت أقلق من الكلية لكن و أنا داخل تانية < حالياً > متأكد إني إن شاء الله هشد حيلي لإني دخلت القسم اللي أنا عايزه و دي أهم حاجة عشان تحب المواد اللي بتدرسها .
|
|
طب كويس والله انك حابب الكليه دي حاجه قليله لما بلاقيها في الكليه عندنا
وربنا يوفقك ان شاء الله |
|
بصي يا لوست
بصراحه انا لماعرفت اني داخلاه علوم القاهره اتضايقت لاني عمري ماتخيلت نفسي اني ابقى في علوم وكنت عايزه كلية هندسه ومجموعي في سنه تانيه كان مخلليني متاكده تماما اني ادخل هندسه مهما طلبت هي مجموع كبير بس امتحانات تالته ثانوي 2007_ 2008 جت صعبه اوي [وكل علمي رياضه نزل مجموعهم بس اقولك ده قدر ربنا بس بعد مدخلت الكليه بردو كنت متضايقه لفتره وخايفه اووووووووووي من الدراسه لاني قابلت ناس عايدين السنه وطبعا الاحباط ماليهم لغاية مادخلنا الاسبوع اللي فات دكتور عماد في الفيزيا بجد ماشاء الله عليه رفع معنوياتنا جامد وقاللنا ان اهم حاجه تنظيم الوقت وكمان كنت ساعتها انا ابتديت اتعود على الدراسه في الكليه الحمد لله لاني لقيت ورق بيساعدني على الفهم وكمان ارتاحت لما لقيت اني ممكن بالكيميا ممكن اشتغل في شركات ادويه او معامل تحاليل دي حاجه انا مش كنت اعرفها وكنت فاكره انها كليه مالهاش مستقبل بس الموضوع بجد كان صعب في الاول خصوصا معاملة الموظفين هناك للطلبه تجنن زي مانتي عارفه هههههه بس هي والله كليه حلوه بس محتاجه مذاكره اول باول مش اكتر ميرسيييي ياقمر على الموضوع الجميل واسفه اني طولت عليكي |
|
انتي هتقوليلي علي عماد... ده سكر الكليه
انتي عارفه يا ملوكه لو حد في كليه علوم بينجح فيزياء يبقي بفضل ربنا ثم دكتور عماد بس الكليه فيها ناس كتير كده والله بس مش باينين...وانتي مع الوقت هتعرفيهم وبالنسبه للشغل..مين قاللك انها ملهاش مستقبل انتي عارفه يا ملوك الشركات بتعلن عندنا انها عايزه طلبه تشتغل عندها بس طبعا لازم التقدير يكون جيد جدا علي الاقل فبالنسبه للشغل فهو متوفر جداااااااا كمان بس لازم التقدير وان شاء الله نعرف انكم جيبتو التقديرات دي ومنوره الكليه... |
|
انا كنت مبسوطه لما دخلت الكليه
بس دلوقتى عندى شويه احباط كتير بس ازاى هنهرب من قدرنا |
|
انا اولا احب اعرفكوا بنفسى انا فى كلية علوم دمنهور جامعة الاسكندرية انا انطباعى كنت فرحانة جدا وحاسة ان اول طموحاتى بدات تتحقق بعد كدة حسيت مرة بمرة انى مش بحس باى نجاح وانى انسانة مش ناجحة ممكن عشان الكلية صعبة والدكاترة اصعب واصعب والكلية لسة جديدة ومن غير امكانيات وشكرااااااااا
|
|
اولا نورتينا يا جميل
ثانيا كلنا كنا كده ومازلنا كده والله بس مع الوقت انتي هتتعودي وهتاخدي علي كده وانا بالنسبه لي كفايه عليا اني اكون بدرس الحاجه الي انا بحبها ولو انتي كده برده يبقي ده هو اللي هيهون عليكي |
|
انا بصراحة مكتش عايزة ادخل علومبس مجموعي دخلنى علوم وفضلتها عن البيطري بالنسبة للدكاترة معظمهم كويس بس المشكلة في المواد نفسها عايزة مذاكرة من اول محاضرة لانها صعبة ومحتاجة فهم كتير
|
|
ربنا يوفقك يا جميل
|
|
أولا متشكر جدا على طرحك للموضوع دة ..ثانيا أنا فعلا مكنتش حسابى انى داخل علوم ولما حصل الى حصل والدى قالى خش تجارة ودى كلية كويسة وكدة وهشغلك معايا بس الصراحة هو كمان كان كلية تجارة فحسيت ان الانظمة لا تعمل بكفاءة فقلت واللة لأدخل علوم أول ترم نحت فى الصخر وسهر على القواميس تانى ترم نوم لغاية تانى يوم الصبح جابونى 75% بعديها قلت واللة أبدا ماهى حصلة تالت ترم 82%رابع ترم 92% وأهو داخل المستوى التالت وربنا يسهل
المهم من اللى فات ان الواحد يكون بيذاكر علشان يرقى بنفسة وطموحاتة مش لمجرد انة يعدى الترم او يخلص الكلية ومع ان الشغل هو الشغل الشاغل لمعظم الشباب الا انى عمرى ما سألت ولمل اخلص ربنا يسهل ودا لانى فعلا بقيت بكون فى أقصى حالات المتعة والسعادة وانا قاعد مثلا قدام دكتور النووية وهو بيشرح لدرجة انى بسرح فى المحاضرة وكويس انك جبتى سيرة الشغل دة لو تعرفى أى حاجة علشان بس أطمن الزملا فى سنة أولى لأنهم هيموتو من العب أنا طولت بس انا لو هاكتب ممكن أخلص صفح المنتدى متشكر جدا انك خلتينى اطلع اللى فى نفسى منن جوة izahw m.n.f science college physics department less than 108 c.h [email protected] www.sciencenewoasis.p2h.info/vb |
|
ميه ميه والله
ربنا يوفقك |
|
انا بقى لسه داخله اولى ومش عارفه الظام بس مرعوبه من الكلام اللى بسمعه
انا قسم فيزياء وعلوم الليزر يعنى لو حد يطمنى يبقى كتر خيركم وشكرا على الموضوع الجامد دا |
|
تانى تاننى هو كل يوم نقول لكو متخافوش اطمنو الحكاية سهلة جدا ولا الثانوى حتى دى حاجة ممتعة اكتر من الثانوى بمليون مرة وبالذات فى قسم الفيزيا
|
|
http://www.sciencenewoasis.p2h.info/vb
|
| مواضيع مشابهة: | ||||
| › سؤال : ما هو رد فعلك لو اعترفت لك فتاة بحبها؟؟ | ||||
| › حلل شخصيتك برد فعلك وليس بشكلك | ||||
| › بصراحة ايش رد فعلك؟ | ||||