التدخين يضفى عليك مظهر
اذا كنت حاسس انك عيل ومنظرك مايجيش راجل بسيطه امسك سيجارة وانفخ فى وش الخلق هيفتكروك راجل على طول
التدخين ببطء علاج لبطء التفكير
اذا اتزنقت وذكائك وسرعة تفكيرك مش مساعدينك ولع سيجارة وعلى بال ماتنفخ وتشد تكون حتة الدهنة اللى جوة الجمجمة
طلعت ومحدش يحس انك ملحوس
التدخين بيجمع البنات الحلوة حواليك
ويحاوطوا سريرك ويقعدوا يقولولك ياسلام لو كل المرضى اللى بيدخلوا قسم الامراض الصدرية حلوين زيك
التدخين يحافظ على صحتك من الامراض المعدية
طبعا ماالدبان نفسه مش هيهوب ناحيتك لانه هيتقرف من ريحة بقك
التدخين يحافظ على شكلك ويحميك من مظاهر الشيخوخة
ماهو هيموتك بدرى قبل ماتحاول تصلع او تشيب
السيجارة تجعل منك رجلا ذو بصمة لاتمحى من ذاكرة الناس
اى حته هتدخلها مش ممكن ينسوا شكلك وكمان بعد ماتخرج هيعرفوا انك كنت هنا من ريحتك
السيجارة تكسبك احترام الناس
اول ماتيجى فى حته الناس على طول هتقوم تقف وتجرى تفتح الشبابيك
السيجارة تساعدك على الضحك والفرفشة
دايما ف الافلام العربية البطل اول ماتحصله مصيبة يطلع على الكباريه يطلع السيجارة فى ايد
والكاس فى ايد وفى اخر الفيلم يتجوز الرقاصة
واخيرا وليس اخرا السيجارة تضفى عليك سيم الهدوء والوقار
ماانت لو بتدخن من زمان وحاولت تجرى او تنط او تمشى بسرعة هتنهج وحالتك هتصعب على الكافر