الغناء للمحبوبة...

في حبك تصبح الدنيا بطعم ولون
وتبقى شمسها شمسى
.....
وأرسم سكتتى بإيدى
وصوتك فى غيطان الليل

أنين الناي..

وتنهيدى..

.....
ولا يقدر على حبك خلاف شاطر
يخوض الصعب ويخاطر
ولا يحسب حساب هجرة سوى فيكى
ولا يحسب حساب عودة سوى ليكى
.....
يا ماء الزهر في الجدول(البئر العميق)
وحلمى التانى والأخرانى والأول
.....
ويتزاحموا على بابك
وما كل اللى طالبين اللقا بالحق أحبابك
لكنك تعرفى أصحابك
يا راوية الزرع بدموع الفواعلية
وبانية الصرح بهموم الصنايعية
حجبتى ودك الساحر عن الزايفين
وشيلتى بهجة الدنيا لخلانك
.....
عطاء وحنين
وعمرك ما انبسط سهلك لغير أهلك
ولا سلسلتى خلجانك لخوانك
وللى يبتغوا قهرك وحرمانك
.....
وياما ناس تقول اسمك مع الألحان
تغنيكى
و يحكم ربطهم بيكى
حساب الكسب والخسران
وناس يستثمروا رسمك على الإعلان
وناس بتخبى أنيابها فى ضحك أصفر
وناس تايهين

.....
عشقت عيونهم سطوح شكلك وفستانك
وعميوا عن كنوز أحضانك
وانا عاشق قرار روحك ووجدانك
.....
فنت ذاتى فى عرفانك سنين و سنين
وآه يا رجفة العشق اللى أصبح دين
دا مين يماشينى فى حبك أقوله أمين
ومين ينهينى عنه شيطان ولعين
.....
يا شغل الماضى والأتى وطول اليوم
ما يعرف صادق النية فى بعدك نوم
ولا يعقل فى حبك لوم
.................................................. ........

لو مكنتوش لسه عرفتوا أنا بتكلم عن مين فأحب أقولكم إنها حبيبتنا كلنا (مصر)

مواضيع مشابهة:
› قلبك معدش ملكك مدام عشقتك للمحبوبة انغام 2012
› منع اصاله من الغناء فى مصر

رسالة إدارية

إلغاء التغييرات