حبيبتى بنت جميلة وردية.. طلبتها للرقص مدت إيد
واترددت غنيوة سحرية.. أنغامها تحلى كل ما بنعيد
عادت لقلبى بهجة منسية.. من المواسم والفرح والعيد

.....
حبيبتى بنت شعورها دهبية.. وتحت رمش عيونها سحر فريد
فوق جبينها درة غالية.. نورها على مر الثوانى يزيد
حسيت بإن الكون حواليا.. من لحظة متكون ولسه جديد
.....
حبيبتى بنت عينها سماوية.. ونورها فارش على البعيد ومديد
وأميرة ليها أيادى لوليه.. تلمس حزين القلب يبقى سعيد
رجعت حلاوة الدنيا ف عنيا.. زى البداية لما كنت وليد!
.................................................. ......

حلوة الكلمات مشكور

شكرا على مرورك الجميل يا Mannon
نورتى الموضوع